فِلِپّیوں 1:25 - پنجابی نواں عہد نامہ نظرثانی شدہ چھپائی

²⁵ تے ایس کر کے پئی مَینُوں ایہدا یقِین اے۔ ایس لئی مَیں جاننا آں پئی جِیوندا رہاں گا۔ سگوں تُہاڈے سبھناں دے نال رہواں گا تاں جو تُسی اِیمان وِچ وَدھو۔ تے اوہدے وِچ خُوش رہو۔

فِلِپّیوں 1:25 Cross References

لُوقا 22:32

پر مَیں تیرے لئی دُعا کِیتی۔ پئی تیرا اِیمان جاندا نا رہے۔ تے جد تُوں مُڑ پئیں تے اپنے بھراواں نُوں تگڑیاں کریں۔

اعمال 11:23

جد اوہ اَپڑیا تے خُدا دا فضل ویکھیا۔ تَد خُوش ہویا۔ تے اوس اوہناں سبھناں نُوں نصِیحت کِیتی پئی دِل لا کے خُداوند نال مِلے رہن۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

اعمال 20:25

تے ہُن ویکھو مَینُوں پتا اے۔ پئی تُسی سارے جِنہاں دے وِچ مَیں بادشاہی دی منادی کر دا رہیا۔ میرا مُنھ فیر کدی نا ویکھو گے۔

رُومِیوں 15:13

ہُن اوس آس دا خُدا تُہاڈے اِیمان لیاؤن دے سبّب ساری خُوشی تے چَین نال تُہانوں بھر دیوے تاں جو تُسی پاک رُوح دی قُدرت نال آس وِچ وَدھدے جاؤ۔

رُومِیوں 15:18

کیوں جو مَیں ایہہ دلیری نئیں کراں گا۔ پئی مَیں ہور کِسے گلّ دا ذِکر کراں بنا اوہناں دے جیہڑیاں مسِیح میری راہِیں غیر قوماں دے منان لئی کِیتیاں بھانویں کلام تے کمّاں نال۔

رُومِیوں 15:29

تے مَیں جاننا آں پئی جدوں تُہاڈے کول آواں گا۔ تدوں مسِیح دی پُوری برکت لے کے آواں گا۔

رُومِیوں 5:2

جِہدی راہِیں اِیمان نال ساڈی فضل تِیکر پہنچ اے۔ جِہدے وِچ اسی قیم آں۔ تے خُدا دے جلال دی آس اُتّے اسی فخر کریئے۔

۲-کُرِنتھِیوں 1:24

ایہہ نئیں پئی اسی اِیمان ولّوں تُہاڈے اُتّے حکُومت کرنے آں سگوں خُوشی وِچ تُہاڈے مددگار ہاں کیوں جو تُسی اِیمان ای نال قیم رہندے ہو۔

فِلِپّیوں 1:24

پر جِسم وِچ رہنا تُہاڈی خاطر بُہتا ضرُوری اے۔

فِلِپّیوں 2:24

تے مَینُوں خُداوند اُتّے یقِین اے۔ پئی مَیں آپ وی چھیتی آواں گا۔

فلِیمون 1:22

نالے میرے لئی رہن دا تھاں بنائِیں۔ کیوں جو مَینُوں آس اے پئی تُہاڈیاں دُعاواں دی راہِیں مَیں تُہانوں بخشیا جاواں گا۔

۱-پطرس 1:8

اوہدے نال تُسی بِن ویکھیاں مُحبّت رکھدے ہو تے بھانویں اوہنوں ایس ویلے نئیں ویکھدے فیر وی اوہدے اُتّے اِیمان لیا کے اجیہی خُوشی کر دے ہو۔ تے جِہدا بیان نئیں ہو سکدا تے جیہڑی جلال نال بھری ہوئی اے۔