فِلِپّیوں 1:30 - پنجابی نواں عہد نامہ نظرثانی شدہ چھپائی

³⁰ تے تُسی اوسے طرح پُورے دِلوں کوشش کر دے ہو۔ جیویں مَینُوں کر دیاں ویکھیا سی۔ تے ہُن وی سُندے ہو پئی مَیں اوسے طرح کرنا آں۔

فِلِپّیوں 1:30 Cross References

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

فِلِپّیوں 1:13

ایتھوں تِیکر پئی قَیصری سپاہیاں دی ساری پلٹن تے باقی ساریاں لوکاں وِچ مشہُور ہوگیا پئی مَیں مسِیح دے واسطے قید آں۔

کُلُسِّیوں 1:29

تے ایسے لئی مَیں اوہدی اوس قُوّت دے سببّوں دِل توڑ کے محنت کرنا آں۔ جیہڑی میرے وِچ زور نال اثر کر دی اے۔

کُلُسِّیوں 2:1

مَیں تُہانوں دسنا چاہناں آں۔ پئی تُہاڈے تے لَودِیکیہ والیاں تے اوہناں سبھناں لئی جِنہاں میرا مُنھ نئیں ویکھیا کِنّاں ای دَوڑ بھج کرنا آں۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔

۱-تِیمُتِھیُس 6:12

اِیمان دی چنگی کُشتی گُھل اوس سدا دی زِندگی اُتّے قبضہ کر لے۔ جِہدے لئی سدّیا گیا سَیں۔ تے بتھیرے گواہاں اگّے چَنگا اِقرار کِیتا سی۔

۲-تِیمُتِھیُس 4:7

مَیں چَنگا دنگل گھلّیا اے مَیں دَوڑ مُکا چھڈی۔ مَیں اِیمان نُوں سانبھ رکھیا۔

عِبرانیوں 12:1

ایس لئی جد گواہاں دے اَیڈے وڈّے بدّل سانُوں گھیرا پا لیا اے تے آؤ اسی سارے بھار لاہ کے تے اوس گُناہ نُوں جیہڑا سانُوں شتابی پھسا لَیندا اے۔ ہٹا کے اوس دَوڑ وِچ صبر نال دَوڑیئے جِہدے نال سانُوں واہ پیا اے۔

عِبرانیوں 12:4

تُساں گُناہ نال اجے اجیہی لڑائی نئیں کِیتی جِہدے وِچ لہو وگایا ہوئے۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔