فِلِپّیوں 2:1 - پنجابی نواں عہد نامہ نظرثانی شدہ چھپائی

¹ ایس لئی جیکر مسِیح وِچ کُجھ نصِیحت اے تے جیکر کُجھ مُحبّت پاروں دلاسا اے تے جیکر رُوح دی کُجھ سانجھ اے تے جیکر کُجھ کھِچّ پِیڑ اے۔

فِلِپّیوں 2:1 Cross References

لُوقا 2:25

تے ویکھو یرُوشلِیم وِچ شمعُون ناں اِک بندہ سی۔ تے اوہ نیک تے دِیندار سی تے اوہ اِسرائیل دی تسلّی دی اُڈِیک وِچ سی۔ تے رُوحُ القُدس اوہدے اُتّے سی۔

یُوحنّا 14:18

مَیں تُہانوں یتِیم نا چھڈاں گا۔ مَیں تُہاڈے کول آواں گا۔

یُوحنّا 14:27

سُکھ مَیں تُہانوں دیئی جاناں آں۔ اپنا سُکھ مَیں تُہانوں دینا آں۔ جیویں دُنیا دیندی اے اوس طرح تُہانوں نئیں دیندا۔ تُہاڈا دِل نا گھبرائے تے نا ڈرے۔

یُوحنّا 17:13

پر ہُن مَیں تیرے کول آؤنا آں۔ تے ایہہ گلّاں مَیں ایس واسطے دُنیا وِچ آکھنا آں پئی میری خُوشی اوہناں وِچ پُوری ہو جاوے۔

اعمال 2:46

تے روز دِہاڑے اِک دِل ہو کے ہیکل وِچ اکٹّھے ہوندے سن۔ تے گھراں وِچ روٹی توڑ کے خُوشی تے صاف دِلی نال اَن پانی کھاندے سن۔

اعمال 4:32

تے اِیمانداراں دی جماعت اِک دِل تے اِک جان سی۔ تے کوئی اپنے مال وِچوں کِسے شے نُوں اپنا نئیں سی آکھدا پر اوہ سبھ کُجھ سانجھا رکھدے سن۔

رُومِیوں 5:5

تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

رُومِیوں 8:26

تے ایسے طرح رُوح وی ساڈیاں کمزوریاں وِچ ساڈی مدد کر دا اے کیوں جو جیویں چاہیدا اے۔ اسی نئیں جان دے پئی کِیہ دُعا منگیے۔ پر اوہ رُوح اجیہے ہوکے بھرکے جِنہاں دا بیان نئیں ہوسکدا۔ ساڈی سفارِش کر دا اے۔

۱-کُرِنتھِیوں 12:13

کیوں جو اساں ساریاں بھانویں یہُودی ہوئے بھانویں یُونانی بھانویں غلام بھانویں اَزاد اِکّو رُوح دی راہِیں اِک جِسم ہون لئی بپتِسمہ لیا تے سبھناں نُوں اِکّو رُوح پیا یا گیا۔

۱-کُرِنتھِیوں 15:31

بھراؤ! مَینُوں اوس مان دی سَونہہ جیہڑا خُداوند یِسُوع مسِیح وِچ تُہاڈے اُتّے اے۔ مَیں روز دِہاڑی مرنا آں۔

۱-کُرِنتھِیوں 3:16

تُسی نئیں جان دے ہو۔ پئی تُسی خُدا دی ہیکل ہو تے خُدا دا رُوح تُہاڈے وِچ وَسدا اے؟

۲-کُرِنتھِیوں 13:14

خُداوند یِسُوع مسِیح دا فضل تے خُدا دی مُحبّت تے پاک رُوح دی سنگت تُہاڈے سبھناں نال ہوندی رہے۔

۲-کُرِنتھِیوں 2:14

پر خُدا دا شُکر اے۔ جیہڑا مسِیح وِچ سانُوں سدا قیدِیاں وانگُوں گشت کراندا اے۔ تے اپنے عِلم دی خُوشبوئی ساڈی راہِیں ہر تھاں پَھیلاؤندا اے۔

گلتِیوں 4:6

تے تُسی پُتر جو ہوئے ایس کر کے خُدا اپنے پُتر دا رُوح ساڈیاں دِلاں وِچ گھلّیا جیہڑا ابّا یعنی اَے باپ کر کے پُکار دا اے۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

اِفسِیوں 4:4

اِکّو ای بدن اے تے اِکّو ای رُوح اے۔ جیویں تُہانوں وی جیہڑے سَدّے گئے سو تُہاڈے سَدّے جان توں آس وی اِکّو ای اے۔

فِلِپّیوں 1:8

خُدا میرا گواہ اے پئی مَیں کِیویں مسِیح یِسُوع دیاں ترساں نال تُہاڈی ساریاں دی چاہ کرنا آں۔

فِلِپّیوں 3:3

کیوں جو سُنت والے تے اسی آں۔ جیہڑے خُدا دے رُوح دی ہدایت نال عبادت کرنے آں۔ تے مسِیح یِسُوع اُتّے فخر کرنے آں۔ تے جِسم دا بھروسا نئیں کر دے۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

عِبرانیوں 6:18

تاں جو دو نا بدلن والِیاں شیواں دے سبّب جِنہاں دی بابت خُدا دا جُھوٹھ بولنا مُمکِن نئیں۔ ساڈی چنگی طرح دِل دی تسلّی ہو جائے۔ جیہڑے پناہ لین نُوں ایس لئی دَوڑنے آں۔ پئی اوس آس کِیتی ہوئی شے نُوں جیہڑی اگّے رکھی ہوئی اے۔ ہتّھ وِچ لے لَئے۔

۱-پطرس 1:2

خُدا باپ دے اگیترے عِلم دے سببّوں رُوح دے پاک کرن نال تابعدار ہون تے یِسُوع مسِیح دا لہو چِھڑکے جان واسطے چُنے ہوئے نیں۔ فضل تے تسلّی تُہانوں مِلدی رہے۔

۱-یُوحنّا 3:24

تے جیہڑا اوہدے حُکماں نُوں مَندا اے اوہ ایہدے وِچ رہندا اے۔ تے ایہہ اوہدے وِچ۔ تے اوس رُوح توں جیہڑا اوس سانُوں دِتّا اے اسی جاننے آں پئی اوہ ساڈے وِچ رہندا اے۔

۱-یُوحنّا 4:12

خُدا نُوں کَدے کِسے نئیں ویکھیا۔ جے اسی اِک دُوجے نُوں مُحبّت کرنے آں۔ تے خُدا ساڈے وِچ رہندا اے۔ تے اوہدی مُحبّت ساڈیاں دِلاں وِچ پُوری ہوندی اے۔

۱-یُوحنّا 4:16

جیہڑی مُحبّت خُدا دی ساڈے نال اے اوہنوں اساں جانیا اے تے اوہدے اُتّے ساڈا اِیمان اے۔ خُدا مُحبّت اے۔ تے جیہڑا مُحبّت وِچ رہندا اے اوہ خُدا وِچ رہندا اے۔ تے خُدا اوہدے وِچ رہندا اے۔