ᐱᓬᐃᐱᔭᓇᒃ 3:19 - ᐅᒋᐺ ᑭᒋᒪᓯᓇᐃᑲᓐ

¹⁹ ᐱᒌᓇᒃ ᑕᐹᑲᒋᐊᔮᐗᒃ ᓂᔑᐗᓈᑎᓯᐎᓂᕽ᙮ ᐋᓃᔥ ᐅᒪᓂᑑᒥᐗᒃ ᐐᔭᐎᐙᓐ ᑳᐃᔑᐊᑕᐌᑕᒨᒪᑲᓂᓂᑭᓐ᙮ ᐃᐃᐌ ᑫᑮᒣᓂᔐᑕᒧᐙᐸᓐ ᓇᐗᒡ ᐃᑕᔥ ᐅᐙᐎᔐᑖᓈᐙ, ᐊᑮᐗᔭᐄᓐ ᐁᑕ ᐁᐸᐹᒣᑕᒧᐙᒡ᙮

Ojibwe Kihcimasina'ikan

¹⁹ Piciinak tapaahkaciayaawak nihshiwanaatisiwinink. Aaniihsh omanitoomiwak wiiyawiwaan kaaishiantawentamoomakaninikin. I'iwe kekiimenihshentamowaahpan nawac itahsh owaawishentaanaawaa, ahkiiwaya'iin ehta ehpapaamentamowaatc.

ᐱᓬᐃᐱᔭᓇᒃ 3:19 Cross References

Iisiihkiyoo 34:3

ᑮᓇᐙ ᒎᒎᔖᐳ ᐁᒥᓂᑴᔦᒃ, ᐁᑭᑭᔥᑲᒣᒃ ᑕᔥ ᑲᔦ ᑭᑭᔥᑭᑲᓇᓐ ᒫᓇᒑᓂᔑᐗᔮᓂᕽ ᐌᒌᑭᓐ ᑲᔦ ᑭᓂᓵᐙᒃ ᒫᐗᒡ ᐃᑯ ᓴᓭᑳ ᒫᓇᒑᓂᔕᒃ ᐁᐊᒬᒀ᙮ ᑳᐐᓐ ᑕᔥ ᑭᓈᓈᑲᒋᐋᓯᐙᐙᒃ ᒫᓇᒑᓂᔕᒃ᙮

Hosiiya 4:7

ᐋᓇᑮ ᐊᓂ ᐹᑏᓄᐙᒡ ᓴ ᑕᔥ ᐊᓇᒥᐁᐎᑭᒫᒃ, ᒦ ᓴ ᐃ ᐋᒋᑯ ᐊᓂᔑ ᑳᒋ ᒪᒋᑑᑕᐎᔦᒃ᙮ ᐃᐃ ᓴ ᑳᔑ ᑭᑌᑖᑯᓯᔦᑭᐸᓐ ᓂᐐ ᑴᑭᓈᓐ ᒣᔥᑾᒡ ᑕᔥ ᑭᑲ ᐊᑲᑌᑖᑯᓯᒻ᙮

Maaihka 3:11

ᐃᑭ ᓴ ᑳᓈᓈᑲᒋᑑᐙᒡ ᐆᑌᓈᓂ ᐋᐱᒋ ᐅᒥᓄᑑᑕᐙᐙᐞ ᐃᐃ ᓃᐱᐗᐞ ᑳᒥᓄ ᑎᐸᐊᒫᑯᐙᒡ᙮ ᐃᑭ ᑕᔥ ᑲᔦ ᐊᓇᒥᐁᐎᑭᒫᒃ ᑳᐐᑕᒫᑫᐙᒡ ᐁᑭᑑᒪᑲᓂᓂᒃ ᐅᓇᔓᐌᐎᓐ ᔔᓂᔮᓐ ᐁᑕ ᐃ ᑳᐅᒋ ᐃᔑᒋᑫᐙᒡ᙮ ᒦᔥ ᐯᔑᑾᓐ ᐃᑭ ᐅᑲᓅᑕᒫᑫᒃ ᑫᐐᓇᐙ ᔔᓂᔮᓐ ᐁᑕ ᐃ ᑳᐅᒋ ᐐᑕᒫᑫᐙᒡ ᐋᓃᓐ ᐁᔑᓇᒧᐃᑯᐙᒡ ᑭᔐᒪᓂᑑᓐ, ᐁᐃᓍᓂᑎᓱᐙᒡ ᐁᐐᒌᐎᑯᐙᒡ ᑳᑎᐯᒋᑫᓂᒡ᙮ ᒦᔥ ᐅᐅ ᐁᑭᑐᐙᒡ, ᑳᐐᓐ ᓴ ᑫᑰᓐ ᑭᑲ ᐃᔑ ᐗᓯᑖᐎᓭᓰᒥᓐ, ᑳᑎᐯᒋᑫᒡ ᐄᑐᒃ ᑭᐐᒌᐎᑯᓈᓐ᙮

Maaihka 3:5

ᒦᑕᔥ ᐅᐅ ᑳᑎᐯᒋᑫᒡ ᐁᑭᑐᒡ, ᐃᑭ ᓴ ᐐᓐ ᑳᑲᓅᑕᒪᐎᐙᒡ ᑳᐗᓂᐎᓈᐙᒡ ᓂᐱᒫᑎᓰᒪᐞ, ᑮᔥᐱᓐ ᐊᐎᔭᓐ ᑮᑎᐸᐊᒫᑯᐙᒡ ᒦ ᐃ ᐁᔑ ᑕᔑᑕᒪᐙᐙᒡ ᐱᓵᓂᓯᐎᓐ ᐊᐎᔭᓐ᙮ ᑮᔥᐱᓐ ᑕᔥ ᐊᐎᔭᓐ ᑮᑎᐸᐊᒫᑯᓯᒀ ᒦ ᐃ ᐁᔑ ᑕᔑᑕᒪᐙᐙᒡ ᐊᐎᔭᓐ ᒋᐎ ᒦᑳᓂᑯᓂᒡ᙮

Maalahkaai 1:12

ᑮᓇᐙ ᑕᔥ ᑳᑭᑌᓂᒥᓯᐌᒃ ᐁᐃᑭᑐᔦᒃ, ᑳᑎᐯᒋᑫᒡ ᓴ ᐅᐸᑭᑎᓈᓱᐎᓈᐱᒃ ᐃᓴ ᓈ ᐋᓇᐌᑖᑾᓂᓂ, ᒦᒋᒻ ᑲᔦ ᐋᓇᐌᑖᑾᓂᓂ᙮

Maahtiyo 16:23

ᒋᓴᔅ ᑕᔥ ᑮᑴᑭᑖ ᐁᑮᐃᓈᒡ ᐲᑕᕒᐊᓐ: ᓭᑕᓐ Satan, ᐃᑯᒋ ᐃᔖᓐ! ᑮᓐ ᐅᔕ ᑳᑭᐱᔥᑲᐎᔭᓐ, ᐃᓂᓂᐗᒃ ᐋᓃᔥ ᑳᔑ ᓈᑲᑕᐌᑕᒧᐙᒡ ᑭᑎᔑ ᓈᑲᑕᐌᑕᒻ, ᑳᐐᓐ ᐐᓐ ᑭᔐᒪᓂᑑ ᑳᔑ ᓈᑲᑕᐌᑕᕽ᙮

Maahtiyo 25:41

ᐃᐃ ᑕᔥ ᐅᓇᒪᑎᓂᑭᕽ ᐃᓇᑫ ᑳᐊᔮᓂᒡ ᐅᑲ ᐃᓈᐞ: ᓂᑯᒋ ᑮᓇᐙ ᐃᔖᒃ, ᑳᐃᓇᑭᒥᑰᔦᒃ ᒋᓂᔑᐗᓈᑎᓯᔦᒃ! ᐃᔖᒃ ᐌᑎ ᐐᑳ ᑫᔑ ᐋᑕᐌᓯᓄᒃ ᐃᔥᑯᑌ, ᑳᑮ ᑾᔮᒌᑕᒪᐎᑣ ᒪᒋᐊᔭᐋ, ᐃᐃ ᑲᔦ ᐅᑌᒐᓬᐃᒪᐞ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:19

ᒦ ᓴ ᑫᐃᑎᓱᔮᓐ: ᐆᐗ, ᐁᑕᑕᐌ ᑭᒥᓄᓭ, ᓃᐱᐗᐞ ᑫᑰᓇᓐ ᐁᐊᔮᔭᓐ ᑳᐅᓂᔑᔑᑭᓐ, ᑭᓉᔥ ᑕᓱᐱᐴᓐ ᐐᑳ ᒋᓅᑌᓭᓯᐗᓐ᙮ ᒦᔥ ᐃᔑ ᒥᒋ ᐊᔭᔮᓐ, ᒋᐐᓯᓂᔭᓐ, ᒋᒥᓂᑴᔭᓐ ᑲᔦ ᑕᔥ ᒋᒌᑫᑕᒪᓐ ᐁᐱᒫᑎᓯᔭᓐ, ᑮᐃᑭᑐ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 16:19

ᐯᔑᒃ ᑮᐊᔮ ᐃᓂᓂ ᐋᐱᒋ ᐁᑮᐌᓅᑎᓯᒡ ᐁᑭᑭᔥᑲᕽ ᑲᔦ ᒫᐗᒡ ᑳᐋᑾᑭᑌᓂᑭᓐ ᑭᑭᔥᑭᑲᓇᓐ᙮ ᒫᐗᒡ ᐃᑯ ᐁᑮᑭᒋ ᐌᓅᑖᑎᓯᒡ ᐁᑕᓱ ᑮᔑᒃ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 18:4

ᑳᐐᓐ ᑕᔥ ᓇᓈᓐᔥ ᐅᑎᐹᑯᓂᐌ ᑮᐃᓀᑕᓰ᙮ ᑫᑲᐲ ᑕᔥ ᐅᐅ ᑮᐃᓀᑕᒻ: ᐋᓇᐐᓐ ᐁᑯᑖᓀᓂᒫᓯᐗᒃ ᑭᔐᒪᓂᑑ, ᐁᐸᐹ ᐱᓯᔅᑫᓂᒫᓯᐗᒀ ᑲᔦ ᐊᐎᔭᒃ

ᐅᕒᐆᒪᓇᒃ 16:18

ᐃᑭ ᑕᔥ ᐅᐅ ᑳᐃᔑᒋᑫᐙᒡ ᑳᐐᓐ ᐅᑕᓄᑮᑕᐙᓯᐙᐙᓐ Xᑕᓐ ᑳᑎᐯᓂᒥᒥᓇᕽ, ᒦ ᓴ ᐁᑕ ᐅᐐᔭᐎᐙᓐ ᐁᔑᒥᓴᐌᑕᒨᒪᑲᓂᓂᑭᓐ ᐁᔑᒋᑫᐙᒡ᙮ ᐋᐱᒋ ᑕᔥ ᒪᒥᓄᑮᔗᐗᒃ, ᐁᒥᓄᐃᓈᐙᒡ ᑲᔦ ᐊᐎᔭᐞ, ᐊᓂᔖ ᑕᔥ ᐁᐃᓈᐙᒡ ᐁᐐᐅᒋᐗᔦᔑᒫᐙᒡ, ᒦᑕᔥ ᑳᐅᒋᐗᓂᐎᓈᐙᒡ ᐯᒫᑎᓯᓂᒡ ᑳᑭᑫᑕᓯᓂᒃ ᐋᓃᓐ ᑫᐃᔑᒋᑫᓂᒡ᙮

ᐅᕒᐆᒪᓇᒃ 6:21

ᐌᑯᓀᓐ ᑕᔥ ᑳᑮᐅᑎᓇᒣᒃ ᐁᑮᓂᑖᑑᑕᒣᒃ ᐃᓂ ᑫᑰᓇᓐ ᓅᑯᒻ ᑳᐊᑲᑌᑕᒣᒃ? ᐃᓇᔥᑫ ᐃᓂᐌᓂᐗᓐ ᐁᑑᑕᕽ ᐊᐎᔭ, ᒦ ᐁᑕ ᓂᐳᐎᓐ ᒋᐅᑎᓇᕽ᙮

1 ᑲᕒᐃᑎᔭᓇᒃ 3:3

ᑫᔮᐱ ᐋᓃᔥ ᑭᑎᔑᐱᒫᑎᓯᒻ ᑖᐱᔥᑰ ᐊᑮᕽ ᑳᐃᔑᑎᐯᑖᑯᓯᐙᒡ᙮ ᐋᓃᔥ ᑮᓇᐙ ᑯ ᐊᔮᒪᑲᓐ ᐅᑌᓂᑎᐎᓐ, ᐊᔮᓅᑎᐎᓐ, ᑳᐐᓐ ᐃᓇ ᐃᔑᓈᑾᓯᓅᓐ ᐅᐅ ᓴ ᐊᑮᕽ ᐁᐅᒋᑎᐯᑖᑯᓯᔦᒃ? ᑳᐐᓐ ᐃᓇ ᑭᑎᓈᑎᓯᓰᒻ ᑳᒥᒋᐊᑮᐙᑎᓯᐙᒡ?

1 ᑲᕒᐃᑎᔭᓇᒃ 5:2

ᐋᓃᔛᓐ ᑳᐅᒋᑭᑌᓂᒧᔦᒃ! ᓇᐗᒡ ᐄᑐᒃ ᑭᑖᑮᒫᓀᑖᒻ! ᓇᐗᒡ ᑖᐅᓂᔑᔑᓐ ᒋᐃᓈᑯᓂᑫᔦᑭᐸᓐ ᒋᐐᒌᐎᓯᓄᐌᑭᐸᓐ ᐊᐊ ᑳᑑᑕᕽ᙮

1 ᑲᕒᐃᑎᔭᓇᒃ 5:6

ᑳᐐᓐ ᐅᓂᔑᔑᓯᓅᓐ ᒋᒪᒦᒀᓂᑎᓱᔦᑭᐸᓐ᙮ ᑭᑭᑫᑖᒻ ᐅᐅᐌ ᐁᓂᑖᐃᑭᑐᕽ: ᐸᑮ ᐊᒋᑳᑌᒃ ᐃᐃ ᐅᐱᓯᑲᓀᔅ, ᒥᓯᐌ ᑭᒋᐸᑴᔑᑲᓐ ᐃᔑᐅᐱᔥᑳ ᐁᑮᔑᓱᒡ᙮

2 ᑲᕒᐃᑎᔭᓇᒃ 11:12

ᒦᑕᔥ ᐃᑯ ᑫᐃᔑᒋᑫᔮᓐ ᐃᐃ ᒨᔕᒃ ᑳᐃᔑᒋᑫᔮᓐ᙮ ᐋᓃᔥ ᑳᐐᓐ ᓂᓇᑕᐌᓂᒫᓰᒃ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ ᒋ ᐃᔑᒪᒦᒀᓂᑎᓱᐙᒡ, ᒋᐃᑭᑐᐙᒡ ᑲᔦ ᑫᐐᓇᐙ ᓴ ᐁᐃᓇᓄᑮᐙᒡ ᐯᔑᑾᓐ ᑳᐃᓇᓄᑮᔮᕽ᙮

2 ᑲᕒᐃᑎᔭᓇᒃ 11:15

ᑫᑯ ᑲᔦ ᑭᒋ ᐃᓀᑕᑫᒃ ᑮᔥᐱᓐ ᐅᑕᓄᑮᐋᑲᓇᐞ ᐃᔑᐃᑎᓱᓂᒡ ᑖᐱᔥᑰ ᐁᐃᔑᐐᒋᑣᓂᒡ ᐃᐃᒫ ᑾᔭᒀᑎᓯᐎᓂᕽ᙮ ᐌᑎ ᓴ ᐃᔥᒀᒡ ᑕᑎᐸᐊᒪᐙᐗᒃ ᑲᑭᓇ ᑫᑰᓂᓂ ᑳᑮᐃᔑᒋᑫᐙᒡ᙮

ᑲᓬᐁᔑᔭᓇᒃ 6:13

ᐃᑭ ᓴ ᑳᑭᑭᓇᐙᑕᔕᑫᔓᐌᐙᒡ ᑳᐐᓐ ᑕᔥ ᑲᔦ ᐐᓇᐙ ᐅᑑᑕᓰᓈᐙ ᐃᐃ ᐅᓇᔓᐌᐎᓂᓂ ᑳᐃᓇᑌᓂᒃ᙮ ᒦ ᓴ ᐁᑕ ᑕᔥ ᑳᐅᒋᐊᑕᐌᓂᒥᓀᒀ ᒋᑭᑭᓇᐙᑕᔕᑫᔓᑰᔦᒃ ᐁᐐᒪᒦᒀᓂᑎᓱᐙᒡ ᐁᑮᑲᔥᑭᒥᓀᒀ ᒋᐅᑖᐱᓇᒧᐌᒃ ᑳᐃᔑᑭᑭᓇᐙᒋᑑᐙᒡ ᐐᔭᐎᒫᓐ᙮

ᐱᓬᐃᐱᔭᓇᒃ 2:21

ᑲᑭᓇ ᐋᓃᔥ ᐯᑳᓂᓯᐙᒡ ᐐᓀᑕᐙ ᑲᓇᐙᐸᑕᒫᓱᐗᒃ ᐅᑎᔑᐌᐱᓯᐎᓂᐙ᙮ ᑳᐐᓐ ᐐᓐ ᐅᐱᒣᑕᒪᐙᓯᐙᐙᓐ ᒋᓴᔅ Xᑕᓐ ᐅᑖᔨᑎᐎᓂᓂ᙮

ᑲᓬᐋᔑᔭᓇᒃ 3:2

ᓈᓈᑲᑕᐌᑕᒧᒃ ᑲᔦ ᐃᔥᐱᒥᕽ ᑳᐊᔮᑭᓐ, ᑳᐐᓐ ᐐᓐ ᑫᑰᓇᓐ ᐊᑮᕽ ᑳᐊᔮᑭᓐ᙮

2 ᑌᓴᓬᐆᓂᔭᓇᒃ 1:9

ᐅᑯ ᑕᐃᔑᑎᐸᐊᒪᐙᐗᒃ ᒋᓀᐱᒋᐊᔮᐙᒡ ᓂᔑᐗᓈᑎᓯᐎᓂᕽ᙮ ᑕᓀᐱᒋᐸᑫᐎᓈᐗᒃ ᐁᑳ ᒋᐙᐸᒫᓯᒀ ᑳᑎᐯᒋᑫᓂᒡ ᑲᔦ ᐁᔑᐙᓭᔮᓂᒃ ᐅᒪᔥᑲᐎᓰᐎᓂᓂ᙮

2 ᑌᓴᓬᐆᓂᔭᓇᒃ 2:12

ᒦᑕᔥ ᐃᐃ ᒋᐹᑖᔮᑯᓂᑲᓂᐎᐙᒡ ᒥᓂᒃ ᐃᑯ ᐃᑭᐌᓂᐗᒃ ᑳᑌᐺᑕᓯᒀ ᐃᐃ ᑌᐺᐎᓐ, ᓇᐗᒡ ᐃᐃᐌᓂ ᐁᑮᒥᓉᑕᒧᐙᒡ ᒪᒋ ᐃᓈᑎᓯᐎᓐ᙮

2 ᑌᓴᓬᐆᓂᔭᓇᒃ 2:8

ᒦᔥ ᐃᐃ ᐊᐲ ᑕᓈᑯᐃᑎᓱ ᐊᐊ ᑳᒫᒪᐎᒪᒑᑎᓯᒡ᙮ ᐊᐊ ᑕᔥ ᑳᑎᐯᒋᑫᒡ ᐱᒌᓇᒃ ᐅᑲᓂᓵᓐ ᐃᓂ ᑳᒪᒋᒋᑫᓂᒡ, ᐃᐃ ᐅᐸᑭᑕᓈᒧᐎᓐ ᐅᑑᓂᕽ ᐁᐅᒋᓭᓂᒃ ᐁᐐᐋᐸᒋᑑᒡ᙮ ᐅᑲᓂᔑᐗᓈᒋᐋᓐ, ᐅᐙᓭᓯᐎᓐ ᐁᐐᐱᐊᔑᒋᓈᑯᓯᒡ, ᑕᑯᔑᕽ᙮

1 Timahti 6:5

ᒨᔕᒃ ᐃᑕᔥ ᑲᔦ ᒫᔑᐐᒌᑎᐗᒃ᙮ ᒦᐗᑯᑯ ᑳᓂᔑᐗᓈᒋᓈᓈᑲᑕᐌᑕᒧᐙᒡ᙮ ᑳᐐᓐ ᑫᔮᐱ ᐅᐐᒌᐎᑯᓰᓈᐙ ᐃᐃ ᑌᐺᐎᓐ᙮ ᐃᓀᑕᒨᒃ ᐃᑕᔥ ᒋᐅᒋᐅᑎᓯᐙᐸᓐ ᐅᑕᓇᒥᐋᐎᓂᐙᕽ᙮

2 Timahti 3:4

ᑕᒪᒥᔑᐃᐌᐗᒃ᙮ ᑳᐐᓐ ᑕᐅᓈᓈᑲᑕᐌᒋᑲᓂᓰᐗᒃ᙮ ᐅᑲᐅᓵᒣᑖᓈᐙ ᐅᑭᑌᓂᒧᐎᓂᐙ᙮ ᓇᐗᒡ ᐅᑲᒥᓉᑖᓈᐙ ᐅᑎᔑᒋᑫᐎᓂᐙᓐ ᐊᐲᒡ ᐐᓐ ᒋᓵᑭᐋᐙᐸᓐ ᑭᔐᒪᓂᑑᓐ᙮

Ciimis 4:16

ᒦᑕᔥ ᐁᔑᒋᑫᔦᒃ ᐁᑭᒋ ᐃᓀᓂᑎᓱᔦᒃ, ᑲᔦ ᑕᔥ ᐁᑭᒋ ᑳᑮᑭᑐᔦᒃ᙮ ᐃᐃ ᑎᓄ ᑭᒋ ᑳᑮᑭᑐᐎᓐ ᒪᒋᑑᑕᒧᐎᓂᐗᓐ᙮

2 Piitar 2:1

ᐃᓇᔥᑫ ᑮᐅᒋᑭᑫᑖᑯᓯᐗᒃ ᐄᑐᒃ ᐃᑭ ᐅᑖᓈᕽ ᑳᑮᐃᓍᓂᑎᓱᐙᒡ ᐁᑮᑭᑑᑕᒪᐙᐙᒡ ᑭᔐᒪᓂᑑᓐ ᐃᐃᒫ ᒣᑴᔭᐄ ᑳᐃᔑᐊᔮᓂᒡ ᐯᒫᑎᓯᓂᒡ᙮ ᒦᑕᔥ ᐯᔑᑾᓐ ᑫᔑᐊᔮᐙᒡ ᐅᐗᓂᑭᑭᓄᐊᒫᑫᒃ ᑳᐃᔑᐊᔮᔦᒃ᙮ ᒦᐗᒃ ᓴ ᐃᑭ ᑫᐲᑑᐙᒡ ᑫᓂᔑᐗᓈᒋᐃᐌᒪᑲᓂᓂᑭᓐ ᑭᑭᓄᐃᑫᐎᓇᓐ ᑳᑌᐺᐗᓯᓂᓂᑭᓐ᙮ ᐅᑲᔮᓇᐌᓂᒫᐙᓐ ᑲᔦ ᑳᑎᐯᓂᒥᑯᐙᒡ Xᑕᓐ ᑳᑮᑎᐸᐅᑯᐙᒡ᙮ ᐐᓇᐙ ᑕᔥ ᐱᑯ ᑕᑲᔥᑭᑕᒫᓱᐗᒃ ᑫᐅᒋ ᑫᑕᑐ ᓂᔑᐗᓈᒋᐃᑎᓱᐙᒡ᙮

2 Piitar 2:13

ᐃᐃ ᑳᐃᔑᒪᒫᔒᑲᑖᑫᐙᒡ ᐃᑕᔥ, ᒦ ᐯᔑᑾᓐ ᑫᐐᓇᐙ ᑫᐃᔑᑎᐸᐊᒪᐎᑣ᙮ ᒦᓴᑯ ᐱᓵᓐ ᐁᑮᔑᑲᓂᓂᒃ ᐁᐃᔑᒋᑫᐙᒡ ᑫᒥᓉᑕᒧᔥᑳᑯᐙᒡ, ᐐᓇᐙ ᐱᑯ ᑳᐃᓀᑕᒧᐙᒡ ᐁᒥᓉᑖᑾᓂᓂᑭᓐ᙮ ᐐᓇᐙ ᓴ ᑭᑕᑲᓯᓈᑯᓯᐃᑯᐙᒃ, ᑭᒫᔑᔥᑳᑯᐙᒃ ᐁᐐᒋᐐᓯᓃᒥᓀᒀ; ᒦᑕᔥ ᐃᑯ ᑫᔮᐱ ᐁᔑᒥᓉᑕᒧᐃᑎᓱᐙᒡ ᐁᑲᑲᔦᓂᓯᐙᒡ᙮

2 Piitar 2:3

ᐅᑯ ᑕᔥ ᑳᐗᓂᑭᑭᓄᐃᑫᐙᒡ ᑳᓂᑖ ᐋᔅᑯᓂᓯᐙᒡ, ᒦ ᐁᑕ ᑯ ᐁᐃᓍᓂᓀᒀ ᐁᐐᐅᒋᑲᔥᑭᒋᑫᐙᒡ᙮ ᐋᓃᔥ ᐅᑲᐋᐸᒋᑑᓈᐙᓐ ᐃᓂ ᐐᓇᐙ ᐱᑯ ᐅᑲᑲᔦᓂᓯᐎᓂᐙᓐ᙮ ᐋᔕ ᐅᔕ ᒣᐎᔕ ᐅᑯ ᑎᓄ ᑮᑮᔖᑯᓈᐗᒃ ᑫᑑᑕᐎᑣ; ᐃᓂ ᑲᔦ ᑳᐐᓂᔑᐗᓈᒋᐃᑯᐙᒡ ᑳᐐᓐ ᓂᐹᓰᐗᓐ᙮

Coot 1:10

ᐅᑯᐌᓂᐗᒃ ᐃᑕᔥ ᐐᓐ ᐃᓂᓂᐗᒃ ᒦᓴᑯᐃ ᐁᔑᒪᒋ ᐃᑕᒧᐙᒡ ᑫᑰᓇᓐ ᓀᓯᑐᑕᓯᒀ᙮ ᐃᓂ ᓴ ᐐᓐ ᐸᑮ ᑫᑰᓐ ᑳᑭᑫᑕᒧᐙᒡ, ᐅᑎᔑᑭᑫᑖᓈᐙ ᐁᑕ ᑖᐱᔥᑰ ᐊᔭᐋᐎᔕᐞ ᑳᐃᔑᒥᒋ ᐸᐎᑭᑫᒋᑫᓂᒡ ᑌᐺ ᐁᓈᓈᑲᑕᐌᑕᓯᓂᒃ᙮ ᒦᐗᓐ ᑕᔥ ᐃᓂ ᑎᓄ ᑫᓂᔑᐗᓈᒋᐃᑯᐙᒡ᙮

Coot 1:16

ᒦᐗᑭᓴ ᐅᑯ ᒨᔕᒃ ᑳᓂᑖᑭᒋᑳᑮᑭᑐᐙᒡ, ᑯᑕᒃ ᑲᔦ ᐊᐎᔭᐞ ᑳᔭᓈᒥᒫᐙᒡ; ᐐᓇᐙᑯ ᐁᐃᔑᒋᑫᐙᒡ ᐁᔑᒪᒋᒥᓴᐌᑕᒧᐙᒡ᙮ ᐋᐱᒋ ᐅᒋᑕ ᑲᔦ ᐁᒥᓄᐃᓈᐙᒡ ᐊᐎᔭᐞ ᐐᓇᐙ ᐱᑯ ᐁᑕ ᐁᐐᐅᒋᒥᓄᓭᐃᑎᓱᐙᒡ᙮

Coot 1:4

ᐊᓂᑕ ᐁᓇᒥᐁᐙᑎᓯᓯᒀ ᐅᔕ ᑭᑮᐲᑎᑳᑯᓈᓂᒃ ᐁᑮᑭᑫᑖᑯᓯᓯᒀ ᐁᑎᓄᐎᐙᒡ᙮ ᒦᐗᒃ ᐃᑕᔥ ᐃᐃ ᑳᑮᑴᑭᓇᒧᐙᒡ ᐁᓈᑐᑌᓂᒃ ᑭᔐᒪᓂᑑᓐ ᐅᑭᔐᐙᑎᓯᐎᓂᓂ, ᒦᔥ ᒣᔥᑾᒡ ᐁᓈᐸᒋᑑᐙᒡ ᐱᓵᓐ ᑫᐅᒋᑑᑕᒧᐙᒡ ᓅᒋᑯ ᐅᑎᔑᒋᑫᐎᓂᐙᓐ᙮ ᒦᐗᒃ ᐃᑕᔥ ᐃᑭ ᑳᔮᓇᐌᓂᒫᐙᒡ ᒋᓴᔅ Xᑕᓐ ᑳᒥᒋᐯᔑᑯᓂᒡ ᑭᑑᑭᒫᒥᓈᓂᓐ, ᑳᑎᐯᓂᒥᒥᓇᕽ ᑲᔦ᙮ ᒣᐎᔕ ᐄᑐᒃ ᑮᐃᔑᐲᐃᑳᑌᑯᐸᓐ ᐋᓃᓐ ᑫᔑᑲᒀᑕᑭᐃᑣ᙮

ᑭᑫᑕᒨᔑᐌᐎᓐ 18:7

ᐃᐃᐌ ᒥᓂᒃ ᑳᑭᒋ ᐃᓇᑭᑎᓱᒡ ᐁᑲᔥᑭᑕᒫᓱᒡ ᐌᓅᑎᓯᐎᓐ ᑳᑮᒥᒋ ᓇᐁᑕᒥᐃᑎᓱᒡ, ᒦ ᐃ ᒥᓂᒃ ᑭᒋᑲᒀᑕᑭᑑᐎᓐ, ᐲᑴᑕᒧᐎᓐ ᑲᔦ, ᑎᐸᐊᒪᐎᒃ! ᐋᓃᔥ ᒦ ᐃᐌ ᐃᓀᓂᑎᓱ: ᐅᑭᒫᑴᕽ ᓂᑎᓇᑉ᙮ ᑳᐐᓐ ᓃᓐ ᓂᑮᐙᒋᑴᐎᓰ᙮ ᑳᐐᓐ ᐐᑳ ᓂᑲᐙᐸᑕᓰᓐ ᐲᑴᑕᒧᐎᓐ᙮

ᑭᑫᑕᒨᔑᐌᐎᓐ 19:20

ᐊᐊᔥ ᐱᑾᒋᐊᔭᐋᐎᔥ ᑮᐅᑖᐱᓈ ᐊᔑᒡ ᑲᔦ ᐃᓂ ᐊᔭᐋᓐ ᑳᑮᑲᓅᑕᒫᑯᒡ ᑳᑮᐗᓂᒧᓂᒡ, ᒦᐗᓂᓂ ᑳᑮᒪᒫᑕᐎᒋᑫᓂᒡ ᐁᐙᐸᑕᕽ᙮ ᒦ ᐗᐊ ᐅᒪᒫᑕᐎᒋᑫᐎᓂᕽ ᐁᑮᐅᒋᐗᔦᔑᐋᒡ ᐃᐃᐌᓂᐗᐞ ᑳᑮᐅᒋᑭᑭᓇᐙᒋᐲᐃᑲᓂᐎᓂᒡ ᐱᑾᒋᐊᔭᐋᐎᔥ ᐅᑭᑭᓇᐙᒋᒋᑲᓐ, ᐃᓂᐌᓂᐗᐞ ᐅᒪᓯᓂᑰᒋᑲᓐ ᑳᑮᐅᒋᒌᑾᓇᐲᑕᒥᓂᒡ᙮ ᐊᐊ ᑕᔥ ᐱᑾᒋᐊᔭᐋᐎᔥ ᑲᔦ ᐃᓂ ᑳᑭᑲᓅᑕᒫᑯᒡ, ᒥᒋᓃᔥ ᐁᐱᒫᑎᓯᐙᒡ ᐃᐃᒫ ᑮᐊᐸᑭᓈᐗᒃ ᐃᔥᑯᑌᐎᓵᑲᐃᑲᓃᕽ, ᐃᐃᒫ ᐁᑕᑯᒑᑭᓱᒡ ᐊᐊ ᐊᓯᓐ ᑳᓂᑭᓱᒡ ᐁᐐᓴᑳᐸᓱᐌᒡ᙮

ᑭᑫᑕᒨᔑᐌᐎᓐ 21:8

ᐃᑭᐌᓂᐗᒃ ᐃᑕᔥ ᐐᓐ ᑳᔖᑯᑌᐁᐙᒡ, ᑳᑌᐺᔦᑖᑯᓯᓯᒀ, ᑳᓂᑖ ᑲᒀᓂᓴᑭᒋᑫᐙᒡ, ᐃᑭ ᑲᔦ ᐅᓂᔑᐌᒃ, ᐅᐱᔑᒀᑎᓰᒃ, ᐅᑯᓵᐸᒋᑫᒃ, ᐅᒪᓂᑑᑫᔥᑲᒃ, ᑲᔦ ᑲᑭᓇ ᑳᑲᑮᓇᐎᔥᑭᐙᒡ, ᒦ ᐃᒫ ᐐᓇᐙ ᑫᐊᔮᐙᒡ, ᐃᐃᒫ ᓵᑲᐃᑲᓃᕽ ᑳᔑᒑᑭᑌᒃ ᐃᐃᐌ ᐃᔥᑯᑌ ᑲᔦ ᐊᐌ ᐊᓯᓐ ᑳᐱᔅᑲᓀᒡ ᐁᐐᓴᑳᐸᓱᐌᒡ᙮ ᒦ ᐅᐌ ᐃᔥᒀᒡ ᓃᔣ ᓂᐳᐎᓐ᙮

ᑭᑫᑕᒨᔑᐌᐎᓐ 22:15

ᐊᑾᒌᕽ ᐃᑕᔥ ᑕᐊᔮᐗᒃ ᐃᑭ ᐊᓅᒋᑯ ᐁᔑᐌᐱᓯᐙᒡ, ᑲᔦ ᑳᑯᓵᐸᑕᒧᐙᒡ, ᑳᐱᔑᒀᑎᓯᐙᒡ, ᑳᓂᔑᐌᐙᒡ, ᑲᔦ ᑳᒪᓂᑑᑫᐙᒡ ᑫᑰᓐ, ᑲᔦ ᐊᐌᓀᓐ ᐃᑯ ᑳᓵᑭᑑᒡ ᐁᑮᐗᓂᒧᒡ ᑲᔦ ᐁᑲᑮᓇᐎᔥᑭᐊᔨᔑᒋᑫᒡ᙮

1 Saamiyoo 2:29

ᐌᑯᓀᓐ ᐃᑕᔥ ᐌᒋ ᒫᓀᑕᒪᓐ ᐃᓂ ᓂᐸᑭᑎᓈᓲᑕᒫᑰᐎᓇᓐ, ᓂᒦᓂᑰᐎᓇᓐ ᑲᔦ ᓃᓐ ᑳᐊᑕᐌᑕᒫᓐ ᓂᑖᐎᓂᕽ? ᐌᑯᓀᓐ ᐃᑕᔥ ᓇᐗᒡ ᐌᒋ ᑭᑌᓂᒪᑣ ᑭᑯᓯᓴᒃ ᐊᐲᒡ ᓃᓐ, ᐁᐊᓂ ᐅᒋ ᐋᒋᐴᓂᑎᓱᐙᒡ ᐁᐱᒥ ᐅᑖᐱᓇᒧᐙᒡ ᒫᐗᒡ ᐌᓂᔑᔑᕽ ᐐᔮᔅ ᐯᑭᑎᓇᒥᓂᒡ ᓂᐱᑖᑎᓰᒪᐞ ᐃᔅᕒᐃᔭᓬᐊᐞ?