ፍልጵስዩሳ 2:6 - Oyda New Testament

⁶ Ees ubba wode Xoozze hyano yene. Yinno maaqqikon, eza Xoozara fetto mahize hyano, wolqqara ekkodes koyikaaya.

ኦይዳ አዲስ ኪዳን

⁶ ኤስ ኡባ ዎደ ጾዘ Ꮉኖት የነ። ይኖ ማቅኮን፥ ኤዛ ጾዛራ ፈቶ ማህዘ Ꮉኖትቶ፥ ዎልቃራ ኤኮደስ ኮይካያ።

ፍልጵስዩሳ 2:6 Cross References

Maatoosa 1:23

«Yikke wudurtta wodaxoda; dhiiratsi na7an yeloda; E suntsita Ammanu7eela ga7inttoda» ga7inttidanna folinttode fana hyanna ubbanna hyanida. Ammanu7eela gaazannis bilitsita «Xoozii nuura yene» ga7e.

Wahannisa 1:18

Xoozza bi7ide asi ooden baaya; fa Aday kale yeze fettii Na7ay Xooz maaqqide E qonccizida.

Wahannisa 10:30

Taanin ta Adayin fetto» yagayda.

Wahannisa 10:33

Ayhuduntsi mahi, «Nu nena ne lo77o oochiti gisho shuchchar dhogodes koyoos. Yezin ne Xoozza cazhize gishon as maaqqitera ne nena Xooz mahize gisho» yagayda.

Wahannisa 10:38

Yezin taanii oochchiza maaqqiko yin tana ammananxikon, ta Aday ta gidda yezannon taanin ta Aday gidda yezanno yin erode gaar qoppode gaar ta oochito ammanote» yagayda.

Wahannisa 14:28

‹Ta qitoda, yezin maaqqii yinttago yo7oda› gaydanno yin si7ida. Yin tana turo kadhizebaz maaqqiko ta Aday taappa aadhize gisho ta eego qitizanne yin ufayttoda.

Wahannisa 14:9

Yesuusan mahi, «Ta hyannii gaarize wode yinttara yezin tana erosite? Tana bi7ide atstse Adayan bi7ida. Yeezin, ne wayzi, ‹Adaya nuna beezo› ga7e?

Wahannisa 17:5

Hyatten, Adayo, alame medhinttodannippa tiino ne kale taas yeze bonchchite tana bonchcho.

Wahannisa 20:28

Toomaasa mahi, «Ta Laatstsayo, ta Xoozayo» yagayda.

Wahannisa 5:18

Yesuusa Sambbata bonchchikaayze gisho xalaalas maaqqikaayzin Xoozza fa Ade ga7i fana Xoozara wolkkizide gisho Ayhudunts eza wodhodes tiinonnippa mintsii koyda.

Wahannisa 5:23

Yinno E oochchidanna Asi ubba Adaya bonchchizanni gaar Na7ayan bonchchode fana. Na7aya bonchchoosse ooden Na7aya kiittide Adayan bonchchoos.

Rome 9:5

Un yelinttera mayzunts kochchi; mahi Kiristtoosa ashora un kochchi maaqqii yi7ida. Ubbappa kattara maaqqide Xoozze medhinas anjjinttida. Amin77e!

2 ቆሮንቶሳ 4:4

Hyanna alamito ahize xoozze ammanoose asunts wozintto goozida. Un Xoozze bishshara qonccide Kiristtoosa bonchcho Wonggele foo7ito be7aame gaar kayda.

2 ቆሮንቶሳ 8:9

Yin nu Laatstse Yesuus Kiristtoosa aadho keehatitsito erane. Kiristtoosa dure maaqqii bettii, yin E dahatitsite duridhdhade gaar yin gisho dahidhida.

1 ጢሞትዮሳ 1:17

Aafer benttoosses, fettii Xoozzes, hyayqqooses, medhina kaatizes, medhinappa medhina yellodes galatan bonchchon maaqqe. Amin77e.

1 ጢሞትዮሳ 3:16

Nu ammanttis saza qoftta so7e baytsi damma. Kiristtoosa ashor qonccida; E turetitsito Geeshi Ayyaana markkidhida. Kiitanchchuntsis benttida; E ka7itumtta worzha ubbas sabbakinttida. Alame yeze asunts ammanida; bonchchor salo ekinttida.

Tito 2:13

Yinnii fana nuunii anjjinttide ufays maaqqide damma Xoozzan nuna ashshize Yesuus Kiristtoosa bonchcho qonccitsito naagane.

Ibraawe 1:3

Na7ay Xoozze bonchcho foo7izen kumutsi Xoozze Xoozzetitsito ekkii, fa wolqqa qaalara hyanna alamito katii aykkida. Asuntsana un nagarappa geeshidannippa suuba Ubbappa kattara Xoozze mizaqi zalara salo bettida.

Ibraawe 1:6

Mahi Xoozii fa anggis Na7aya hyanna alamite kiittitera, «Xoozze kiitanchchuntsi ubba ees goyno» yagayda.

Ibraawe 1:8

Yezin fa Na7ay baz ohitera, «Xoozzayo, ne ka7itumtta medhinas yene. Ne ka7itumtto ne xillotitsara aho.

Ibraawe 13:8

Yesuus Kiristtoosa omatsen hyaynon medhinas laaminttoos.

ዋሐንሳ ቆንጭ 21:6

Mahi taago, «Folinttida! Taanii Alfan Oomega; Tiinon wurssutsi.Baridhdhide oodesin de7o hyaatsi aafeppa ta hyarii ushshoda.