ᐱᓬᐃᐱᔭᓇᒃ 3:3 - ᐅᒋᐺ ᑭᒋᒪᓯᓇᐃᑲᓐ

³ ᑮᓇᐎᓐᑦ ᐅᔕ ᑭᑖᐎᒥᓐ ᑳᒦᓂᑰᐎᓯᔭᕽ ᑾᔭᒃ ᑭᑭᓇᐙᑕᔕᑫᔓᑰᐎᓂᕽ ᑳᐃᓀᑖᑾᒃ᙮ ᐋᓃᔥ ᑮᓇᐎᓐᑦ ᑭᑎᔑᐊᓇᒥᐁᑕᐙᓈᓐ ᑭᔐᒪᓂᑑ ᐁᐃᔑᑲᔥᑭᑑᐃᒥᓇᕽ ᐅᑕᒑᑾᓐ᙮ ᔑᑾ ᑭᑑᒋᒨᒋᑫᑖᒥᓐ ᐃᐌ ᐁᐐᒌᐎᓇᕽ X ᒋᓴᔅ᙮ ᑳᐐᓐ ᑲᓇᑫ ᑭᑕᐯᓂᒧᓄᑕᓰᒥᓐ ᑫᑰᓐ ᐗᑭᒋᓇᐤ ᐁᑕ ᐁᑑᒋᑳᑌᒃ᙮

Ojibwe Kihcimasina'ikan

³ Kiinawint ohsha kitaawimin kaamiinikoowisiyank kwayahk kihkinawaatashakeshokoowinink kaainentaakwahk. Aaniihsh kiinawint kitishianami'ehtawaanaan Kishemanitoo e'ishikashkihtoo'iminank otAhcaahkwan. Shikwa kitooncimoocikentaamin 'iwe e'wiiciiwinank Christ Ciisahs. Kaawiin kanake kitahpenimonotansiimin kekoon wakicinaw ehta ehtoocikaatek.

ᐱᓬᐃᐱᔭᓇᒃ 3:3 Cross References

Aaiseya 45:25

ᓃᓐ ᓴ ᑳᑎᐯᒋᑫᔮᓐ ᓂᑲ ᑑᑕᐙᒃ ᓴ ᒉᑲᐴᕽ ᐌᑕᑳᓀᓯᐙᒡ ᒋᑾᔭᒀᑎᓯᐙᒡ ᒦ ᑫᐅᒋ ᒦᑴᒋᐌᓂᒥᐙᒡ᙮

Ceramaaya 4:4

ᑭᑭᓇᐙᒋᐃᑎᓱᒃ, ᑭᑭᓇᐙᒋᑑᒃ ᑲᔦ ᑭᑌᐃᐗᓐ ᐁᐸᑭᑎᓂᑎᓱᔦᒃ ᐁᔑᐊᔮᒡ ᑳᑎᐯᒋᑫᒡ ᑮᓇᐙ ᐯᒫᑎᓯᔦᒃ ᐁᔮᔦᒃ ᒎᑕ ᐊᑮᕽ, ᒉᕒᐆᓴᓬᐊᒥᕽ ᑲᔦ᙮ ᑮᔥᐱᓐ ᐃᑕᔥ ᐃᐃ ᐃᔑᒋᑫᓯᐌᒃ, ᒦ ᓴ ᐃ ᓂᓂᔥᑳᑎᓯᐎᓐ ᐃᔥᑯᑌᕽ ᐁᓀᑖᑾᒃ ᒋᑭᑫᑖᑾᒃ, ᐅᓵᒻ ᐋᓃᔥ ᓅᒋᑯ ᑭᐱ ᐃᔑᒋᑫᒻ᙮ ᑳᐐᓐ ᐃᑕᔥ ᐊᐎᔭ ᐅᑲ ᐋᑕᐌᐊᓰᓐ᙮

Maalahkaai 1:11

ᐁᔑ ᐊᔮᐙᒡ ᑯᑕᒃ ᑳᐱᒫᑎᓯᐙᒡ ᑳᐅᒋ ᒨᑲᐊᕽ ᑮᓯᔅ, ᐲᓂᔥ ᑳᓂᔑ ᐸᑭᔑᒧᒡ ᓂᐐᓱᐎᓐ ᑕᑭᒋ ᐃᓀᑖᑾᓐ᙮ ᒥᓯᐌ ᑲᔦ ᓂᑲ ᒥᓈᓴᒫᑰ ᓂᐐᓱᐎᓐ ᐅᒋ, ᓂᑲ ᐸᑭᑎᓇᒫᑰ ᑲᔦ ᑫᒥᓍᐸᑕᒫᓐ ᐸᑭᑎᓈᓱᐎᓐ᙮ ᐋᐱᒋ ᓴ ᑕᑭᒋ ᐃᓀᑖᑾᓐ ᓂᐐᓱᐎᓐ ᒣᑴᔭᐄ ᐁᔑᐊᔮᐙᒡ ᐯᑳᓉᐙᓇᑭᓯᐙᒡ ᐯᒫᑎᓯᐙᒡ᙮

ᐅᕒᐆᒪᓇᒃ 1:9

ᑭᔐᒪᓂᑑ ᓂᑖᑎᐹᒋᒥᒃ ᐁᑌᐺᐗᒃ᙮ ᒦ ᐊᐊᐌ ᐁᓂᑯᑯᑌᐁᔮᓐ ᑳᔑᐊᓄᑲᐗᒃ ᐁᐐᑕᒫᑫᔮᓐ ᐁᔑᒥᓍᒋᒥᒥᓐᒡ ᐅᑯᓯᓴᓐ᙮ ᑭᔐᒪᓂᑑ ᓂᑭᑫᓂᒥᒃ ᒨᔕᒃ ᐁᒫᒥᑴᓂᒥᓇᑰᒃ

ᐅᕒᐆᒪᓇᒃ 15:17

ᐅᐅ ᑕᔥ ᑳᔑᐐᒌᐗᒃ X ᒋᓴᔅ, ᑌᐺ ᓴ ᐃᔑᓈᑾᓐ ᒋᑭᒋ ᐃᓀᑕᒫᓐ ᐅᐅ ᑳᔑᐊᓄᑮᑕᐗᒃ ᑭᔐᒪᓂᑑ᙮

ᐅᕒᐆᒪᓇᒃ 7:6

ᐋᔕ ᑕᔥ ᑭᑮᐋᐸᐅᑯᓈᓐ ᑭᔐᒪᓂᑑ, ᐁᑳ ᒦᓇᐙ ᒋᒥᒋᒪᐱᓂᑯᓯᐗᕽ ᐃᓈᑯᓂᑫᐎᓐ᙮ ᑭᑮᓂᐳᒥᓐ ᐃᓀᑖᑾᓐ, ᐁᑳ ᑫᔮᐱ ᒋᑎᐯᓂᒥᑯᓯᐗᕽ ᐃᐃᐌ ᑳᑮᒥᒋᒪᐱᓂᑯᔭᕽ᙮ ᑳᐐᓐ ᑫᔮᐱ ᑭᑎᔑᐊᓄᑲᐙᓯᐙᓈᓐ ᑭᔐᒪᓂᑑ ᑫᑌᐊᔭᐄᕽ ᐃᓇᑫ ᐃᓈᑯᓂᑫᐎᓐ ᑳᐃᔑᐲᐃᑳᑌᒃ᙮ ᐅᔥᑲᔭᐄᕽ ᐃᓇᑫ ᑭᑎᔑᐊᓄᑲᐙᓈᓐ, ᐅᔥᑲᔭᐄᕽ ᐁᐃᔑᐃᒥᓇᕽ ᑭᔐᒪᓂᑑ ᐅᑕᒑᑾᓐ᙮

ᐅᕒᐆᒪᓇᒃ 8:15

ᐃᓂ ᐋᓃᔥ ᐊᒑᑾᓐ ᑳᒦᓂᓀᒃ ᑭᔐᒪᓂᑑ, ᑳᐐᓐ ᒦᓇᐙ ᑭᑎᔑᐃᑯᓰᐙ ᒋᑮᐌᓄᑕᒧᐌᒃ ᑯᑖᒋᐎᓐ ᒋᑮᐌᑎᐯᓂᒥᑯᐌᒃ᙮ ᐊᐊᐌ ᐊᒑᒃ ᑳᒦᓂᑰᔦᒃ ᑭᑮᐃᔑᐃᑯᐙ ᑭᔐᒪᓂᑑ ᐅᑯᓯᓴᐞ ᒋᑎᓄᐎᔦᒃ᙮ ᐊᒦᑕᔥ ᐊᐊᐌ ᐊᒑᒃ ᑭᑎᔑᑮᔗᐃᑯᓈᓐ, ᓅᔅ! ᓂᑌᑌ! ᒋᐃᓂᒪᕽ ᑭᔐᒪᓂᑑᓐ᙮

ᐅᕒᐆᒪᓇᒃ 8:39

ᑳᐐᓐ ᑕᔥ ᑲᔦ ᐃᔥᐱᒥᕽ ᑳᐊᔮᑭᓐ, ᐌᑎ ᑲᔦ ᓃᓴᔭᐄ ᑳᐃᔑᐊᔮᑭᓐ, ᑳᑕᓯᑭᓐ ᐃᑯ ᑲᔦ ᐋᑎ ᓴ ᑯ ᑳᐅᔑᒋᑳᑌᑭᓐ᙮ ᑳᐐᓐ ᑲᓇᑫ ᐐᑳ ᑫᑰᓐ ᑭᑖᐸᑫᐎᓂᑯᓰᒥᓐ ᐁᑳ ᒋᐐᒌᐎᑯᓯᐗᕽ ᑭᔐᒪᓂᑑ ᐅᔕᐌᓂᒥᐌᐎᓐ ᐃᐃᒫ ᑳᐅᒋᒦᓂᑰᔭᕽ X ᒋᓴᔅ ᑳᑎᐯᓂᒥᓇᕽ᙮

ᐅᕒᐆᒪᓇᒃ 9:6

ᑳᐐᓐ ᐐᓐ ᓂᑎᑭᑐᓰ ᑭᔐᒪᓂᑑ ᐁᑮᑆᓇᐎᒋᑫᒪᑲᓂᓂᒃ ᐅᑕᔓᑕᒫᑫᐎᓐ᙮ ᐋᓃᔥ ᐃᑭ ᐯᒫᑎᓯᐙᒡ ᐃᔅᕒᐃᔭᓬᐃᑳᕽ ᑳᐅᑕᑳᓀᓯᐙᒡ, ᑳᐐᓐ ᐄᑐᒃ ᐋᓂᑕ ᑌᐺ ᐃᔅᕒᐃᔭᓬᐃᐎᓰᐗᒃ ᒋᑎᓄᐎᐙᐸᓐ ᑳᑳᑮᑭᓂᑯᐙᒡ ᑭᔐᒪᓂᑑᓐ᙮

2 ᑲᕒᐃᑎᔭᓇᒃ 11:18

ᐋᐱᒋ ᑕᔥ ᐁᐹᑏᓄᐙᒡ ᐊᐎᔭᒃ ᑳᒪᒦᒀᓂᑎᓱᐙᒡ ᐃᐃᒫ ᐐᔮᓯᐱᒫᑎᓯᐎᓂᕽ ᐅᒋ, ᒦ ᓴ ᑫᓃᓐ ᑫᐃᔑᒋᑫᔮᓐ᙮

ᑲᓬᐁᔑᔭᓇᒃ 5:25

ᐊᒑᑯᕽ ᐃᑕᔥ ᐁᐅᒋᐱᒫᑎᓯᔭᕽ, ᑕᑲ ᑕᔥ ᑲᔦ ᐊᒑᑯᕽ ᐃᔑᐱᒧᓭᑖ᙮

ᑲᓬᐁᔑᔭᓇᒃ 6:16

ᐃᑭ ᓴ ᑳᐐᐃᔑᐱᒫᑎᓯᐙᒡ ᐃᐃ ᑳᑮᐃᔥᒀᑕᔑᑕᒫᓐ ᐱᓵᓀᑕᒧᐎᓂᓂ, ᔕᐌᑖᑯᓯᐎᓂᓂ ᑲᔦ ᑕᒦᓈᐗᒃ, ᐃᑭ ᑲᔦ ᑲᑭᓇ ᐃᔅᕒᐃᔭᓬ Israel ᑳᐃᓀᑖᑯᓯᐙᒡ, ᑭᔐᒪᓂᑑᓐ ᑳᑎᐯᓂᒥᑯᐙᒡ᙮

ᐃᐲᔑᔭᓇᒃ 6:18

ᑭᔐᒪᓂᑑ ᑕᔥ ᐅᑕᒑᑾᓐ ᑳᐃᔑᐐᒋᐃᒥᓀᒃ ᒨᔕᒃ ᐊᓇᒥᐋᒃ ᐁᑲᑴᑗᔦᒃ ᑫᑰᓐ ᐱᑯ᙮ ᐅᐅ ᑕᔥ ᐁᐃᔑᒋᑫᔦᒃ, ᒨᔕᒃ ᐊᔕᐙᐱᒃ, ᑫᑯ ᑲᔦ ᐸᑭᒌᑫᒃ ᐁᐊᓇᒥᐋᔦᒃ, ᐁᐊᓇᒥᐁᑕᒪᐎᒣᒃ ᑲᑭᓇ ᑭᔐᒪᓂᑑ ᐅᐱᒫᑎᓰᒪᐞ᙮

ᑑᑕᕒᐋᓇᒦ 10:16

ᓅᑯᒻ ᐃᑕᔥ ᓇᐃᑕᐎᒃ ᑳᑎᐯᒋᑫᒡ ᑭᑌᐃᐙᕽ, ᒦ ᐃ ᐃᔑ ᐴᓂ ᔕᔒᐱᑕᒧᒃ᙮

ᑑᑕᕒᐋᓇᒦ 30:6

ᒦᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᒋᐃᔑᐃᓀᒃ, ᑭᐲᐌᓰᒥᐙᐞ ᑲᔦ ᒋᓇᐃᑕᒧᐌᒃ ᑭᑌᐃᐙᕽ᙮ ᒦ ᓴ ᑕᔥ ᐃᐃ ᒋᓵᑭᐁᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᒥᓯᐌ ᑯ ᑭᑌᐃᐙᕽ, ᒥᓯᐌ ᑲᔦ ᑭᑕᒑᑯᐙᕽ ᑮᓇᐙ ᒋᐅᒋ ᐱᒫᑎᓯᔦᒃ᙮

ᐱᓬᐃᐱᔭᓇᒃ 1:1

ᓃᓇᐎᓐᑦ ᑆᓬ Paul ᑲᔦ ᑎᒪᑎ Timothy ᐅᑕᓄᑮᐋᑲᓇᐞ X ᒋᓴᔅ᙮ ᑮᓇᐙ ᑭᑑᔑᐲᐊᒫᑰᒻ ᐃᐃᒫ ᐱᓬᐃᐹᐃ Philippi ᐆᑌᓈᕽ ᑳᐊᔮᔦᒃ, ᑮᓇᐙ ᑭᔐᒪᓂᑑ ᐅᐱᒫᑎᓰᒪᐞ ᑳᐐᒌᐌᒃ X ᒋᓴᔅ, ᑕᑯ ᑲᔦ ᐃᑭᐌᓂᐗᒃ ᐅᓃᑳᓂᓰᒃ ᑲᔦ ᐅᐐᒋᐃᐌᒃ ᓂᑑᔑᐲᐊᒪᐙᓈᓂᒃ᙮

ᐱᓬᐃᐱᔭᓇᒃ 3:12

ᑳᐐᓐ ᐃᐌ ᓂᑖᐃᑭᑐᓰ ᐋᔕ ᒋᑲᔥᑭᑑᔮᓐ, ᑳᐐᓐ ᑲᔦ ᐁᑮᔑᐃᑰᐎᓯᔮᓐ᙮ ᐁᓂᑯᒃ ᐃᑕᔥ ᓂᑕᓂᑲᑴᑳᒋᑎᓇᒫᔅ ᐃᐃᐌ ᑳᑮᐐᒦᔑᒡ ᑳᑮᐅᒋᑳᒋᑎᓂᒡ X ᒋᓴᔅ᙮

ᐱᓬᐃᐱᔭᓇᒃ 3:14

ᑾᔭᒃ ᐃᑯ ᐊᐸᓀ ᓂᑕᐸᑑ ᒋᐅᒋᒋᐸᑑᔮᓐ ᐌᑎ ᑳᐃᔑᑭᑭᓇᐙᓯᓈᑾᒃ ᐸᑭᓈᑫᐎᓐ, ᒦ ᐃᒫ ᒋᑕᔑᒦᓂᑰᔮᓐ ᓂᑎᐸᐊᒫᑰᐎᓐ, ᒦ ᐃᐌ ᐃᔥᐱᒥᕽ ᒋᑕᓈᑎᓯᔮᓐ, ᒦ ᐃᐌ ᑳᐃᔑᐊᑐᒥᒡ ᑭᔐᒪᓂᑑ ᒋᓴᔅ Xᐃᕽ᙮

ᑲᓬᐋᔑᔭᓇᒃ 2:11

ᐁᐐᒌᐌᒃ ᑕᔥ X, ᒦ ᐃ ᑳᐃᔑᓈᑯᓯᔦᒃ ᐁᐊᔮᔦᒃ ᑭᑭᓇᐙᑕᔕᑫᔓᑰᐎᓐ, ᑳᐐᓐ ᐐᓐ ᐃᓂᓂ ᑳᐃᔑᑭᑭᓇᐙᑕᔕᑫᔓᐌᒡ, ᐃᐃ ᓴ X ᑳᐃᔑᑭᑭᓇᐙᒋᐃᐌᒡ᙮ ᒦ ᓴ ᐁᔑᓭᔦᒃ ᐁᑮᔒᑯᔥᑲᒣᒃ ᑳᑮᓂᑖᒪᒋ ᐃᔑᒋᑫᒪᑲᒃ ᑫᑌᐃᓈᑎᓯᐎᓐ᙮

Coot 1:20

ᑮᓇᐙ ᑕᔥ ᐐᓐ ᑳᓵᑭᐃᓇᑰᒃ, ᐁᑭᑌᑖᑾᒃ ᑭᑌᐺᑕᒧᐎᓂᐙ, ᐁᐃᓀᑖᑾᒃ ᐙᑳᐃᑲᓐ ᑳᐃᔑᐅᓈᐱᑭᓯᒋᑳᑌᒃ, ᒦ ᐃᒫ ᐃᔑᐅᐱᑳᐸᐎᐃᑎᒃ᙮ ᐃᔑᐊᓇᒥᐋᒃ ᐃᑕᔥ ᑲᔦ ᑳᐃᔑᑭᑭᓄᐎᓂᒥᓀᒃ ᑭᔐᒪᓂᑑ ᐅᑕᒑᑾᓐ᙮