ᐱᓬᐃᐱᔭᓇᒃ 3:14 - ᐅᒋᐺ ᑭᒋᒪᓯᓇᐃᑲᓐ

¹⁴ ᑾᔭᒃ ᐃᑯ ᐊᐸᓀ ᓂᑕᐸᑑ ᒋᐅᒋᒋᐸᑑᔮᓐ ᐌᑎ ᑳᐃᔑᑭᑭᓇᐙᓯᓈᑾᒃ ᐸᑭᓈᑫᐎᓐ, ᒦ ᐃᒫ ᒋᑕᔑᒦᓂᑰᔮᓐ ᓂᑎᐸᐊᒫᑰᐎᓐ, ᒦ ᐃᐌ ᐃᔥᐱᒥᕽ ᒋᑕᓈᑎᓯᔮᓐ, ᒦ ᐃᐌ ᑳᐃᔑᐊᑐᒥᒡ ᑭᔐᒪᓂᑑ ᒋᓴᔅ Xᐃᕽ᙮

Ojibwe Kihcimasina'ikan

¹⁴ Kwayahk iko ahpane nintahpahtoo ciocihcipahtooyaan weti kaaishikihkinawaasinaakwahk pahkinaakewin, mii 'imaa citashimiinikooyaan nintipa'amaakoowin, mii 'iwe ishpimink citanaatisiyaan, mii 'iwe kaaishiantomitc Kishemanitoo Ciisahs Christink.

ᐱᓬᐃᐱᔭᓇᒃ 3:14 Cross References

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 16:16

ᒨᓯᔅ Moses ᐅᑑᓇᔓᐌᐎᓇᓐ, ᐃᐃ ᑲᔦ ᑳᑮᐃᔑᐲᐃᑫᐙᒡ ᑫᓅᑕᒪᐙᐙᒡ ᑭᔐᒪᓂᑑᓐ ᑮᐱ ᑕᔑᑌᓂ ᐲᓂᔥ ᑮᐱ ᐊᔮᒡ ᒞᓐ ᓰᑲᐊᑖᑫᐎᓂᓂ᙮ ᒦᑕᔥ ᐃᐃ ᐊᐲ ᑳᑮᒫᒌ ᑕᔑᑌᓂᒃ ᐁᔑᒥᓍᑐᑌᓂᒃ ᑭᔐᒪᓂᑑ ᐅᑎᐯᒋᑫᐎᓐ᙮ ᒦᔥ ᑲᑭᓇ ᐊᐎᔭᒃ ᐁᓂᑯᒃ ᐁᔑ ᑲᑴᒋᑑᐙᒡ ᒋᐲᑎᑫᐙᒡ ᐃᐃᒫ ᒋᐅᒋ ᑎᐯᑖᑯᓯᐙᒡ᙮

ᐅᕒᐆᒪᓇᒃ 11:29

ᐋᓃᔥ ᑳᐐᓐ ᑭᔐᒪᓂᑑ ᐋᑌᑕᓰ ᐊᐌᓀᓇᓐ ᐃᑯ ᑮᐐᐅᓀᓂᒫᒡ, ᑮᐐᔕᐌᓂᒫᒡ ᑲᔦ ᐊᐎᔭᓐ᙮

1 ᑲᕒᐃᑎᔭᓇᒃ 9:24

ᑫᒋᓈᒡ ᑭᑭᑫᑖᓈᐙ ᐐᑲᑴᒋᑲᓂᑎᕽ, ᓃᐱᐗᐞ ᐊᐎᔭ ᐐᒋᐃᐌᐗᒃ ᐁᒫᒌᐸᐃᑎᐙᒡ᙮ ᐯᔑᒃ ᐃᑕᔥ ᐁᑕ ᑕᐸᑭᓈᑫ ᒋᑎᐸᐊᒪᐎᓐᒡ᙮ ᒦ ᐃᐌ ᑮᓇᐙ ᑾᔭᒃ ᑲᑴᐱᒥᐸᑑᒃ ᒋᐸᑭᓈᑫᔦᒃ᙮

2 ᑲᕒᐃᑎᔭᓇᒃ 4:17

ᐅᐅ ᓴ ᑳᐃᔑᐋᓂᒥᓯᔮᕽ ᓂᓈᑫᑖᒥᓐ, ᐋᓃᔥ ᐊᒋᓇ ᐁᑕ ᓂᓅᒋᐃᑯᒥᓐ᙮ ᒦᑕᔥ ᑫᐅᒋᐅᑎᓯᑯᔮᕽ ᒫᐗᒡ ᑳᑭᒋ ᐃᓀᑖᑾᒃ ᑭᒋ ᐃᓀᑖᑯᓯᐎᓐ ᐐᑳ ᑫᐴᓂᓭᓯᓄᒃ᙮

ᐱᓬᐃᐱᔭᓇᒃ 3:3

ᑮᓇᐎᓐᑦ ᐅᔕ ᑭᑖᐎᒥᓐ ᑳᒦᓂᑰᐎᓯᔭᕽ ᑾᔭᒃ ᑭᑭᓇᐙᑕᔕᑫᔓᑰᐎᓂᕽ ᑳᐃᓀᑖᑾᒃ᙮ ᐋᓃᔥ ᑮᓇᐎᓐᑦ ᑭᑎᔑᐊᓇᒥᐁᑕᐙᓈᓐ ᑭᔐᒪᓂᑑ ᐁᐃᔑᑲᔥᑭᑑᐃᒥᓇᕽ ᐅᑕᒑᑾᓐ᙮ ᔑᑾ ᑭᑑᒋᒨᒋᑫᑖᒥᓐ ᐃᐌ ᐁᐐᒌᐎᓇᕽ X ᒋᓴᔅ᙮ ᑳᐐᓐ ᑲᓇᑫ ᑭᑕᐯᓂᒧᓄᑕᓰᒥᓐ ᑫᑰᓐ ᐗᑭᒋᓇᐤ ᐁᑕ ᐁᑑᒋᑳᑌᒃ᙮

ᑲᓬᐋᔑᔭᓇᒃ 2:18

ᑫᑯ ᑕᔥ ᐸᑭᑎᓈᑫᒃ ᐊᐎᔭ ᒋᐅᑕᐱᓇᒪᐎᓀᒃ ᐃᐃ ᑳᐐᑎᐸᐊᒫᑰᔦᒃ᙮ ᐋᓃᔥ ᐊᔮᐗᒃ ᐃᓂᓂᐗᒃ ᑫᐅᒋᓇᐁᓂᑎᓱᐙᒡ ᐁᑲᒀᑕᑭᐃᑎᓱᐙᒡ ᒋᑕᐸᓯᓈᑯᓯᐙᒡ, ᐁᐊᓇᒥᐁᑕᐙᐙᒡ ᑲᔦ ᐁᒐᓬᐊᐞ᙮ ᐗᐊ ᑎᓄ ᐅᑕᐯᓂᒧᓄᑖᓐ ᑲᔦ ᐅᑎᔑᓇᒧᐎᓇᓐ, ᐊᓂᔖ ᐃᐃ ᑳᐅᒋᑭᑌᓂᒧᒡ ᐃᐃ ᓇᑫ ᐃᓂᓃᓈᕽ ᐁᐃᔑᓈᓈᑲᑕᐌᑕᒧᐙᒡ᙮

1 ᑌᓴᓬᐆᓂᔭᓇᒃ 2:12

ᑭᑮᐋᔩᓱᒥᑰᒻ, ᑭᑮᑳᑮᓱᒥᑰᒻ, ᐌᐌᓂ ᑭᑮᐃᑰᒻ ᒋᑲᑴᒥᓄᐃᔑᐌᐱᓯᔦᒃ, ᒋᑲᑴᓇᓇᐁᑕᒥᐁᒃ ᑭᔐᒪᓂᑑ᙮ ᒦ ᐋᓃᔥ ᐊᐊᐌ ᑳᐊᑐᒥᓀᒃ ᒋᐅᑑᑭᒫᒥᔦᒃ ᑲᔦ ᒋᐙᐸᑕᒧᐌᒃ ᐅᑭᒋᐅᓂᔑᔑᐌᑖᑯᓯᐎᓂᕽ ᐃᐃᒫ ᐁᑕᔑᑭᒫᐎᒡ᙮

2 Timahti 1:9

ᒦ ᐊᐌ ᑳᐱᒫᒋᐃᓇᕽ, ᑳᐊᑐᒥᓇᕽ ᑲᔦ, ᐐᓐ ᐃᑯ ᑎᐱᓇᐌ ᒋᑎᐯᓂᒥᓇᕽ ᐁᑮᐃᓀᓂᒥᓇᕽ᙮ ᑳᐐᓐ ᑮᓇᐎᓐᑦ ᑭᑎᔑᒋᑫᐎᓂᓈᓐ ᑭᑑᒋᑑᑖᑯᓰᓈᓐ, ᐐᓐ ᐃᑯ ᑎᐱᓇᐌ ᐅᑮᐅᓀᑖᓐ ᐁᑮᐃᔑᔕᐌᓂᒥᓇᕽ᙮ ᒣᐎᔕ ᒋᑆ ᐊᓂᒫᒋᓭᒃ ᑫᑰᓐ, ᐋᔕ ᑮᔖᒡ ᑭᑮᒦᓂᑯᓈᓐ ᑭᔐᒪᓂᑑ ᐅᔕᐌᒋᑫᐎᓐ, X ᒋᓴᓲᓐ ᐁᑮᐅᒋᒦᓂᓇᕽ᙮

ᐄᐸᕒᐆᐗᒃ 3:1

ᑮᓇᐙ ᑕᔥ ᓃᑕᓇᒥᐋᒃ ᑳᑎᐯᓂᒥᓀᒃ X, ᑫᑮᓇᐙ ᓴ ᑭᑮᑲᓅᓂᑯᐙ ᑭᔐᒪᓂᑑ! ᓈᓈᑲᑕᐌᓂᒥᒃ ᒋᓴᔅ ᑭᔐᒪᓂᑑ ᐅᑭᒋ ᐃᔑᓂᔕᐙᑲᓇᓐ ᑳᑎᓄᐎᒡ, ᒫᐗᒡ ᑭᒋᐊᓇᒥᐁᐎᑭᒫ ᑲᔦ, ᑫᑲᓇᐙᐸᑕᕽ ᓴ ᑲᔦ ᑭᑌᐺᔦᑕᒧᐎᓂᓈᓐ ᑳᐐᑕᒪᕽ᙮

ᐄᐸᕒᐆᐗᒃ 6:1

ᑕᑲ ᑕᔥ ᓃᑳᓇᔭᐄ ᐃᓇᑫ ᐃᔑᒫᒑᑖ ᒋᓈᓯᑲᒪᕽ ᑳᐃᔑᑭᑭᓄᐊᒪᐎᑣ ᑳᑮᔖᐯᐎᐙᒡ, ᒋᓇᑲᑕᒪᕽ ᐃᓂ ᒫᐗᒡ ᐃᑯ ᓂᑕᒻ ᑳᑮᐃᔑ ᑭᑭᓄᐊᒫᑰᔭᑭᐸᓐ ᑮᒫᒌᐊᓇᒥᐁᐙᑎᓯᔭᕽ᙮ ᑳᐐᓐ ᒦᓇᐙ ᑭᑲ ᑲᑴ ᐅᓇᑑᓰᒥᓐ ᐅᓄ ᑳᐐᐐᑕᒫᓐ: ᐁᔑᑭᑭᓄᐊᒫᑎᕽ ᐊᐎᔭ ᒋᐅᒋᑴᑳᑎᓯᐸᓐ ᐃᔑᒋᑫᐎᓇᓐ ᓂᐳᐎᓂᕽ ᑳᐃᔑᐎᔑᐌᒪᑲᑭᓐ, ᐃᐃ ᑲᔦ ᑳᐃᔑᑌᐺᔦᓂᒥᓐᒡ ᐊᐊ ᑭᔐᒪᓂᑑ,

1 Piitar 1:13

ᑕᑲ ᑕᔥ ᑭᓈᓈᑲᑕᐌᑕᒧᐎᓂᐙᕽ ᐃᔑᑮᔐᑕᒧᒃ ᐙᐃᔑᒋᑫᔦᒃ᙮ ᒨᔕᒃ ᐃᑯ ᐙᐹᑲᒣᑕᒧᒃ᙮ ᒥᓯᐌ ᐃᔑᐊᐯᓂᒧᓄᑕᒧᒃ ᔕᐌᑖᑯᓯᐎᓐ ᑳᐐᒦᓂᑰᔦᒃ ᐊᐲ ᒋᓴᔅ X ᓈᑯᐃᓐᒡ᙮

1 Piitar 5:10

ᐊᐲ ᑕᔥ ᐊᒋᓇ ᑮᑲᒀᑕᑭᑑᔦᒃ, ᑭᔐᒪᓂᑑ ᑳᐌᓅᒋ ᐐᒦᑭᐌᒡ ᑭᔐᐙᑎᓯᐎᓐ, ᑳᑮᐊᑑᒥᓀᒃ Xᐃᕽ ᒋᐃᔑᐐᑑᑳᓱᔦᒃ ᐃᐃᒫ ᑳᐃᔑᓀᐱᒋ ᑭᒋ ᐃᓀᑖᑯᓯᒡ, ᐐᓐ ᐃᑯ ᑭᑲᑮᔑᓈᑯᐃᑯᐙ, ᑭᑲᐃᔑᐃᑯᐙ ᑲᔦ ᒋᐋᔩᒋᑳᐸᐎᔦᒃ, ᒋᒪᔥᑲᐎᓰᔦᒃ, ᑭᑲᓀᐱᒋᐅᓇᓯᑯᐙ ᑲᔦ᙮

2 Piitar 1:3

ᑭᔐᒪᓂᑑ ᓴ ᐅᒪᔥᑲᐎᓰᐎᓂᕽ ᑭᑑᒋᒦᓂᑰᒥᓐ ᑲᑭᓇ ᑫᑰᓐ ᑳᓅᑌᓭᔭᕽ ᐅᐅ ᑳᐱᒫᑎᓯᔭᕽ ᒋᐃᔑᒥᓄ ᐊᓇᒥᐁᐙᑎᓯᔭᕽ᙮ ᒦᑕᔥ ᐃᐃᒫ ᐌᒋᒦᓂᑰᐎᓯᔭᕽ ᐃᐃ ᐁᑭᑫᓂᒪᕽ ᑭᔐᒪᓂᑑ ᑳᑮᐊᑐᒥᓇᕽ᙮ ᒦ ᓴ ᑕᔥ ᑳᑮᐅᒋᐊᑐᒥᓇᕽ, ᒋᐊᔮᐗᕽ ᐐᓐ ᐃᑯ ᐅᑭᒋ ᐃᓀᑖᑯᓯᐎᓐ, ᐃᐃᐌᓂ ᑲᔦ ᑳᐃᔑᑾᔭᑯᓈᑯᓯᒡ᙮

ᑭᑫᑕᒨᔑᐌᐎᓐ 3:21

ᐊᐊᐌ ᑫᔖᑰᒋᑣᒡ ᓂᑲᔑᒦᓈ ᒋᐐᑕᐱᒥᒡ ᓂᑭᒋᐊᐱᐎᓂᕽ ᑖᐱᔥᑰ ᓃᓂᑕᒻ ᑳᑮᐃᔑᔖᑰᒋᑣᔮᓐ ᑲᔦ ᓅᑯᒻ ᐁᐐᑕᐱᒪᒃ ᓂᑌᑌ ᐅᑭᒋᐊᐱᐎᓂᕽ᙮