ᐱᓬᐃᐱᔭᓇᒃ 3:8 - ᐅᒋᐺ ᑭᒋᒪᓯᓇᐃᑲᓐ

⁸ ᑳᐐᓐ ᐃᓂᐌᓂᐗᓐ ᐁᑕ ᓂᑎᔑᓇᓰᓇᓐ, ᑲᑭᓇ ᑫᑰᓐ ᐋᓇᑑᑕᒫᓐ ᓂᑎᔑᓈᓐ ᒥᓯᐌ ᐁᑮᐗᓂᒋᑫᔮᓐ, ᓇᐗᒡ ᐃᑯ ᐁᐐᐊᔮᔮᓐ ᑫᑰᓐ ᒫᐗᒡ ᑳᐅᓂᔑᔑᕽ, ᒦ ᐃᐌ ᒋᑭᑫᓂᒪᒃ X ᒋᓴᔅ ᑳᑎᐯᓂᒥᒡ᙮ ᐐᓐ ᐁᐐᐊᔮᐗᒃ ᓂᑮᐅᒋᐌᐱᓈᓐ ᑲᑭᓇ᙮ ᒋᒥᒋᐌᐱᓂᑳᑌᒃ ᐁᑕ ᓂᑎᓇᑭᑖᓐ ᑲᑭᓇ, ᓇᐗᒡ ᐁᐐᐅᑎᓇᒃ ᐊᐊ X᙮

Ojibwe Kihcimasina'ikan

⁸ Kaawiin iniweniwan ehta nintishinansiinan, kahkina kekoon aanatootamaan nintishinaan misiwe ekii'wanihcikeyaan, nawac iko ewii'ayaayaan kekoon maawac kaaonishihshink, mii 'iwe cikihkenimak Christ Ciisahs kaaTipenimitc. Wiin ewii'ayaawak ninkii'onciwepinaan kahkina. Cimihciwepinikaatek ehta nintinakintaan kahkina, nawac ewii'ontinak a'a Christ.

ᐱᓬᐃᐱᔭᓇᒃ 3:8 Cross References

Nikamonan 126:6

ᐊᐊ ᓴ ᑳᒫᒑᒡ ᐁᒪᐎᒡ, ᐁᐱᒥᐎᑑᒡ ᒪᔥᑭᒧᑦ ᐁᔑ ᐲᑌᓂᑭᓐ ᑭᑎᑳᓀᓴᓐ ᐙᑭᑎᑳᑕᕽ, ᒦ ᓴ ᐊᐌ ᑫᐱᑮᐌᒡ ᒋᓇᑲᒧᒡ ᑫᐊᐲᒋ ᒌᑫᑕᕽ ᒋᐱᒥᐎᑑᒡ ᑳᑮ ᒪᓂᔕᕽ᙮

Nikamonan 73:25

ᐊᐌᓀᓐ ᐃᑕᔥ ᐁᔮᐗᑭᐸᓐ ᑭᒋᑮᔑᑯᕽ, ᒦ ᐁᑕ ᑯ ᑮᓐ? ᐁᐐᒌᐎᓈᓐ ᐃᑕᔥ, ᑳᐐᓐ ᑫᑰᓐ ᐸᑳᓐ ᐅᐅᒫ ᐊᑮᕽ ᓂᒥᓴᐌᑕᓰᓐ᙮

Aaiseya 53:11

ᐊᐲ ᑕᔥ ᑮᐃᔥᒀ ᑲᒀᑕᑭᑑᒡ ᐅᐱᒫᑎᓯᐎᓂᕽ, ᒦᑕᔥ ᒦᓇᐙ ᒋᐊᔮᒡ ᒥᓉᑕᒧᐎᓐ, ᒋᑭᑫᑕᕽ ᐃᔑ ᐊᓂᔖ ᐁᑮ ᑲᒀᑕᑭᑑᓯᒃ᙮ ᐃᐃ ᑕᔥ ᐁᐃᔑ ᑭᑫᑕᕽ ᐊᐊ ᓂᑕᓄᑮᐋᑲᓐ ᑳᑾᔭᒀᑎᓯᒡ, ᓃᐱᐗᐞ ᓴ ᐊᐎᔭᐞ ᐅᑲ ᐊᔨᔑᐋᐞ ᒋᒥᓋᑭᓱᓂᒡ, ᐐᓐ ᐋᓃᔥ ᑳᐐ ᐱᒥᐎᑕᒪᐙᒡ ᐅᒪᒋᑑᑕᒧᐎᓂᓂ᙮

Maalahkaai 2:3

ᒦᔥ ᐃᐃᐌ ᑳᐐ ᐅᒋ ᓇᓇᐊᓴᒀ ᑭᐲᐌᓰᒥᐙᒃ᙮ ᑮᓇᐙ ᑕᔥ ᐐᓐ ᐁᐐ ᔑᔔᔮᐱᓂᓇᑰᒃ ᐅᒨᐎᓂ ᐊᔭᐋᐎᔕᒃ ᑳᐸᑭᑎᓈᓱᔦᒃ᙮ ᑳᐃᔑᐎᒋᑳᑌᒃ ᒨᐎ, ᒦ ᐌᑎ ᑫᑮᓇᐙ ᑫᐃᔑ ᐌᐱᓂᑰᔦᒃ᙮

ᐊᑭᑖᓱᓇᓐ 14:30

ᑌᐺ ᓴ ᑳᐐᓐ ᑭᑲ ᐲᑎᑫᔥᑳᓰᒻ ᐃᐃ ᐊᑭ ᑳᑮ ᐊᔩᒋ ᐊᔓᑕᒫᐹᓐ ᐁᐐ ᐃᔑ ᑲᐯᔑᐃᓇᑰᑭᐸᓐ᙮ ᐊᐊ ᓴ ᐁᑕ ᑫᓬᐊᑉ ᑳᐅᑌᑌᒡ ᒉᐳᓀᐗᓐ, ᐊᐊ ᑕᔥ ᑲᔦ ᒑᔓᐙ ᑳᐅᑌᑌᒡ ᓇᓇᓐ ᑕᐲᑎᑫᔥᑳᐗᒃ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:43

ᐌᑯᓀᓐ ᐃᑕᔥ ᐅᐅ ᑭᒋᑫᑰᓐ ᐌᒋ ᐃᔑᓭᔮᓐ, ᓂᑎᐯᒋᑫᒻ ᐅᒫᒫᓐ ᐁᐱ ᒪᐗᑎᔑᒥᒡ?

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 11:20

ᑮᔥᐱᓐ ᐃᑕᔥ ᐐᓐ ᐋᐸᒋᑖᐗᒃ ᑭᔐᒪᓂᑑ ᐅᒪᔥᑲᐎᓰᐎᓐ ᐁᓵᑭᒋᓂᔕᐗᒀ ᐃᑭ ᒪᒋᐊᒑᑾᒃ, ᒦᑕᔥ ᐄᓴᓐ ᑫᒋᓈᒡ ᐁᐅᑎᓯᑯᐌᒃ ᑭᔐᒪᓂᑑ ᐅᑎᐯᒋᑫᐎᓐ᙮

Cwaan 14:20

ᐹᓂᒫ ᐃᐌ ᐊᐲ ᑮᔑᑲᒃ ᑭᑲᑭᑫᓂᒥᒻ ᐯᔓ ᐁᐐᒌᐗᒃ ᐊᐊ ᓂᑌᑌ, ᑲᔦ ᑭᑲᑭᑫᓂᑎᓱᒻ ᐯᔓ ᐁᐐᒌᐎᔦᒃ, ᑖᐱᔥᑰ ᑲᔦ ᓃᓐ ᐯᔓ ᐁᐐᒌᐎᓇᑰᒃ᙮

Cwaan 14:7

ᓃᓐ ᐋᔕ ᐁᑭᑫᓂᒥᔦᒃ, ᒦᑕᔥ ᐃᐃᒫ ᑫᐅᒋᑭᑫᓂᒣᒃ ᐊᐊ ᓂᑌᑌ᙮ ᓅᑯᒻ ᐃᑕᔥ ᑌᐺ ᑭᒫᒌᑭᑫᓂᒫᐙ, ᐋᔕ ᑕᔥ ᑭᑮᐙᐸᒫᐙ᙮

Cwaan 16:3

ᐊᒦ ᐅᐌ ᑫᐅᒋᑑᑕᒧᐙᒡ ᐁᑳ ᐁᑭᑫᓂᒫᓯᒀ ᐃᓂ ᐌᔫᓯᒥᒥᓐᒡ, ᑲᔦ ᓃᓐ ᐃᑕᔥ ᐁᑭᑫᓂᒥᓯᒀ᙮

Cwaan 17:3

ᒦ ᐋᓃᔥ ᐅᐌ ᐱᒫᑎᓯᐎᓐ ᐐᑳ ᑫᐃᔥᒀᓭᓯᓄᒃ, ᐁᑭᑫᓂᒥᑰᔭᓐ ᑮᓐ ᐱᑯ ᑌᐺ ᑳᑭᔐᒪᓂᑑᐎᔭᓐ, ᑲᔦ ᐁᑭᑫᓂᒥᓐᒡ ᒋᓴᔅ X, ᑮᓐ ᑳᑮᐲᒋᓂᔕᐗᒡ᙮

Cwaan 17:8

ᐃᐃᔥ ᑎᐹᒋᒧᐎᓐ ᑳᑮᒦᔑᔭᓐ, ᓂᑮᐊᓂᒦᓈᒃ ᐅᑯ ᐃᓂᓂᐗᒃ᙮ ᐅᑮᐅᑖᐱᓈᓈᐙ ᑕᔥ, ᑲᔦ ᓂᑭᑫᓂᒥᑰᒃ ᑫᒋᓈᒡ ᑌᐺ ᐃᒫ ᑮᓐ ᐁᑮᐱᐅᒌᔮᓐ, ᑲᔦ ᑌᐺᑕᒨᒃ ᐁᑮᐱ ᐃᔑᓂᔕᐅᔭᓐ᙮

Cwaan 20:13

ᐅᑮᑲᓅᓂᑰᐞ ᐃᑕᔥ: ᐌᑯᓀᓐ ᐌᒋᒪᐎᔭᓐ? ᐅᑮᐃᑰᐞ᙮ ᐅᐌᔥ ᐅᑮᐃᓈᐞ: ᐊᐎᔭᒃ ᐅᑮᒫᒌᑑᓈᐙ ᓂᑎᐯᒋᑫᒪᓐ ᐐᔭᐎᓂ, ᑳᐐᓐ ᑕᔥ ᓂᑭᑫᑕᓰᓐ ᐋᑎ ᑳᐃᔑᐊᑑᐙᒡ᙮

Cwaan 20:28

ᒦᑕᔥ ᐅᑮᐃᑰᓐ ᑣᒪᓲᓐ: ᑮᓐ ᓂᑎᐯᒋᑫᒻ! ᑮᓐ ᓂᑭᔐᒪᓂᑑᒻ! ᑮᐃᑭᑐᐗᓐ᙮

ᐃᔑᒋᑫᐎᓇᓐ 20:24

ᑳᐐᓐ ᑕᔥ ᓃᓐ ᑫᑰᓐ ᓂᑎᓀᑕᓰᓐ ᓂᐱᒫᑎᓯᐎᓐ ᒋᑭᒋ ᐃᓀᑕᒫᐹᓐ; ᒦ ᐁᑕ ᐙᐃᔑᒋᑫᔮᓐ ᒋᑮᔑᑖᐗᒃ ᐱᒥᐸᑑᐎᓐ, ᐊᓄᑮᐎᓐ ᑲᔦ ᑳᑮᒦᔑᒡ ᑳᑎᐯᒋᑫᒡ᙮ ᓂᑮᐃᔑᒦᓂᒃ ᒋᑎᐹᑐᑕᒧᐗᒃ ᐁᔑ ᒥᓍᑐᑌᓂᒃ ᑭᔐᒪᓂᑑ ᐅᑭᔐᐙᑎᓯᐎᓐ᙮

ᐅᕒᐆᒪᓇᒃ 8:18

ᓂᑎᓀᑕᒻ ᐃᑕᔥ ᐅᐅᐌ ᓅᑯᒻ ᑳᐃᔑᑲᒀᑕᑭᑑᔭᕽ, ᐗᐐᑫ ᑕᐸᑳᓀᑖᑾᓐ ᐃᐃᐌ ᑫᐃᔑᓭᒃ ᑭᒋ ᐃᓀᑖᑯᓯᐎᓐ ᑭᔐᒪᓂᑑ ᑫᓈᑯᑕᒪᐎᓇᕽ᙮

ᐅᕒᐆᒪᓇᒃ 8:39

ᑳᐐᓐ ᑕᔥ ᑲᔦ ᐃᔥᐱᒥᕽ ᑳᐊᔮᑭᓐ, ᐌᑎ ᑲᔦ ᓃᓴᔭᐄ ᑳᐃᔑᐊᔮᑭᓐ, ᑳᑕᓯᑭᓐ ᐃᑯ ᑲᔦ ᐋᑎ ᓴ ᑯ ᑳᐅᔑᒋᑳᑌᑭᓐ᙮ ᑳᐐᓐ ᑲᓇᑫ ᐐᑳ ᑫᑰᓐ ᑭᑖᐸᑫᐎᓂᑯᓰᒥᓐ ᐁᑳ ᒋᐐᒌᐎᑯᓯᐗᕽ ᑭᔐᒪᓂᑑ ᐅᔕᐌᓂᒥᐌᐎᓐ ᐃᐃᒫ ᑳᐅᒋᒦᓂᑰᔭᕽ X ᒋᓴᔅ ᑳᑎᐯᓂᒥᓇᕽ᙮

1 ᑲᕒᐃᑎᔭᓇᒃ 2:2

ᐋᓃᔥ ᓂᑮᐅᓀᑖᓐ ᑲᑭᓇ ᑫᑰᓐ ᒋᐗᓃᑫᓄᑕᒫᓐ ᒣᒀ ᐁᐐᒋᑖᒥᓇᑰᒃ, ᒦ ᐁᑕ ᐅᐌ ᒋᐐᑕᒫᑫᔮᓐ ᒋᓴᔅ ᐁᓈᒋᒥᓐᒡ, ᒣᒥᑕᑫ ᑳᔑᓂᐳᒡ ᐋᔑᑌᔮᑎᑯᕽ᙮

1 ᑲᕒᐃᑎᔭᓇᒃ 9:10

ᑳᐐᓐ ᐃᓇ ᑌᐺ ᑮᓇᐎᓐᑦ ᑳᑮᐅᒋ ᐃᑭᑐᒡ? ᑫᒋᓈᒡ ᑮᓇᐎᓐᑦ ᑮᐅᒋᐅᔑᐲᐃᑳᑌ᙮ ᐃᓇᔥᑫᔥ ᐊᐌ ᑭᑎᑫᐎᓂᓂ ᑳᐱᑭᔥᑲᑲᒥᑭᐱᒋᑫᒡ, ᑲᔦ ᐲᓂᔥ ᐊᐌ ᑳᐸᐎᔥᑭᑫᒡ, ᑲᑭᓇ ᑫᑰᓐ ᑕᐃᔑᐊᓄᑮᐗᒃ ᐁᐲᑑᐙᒡ ᐃᐃ ᐊᐲ ᑫᐅᑕᒋᑫᐙᒡ᙮

2 ᑲᕒᐃᑎᔭᓇᒃ 4:4

ᐋᓃᔥ ᐊᐊ ᒪᒋᐊᔭᐋ ᑳᒪᓂᑑᐎᒡ ᐅᐅᒫ ᐊᑮᕽ ᐅᑮᐃᔑᐋᐞ ᒋᐙᐱᓯᓂᒃ ᐃᐃᒫ ᐅᑎᓀᑕᒧᐎᓂᓃᕽ, ᒦ ᓴ ᑕᔥ ᑳᐅᒋᑌᐺᑕᓯᓂᒃ᙮ ᑳᐐᓐ ᑕᔥ ᑲᔦ ᐅᓇᑕᐌᓂᒫᓰᐞ ᒋᐙᐸᑕᒥᓂᒡ ᐃᐃ ᑳᐃᔑᐙᓭᔮᓂᒃ ᐃᐃ ᒥᓍᒋᒧᐎᓂᓂ, ᐃᐃᒫ ᑳᐃᔑᑕᔑᑌᓂᒃ X ᐅᑭᒋ ᐃᓀᑖᑯᓯᐎᓐ᙮ ᐋᓃᔥ ᒪᔮ ᐱᑯ ᑭᔐᒪᓂᑑᕽ ᐃᔑᓈᑯᓯ ᐊᐊ X᙮

2 ᑲᕒᐃᑎᔭᓇᒃ 4:6

ᑭᔐᒪᓂᑑ ᓴ ᑳᑮᐃᑭᑐᒡ: ᐃᐃᒫ ᓴ ᑳᐃᔑᑲᔥᑮᑎᐱᑲᒃ, ᑳᐙᓭᔮᒃ ᑕᓵᑳᑌ, ᒦ ᓴ ᐊᐊᐌ ᐯᔑᑾᓐ ᑭᔐᒪᓂᑑ ᑳᑮᐙᓭᔮᑑᒡ ᓂᑌᐃᓈᓂᓐ ᒋᑭᑫᑕᒧᐗᑭᒡ ᑭᔐᒪᓂᑑ ᐅᑭᒋ ᐃᓀᑖᑯᓯᐎᓐ, X ᐁᐙᓰᑴᔥᑳᑯᒡ᙮

ᑲᓬᐁᔑᔭᓇᒃ 1:16

ᐁᑮᐃᓀᑕᕽ ᑲᔦ ᒋᐐᑕᒪᐎᒪᒃ ᐃᐃ ᐁᑳ ᑳᒎᐎᐎᓯᓂᒃ ᒋᑕᔑᑕᒪᐎᒪᒃ ᐃᐃ ᒥᓍᒋᒧᐎᓐ, ᒋᑕᔑᒥᒪᒃ ᐃᓂ ᑭᔐᒪᓂᑑ ᐅᑯᓯᓴᓐ᙮ ᐊᐲ ᑕᔥ ᑳᑮᐙᐸᒥᒪᒃ ᑳᐐᓐ ᐊᐎᔭ ᓂᑮᓈᓯᑲᐙᓰ ᒋᐐᑕᒪᐎᒡ ᐋᓃᓐ ᑫᐃᔑᒋᑫᔮᓐ᙮

ᐃᐲᔑᔭᓇᒃ 4:13

ᐹᓂᒫ ᑲᑭᓇ ᑮᐯᔑᑴᑖᑾᒃ ᑭᑌᐺᑕᒧᐎᓂᓈᓐ, ᑳᐃᔑᑭᑫᓂᒪᕽ ᑲᔦ ᑭᔐᒪᓂᑑ ᐅᑯᓯᓴᓐ, ᒦᑕᔥ ᐃᐃ ᐸᔦᔥ ᒋᓂᑮᔖᐯᐎᐗᕽ, ᒋᐅᒋᒋᔥᑳᐗᕽ ᐅᒨᔥᑭᓀᐌᑖᑯᓯᐎᓂᕽ X ᒪᔮ ᑫᑮᓇᐎᓐᑦ ᒋᐃᔑᓈᑯᓯᔭᕽ᙮

ᐱᓬᐃᐱᔭᓇᒃ 1:1

ᓃᓇᐎᓐᑦ ᑆᓬ Paul ᑲᔦ ᑎᒪᑎ Timothy ᐅᑕᓄᑮᐋᑲᓇᐞ X ᒋᓴᔅ᙮ ᑮᓇᐙ ᑭᑑᔑᐲᐊᒫᑰᒻ ᐃᐃᒫ ᐱᓬᐃᐹᐃ Philippi ᐆᑌᓈᕽ ᑳᐊᔮᔦᒃ, ᑮᓇᐙ ᑭᔐᒪᓂᑑ ᐅᐱᒫᑎᓰᒪᐞ ᑳᐐᒌᐌᒃ X ᒋᓴᔅ, ᑕᑯ ᑲᔦ ᐃᑭᐌᓂᐗᒃ ᐅᓃᑳᓂᓰᒃ ᑲᔦ ᐅᐐᒋᐃᐌᒃ ᓂᑑᔑᐲᐊᒪᐙᓈᓂᒃ᙮

ᐱᓬᐃᐱᔭᓇᒃ 3:10

ᐅᐅᐌ ᓴ ᐁᑕ ᓂᓇᑕᐌᑖᓐ, ᐐᓐ X ᒋᑭᑫᓂᒪᒃ ᑲᔦ ᒋᐱᑭᑫᑕᒪᐗᒃ ᐃᐌ ᒪᔥᑲᐎᓰᐎᓐ ᐃᐃᒫ ᐌᒌᒪᑲᒃ ᐅᑮᐌᐱᒫᑎᓯᐎᓂᕽ᙮ ᑲᔦ ᓂᐐᐐᒋᐃᐌ ᐅᑯᑕᑭᑑᐎᓂᕽ X, ᓂᐐᓈᐹᑎᓰᒫ ᑳᐃᓈᑎᓯᒡ ᐅᓂᐳᐎᓂᕽ,

ᐱᓬᐃᐱᔭᓇᒃ 3:12

ᑳᐐᓐ ᐃᐌ ᓂᑖᐃᑭᑐᓰ ᐋᔕ ᒋᑲᔥᑭᑑᔮᓐ, ᑳᐐᓐ ᑲᔦ ᐁᑮᔑᐃᑰᐎᓯᔮᓐ᙮ ᐁᓂᑯᒃ ᐃᑕᔥ ᓂᑕᓂᑲᑴᑳᒋᑎᓇᒫᔅ ᐃᐃᐌ ᑳᑮᐐᒦᔑᒡ ᑳᑮᐅᒋᑳᒋᑎᓂᒡ X ᒋᓴᔅ᙮

ᐱᓬᐃᐱᔭᓇᒃ 3:7

ᐅᓄ ᑕᔥ ᑲᑭᓇ ᐅᑎᓯᐎᓐ ᑫᑮᐃᓇᑭᑕᒫᐹᓐ, ᓅᑯᒻ ᓂᑎᔑᓈᓇᓐ ᐁᑮᐗᓂᒋᑫᔮᓐ, ᓇᐗᒡ X ᐁᐐᑭᑫᓂᒪᒃ᙮

2 Timahti 4:6

ᓃᓐ ᐃᑕᔥ ᐃᑯ, ᐋᔕ ᑫᑳ ᒦᐅ ᐊᐲ ᒋᐸᑭᑎᓈᔂᑲᓂᐎᔮᓐ᙮ ᐋᔕ ᑎᐱᓭ ᒋᒫᒑᔮᓐ᙮

ᐄᐸᕒᐆᐗᒃ 3:14

ᐋᓃᔥ ᑭᐐᒌᐙᓈᓐ X, ᑮᔥᐱᓐ ᐁᑕ ᒪᔥᑲᐎᒥᒋᒥᓇᒪᕽ ᐃᐃ ᑭᑫᒋᓈᐅᐎᓂᓈᓐ ᓂᑕᒻ ᑳᑮᐊᔮᔭᕽ, ᐲᓂᔥ ᐌᑎ ᐃᔥᒀᒡ ᑮᔑᑲᒃ᙮

1 Piitar 2:7

ᑮᓇᐙ ᑕᔥ ᑳᑌᐺᑕᒣᒃ ᐗᐊ ᐊᓯᓐ ᐋᐱᒋ ᑭᑭᒋ ᐃᓀᓂᒫᐙ᙮ ᐃᑭ ᑕᔥ ᐐᓐ ᑳᑌᐺᑕᓯᒀ ᐅᐅ ᐃᔑᑌᐱᒫᐗᒃ: ᐃᓂ ᓴ ᐊᓯᓃᓐ ᑳᐙᑲᐃᑫᐙᒡ ᑳᔮᓇᐌᓂᒫᐙᒡ, ᒦᐗᓐ ᐃᓴ ᐃᓂ ᒫᐗᒡ ᑳᓃᑳᓀᑖᑯᓯᓂᒡ ᐊᓯᓃᓐ᙮

2 Piitar 1:2

ᑕᑲ ᑭᔐᐙᑎᓯᐎᓐ, ᐱᓵᓂᓯᐎᓐ ᑲᔦ ᑭᑲᑭᒋᒦᓂᑰᐎᓯᒻ ᐃᐃ ᐅᒋ ᑳᐃᔑᑭᑫᓂᒣᒃ ᑭᔐᒪᓂᑑ ᐊᐊ ᑲᔦ ᒋᓴᔅ ᑳᑎᐯᓂᒥᓇᕽ᙮

2 Piitar 1:3

ᑭᔐᒪᓂᑑ ᓴ ᐅᒪᔥᑲᐎᓰᐎᓂᕽ ᑭᑑᒋᒦᓂᑰᒥᓐ ᑲᑭᓇ ᑫᑰᓐ ᑳᓅᑌᓭᔭᕽ ᐅᐅ ᑳᐱᒫᑎᓯᔭᕽ ᒋᐃᔑᒥᓄ ᐊᓇᒥᐁᐙᑎᓯᔭᕽ᙮ ᒦᑕᔥ ᐃᐃᒫ ᐌᒋᒦᓂᑰᐎᓯᔭᕽ ᐃᐃ ᐁᑭᑫᓂᒪᕽ ᑭᔐᒪᓂᑑ ᑳᑮᐊᑐᒥᓇᕽ᙮ ᒦ ᓴ ᑕᔥ ᑳᑮᐅᒋᐊᑐᒥᓇᕽ, ᒋᐊᔮᐗᕽ ᐐᓐ ᐃᑯ ᐅᑭᒋ ᐃᓀᑖᑯᓯᐎᓐ, ᐃᐃᐌᓂ ᑲᔦ ᑳᐃᔑᑾᔭᑯᓈᑯᓯᒡ᙮

2 Piitar 1:8

ᑮᔥᐱᓐ ᓴ ᐊᔮᔦᒃ ᐅᓄ ᐃᔑᐊᔮᐎᓇᓐ, ᐊᓂᐌᓅᒋᑑᔦᒃ ᑲᔦ ᑭᐱᒫᑎᓯᐎᓂᐙᕽ, ᒦ ᓴ ᐃᓂ ᑫᐃᓂᔥᑳᑯᔦᒃ ᒋᑭᑖᐸᑎᓯᔦᒃ, ᓃᐱᐗᐞ ᑲᔦ ᒋᓂᓈᑾᑭᓐ ᑭᒥᓄᒋᑫᐎᓂᐙᓐ, ᐃᐃ ᑌᐺ ᑳᐃᔑᑭᑫᓂᒣᒃ ᑳᑎᐯᓂᒥᓇᕽ ᒋᓴᔅ X᙮

2 Piitar 3:18

ᐃᔑᐱᒫᑎᓯᒃ ᓴ ᒋᐊᓂ ᐃᔑᒫᒌᑭᔦᒃ ᑭᑕᓇᒥᐁᐙᑎᓯᐎᓂᐙᕽ, ᒋᓂᑭᑫᓂᒣᒃ ᑳᑎᐯᓂᒥᓇᕽ ᑳᐱᒫᒋᐃᓇᕽ ᒋᓴᔅ X᙮ ᑕᑲ ᐐᓐ ᒨᔕᒃ ᑕᑭᒋ ᐃᓀᓂᒫ ᓅᑯᒻ ᓀᐱᒡ ᐃᑯ ᑲᔦ᙮ ᐁᒣᓐ᙮

1 Cwaan 1:3

ᐃᐃ ᑕᔥ ᓃᓇᐎᓐᑦ ᑳᑮᐙᐸᑕᒫᕽ, ᑳᑮᓅᑕᒫᕽ ᑲᔦ, ᑳᐅᒋᐐᑕᒫᑰᔦᒃ ᑫᑮᓇᐙ ᒋᐐᒌᐎᔮᕽ, ᐅᐅ ᑳᔑᐐᒌᐗᑭᒡ ᑳᐅᑌᑌᒫᐎᒡ, ᐃᓂ ᑲᔦ ᑳᔑᐐᒌᐎᒪᑭᒡ ᐅᑯᓯᓴᓐ ᒋᓴᔅ Xᑕᓐ᙮

1 Cwaan 2:19

ᑳᐐᓐ ᑕᔥ ᐐᓇᐙ ᑭᐐᒋᑎᐯᑖᑯᓰᒥᑯᓰᓈᓂᒃ, ᒦᓴᐃ ᑳᑮᐅᒋᓇᑲᓂᓇᒀ᙮ ᑮᔥᐱᓐ ᑳᐅᒋᑎᐯᑖᑯᓯᔭᕽ ᑌᐺ ᐃᔑᑎᐯᑖᑯᓯᐙᐸᓐ, ᑫᔮᐱ ᐄᑐᒃ ᑭᑖᑮᐐᒌᐎᑯᓈᓂᒃ᙮ ᐁᑮᓇᑲᓂᓇᒀ ᑕᔥ ᒦᐃᒫ ᐁᔑᐯᑌᓈᑾᓂᓂᒃ ᑳᔑᑎᐯᑖᑯᓯᔭᕽ ᑌᐺ ᐁᐅᒋᑎᐯᑖᑯᓯᓯᒀ᙮

1 Cwaan 5:20

ᑭᑭᑫᑖᒥᓐ ᑲᔦ ᑭᔐᒪᓂᑑ ᐅᑯᓯᓴᓐ ᐁᑮᐱᑕᑶᔑᓂᓂᒡ, ᐁᑮᒦᓂᒥᓇᕽ ᑲᔦ ᓂᓯᑐᑕᒧᐎᓐ, ᒋᐅᒋᑭᑫᓂᒪᕽ ᑳᒪᔮᐌᑖᑯᓯᒡ ᑭᔐᒪᓂᑑ᙮ ᑭᐐᒋᐊᔮᒫᓈᓐ ᑕᔥ ᑳᒪᔮᐌᑖᑯᓯᒡ ᑭᔐᒪᓂᑑ, ᐃᓂ ᑲᔦ ᐅᑯᓯᓴᓐ ᒋᓴᔅ Xᑕᓐ᙮ ᒦᓴ ᐗᐊ ᑭᔐᒪᓂᑑ ᑳᑌᐺᐎᓂᐎᒡ, ᐐᓐ ᓴ ᐊ ᐱᒫᑎᓯᐎᓐ ᐐᑳ ᑫᐴᓂᓭᓯᓂᓂᒃ᙮