فِلِپّیوں 1:10 - پنجابی نواں عہد نامہ نظرثانی شدہ چھپائی

¹⁰ تاں جو چَنگیاں چَنگیاں شیواں نُوں پرکھ سکو تے مسِیح دے دِن تِیکر صاف دِل رہو۔ تے کدی ٹھیڈا نا کھاؤ۔

فِلِپّیوں 1:10 Cross References

متّی 16:23

اوس پرت کے پطرس نُوں آکھیا اوہ شیطاناں پِچّھے ہَٹ تُوں میرے لئی ٹھوکر ایں کیوں جو تُوں خُدا دی نئیں پر بندیاں دِیاں گلّاں دا دھیان رکھنا ایں۔

متّی 26:33

تَد پطرس اوہنوں جواب دِتّا۔ بھانویں سارے تیری بابت ٹھوکر کھان پر مَیں ٹھوکر کدی نا کھاواں گا۔

یُوحنّا 1:47

یِسُوع نتنی ایل نُوں اپنے ولّ آؤندیاں ویکھ کے اوہدی بابت آکھیا۔ ویکھو ایہہ اصل اِسرائیلی اے جِہدے وِچ مکر نئیں۔

یُوحنّا 3:20

کیوں جو جیہڑا کوئی بُریائی کر دا اے۔ چانن نال وَیر رکھدا اے تے چانن کول نئیں آؤندا۔ کِتے ایویں نا ہوئے پئی اوہدیاں کمّاں دی ملامت کِیتی جائے۔

اعمال 24:16

مَیں وی ایہدے وِچ کوشش کرنا آں۔ پئی خُدا تے بندیاں دے اگّے میرا دِل کَدے مَینُوں ملامت نا کرے۔

رُومِیوں 12:2

تے ایس جہان دی شکل ورگے نا بنو۔ سگوں نَوِیں عقل ہون نال اپنی صُورت بدل دے جاؤ۔ تاں جو خُدا دی نیک تے چنگی لگّن والی تے کامِل مرضی تجربے نال معلُوم کر دے رہو۔

رُومِیوں 12:9

مُحبّت بِناں مکّارِیوں ہوئے۔ بُریائی توں نفرت کرو۔ بھلیائی نال چمبڑے رہو۔

رُومِیوں 16:17

پر بھراؤ! مَیں تُہاڈی مِنّت کرنا آں۔ تُسی اوہناں لوکاں توں جیہڑے اوس تعلِیم دے اُلٹ جیہڑی تُہانوں مِلی پُھٹ پان والے تے ٹھوکر دین والے نیں خبردار رہو تے اوہناں توں لانبھے رہو۔

رُومِیوں 2:18

تے اوہدی مرضی جاننا ایں۔ تے شریعت دی تعلِیم پا کے چنگیاں شیواں پسند کرنا ایں۔

رُومِیوں 7:16

سو جے مَیتھوں اوہی ہوندا اے جیہڑا مَیں نئیں چاہندا۔ تے مَیں اِقرار کرنا آں۔ پئی شریعت چنگی اے۔

رُومِیوں 7:22

کیوں جو مَیں تے دِلوں خُدا دی شریعت توں خُوش آں۔

رُومِیوں 8:7

ایس لئی پئی جِسمانی نِیّت خُدا دے برخلاف اے۔ کیوں جو اوہ خُدا دی شریعت دی تابعدار نئیں اے۔ تے نا ہو سکدی اے۔

۱-کُرِنتھِیوں 1:8

جیہڑا تُہانوں اوڑک تِیکر قیم وی رکھّے گا۔ تاں جو تُسی ساڈے خُداوند یِسُوع مسِیح دے دِن بے عیب ٹھیرو

۱-کُرِنتھِیوں 10:32

تُسی نا یہُودِیاں دی ٹھوکر دا سبّب بنو۔ نا یُونانِیاں تے نا خُدا دی کلِیسیا دے۔

۱-کُرِنتھِیوں 8:13

ایس لئی جے کھانا میرے بھرا نُوں ٹھوکر کھواوے تے مَیں کدی وی ماس نا کھاں گا۔ تاں جو اپنے بھرا دے ٹھوکر کھان دا سبّب نا ہوواں۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 2:17

کیوں جو اسی اوہناں بتھیریاں لوکاں وانگر نئیں جیہڑے خُدا دے کلام وِچ مِلاوٹ کر دے نیں۔ سگوں دِل دی صفائی نال تے خُدا ولّوں خُدا نُوں حاضر جان کے مسِیح وِچ بولنے آں۔

۲-کُرِنتھِیوں 6:3

اسی کِسے گلّ وِچ ٹھوکر کھان دا کوئی موقع نئیں دیندے تاں جو ساڈی خِدمت اُتّے حرف نا آوے۔

۲-کُرِنتھِیوں 8:8

مَیں حُکم دے طَور نال نئیں آکھدا سگوں ایس لئی پئی ہورناں دی سرگرمی نال تُہاڈی مُحبّت وِچ سچیائی نُوں ازماواں۔

گلتِیوں 5:11

تے بھراؤ مَیں جے اجے تِیکر سُنتی بہن دی منادی کرنا آں تے ہُن تِیکر ستایا کیوں جانا آں؟ تے صلِیب دی ٹھوکر تے جاندی رہی۔

اِفسِیوں 4:15

سگوں مُحبّت تے سچیائی اُتّے چَل کے اوہدے وِچ جیہڑا سِر اے۔ مطلب اے مسِیح وِچ سبھنیں گلِّیں وَدھدے جائیے۔

اِفسِیوں 5:10

تے پَتا لاندے رہو۔ پئی خُداوند نُوں کِیہ چَنگا لگدا اے۔

اِفسِیوں 5:27

تے اِک اجیہی جلالی کلِیسیا بنا کے اپنے اگّے حاضر کرے۔ جِہدے بدن وِچ داغ یا جُھری یا کوئی ہور اجیہی شے نا ہوئے۔ سگوں پاک تے بے نُقص ہوئے۔

اِفسِیوں 6:24

جیہڑے ساڈے خُداوند یِسُوع مسِیح نال سدا قیم رہن والی مُحبّت رکھدے نیں۔ اوہناں ساریاں اُتّے فضل ہوئے۔

فِلِپّیوں 1:16

اِک تے مُحبّت دے سببّوں ایہہ جان کے مسِیح دا ہوکا دیندے نیں۔ پئی مَیں خُوشخبری دا جواب دین لئی مُقرّر آں۔

فِلِپّیوں 1:6

تے مَینُوں یقِین اے پئی جِس تُہاڈے وِچ نیک کمّ شُروع کِیتا اے۔ اوہ اوہنوں یِسُوع مسِیح دے دِن تِیکر پُورا کر دے گا۔

فِلِپّیوں 2:16

تے زِندگی دا کلام پیش کر دے ہو۔) تاں جو مسِیح دے دِن مَینُوں فخر ہوئے۔ پئی نا میری بھج دَوڑ بے فائدہ ہوئی نا میری محنت ایویں گئی۔

۱-تھِسّلُنِیکوں 3:13

تاں جو تُہاڈے دِلاں نُوں اجیہا تگڑیاں کرے۔ پئی جد ساڈا خُداوند یِسُوع اپنے ساریاں پاک لوکاں نال آوے۔ اوہ ساڈے خُدا تے باپ دے سامھنے پاکیزگی وِچ بے عیب ہون۔

۱-تھِسّلُنِیکوں 5:21

سارِیاں گلّاں پرکھو جیہڑی چنگی اے اوہنوں قابُو رکھو۔

۱-تھِسّلُنِیکوں 5:23

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔

۱-یُوحنّا 4:1

پیاریو۔ سارِیاں رُوحاں نُوں نا مَنّو۔ سگوں رُوحاں نُوں پر کھو پئی خُدا ولّوں نیں کہ نئیں۔ کیوں جو بتھیرے جُھوٹھے نبی دُنیا وِچ نِکل گئے نیں۔

مُکاشفہ 2:2

مَیں تیرے کمّ تے تیری محنت تے تیرے صبر نُوں تے جاننا آں تے ایہہ وی پئی تُوں بُریاں نُوں ویکھ نئیں سکدا۔ تے جیہڑے اپنے آپ نُوں رسُول آکھدے نیں تے ہَین نئیں۔ تُوں اوہناں نُوں ازما کے جُھوٹھیاں ویکھیا۔