ᐱᓬᐃᐱᔭᓇᒃ 4:19 - ᐅᒋᐺ ᑭᒋᒪᓯᓇᐃᑲᓐ

¹⁹ ᔑᑾ ᑲᑭᓇ ᑮᓇᐙ ᑫᔑᓅᑌᓭᔦᒃ ᑭᑲᐅᒌᑕᒫᑯᐙ ᓂᑭᔐᒪᓂᑑᒻ, ᐃᐃᒫ ᒋᐅᒌᒪᑲᓂᓂᒃ ᐁᐅᓂᔑᔑᓂᓂᒃ ᐅᐌᓅᑎᓯᐎᓐ, ᐃᐃᒫ ᑳᐊᔮᒪᑲᓂᓂᒃ X ᒋᓴᔅ ᐁᐊᔮᒡ᙮

Ojibwe Kihcimasina'ikan

¹⁹ Shikwa kahkina kiinawaa keshinoontehseyek kikaonciihtamaakowaa ninKishemanitoom, i'imaa cionciimakaninik e'onishihshininik owenootisiwin, i'imaa kaa‑ayaamakaninik Christ Ciisahs e'ayaatc.

ᐱᓬᐃᐱᔭᓇᒃ 4:19 Cross References

Cenisihs 48:15

ᒦᑕᔥ ᑳᐃᔑ ᔕᐌᓂᒫᒡ ᒎᓴᐴᓐ ᐅᐅ ᐁᑮᐃᓈᒡ, ᑕᑲ ᑭᔐᒪᓂᑑ, ᓂᑫᑌᔭᐋᒥᐸᓃᒃ ᐁᐸᕒᐊᐋᒻ, ᐋᐃᓯᒃ ᑲᔦ ᑳᑮ ᐊᓄᑮᑕᐙᐙᒡ, ᐅᑲ ᔕᐌᓂᒫᐞ ᐅᐅ ᑸᐎᓭᓴᐞ᙮ ᑭᔐᒪᓂᑑ ᑳᑮ ᓃᑳᓃᑕᒪᐎᒡ ᒥᓂᒃ ᐃᑯ ᑳᐱ ᐱᒫᑎᓯᐗᒃ ᐲᓂᔥ ᐅᐅ ᐃᔑ ᐊᐲ ᓅᑯᒻ ᑳᑮᔑᑲᓂᓂᒃ, ᐅᑲ ᔕᐌᓂᒫᐞ᙮

Nikamonan 104:24

ᑌᐯᒋᑫᔭᓐ, ᐁᑕᑕᐌ ᓴ ᓃᐱᐗᐞ ᑫᑰᓇᓐ ᑭᑮ ᐅᔑᑑᓇᓐ, ᑭᑲᑮᑖᐌᑕᒧᐎᓃᕽ ᐅᔕ ᑲᑭᓇ ᑫᑰᓐ ᑭᑮ ᐅᒋ ᐅᔑᑑᓐ! ᒨᔥᑭᓀᐗᒃ ᐅᔕ ᐅᐅᒫ ᐊᑮᕽ ᑲᑭᓇ ᑳᑮ ᐅᔑᐊᑣ!

Nikamonan 130:7

ᑮᓇᐙ ᐃᔅᕒᐃᔭᓬᐊᒃ Israel ᐊᐯᓂᒧᓄᑕᐎᒃ ᑳᑎᐯᒋᑫᒡ, ᐋᓃᔥ ᐅᓵᑭᐃᐌᐎᓐ ᑳᐐᓐ ᐐᑳ ᐴᓂᓭᓯᓂᓂ, ᐌᓅᑕᓂᓂ ᑲᔦ ᐅᐱᒫᒋᐃᐌᐎᓐ᙮

Nikamonan 84:11

ᑳᑎᐯᒋᑫᒡ ᑭᔐᒪᓂᑑ ᐄᑐᒃ ᑳᓈᑕᒪᐎᓇᕽ, ᑳᑭᒋ ᐃᓀᑖᑯᓯᒡ ᑲᔦ ᑭᑭᒋᐅᑭᒫᒥᓈᓐ, ᐐᓐ ᐄᑐᒃ ᑳᒥᓍᐸᒥᐌᒡ, ᑳᑭᑌᓂᒥᐌᒡ ᑲᔦ᙮ ᑳᐐᓐ ᓴ ᐅᑭᒋᐎᓇᒪᐙᓰᐞ ᐌᓂᔑᔑᓂᓂᒃ ᐃᐃ ᑾᔭᒃ ᑳᐃᔑᒋᑫᓂᒡ᙮

Taaniyoo 6:22

ᓂᑭᔐᒪᓂᑑᒻ ᐅᔕ ᐅᑮ ᐲᒋᓂᔕᐙᓐ ᐅᑌᒐᓬᐃᒪᓐ ᐁᑮ ᐱ ᑲᑮᐳᑑᓀᐋᓂᒡ ᒥᔑᐱᔑᐗᐞ, ᑳᐐᓐ ᑕᔥ ᑫᑰᓐ ᓂᑮ ᐃᔑ ᐐᓴᑳᐱᓇᓂᑯᓰᒃ, ᐋᓃᔥ ᑳᐐᓐ ᑫᑰᓐ ᓂᑎᔑ ᐊᓈᒣᑖᑯᓯᐙᓰᓐ ᐁᓈᓴᒦᒡ᙮ ᑳᐐᓐ ᐄᑐᒃ ᑫᑰᓐ ᑭᑮ ᐃᔑ ᒪᒫᔒᑲᑕᐎᓯᓅᓐ ᑫᒋᐅᑭᒫᐎᔭᓐ, ᐅᑮᐃᑰᓐ᙮

Maaihka 7:7

ᓃᓐ ᑕᔥ ᐐᓐ ᓂᑲ ᐊᔕᐙᐸᒫ ᑳᑎᐯᒋᑫᒡ, ᓂᑲ ᐲᐋ ᑲᔦ ᓂᑭᔐᒪᓂᑑᒻ ᑳᐱᒫᒋᐃᒡ᙮ ᓂᑭᔐᒪᓂᑑᒻ ᓴ ᓂᑲ ᓅᑖᒃ᙮

Maalahkaai 3:10

ᒥᓯᐌ ᐲᑑᒃ ᐃᐃ ᑳᐃᓇᑌᒃ ᒥᓂᒃ ᒋᐸᑴᓇᒪᐎᔦᒃ ᓂᑕᑖᓱᐎᑲᒥᑯᕽ, ᒋᐹᑏᓇᑎᕽ ᒦᒋᒻ ᓂᐙᑳᐃᑲᓂᕽ᙮ ᒦ ᓴ ᐅᐅᒫ ᐃᔑ ᐊᑕ ᑭᑫᓂᒥᔑᒃ, ᐃᑭᑐ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ᙮ ᑭᑲ ᐙᐸᑖᒻ ᑕᔥ ᒋᐹᑭᓇᒫᓐ ᑭᒋᑮᔑᑯᐎ ᐃᔥᒀᑌᒪᓐ, ᒋᓰᑭᓇᒪᐎᓇᑰᒃ ᔕᐌᑖᑯᓯᐎᓇᓐ, ᑳᐐᓐ ᑕᔥ ᑭᑲ ᑌᐸᔥᑭᓈᑑᓰᒻ ᒥᓂᒃ ᑫᒦᓂᓇᑰᒃ᙮

Maahtiyo 6:32

ᐊᒦᐗᓄᓄ ᒨᔕᒃ ᑳᓇᓈᑐᓀᐊᒧᐙᒡ ᐃᑭ ᐁᑳ ᑳᑭᑫᓂᒫᓯᒀ ᑭᔐᒪᓂᑑᓐ᙮ ᑭᑌᑌᐙ ᑭᒋᑮᔑᑯᕽ ᑳᐊᔮᒡ ᐅᑭᑫᑖᓐ ᐁᓅᑌᓭᔦᒃ ᒦᐗᓄᓄ᙮

Cwaan 20:17

ᐅᑮᐃᑰᓐ ᑕᔥ: ᑫᑯ ᒥᒋᒥᓂᔑᑫᓐ᙮ ᑳ ᒪᔑ ᓂᑎᔑᐅᐱᔥᑳᓰ ᒋᓈᓯᑲᐗᒃ ᐊᐊᐌ ᓂᑌᑌ᙮ ᐊᐎᑲᓅᔥ ᐃᑕᔥ ᐃᑭ ᓃᒋᑭᐌᔭᒃ ᑳᐃᔑᓂᑳᓇᒀ, ᐅᐌ ᒋᐊᐎ ᐃᓇᑣ: ᓂᐐᐃᔥᐱᔥᑳ, ᓂᑮᐌᓄᑕᐙ ᐊᐌ ᓂᑌᑌ ᑲᔦ ᑮᓇᐙ ᑳᐅᑌᑌᔦᒃ᙮ ᒦ ᐗᐊ ᓃᓐ ᓂᑭᔐᒪᓂᑑᒻ ᑲᔦ ᑮᓇᐙ ᑭᑭᔐᒪᓂᑑᒥᐙ, ᓂᑎᓈᒃ᙮

Cwaan 20:27

ᒦᑕᔥ ᐅᑮᑲᓅᓈᓐ ᑣᒪᓲᓐ: ᐱᐃᔑᓂᒌᓂᓐ ᐅᐅᒫ, ᐙᐸᑕᓐ ᓂᓂᒌᓐ, ᐅᑮᐃᓈᓐ᙮ ᑲᔦ ᐱᐃᔑᓂᑫᓂᓐ, ᐱᓵᒥᓂᔑᓐ ᐃᒫ ᐅᐱᒣᓇᐤ᙮ ᑫᑯ ᑫᔮᐱ ᐃᑭᑐᑫᓐ ᐁᐋᓉᑕᒪᓐ, ᑌᐺᑕᓐ, ᐅᑮᐃᓈᓐ᙮

ᐅᕒᐆᒪᓇᒃ 1:8

ᓂᑕᒻ ᐃᑯ ᓂᒦᑴᒋᐎᐋ ᑭᔐᒪᓂᑑ, ᐐᓐ ᒋᓴᔅ X ᑳᑮᐅᒋ ᐃᔑᓭᓂᒃ, ᑲᑭᓇ ᑮᓇᐙ ᐁᒦᑴᒋᐌᑕᒪᐎᓂᓇᑰᒃ, ᒥᓯᐌ ᐊᑮᕽ ᐁᐊᓂᐅᒋᓅᑖᑳᓂᐗᕽ ᐃᐃᐌ ᐁᔑᑌᐺᑕᒣᒃ᙮

ᐅᕒᐆᒪᓇᒃ 11:33

ᐋᐱᒋ ᑭᒋ ᐃᔥᐯᑖᑾᓂᓂ ᑳᔑᐌᓅᑕᓂᓂᒃ ᑭᔐᒪᓂᑑ ᐅᑲᑮᑖᐌᑕᒧᐎᓐ, ᐅᑭᑫᑕᒫᐎᓐ ᑲᔦ᙮ ᑳᐐᓐ ᑕᔥ ᑲᔦ ᐊᐎᔭᓐ ᐅᑖᐐᑕᓰᓂ ᐋᓃᓐ ᐁᔑᐅᓀᑕᕽ, ᑳᐐᓐ ᑲᔦ ᐊᐎᔭᓐ ᐅᑖᓂᓯᑐᑕᓰᓂ ᐋᓃᓐ ᐁᔑᒋᑫᒡ!

ᐅᕒᐆᒪᓇᒃ 2:4

ᑳᐐᓐ ᒫᐐᓐ ᐋᐱᒋ ᑭᓵᐯᑕᒧᐙᓯᐙᓈᑐᒃ ᐁᐲᒋᒥᓄᑑᑖᑫᒡ ᑭᔐᒪᓂᑑ ᐁᔕᔒᐱᑎᐹᑯᓂᐌᒡ, ᑭᓉᔥ ᐁᔕᔒᐯᓂᒥᒃ᙮ ᑫᒋᓈᒡ ᑭᑖᑭᑫᓂᒫ ᐋᓃᓐ ᐌᒋ ᒥᓄᑑᑕᐎᒃ ᐁᐐᑲᑴᐃᔑᐎᓂᒃ ᑴᑳᑎᓯᐎᓂᕽ᙮

ᐅᕒᐆᒪᓇᒃ 8:18

ᓂᑎᓀᑕᒻ ᐃᑕᔥ ᐅᐅᐌ ᓅᑯᒻ ᑳᐃᔑᑲᒀᑕᑭᑑᔭᕽ, ᐗᐐᑫ ᑕᐸᑳᓀᑖᑾᓐ ᐃᐃᐌ ᑫᐃᔑᓭᒃ ᑭᒋ ᐃᓀᑖᑯᓯᐎᓐ ᑭᔐᒪᓂᑑ ᑫᓈᑯᑕᒪᐎᓇᕽ᙮

ᐅᕒᐆᒪᓇᒃ 9:23

ᐅᑮᐊᑕᐌᑖᓐ ᑕᔥ ᑲᔦ ᒋᓈᑾᓂᓂᒃ ᑳᐌᓅᑕᓂᓂᒃ ᐅᑭᒋ ᐃᓀᑖᑯᓯᐎᓐ, ᐃᐃ ᑳᑮᒦᓂᓇᕽ᙮ ᐋᓃᔥ ᑭᔕᐌᓂᒥᑯᓈᓐ, ᑭᑮᑾᔮᒋᐃᑯᓈᓐ ᑲᔦ ᒋᑌᐱᓇᒧᐗᕽ ᐃᐃ ᐅᑭᒋ ᐃᓀᑖᑯᓯᐎᓐ᙮

2 ᑲᕒᐃᑎᔭᓇᒃ 12:21

ᒦᑕᔥ ᐁᔑᓭᑭᓯᔮᓐ ᒦᓇᐙ ᐊᐲ ᐅᑎᓯᓇᑰᒃ, ᑭᔐᒪᓂᑑ ᒋᐃᔑᐃᒡ ᒋᐊᑳᓯᓈᑯᓯᐗᒃ ᐃᐃᒫ ᐁᓈᓴᒦᔦᒃ, ᒦ ᐃ ᑫᐅᒋᒪᐎᔮᓐ ᐃᑭ ᓃᐱᐗᐞ ᑳᑮᒪᒋᑑᑕᒧᐙᒡ ᐅᑖᓈᕽ, ᒪᔑ ᑕᔥ ᑲᔦ ᐁᐌᐱᓇᓯᒀ ᐃᓂ ᑳᐐᓀᑖᑾᓂᓂᑭᓐ ᐅᑎᔑᒋᑫᐎᓂᐙᓐ, ᑲᔦ ᐁᑮᐱᔑᒀᑎᓯᐙᒡ, ᑳᐐᓐ ᑲᔦ ᑮᒪᓈᐃᔑᒋᑫᓰᐗᒃ ᑫᑮᐃᔑᒋᑫᓯᑭᐸᓐ᙮

2 ᑲᕒᐃᑎᔭᓇᒃ 4:17

ᐅᐅ ᓴ ᑳᐃᔑᐋᓂᒥᓯᔮᕽ ᓂᓈᑫᑖᒥᓐ, ᐋᓃᔥ ᐊᒋᓇ ᐁᑕ ᓂᓅᒋᐃᑯᒥᓐ᙮ ᒦᑕᔥ ᑫᐅᒋᐅᑎᓯᑯᔮᕽ ᒫᐗᒡ ᑳᑭᒋ ᐃᓀᑖᑾᒃ ᑭᒋ ᐃᓀᑖᑯᓯᐎᓐ ᐐᑳ ᑫᐴᓂᓭᓯᓄᒃ᙮

ᐃᐲᔑᔭᓇᒃ 1:18

ᒦ ᓴ ᑕᔥ ᐁᔑᐊᓇᒥᐋᔮᓐ, ᒋᐙᓭᓂᑳᑌᑭᓐ ᑳᐅᒋᓂᓯᑐᑕᒨᒪᑲᑭᓐ ᑭᑌᐃᐙᓐ, ᒋᐯᔭᑌᔮᐸᑕᒧᐌᒃ ᐌᑯᓀᓐ ᐃᐃ ᑳᐲᑖᐌᒃ ᑭᔐᒪᓂᑑ ᐁᐐᒦᓂᓀᒃ ᑳᐃᔑᐊᑐᒥᓀᒃ, ᒋᐙᐸᑕᒧᐌᒃ ᑲᔦ ᐋᓃᓐ ᐁᐲᒋᐌᓅᑕᓂᓂᒃ, ᐁᐲᒋᑭᒋ ᐃᓀᑖᑾᓂᓂᒃ ᑲᔦ ᑳᐐᒦᓈᒡ ᑭᔐᒪᓂᑑ ᐅᐱᒫᑎᓰᒪᐞ;

ᐃᐲᔑᔭᓇᒃ 1:7

X ᐃᑕᔥ ᐅᒥᔅᑸᒻ ᐁᑮᐅᒋᑲᐎᓂᓂᒃ ᒦᐃᒫ ᐌᒌᒃ ᐃᐃ ᐱᒫᒋᐃᐌᐎᓐ, ᒦ ᑲᔦ ᐃᒫ ᐌᒋᐴᓀᑕᒫᑰᔭᕽ ᒪᒋᑑᑕᒧᐎᓐ, ᐋᓃᔥ ᑭᔐᒪᓂᑑ ᐌᓅᑕᓂᓂ ᐅᑭᔐᐙᑎᓯᐎᓐ᙮

ᐃᐲᔑᔭᓇᒃ 2:7

ᒦᑕᔥ ᐃᐃ ᑳᑮᐅᒋ ᐃᔑᒋᑫᒡ, ᐃᐃ ᓴ ᐱᒌᓇᒃ ᑳᐐᐱᐊᑮᐗᓂᓂᒃ ᐁᐐᐙᐸᑕᐃᐌᒡ ᑳᑭᒋᐌᓅᑕᓂᓂᒃ ᐅᑭᔐᐙᑎᓯᐎᓐ, ᐃᐃᒫ ᑕᔥ X ᒋᓴᓲᓐ ᐅᐱᒫᑎᓰᐎᓂᓃᕽ ᒦ ᐃᒫ ᐁᔑᓈᑯᑑᒡ᙮

ᐃᐲᔑᔭᓇᒃ 3:16

ᓂᒪᔥᑲᐎᑲᑴᒋᒫ ᑳᐅᔫᓯᒥᓐᒡ ᒋᒦᓂᓀᒃ, ᑳᐃᔑᐌᓅᑕᓂᓂᒃ ᐅᑭᒋ ᐃᓀᑖᑯᓯᐎᓐ ᒋᐅᒋᒪᔥᑲᐎᓰᐃᑯᔦᒃ ᐃᐃᒫ ᑳᔑᒪᔥᑲᐎᓰᓂᒡ ᐅᑕᒑᑾᓐ᙮ ᒋᒪᔥᑲᐎᓰᔦᒃ ᐃᐃᒫ ᐲᒐᔭᐄ ᑭᐱᒫᑎᓯᐎᓂᐙᕽ᙮

ᐃᐲᔑᔭᓇᒃ 3:8

ᓃᓐ ᐃᑕᔥ ᓇᐗᒡ ᓂᑕᐸᓭᑖᑯᔅ ᐊᐲᒡ ᐐᓐ ᐃᑭ ᒫᐗᒡ ᑳᑕᐸᓭᑖᑯᓯᐙᒡ ᑭᔐᒪᓂᑑ ᐅᐱᒫᑎᓰᒪᐞ᙮ ᔖᑰᒡ ᐃᑕᔥ ᓂᑮᐃᔑᒦᓂᑰᐎᔅ ᒋᐃᔑᐎᑕᐗᒀ ᐁᑳ ᑳᒎᐎᐎᓯᒀ ᒥᓍᒋᒧᐎᓂᓂ, ᒋᑭᑫᑕᒧᐙᒡ ᐐᑳ ᑳᑌᑕᑯᐐᑌᓯᓂᓂᒃ ᐋᓃᓐ ᐁᐲᒋᐌᓅᑎᓯᓂᒡ ᐃᓂ Xᑕᓐ᙮

ᐱᓬᐃᐱᔭᓇᒃ 4:7

ᑭᑲᐅᑎᓯᑯᒻ ᐅᐱᓵᓀᑕᒧᐃᐌᐎᓐ ᑭᔐᒪᓂᑑ, ᐗᐐᑫ ᑳᐸᑭᓈᑫᒪᑲᓂᓂᒃ ᐁᔑᐊᔮᒃ ᑭᑭᑫᑕᒧᐎᓂᓈᓐ᙮ ᑭᑲᔑᑲᓇᐌᑕᒫᑯᒻ ᑭᑌᐃᐙᕽ ᑲᔦ ᑭᓈᑲᑕᐌᒋᑲᓂᐙᕽ, ᐁᑳ ᑫᑰᓐ ᐃᐃᒫ ᒋᐃᔑᓭᓯᐌᒃ ᐁᐐᒌᐌᒃ X ᒋᓴᔅ᙮

ᑲᓬᐋᔑᔭᓇᒃ 1:27

ᒦᐗᐞ ᐃᑕᔥ ᐃᐃ ᑭᔐᒪᓂᑑ ᑳᑮᐃᓀᓂᒫᒡ ᒋᑭᑫᑕᒥᓂᒡ ᐅᑎᓀᑕᒧᐎᓐ ᑳᑮᑭᑫᒋᑳᑌᓯᓂᓂᒃ᙮ ᐋᐱᒋ ᑕᔥ ᐌᓅᑕᓂᓂ, ᑭᒋ ᐃᓀᑖᑾᓂᓂ ᑲᔦ ᐅᑎᓀᑕᒧᐎᓐ ᑳᐐᑭᑫᑕᒨᓂᑣ ᐁᑕᓶᐙᓇᑭᓯᐙᒡ ᐯᒫᑎᓯᐙᒡ᙮ ᒦᑕᔥ ᐅᐅ ᑳᑕᔑᑕᒫᕽ, X ᐁᐊᔮᒡ ᑭᐱᒫᑎᓯᐎᓂᐙᕽ, ᐐᓐ ᐋᓃᔥ ᑳᐅᒋᑫᒋᓈᐅᔦᒃ ᒋᑌᐱᓇᒧᐌᒃ ᑭᔐᒪᓂᑑ ᐅᑭᒋ ᐃᓀᑖᑯᓯᐎᓐ᙮

ᑲᓬᐋᔑᔭᓇᒃ 3:16

ᐸᑭᑎᓇᒧᐙᒃ ᐃᑕᔥ X ᐅᑎᑭᑐᐎᓐ ᒋᐌᓅᑕᓂᓂᒃ ᐃᐃᒫ ᑭᑌᐃᐙᕽ, ᒋᐃᔑᑖᒪᑲᓂᓂᒃ᙮ ᑲᑮᑖᐌᑕᒧᐎᓐ ᑲᔦ ᒋᐋᐸᒋᑑᔦᒃ ᑭᑭᓄᐊᒫᑎᔦᒃ, ᐙᐐᑕᒫᑎᔦᒃ ᑲᔦ ᐋᓃᓐ ᑫᐃᔑᒋᑫᔦᒃ᙮ ᑭᒋᒪᓯᓇᐃᑲᓂ ᓂᑲᒧᓇᓐ ᐃᓇᐊᒧᒃ, ᐊᓇᒥᐁᓂᑲᒧᓇᓐ ᑲᔦ, ᒋᐃᓇᐊᒧᐌᒃ ᑲᔦ ᑭᔐᒪᓂᑑ ᐅᑕᒑᑾᓐ ᑳᒦᓂᓀᒃ ᓂᑲᒧᓇᓐ, ᐁᒦᑴᒋᐌᑕᒣᒃ ᐃᐃᒫ ᑭᑌᐃᐙᕽ᙮

1 ᑌᓴᓬᐆᓂᔭᓇᒃ 2:12

ᑭᑮᐋᔩᓱᒥᑰᒻ, ᑭᑮᑳᑮᓱᒥᑰᒻ, ᐌᐌᓂ ᑭᑮᐃᑰᒻ ᒋᑲᑴᒥᓄᐃᔑᐌᐱᓯᔦᒃ, ᒋᑲᑴᓇᓇᐁᑕᒥᐁᒃ ᑭᔐᒪᓂᑑ᙮ ᒦ ᐋᓃᔥ ᐊᐊᐌ ᑳᐊᑐᒥᓀᒃ ᒋᐅᑑᑭᒫᒥᔦᒃ ᑲᔦ ᒋᐙᐸᑕᒧᐌᒃ ᐅᑭᒋᐅᓂᔑᔑᐌᑖᑯᓯᐎᓂᕽ ᐃᐃᒫ ᐁᑕᔑᑭᒫᐎᒡ᙮

1 Timahti 6:17

ᐅᑯ ᑕᔥ ᑳᑕᔑᐌᓅᑎᓯᐙᒡ ᐅᐅᒫ ᐊᑮᕽ ᐃᔑᑭᑭᓄᐊᒪᐤ ᐁᑳ ᒋᐊᐯᓂᒧᓄᑕᓯᒀ ᐅᑎᐱᓇᐌᐎᓯᐎᓂᐙᓐ᙮ ᑳᐐᓐ ᐋᓃᔥ ᑾᔭᑴᑖᑾᓯᓂᓂᐗᓐ᙮ ᒣᔥᑾᒡ ᐃᑕᔥ ᐅᑲᔭᐯᓂᒧᓄᑕᐙᐙᓐ ᑭᔐᒪᓂᑑᓐ ᑳᐌᓅᒋᒦᓂᒥᓇᕽ ᑲᑭᓇ ᑫᑰᓐ ᑫᐅᒋᒥᓉᑕᒧᐗᕽ᙮

ᐹᐃᓬᐄᒪᓐ 1:4

ᓃᒋᑭᐌ ᐹᐃᓬᐄᒪᓐ ᐁᑕᔂ ᑮᐊᓇᒥᐋᔮᓐ ᑭᑕᓇᒥᐁᑕᒪᐎᓐ ᐁᒦᑴᒋᐌᓂᒪᒃ ᑲᔦ ᓂᑭᔐᒪᓂᑑᒻ᙮

1 Piitar 5:1

ᐃᑭ ᓴ ᑳᓃᑳᓀᑖᑯᓯᐙᒡ ᑳᐊᔮᐙᒡ ᐌᑎ ᑳᐃᔑᐊᔭᔦᒃ, ᒦᐗᒃ ᓴ ᐃᑭ ᑳᑲᓅᓇᒀ; ᑫᓃᓐ ᐄᑐᒃ ᓂᓃᑳᓀᑖᑯᔅ ᐁᑮᐙᐸᒪᒃ X ᐁᑲᒀᑕᑭᑑᒡ, ᓂᐐᐐᑑᑳᔅ ᑕᔥ ᐅᑭᒋ ᐃᓀᑖᑯᓯᐎᓐ ᑳᐐᓈᑯᒋᑳᑌᓂᒃ᙮

1 Piitar 5:10

ᐊᐲ ᑕᔥ ᐊᒋᓇ ᑮᑲᒀᑕᑭᑑᔦᒃ, ᑭᔐᒪᓂᑑ ᑳᐌᓅᒋ ᐐᒦᑭᐌᒡ ᑭᔐᐙᑎᓯᐎᓐ, ᑳᑮᐊᑑᒥᓀᒃ Xᐃᕽ ᒋᐃᔑᐐᑑᑳᓱᔦᒃ ᐃᐃᒫ ᑳᐃᔑᓀᐱᒋ ᑭᒋ ᐃᓀᑖᑯᓯᒡ, ᐐᓐ ᐃᑯ ᑭᑲᑮᔑᓈᑯᐃᑯᐙ, ᑭᑲᐃᔑᐃᑯᐙ ᑲᔦ ᒋᐋᔩᒋᑳᐸᐎᔦᒃ, ᒋᒪᔥᑲᐎᓰᔦᒃ, ᑭᑲᓀᐱᒋᐅᓇᓯᑯᐙ ᑲᔦ᙮