ᐱᓬᐃᐱᔭᓇᒃ 4:6 - ᐅᒋᐺ ᑭᒋᒪᓯᓇᐃᑲᓐ

⁶ ᑫᑯ ᑫᑰᓐ ᑭᑖᐗᓈᔦᑕᒥᐃᑯᓰᒻ᙮ ᐊᓇᒥᐋᒃ ᐃᑕᔥ, ᑲᑴᒋᒥᒃ ᑭᔐᒪᓂᑑ ᐌᑯᓀᓐ ᐃᑯ ᑳᐃᔑᓅᑌᓭᔦᒃ ᐯᑭᔥ ᑲᔦ ᒋᒦᑴᒋᐌᑕᒣᒃ᙮

Ojibwe Kihcimasina'ikan

⁶ Keko kekoon kitaawanaayentami'ikohsiim. Anami'aak itahsh, kakwecimihk Kishemanitoo wekonen iko kaaishinoontehseyek pehkihsh kaye cimiikwehciwentamek.

ᐱᓬᐃᐱᔭᓇᒃ 4:6 Cross References

1 ᑭᒋᐅᑭᒫᒃ 8:28

ᑌᐯᒋᑫᔭᓐ ᓂᑭᔐᒪᓂᑑᒻ, ᓃᓐ ᐄᑐᒃ ᑭᑕᓄᑮᐋᑲᓐ᙮ ᐱᓯᑕᐎᔑᓐ ᐋᓃᓐ ᐁᔑ ᑲᑴᒋᒥᓈᓐ, ᐃᔑᒋᑫᑕᒪᐎᔑᓐ ᑲᔦ ᐋᓃᓐ ᑳᔑ ᑲᑴᒋᒥᓈᓐ ᓅᑯᒻ ᑳᑮᔑᑲᒃ᙮

Nikamonan 51:15

ᑌᐯᒋᑫᔭᓐ, ᐐᒋᐃᔑᓐ ᒋᑮᑭᑐᔮᓐ, ᓂᑑᓂᕽ ᐃᑕᔥ ᓂᑲ ᐅᒋ ᐃᑭᑦ ᐁᒦᑴᒋᐌᓂᒥᓈᓐ᙮

Nikamonan 62:8

ᓃᒋᐱᒫᑎᓰᒃ, ᒨᔕᒃ ᓴ ᑯ ᑌᐺᔦᓂᒥᒃ ᑭᔐᒪᓂᑑ; ᐐᑕᒪᐎᒃ ᑲᑭᓇ ᐁᔑ ᒫᔑᓭᔦᒃ ᑭᑌᐃᐙᕽ, ᐐᓐ ᐄᑐᒃ ᑳᓈᒋᐸᐃᐙᓇᕽ᙮

ᑲᑮᑖᐎᑮᔗᐎᓇᓐ 15:8

ᑳᑎᐯᒋᑫᒡ ᓴ ᐅᒥᓍᐸᑖᓐ ᑮᐊᓇᒥᐁᑖᑯᒡ ᑳᑾᔭᒀᑎᓯᓂᒡ, ᐐᑫ ᑕᔥ ᐅᔒᑫᑖᓇᓐ ᐸᑭᑎᓈᓱᐎᓇᓐ ᑳᐲᑕᒫᑯᒡ ᐃᐃ ᑳᒪᒋᐃᔑᐌᐱᓯᓂᒡ᙮

ᔂᓬᐊᒪᓐ ᐅᓂᑲᒧᓇᓐ 2:14

ᒦ ᓴ ᐃ ᐁᓀᑖᑯᓯᔭᓐ ᑖᐱᔥᑰ ᐅᒦᒦ ᑳᑳᓱᒡ ᑳᔑ ᑖᔥᑳᐱᑳᓂᒃ᙮ ᑕᑲ ᐙᐸᑕᐃᔑᓐ ᑳᒥᓄᓈᑾᒃ ᑭᐐᒀᓐ᙮ ᐁᑕᑕᐌ ᐅᔕ ᑭᒥᓄᑖᑯᔅ ᑮᑮᑭᑐᔭᓐ᙮ ᐐᑫ ᓴ ᑯ ᑭᑌ ᒥᓄᓈᑯᔅ᙮

Taaniyoo 3:16

ᒦᑕᔥ ᐅᐅ ᔐᑕᕒᐋᒃ, ᒦᔖᒃ ᐊᐯᑎᓂᑰ ᑲᔦ ᑳᐃᔑ ᓇᑴᑕᐙᐙᒡ ᑭᒋᐅᑭᒫᓐ, ᑳᐐᓐ ᓴ ᒣᒬᒡ ᓂᐐ ᑲᑴ ᓈᑕᒫᑎᓱᓰᒥᓐ ᐅᐅ ᑳᐃᔑᔮᕽ᙮

Taaniyoo 6:10

ᐊᐲ ᑕᔥ ᑖᓂᔫ ᑳᑭᑫᑕᕽ ᐁᑮ ᐅᔑᒋᑳᑌᓂᒃ ᐃᐃ ᐃᓈᑯᓂᑫᐎᓐ, ᒦ ᓴ ᐱᑯ ᐃ ᑳᐃᔑ ᑮᐌᒡ ᐃᔥᐱᒥᕽ ᐁᑮ ᐃᔖᒡ ᑳᑮ ᐃᔑ ᓂᐹᒡ᙮ ᐅᐙᓭᒋᑲᓇᓐ ᑕᔥ ᑮᐃᔑ ᓂᑖ ᐹᑳᑯᓯᓂᓂᐗᓐ ᒉᕒᐆᓴᓬᐊᒥᕽ Jerusalem ᐃᓇᑫ᙮ ᐁᑕᓱ ᑮᔑᒃ ᑕᔥ ᓂᓯᕽ ᑮᐅᒋᒌᑾᓇᐲᑖ ᐁᑮ ᐊᓇᒥᐁᑕᐙᒡ ᑳᑮ ᓂᑖ ᐃᔑᒋᑫᐸᓐ ᐁᑮ ᒦᑴᒋᐌᓂᒫᒡ ᑲᔦ ᑭᔐᒪᓂᑑᓐ᙮

Maahtiyo 10:19

ᑫᑯ ᐐᓐ ᐗᐙᓀᑕᑫᒃ ᐋᓃᓐ ᑫᐃᑭᑐᔦᒃ, ᐋᓃᓐ ᑲᔦ ᒪᔮ ᑫᐃᑭᑐᔦᒃ᙮ ᑭᑲ ᒦᓂᑰᒻ ᐅᔕ ᐋᓃᓐ ᑫᐃᑭᑐᔦᒃ ᐊᐲ ᐅᒋᒋᓭᒃ᙮

Maahtiyo 13:22

ᐃᓂ ᑕᔥ ᑳᑮ ᐸᑭᓯᑭᓐ ᑭᑎᑳᓀᓴᓐ ᑳᔑ ᐅᑳᐎᒥᓇᑲᔒᑳᒃ, ᒦᐃ ᐁᔑᓈᑯᓯᒡ ᐊᐊ ᑳᓅᑕᕽ ᑭᔐᒪᓂᑑ ᐅᑎᐹᒋᒧᐎᓐ, ᐅᓵᒻ ᐃᑕᔥ ᐁᐅᒑᓂᒣᑕᕽ, ᐅᓵᒻ ᑲᔦ ᐁᓵᑭᑑᒡ ᐌᓅᑎᓯᐎᓐ᙮ ᒦᑕᔥ ᑳᐅᒋ ᓵᑭᒋᐌᐱᔥᑭᑳᑌᒃ ᐃᐃ ᑎᐹᒋᒧᐎᓐ, ᑳᐐᓐ ᑲᔦ ᑫᑰᓐ ᐅᑲ ᓈᑯᑑᓰᓐ᙮

Maahtiyo 6:34

ᑫᑯ ᒥᑯᔥᑳᑌᑕᑫᒃ ᐋᓃᓐ ᐙᐃᔑᐌᐸᒃ ᐙᐸᕽ᙮ ᐙᐸᕽ ᑭᑲ ᐙᐸᑖᒻ ᑯᑕᒃ ᑫᑰᓇᓐ ᒋᓈᑲᑕᐌᑕᒣᒃ᙮ ᑫᑯ ᑕᔥ ᐐᓐ ᐊᓂᔖ ᐊᐗᔑᒣ ᐊᓂ ᐅᔑᑕᒫᓱᑫᒃ ᑫᐅᒋ ᒥᑯᔥᑳᑌᑕᒣᒃ᙮ ᐋᔕ ᑮᑌᐱᓭ ᓅᑯᒻ ᑳᑮᔑᑲᒃ ᑫᐅᒋ ᒥᑯᔥᑳᑌᑕᒣᒃ᙮

Maahtiyo 6:8

ᑫᑯ ᓈᓈᐱᓇᐙᑫᒀᓂᒃ, ᐋᓃᔥ ᑭᑌᑌᐙ ᐅᑭᑫᑖᓐ ᐌᑯᓀᓐ ᐁᔑ ᓅᑌᓭᔦᒃ ᒋᑆ ᑲᑴᒋᒣᒃ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 10:41

ᒦᔥ ᑳᑎᐯᒋᑫᒡ ᑳᐃᔑ ᓇᑴᑕᐙᒡ: ᒫᕒᑕ, ᒫᕒᑕ, ᐁᑕᑕᐌ ᓃᐱᐗᐞ ᑫᑰᓐ ᑭᒥᑯᔥᑳᒋᐃᑯᓐ, ᐁᐗᓇᔥᑴᐃᑯᔭᓐ ᑲᔦ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:22

ᒦᑕᔥ ᐅᐅ ᒋᓴᔅ ᑳᐃᓈᒡ ᐅᑭᑭᓄᐊᒪᐙᑲᓇᐞ: ᑫᑯ ᐅᒋ ᒥᑯᔥᑳᑌᑕᑫᒃ ᑭᐱᒫᑎᓯᐎᓂᐙᓐ, ᐌᑯᓀᓐ ᑫᒦᒋᔦᒃ, ᐌᑯᓀᓐ ᑲᔦ ᑫᒥᓂᑴᔦᒃ᙮ ᑫᑯ ᑲᔦ ᐅᒋ ᐅᒑᓂᒣᑕᑫᒃ ᑭᐐᔭᐎᐙᓐ, ᐌᑯᓀᓐ ᑲᔦ ᑫᑭᑭᔥᑲᒣᒃ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:29

ᑫᑯ ᑕᔥ ᐅᒋ ᒥᑯᔥᑳᑌᑕᑫᒃ ᐌᑯᓀᓐ ᑫᒦᒋᔦᒃ, ᑫᒥᓂᑴᔦᒃ ᑲᔦ? ᑫᑯ ᐅᒑᓂᒣᑕᑫᒃ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 18:1

ᒋᓴᔅ ᐅᑮᐐᑕᒪᐙᐞ ᐅᑭᑭᓄᐊᒪᐙᑲᓇᐞ ᐊᐌᒋᑲᓐ ᑫᐅᒋ ᑭᑭᓄᐊᒪᐙᒡ ᒨᔕᒃ ᒋᐊᓇᒥᐁᑕᐙᓂᐸᓐ ᑭᔐᒪᓂᑑᓐ, ᐐᑳ ᒋᐋᓇᐌᒋᑫᓯᓂᒃ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 18:7

ᒦᑕᔥ ᐃᐃ ᓇᑫ ᑭᔐᒪᓂᑑ ᑾᔭᒃ ᑫᔑ ᐅᓈᑯᓈᒡ ᐃᐃ ᑳᑮᐅᓈᐸᒫᒡ ᑳᔖᑯᐙᓂᑯᒡ ᒋᐐᒋᐋᒡ ᐁᑕᓱ ᑮᔑᒃ, ᐁᑕᓱ ᑎᐱᒃ ᑲᔦ᙮ ᑕᑆᑕᐐ ᓇ ᒋᐐᒋᐋᒡ?

1 ᑲᕒᐃᑎᔭᓇᒃ 7:21

ᑮᓐ ᐃᓇ ᑭᑮᐊᓄᑮᐋᑲᓂᐤ ᐊᐲ ᑮᐊᑐᒥᑰᔭᓐ? ᑫᑯ ᐐᓐ ᐃᐃ ᐸᐹᐱᓯᔅᑫᑕᑫᓐ᙮ ᑮᔥᐱᓐ ᐃᑕᔥ ᐃᔑᓭᒃ ᒋᐸᑭᑎᓂᑰᔭᓐ, ᒦ ᐃ ᐅᑖᐱᓇᓐ᙮

1 ᑲᕒᐃᑎᔭᓇᒃ 7:32

ᑭᓇᑕᐌᓂᒥᓂᓂᒻ ᐁᑳ ᒥᑯᔥᑳᑌᑕᒧᐎᓐ ᒋᐊᔮᓯᐌᒃ᙮ ᒪᔑ ᐊᐎᔭ ᐁᐐᑎᑫᓯᒃ ᐅᑕᔮᒀᒣᑖᓐ ᑳᐃᓀᑕᒥᓂᒡ ᐃᓂ ᑳᑎᐯᒋᑫᓂᒡ, ᐋᓃᓐ ᑫᐃᔑᓇᐁᑕᒥᐋᒡ᙮

2 ᑲᕒᐃᑎᔭᓇᒃ 1:11

ᑫᑮᓇᐙ ᓴ ᑭᐐᒋᐃᔑᓈᒻ ᑮᐊᓇᒥᐁᑕᒪᐎᔮᕽ᙮ ᒦ ᓴ ᑲᔦ ᐁᔑᓈᑾᒃ ᑳᐹᑏᓇᑎᑭᓐ ᑳᑮᐃᔑᐊᓇᒥᐁᑕᒪᐎᔮᕽ ᓴ ᑕᓇᑴᒋᑳᑌᐗᓐ, ᑭᔐᒪᓂᑑ ᑕᔥ ᓂᑲᔕᐌᓂᒥᑯᓈᓐ᙮ ᐋᐱᒋ ᓴ ᑕᐹᑏᓄᐗᒃ ᑫᓇᓈᑯᒥᐌᐙᒡ ᓃᓇᐎᓐᑦ ᐅᒋ᙮

ᐃᐲᔑᔭᓇᒃ 5:20

ᒨᔕᒃ ᑲᔦ ᒦᑴᒋᐌᓂᒥᒃ ᑭᔐᒪᓂᑑ ᑳᐅᔫᓯᒫᐎᒡ, ᐌᑯᓀᓂᑯ ᐌᑎᓯᑯᔦᒃ ᐃᔑᒦᑴᒋᐌᓂᒥᒃ ᐅᑎᔑᓂᑳᓱᐎᓂᓃᕽ ᑳᑎᐯᒋᑫᓂᒡ X ᒋᓴᓲᓐ᙮

ᐃᐲᔑᔭᓇᒃ 6:18

ᑭᔐᒪᓂᑑ ᑕᔥ ᐅᑕᒑᑾᓐ ᑳᐃᔑᐐᒋᐃᒥᓀᒃ ᒨᔕᒃ ᐊᓇᒥᐋᒃ ᐁᑲᑴᑗᔦᒃ ᑫᑰᓐ ᐱᑯ᙮ ᐅᐅ ᑕᔥ ᐁᐃᔑᒋᑫᔦᒃ, ᒨᔕᒃ ᐊᔕᐙᐱᒃ, ᑫᑯ ᑲᔦ ᐸᑭᒌᑫᒃ ᐁᐊᓇᒥᐋᔦᒃ, ᐁᐊᓇᒥᐁᑕᒪᐎᒣᒃ ᑲᑭᓇ ᑭᔐᒪᓂᑑ ᐅᐱᒫᑎᓰᒪᐞ᙮

ᑲᓬᐋᔑᔭᓇᒃ 3:15

ᑕᑲ ᐱᓵᓂᐐᒌᑎᐎᓐ X ᑳᒦᓂᓀᒃ ᑭᑲᑭᑭᓄᐎᓂᑯᐙᒻ ᐃᐃᒫ ᑭᑌᐃᐙᕽ; ᒦᑕᔥ ᐅᐅᒫ ᑫᐅᒋᐅᓀᑕᒣᒃ ᐋᓃᓐ ᐙᐃᔑᒋᑫᔦᒃ᙮ ᐋᓃᔥ ᑲᑭᓇ ᑭᑮᐊᑐᒥᑯᐙ ᑭᔐᒪᓂᑑ ᒋᐯᔑᑴᑖᑯᓯᔦᒃ ᐃᐃᒫ ᐐᔭᐎᒫᕽ ᒋᐱᓵᓂᐐᒌᑎᔦᒃ᙮ ᒨᔕᒃ ᐃᑕᔥ ᐃᑯ ᒦᑴᒋᐌᑕᒧᒃ!

ᑲᓬᐋᔑᔭᓇᒃ 3:17

ᑲᑭᓇ ᑫᑰᓐ ᑳᐃᔑᒋᑫᔦᒃ, ᑫᑰᓐ ᑲᔦ ᑳᐃᑭᑐᔦᒃ, ᑲᑭᓇ ᑫᑰᓐ ᐅᒋ ᐃᔑᒋᑫᒃ ᑳᑎᐯᒋᑫᒡ ᒋᓴᔅ ᐅᐐᓱᐎᓂᕽ, ᐐᓐ ᐅᒋ X ᐁᒦᑴᒋᐌᓂᒣᒃ ᑭᔐᒪᓂᑑ ᑳᐅᔫᓯᒥᓐᒡ᙮

ᑲᓬᐋᔑᔭᓇᒃ 4:2

ᑫᑯ ᐸᑭᒌᑫᒃ ᒋᐊᓇᒥᐁᑕᐌᒃ ᑭᔐᒪᓂᑑ, ᓇᐋᓯᒃ ᑲᔦ ᒣᒀ ᐁᐊᓇᒥᐋᔦᒃ, ᐁᒦᑴᒋᐌᓂᒣᒃ ᑲᔦ ᑭᔐᒪᓂᑑ᙮

1 Timahti 2:1

ᓃᑳᓐ ᐃᑕᔥ ᓂᑲᑳᓱᑖᓐ ᒋᐊᓇᒥᐁᑕᒪᐎᑣ ᑲᑭᓇ ᐊᐎᔭ ᐁᐸᑯᓭᓂᒧᕽ, ᐁᓇᓈᑯᒧᕽ, ᐁᓇᑐᑕᒫᑫᕽ ᑲᔦ᙮

1 Timahti 5:5

ᐊᐊ ᑕᔥ ᑌᐺ ᑳᑮᐙᑎᓰᑴᐎᒡ, ᐊᐎᔭᓐ ᐁᐸᒥᐃᑯᓯᒃ, ᑭᔐᒪᓂᑑᓐ ᐁᑕ ᐅᑕᐯᓂᒧᓄᑕᐙᓐ, ᐁᐊᐱᓱᒫᒡ ᒋᐐᒋᐃᑯᒡ, ᐁᑎᐱᑲᓂᓂᒃ ᑲᔦᔥ ᐁᐊᓂᑮᔑᑲᓂᓂᒃ ᐁᐊᓇᒥᐋᒡ᙮

1 Piitar 4:7

ᐃᐃ ᓴ ᑲᑭᓇ ᑫᑰᓐ ᑳᐐᐃᔥᒀᓭᒃ ᐋᔕ ᐯᔓᓈᑾᓐ, ᑲᔥᑭᑑᒃ ᐃᑕᔥ ᑾᔭᒃ ᒋᐃᔑᑎᐯᓂᑎᓱᔦᒃ, ᐙᐹᑲᒣᑕᒧᒃ ᑲᔦ ᒋᑲᔥᑭᑑᔦᒃ ᒋᐊᓇᒥᐋᔦᒃ᙮

1 Piitar 5:7

ᐸᑭᒋᐗᓀᑕᒪᐎᒃ ᐐᓂᑕᒻ ᒋᐱᒥᐗᓀᑕᒪᐎᓀᒃ ᑲᑭᓇ ᑳᒥᑯᔥᑳᑌᑕᒧᐃᑯᔦᒃ, ᐋᓃᔥ ᐐᓐ ᑭᓈᓈᑲᒋᐃᑯᐙ᙮

1 Saamiyoo 1:15

ᒦᑕᔥ ᐅᐅ ᐁᓇ ᑳᐃᔑ ᓇᑴᑕᐙᒡ, ᓂᑑᑭᒫᒻ, ᑳᐐᓐ ᓂᑮᐗᔥᑴᐲᓰ᙮ ᓃᓐ ᐅᔕ ᐃᑴ ᑳᐐᔭᑭᔥᑫᑕᒫᓐ ᓂᑕᒑᑯᕽ᙮ ᑳᐐᓐ ᓂᑑᒋ ᒥᓂᑴᓰ ᔔᒥᓈᐳ, ᑳᒪᔥᑲᐙᑲᒥᒃ ᑲᔦ ᒥᓂᑴᐎᓐ᙮ ᑳᑎᐯᒋᑫᒡ ᐅᔕ ᓂᐐᑕᒪᐙ ᐁᔑ ᐐᔭᑭᔥᑫᑕᒧᐗᒃ!

1 Saamiyoo 7:12

ᒦᑕᔥ ᓵᒥᔫ ᑳᑮ ᐅᑖᐱᓈᒡ ᐊᓯᓃᓐ ᐁᑮ ᐅᓇᓵᒡ ᐃᐃᒫ ᓇᓴᐗᔭᐄ ᒥᔅᐸ ᐆᑌᓈᕽ, ᐃᐃᒫ ᑕᔥ ᔐᓐ Shen ᐁᒋᑳᑌᓂᒃ᙮ ᒦᑕᔥ ᑳᐃᔑᓂᑳᓈᒡ ᐃᓂ ᐊᓯᓃᓐ ᐁᐸᓃᓴᕒ Ebenezer, ᐁᐃᑭᑑᒪᑲᓂᓂᒃ, ᒦ ᓴ ᐅᒫ ᑳᑎᐯᒋᑫᒡ ᐯᒥ ᐊᑯ ᐐᒋᐃᓇᕽ᙮