ᐱᓬᐃᐱᔭᓇᒃ 4:15 - ᐅᒋᐺ ᑭᒋᒪᓯᓇᐃᑲᓐ

¹⁵ ᑮᓇᐙ ᐱᓬᐃᐹᔨᕽ Philippi ᑳᐃᔑᒫᐗᒋᐃᑎᔦᒃ, ᑭᒥᓄᑭᑫᑖᒻ ᐋᓃᓐ ᑳᐃᔑᐌᐱᓯᔮᓐ ᐃᐌ ᐊᐲ ᐁᑮᐅᒋᒫᒑᔮᓐ ᒫᓯᑑᓂᔮᐗᑮᕽ Macedonia, ᐌᑎ ᓂᑕᒻ ᐁᑮᒫᒌᐐᑕᒫᑫᔮᓐ ᒥᓍᒋᒧᐎᓐ᙮ ᑮᓇᐙ ᐁᑕ ᑭᑮᐐᒋᐃᒻ, ᑳᐐᓐ ᐸᑳᓐ ᐊᐎᔭ ᐅᑕᓇᒥᐋᒃ ᓂᑮᐅᒋᐐᒋᐃᑯᓰᒃ᙮ ᑮᓀᑕᐙ ᓂᑕᒻ ᑭᑮᐃᔑᐐᒋᐃᐌᒻ ᒦᓂᑰᐎᓂᕽ ᑲᔦ ᐅᒌᑕᒫᑫᐎᓂᕽ᙮

Ojibwe Kihcimasina'ikan

¹⁵ Kiinawaa Pilipaayink (Philippi) kaaishimaawaci'itiyek, kiminokihkentaam aaniin kaaishiwepisiyaan 'iwe ahpii ekii'oncimaacaayaan Maahsitooniyaawahkiink (Macedonia), weti nihtam ekii'maaciiwiintamaakeyaan minwaacimowin. Kiinawaa ehta kikii'wiici'im, kaawiin pahkaan awiya otanami'aak ninkii'onciwiici'ikohsiik. Kiinehtawaa nihtam kikii'ishiwiici'iwem miinikoowinink kaye onciihtamaakewinink.

ᐱᓬᐃᐱᔭᓇᒃ 4:15 Cross References

2 ᑭᒋᐅᑭᒫᒃ 5:16

ᒦᑕᔥ ᐃᓬᐋᐃᔕ ᑳᐃᑭᑐᒡ, ᑫᒋᓈᒡ ᐃᑯ ᑳᑎᐯᒋᑫᒡ ᐁᐱᒫᑎᓯᒡ ᐁᐊᓄᑮᑕᐗᒃ, ᑳᐐᓐ ᑫᑰᓐ ᓂᐐ ᐅᑖᐱᓇᓰᓐ᙮ ᓀᐊᒪᓇᓐ ᐅᑮ ᑲᑳᓱᒥᑰᓐ, ᒦᔥ ᑳᐐᓐ ᐃᓬᐋᐃᔕ ᑮᐃᓀᑕᓰ᙮

2 ᑭᒋᐅᑭᒫᒃ 5:20

ᐊᐊ ᓴ ᑲᐁᓰ Gehazi ᑳᐅᑕᓄᑮᐋᑲᓂᒥᑯᒡ ᐃᓬᐋᐃᔕᐗᓐ ᑮᐃᓀᑕᒻ, ᐅᓵᒻ ᐃᓴ ᓈ ᓂᑑᑭᒫᒻ ᐃᓬᐋᐃᔕ ᐅᑰᐹᑌᓂᒫᓐ ᐃᓂ ᓀᐊᒪᓇᓐ ᓰᕒᐃᔭ ᐊᑮᕽ ᐌᒌᓂᒡ ᐁᐅᑖᐱᓇᒪᐙᓯᒃ ᑫᑰᓂᓂ ᑳᑮ ᐲᑑᓂᒡ᙮ ᑫᒋᓈᒡ ᐃᑯ ᑳᑎᐯᒋᑫᒡ ᒥᓯᐌ ᐁᑎᐯᒋᑫᒡ, ᓃᓐ ᓴ ᓂᑲ ᑲᑴ ᐊᑎᒫ ᑫᑰᓂᓂ ᒋᒦᔑᒡ, ᑮᐃᓀᑕᒻ᙮

ᐃᔑᒋᑫᐎᓇᓐ 16:40

ᑭᐸᐅᑏᐎᑲᒥᑯᕽ ᑕᔥ ᑳᐃᔥᒀ ᐅᒋ ᓵᑲᐊᒧᐙᒡ, ᑮᐃᔖᐗᒃ ᓬᐃᑎᔭᐗᓐ Lydia ᐅᐙᑳᐃᑲᓂᓃᕽ᙮ ᒦᔥ ᐌᑎ ᑳᐃᔑ ᐙᐸᒫᐙᒡ ᐅᑌᐺᑕᒨᐞ ᐁᑮ ᑲᓅᓈᐙᒡ ᒋᒪᔥᑲᐌᑕᒥᓂᒡ᙮ ᒦᔥ ᑳᐊᓂᐃᔑᒫᒑᐙᒡ᙮

ᐅᕒᐆᒪᓇᒃ 15:26

ᐃᑭ ᑕᔥ ᐅᑕᓇᒥᐋᒃ ᐌᑎ ᒫᓯᑑᓂᔭ Macedonia ᐊᑮᕽ ᑳᐊᔮᐙᒡ, ᐌᑎ ᑲᔦ ᐊᑫᔭ Achaia ᐊᑮᕽ ᑳᐊᔮᐙᒡ ᐐᓇᐙ ᓴ ᐱᑯ ᑮᐃᓀᑕᒨᒃ ᐁᐐᐸᑭᑎᓂᑫᐙᒡ ᔔᓂᔮᓐ ᐁᐐᐐᒋᐋᐙᒡ ᑳᑰᐹᑎᓯᓂᒡ ᑳᑕᑸᓄᓂᒡ ᑭᔐᒪᓂᑑ ᐅᐱᒫᑎᓰᒪᐞ ᑳᐃᔑᐊᔮᓂᒡ ᐌᑎ ᒉᕒᐆᓴᓬᐊᒥᕽ᙮

ᐱᓬᐃᐱᔭᓇᒃ 1:12

ᓃᒋᐅᑌᐺᑕᒨᒃ, ᑭᓇᑕᐌᓂᒥᓂᓂᒻ ᒋᑭᑫᑕᒣᒃ ᐅᐌ ᑳᐱ ᐃᔑᓭᔮᓐ, ᒦ ᐃᒫ ᑫᔮᐱ ᐌᒋᓂᑭᑫᑖᑾᒃ ᐃᐃ ᒥᓍᒋᒧᐎᓐ᙮

ᐱᓬᐃᐱᔭᓇᒃ 1:16

ᐅᑯᐌᓂᐗᒃ ᓵᑭᐃᐌᐎᓂᕽ ᐃᔑᒋᑫᐗᒃ᙮ ᐅᑭᑫᑖᓈᐙ ᑭᔐᒪᓂᑑ ᐁᑮᐃᓇᓄᑮᐃᒡ ᒋᑲᓅᒋᑫᑕᒪᐙᑕᒫᓐ ᐃᐃ ᒥᓍᒋᒧᐎᓐ᙮

ᐱᓬᐃᐱᔭᓇᒃ 1:5

ᐅᒋ ᐃᐌ ᑳᐱ ᐃᔑᐐᒋᐃᐌᔦᒃ ᐁᐱᒥᐐᒋᑳᑌᒃ ᒥᓍᒋᒧᐎᓐ, ᓂᑕᒻ ᐃᑯ ᐁᑮᒫᒌᐅᑖᐱᓇᒣᒃ ᐲᓂᔥ ᐃᑯ ᓅᑯᒻ᙮

ᐱᓬᐃᐱᔭᓇᒃ 1:7

ᑾᔭᑾᓐ ᐃᓴ ᐅᐌ ᒋᐃᓀᓂᒥᓇᑰᒃ, ᒨᔕᒃ ᐁᑕᓀᓂᒥᓇᑰᒃ ᓂᑌᐃᕽ᙮ ᐋᓃᔥ ᑲᑭᓇ ᑳᑕᔑᔦᒃ ᑭᑮᐱ ᐃᔑᐐᒋᐃᐌᒻ ᓂᒦᓂᑰᐎᓯᐎᓂᕽ ᑳᐃᔑᐸᑭᑎᓇᒪᐎᒡ ᑭᔐᒪᓂᑑ, ᐋᓃᔥ ᓅᑯᒻ ᐁᑭᐸᐅᑰᔮᓐ ᑲᔦ ᐅᑖᓈᕽ ᒣᒀ ᐁᑮᐱᓂᔅᑴᓯᔮᓐ ᐁᑮᑲᓅᒋᑫᑕᒪᐙᑕᒫᓐ ᐃᐃ ᒥᓍᒋᒧᐎᓐ ᐁᑮᐱᒥᐋᔩᑕᑑᔮᓐ, ᒨᔕᒃ ᑭᑮᐱᐐᑑᑲᐎᒻ᙮

ᐱᓬᐃᐱᔭᓇᒃ 2:12

ᒦᓴ ᐃᐌ ᓯᔮᑭᐃᓇᑰᒃ, ᐃᐃᐌ ᐁᑮᐃᔑᐱᓯᑕᐎᔦᒃ ᑮᐐᒋᔭᔮᒥᓇᑰᒃ, ᐊᐗᔑᒣ ᓅᑯᒻ ᐁᐐᒋᐊᔮᒥᓯᓄᐎᓇᑰᒃ ᐊᑕᐌᑖᑾᓐ ᒋᑑᑕᒣᒃ ᐃᐃ ᑳᐃᓂᓇᑰᒃ᙮ ᑯᑖᓀᑕᒧᐎᓂᕽ, ᓂᓂᑭᔥᑳᐎᓂᕽ ᐃᔑᑲᐯᐊᓄᑳᑕᒫᓱᒃ ᑭᐱᒫᒋᐃᑰᐎᓂᐙ ᐲᓂᔑᑯ ᒋᑮᔑᓈᑾᒃ᙮