فِلِپّیوں 2:13 - پنجابی نواں عہد نامہ نظرثانی شدہ چھپائی

¹³ کیوں جو جیہڑا تُہاڈے وِچ نِیّت تے عمل دوہاں نُوں اپنا نیک اِرادہ پُورا کرن لئی پَیدا کر دا اے سو خُدا ای اے۔

فِلِپّیوں 2:13 Cross References

لُوقا 12:32

اَے چھوٹے اِجّڑ نا ڈر۔ کیوں جو تُہاڈے باپ نُوں پسند آیا۔ پئی تُہانوں بادشاہی دیوے۔

لُوقا 2:14

پئی اسماناں اُتّے خُدا دی وڈیائی تے زمین اُتّے اوہناں لوکاں وِچ صُلح جِنہاں نال اوہ راضی اے۔

یُوحنّا 3:27

یُوحنّا آکھیا بندہ کُجھ نئیں کر سکدا جِنّاں چِر اوہنوں اسمانوں دِتّا نا جاوے۔

یُوحنّا 6:45

نبیاں دِیاں کِتاباں وِچ ایہہ لِکھیا ہویا اے پئی اوہ سبھ خُدا دے سِکھائے ہوئے ہون گے ہر اِک جِس باپ کولوں سُنیا تے سِکھیا میرے کول آؤندا اے۔

یُوحنّا 6:65

تے اوس آکھیا مَیں ایس ای واسطے تُہانوں ایہہ گلّ آکھی اے پئی کوئی میرے کول نئیں آسکدا۔ جے باپ توں اوہنوں بخشیا نا گیا ہوئے۔

اعمال 11:21

تے خُداوند دا ہتّھ اوہناں دے اُتّے سی۔ تے بتھیرے لوک جیہڑے اِیمان لیائے خُداوند ولّ پِھرے۔

رُومِیوں 12:3

کیوں جو اوس فضل نال جیہڑا مَینُوں بخشیا گیا اے۔ مَیں تُہاڈے وِچوں ہر اِک نُوں آکھنا آں۔ پئی جیہڑا اپنی بابت تُہانوں خیال کرنا چاہیدا اے۔ اوہدے توں وَدّھ نا کرو۔ پر سُرت نال اوسے طرح خیال کرو۔ جیویں خُدا نے ہر اِک نُوں اِیمان دا حِصّہ ونڈ دِتّا۔

رُومِیوں 9:11

کیوں جو اوہ تے اجے نئیں سن جمّے تے نا کُجھ بھلا بُرا کِیتا سی۔ ایس مطلب واسطے پئی خُدا دا اِرادہ جیہڑا چُنن دی بابت اے۔ اوہ کمّاں اُتّے نا رہے۔ سگوں سَدّن والے دی مرضی اُتّے رہے۔

رُومِیوں 9:16

سو ایہہ تے نا چاہن والے توں تے نا دَوڑ بھج کرن والے توں پر خُدا توں حُکم اے جیہڑا رَحم کر دا اے۔

۱-کُرِنتھِیوں 12:6

تے تاثِیراں وی طرح طرح دِیاں نیں پر خُداوند اِکّوئی اے۔ جیہڑا ساریاں وِچ ہر طرح دا اثر پَیدا کر دا اے۔

۱-کُرِنتھِیوں 15:10

پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا۔ سگوں مَیں اوہناں ساریاں نالوں وَدّھ محنت کِیتی۔ تے ایہہ میرے ولّوں نئیں ہوئی سگوں خُدا دے فضل توں جیہڑا میرے اُتّے سی۔

۲-کُرِنتھِیوں 3:5

ایہہ نئیں پئی آپ ای اسی ایس لائق آں۔ پئی اپنے ولّوں کُجھ خیال وی کر سکِئے۔ سگوں ساڈی لیاقت خُدا ولّوں اے۔

اِفسِیوں 1:11

اوسے وِچ اسی وی اوسے اِرادے دے سببّوں جیہڑا اپنی مرضی دی صلاح نال سبھ کُجھ کر دا اے۔ مُڈھوں ای مُقرّر ہو کے وِرثہ بنے۔

اِفسِیوں 1:5

تے اوس اپنی مرضی دے نیک اِرادے نال سانُوں اپنے لئی پہلاں توں مُقرّر کِیتا۔ پئی یِسُوع مسِیح دی راہِیں اوہدے پُتریلے ہوئے۔

اِفسِیوں 1:9

تے نالے اوہنے اپنی مرضی دے بھیت نُوں اپنے اوس نیک اِرادے دے سببّوں ساڈے اُتّے کھولیا جیہڑا اوہنے اوہدے وِچ دھاریا سی۔

اِفسِیوں 2:8

کیوں جو تُہانوں اِیمان دی راہِیں فضل نال ای نجات مِلی اے۔ تے ایہہ ساڈے ولّوں نئیں پر خُدا دی بخشِش اے۔

۲-تھِسّلُنِیکوں 1:11

ایس لئی اسی تُہاڈے لئی ہر ویلے دُعا وی منگدے رہنے آں پئی ساڈا خُدا تُہانوں ایس بُلاوے دے قابل جانے تے نیکی دی ہر خواہش تے اِیمان دے ہر کمّ نُوں قُدرت نال پُوریاں کرے۔

۲-تِیمُتِھیُس 1:9

جِس سانُوں نجات دِتّی تے پاک بُلاوے نال بُلایا۔ ساڈے کمّاں دے سببّوں نئیں۔ سگوں اپنے خاص اِرادے تے اوس فضل دے سببّوں جیہڑا مسِیح یِسُوع وِچ ساڈے اُتّے مُڈھوں ای ہویا۔

عِبرانیوں 13:21

تُہانوں ساریاں نیک کمّاں وِچ پُوریاں کرے تاں جو اوہدی مرضی پُوری کرو۔ تاں جو کُجھ اوہنوں پسند آؤندا اے۔ یِسُوع مسِیح دی راہِیں ساڈے سبھناں وِچ پَیدا کرے۔ جِہدی وڈیائی سدا تِیکر ہوئے۔ آمِین۔

۱-پطرس 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔