ᐱᓬᐃᐱᔭᓇᒃ 2:7 - ᐅᒋᐺ ᑭᒋᒪᓯᓇᐃᑲᓐ

⁷ ᐐᓐ ᐃᑕᔥ ᐃᑯ ᒣᔥᑾᒡ ᑮᐃᓀᓂᑎᓱ ᑲᑭᓇ ᒋᐸᑭᑎᓇᕽ, ᑲᔦ ᐅᑮᐅᑖᐱᓈᓐ ᐊᓄᑮᐋᑲᓂᕽ ᒋᐃᔑᐱᒫᑎᓯᒡ᙮ ᐃᓂᓃᕽ ᐃᑕᔥ ᐃᑯ ᑮᐃᔑᓂᑖᐎᑭ ᑲᔦ ᐃᓂᓃᕽ ᑮᐃᔑᓈᑯᐋᑲᓂᐎ᙮

Ojibwe Kihcimasina'ikan

⁷ Wiin itahsh iko meshkwac kii'inenintiso kahkina cipakitinank, kaye okii'otaahpinaan anohkii'aakanink ci‑ishipimaatisitc. Ininiink itahsh iko kii'ishinihtaawiki kaye ininiink kii'ishinaako'aakaniwi.

ᐱᓬᐃᐱᔭᓇᒃ 2:7 Cross References

Nikamonan 22:6

ᓃᓐ ᐃᑕᔥ ᐐᓐ ᑳᐐᓐ ᐃᓂᓃᕽ ᓂᑎᓄᐎᓰ, ᐅᑕᒸᐸᑴᓰᕽ ᓴ ᓂᑎᓄᐤ᙮ ᑲᑭᓇ ᓴ ᐊᐎᔭᒃ ᓂᑖᓇᐌᓂᒥᑰᒃ, ᓂᔒᑫᓂᒥᑰᒃ ᑲᔦ᙮

Aaiseya 42:1

ᑳᑎᐯᒋᑫᒡ ᓴ ᐅᐅ ᐃᑭᑐ, ᐃᓇᔥᑫ, ᒦ ᓴ ᐗᐊ ᓂᑕᓄᑮᐋᑲᓐ ᑳᒪᔥᑲᐎᓰᐊᒃ᙮ ᒦ ᓴ ᐊᐌ ᑳᑮ ᐅᓈᐸᒪᒃ, ᒦ ᑲᔦ ᐊᐌ ᑳᒥᓍᐸᒪᒃ᙮ ᓂᑮᐃᔑᐋ ᓴ ᓂᑕᒑᑾᓐ ᒋᒨᔥᑭᓀᔥᑳᑯᒡ, ᐐᓐ ᑲᔦ ᑕᐃᔑᒋᑫ ᐌᐌᓂ ᒋᐃᓈᑯᓂᑫᓈᓂᐗᓂᓂᒃ ᑳᔑ ᐊᔮᓂᒡ ᐯᒫᑎᓯᓂᒡ᙮

Aaiseya 49:3

ᒦᑕᔥ ᐅᐅ ᑳᐃᔑᒡ, ᐃᔅᕒᐃᔭᓬ Israel, ᑮᓐ ᐅᔕ ᓂᑕᓄᑮᐋᑲᓐ; ᐯᒫᑎᓯᐙᒡ ᐅᔕ ᓂᑲ ᐅᒋ ᑭᒋ ᐃᓀᓂᒥᑰᒃ ᑮᓐ ᐅᒋ᙮

Aaiseya 53:11

ᐊᐲ ᑕᔥ ᑮᐃᔥᒀ ᑲᒀᑕᑭᑑᒡ ᐅᐱᒫᑎᓯᐎᓂᕽ, ᒦᑕᔥ ᒦᓇᐙ ᒋᐊᔮᒡ ᒥᓉᑕᒧᐎᓐ, ᒋᑭᑫᑕᕽ ᐃᔑ ᐊᓂᔖ ᐁᑮ ᑲᒀᑕᑭᑑᓯᒃ᙮ ᐃᐃ ᑕᔥ ᐁᐃᔑ ᑭᑫᑕᕽ ᐊᐊ ᓂᑕᓄᑮᐋᑲᓐ ᑳᑾᔭᒀᑎᓯᒡ, ᓃᐱᐗᐞ ᓴ ᐊᐎᔭᐞ ᐅᑲ ᐊᔨᔑᐋᐞ ᒋᒥᓋᑭᓱᓂᒡ, ᐐᓐ ᐋᓃᔥ ᑳᐐ ᐱᒥᐎᑕᒪᐙᒡ ᐅᒪᒋᑑᑕᒧᐎᓂᓂ᙮

Taaniyoo 9:26

ᐊᐲ ᓴ ᑕᔥ ᓃᔣᒋᕽ 7 ᓂᑯᑣᓯᒥᑕᓇᔑᓃᔑᓐ 62 ᑕᓱᐱᐴᓐ ᐃᔥᒀᓭᒃ, ᒦ ᓴ ᐃ ᐊᐲ ᑭᔐᒪᓂᑑᓐ ᑳᐅᓈᐸᒥᑯᒡ ᒋᓃᑳᓃᒡ ᐁᔥᒀᑎᑯ ᑫᓂᓯᓐᒡ᙮ ᑫᒪᔥᑲᐌᑖᑯᓯᒡ ᓴ ᑭᒋᐅᑭᒫ ᐅᔑᒫᑲᓂᔒᒪᐞ ᑕᐲᔖᐗᐞ ᒋᐱ ᓂᔑᐗᓈᒋᑑᓂᒡ ᐆᑌᓇ, ᑭᒋ ᐊᓇᒥᐁᐎᑲᒥᑯᓂ ᑲᔦ᙮ ᑖᐱᔥᑰ ᑳᐱᓂᑭᐲᒃ ᓴ ᑕᐃᓀᑖᑾᓐ ᐊᐲ ᑫᑰᓐ ᐃᔥᒀᓭᒃ᙮ ᒦᑕᔥ ᒋᒦᑳᑎᓈᓂᐗᕽ, ᐃᔑᐌᐸᒃ ᑲᔦ ᑫᑰᓐ ᒋᓂᔑᐗᓈᒋᒋᑫᒪᑲᒃ ᒋᐃᔑᓭᓂᒃ ᑭᔐᒪᓂᑑ ᑳᑮ ᐃᔑ ᑾᔮᑌᑕᕽ᙮

Sehkaraaya 3:8

ᒑᔓᐙ, ᑕᑲ ᑕᔥ ᐱᓯᑕᓐ, ᑳᑭᒋ ᐊᓇᒥᐁᐎᑭᒫᐎᔭᓐ, ᐃᑭᐌᓂᐗᒃ ᑲᔦ ᑳᐐᒌᐎᒀ ᑳᓇᒪᑕᐱᐙᒡ ᐁᓈᓴᒥᑳᐸᐎᔭᓐ᙮ ᑮᓇᐙ ᐄᑐᒃ ᑭᑎᓍᓂᑰᒻ ᐃᓂᓂᐗᒃ ᑳᓈᐱᓈᑯᑑᔦᒃ ᑫᑰᓐ ᐗᐊᓂ ᐃᔑᓭᒃ᙮ ᓂᐐ ᓈᑯᐋ ᓴ ᓂᑕᓄᑮᐋᑲᓐ ᐊᐊ ᐗᑎᑾᓐ ᑳᐃᔑᓂᑳᓂᓐᒡ᙮

Sehkaraaya 9:9

ᐐᑫ ᑭᒋ ᒌᑫᑕᒧᒃ, ᓵᔭᓐ Zion ᐌᒌᔦᒃ᙮ ᔖᑯᐌᒃ ᑫᐊᐲᒋ ᒌᑫᑕᒣᒃ ᒉᕒᐆᓴᓬᐊᒥᕽ ᐌᒌᔦᒃ᙮ ᐃᓇᔥᑫ ᐙᐸᒥᒃ ᑭᑭᒋᐅᑭᒫᒥᐙ ᑭᐱ ᓈᓯᑳᑯᐙ! ᒦᔥ ᐌᒋ ᐲᔖᒡ ᐁᑮ ᐸᑭᓈᑫᒡ, ᐁᑮ ᔖᑰᒋᑣᒡ ᑲᔦ᙮ ᐋᐱᒋ ᓅᑳᑎᓯ, ᐁᐱᒥᐗᓈᓱᒡ ᐃᐃᒫ ᒫᔑᒥᑕᑎᒨᕽ, ᐁᐱᒥᐗᓈᓱᒡ ᐃᐃᒫ ᒫᔑᒥᑕᑎᒨᓯᕽ, ᒫᔑᒥᑕᑎᒻ ᐅᑑᔥᑲᔭᐋᓯᒪᓐ᙮

Maahtiyo 12:18

ᒦ ᐊᐊᐌ ᓂᑕᓄᑮᐋᑲᓐ, ᑳᑮᐅᓀᓂᒪᒃ, ᒦ ᐊᐌ ᑳᓵᑭᐊᒃ ᑳᒥᓉᑕᒧᐃᒡ᙮ ᓂᑲ ᐸᑭᑎᓇᒪᐙ ᓂᑕᒑᑾᓐ, ᐅᑲ ᐐᑕᒪᐙᐞ ᓂᑎᓈᑯᓂᑫᐎᓐ ᑲᑭᓇ ᐁᑕᓶᐙᓇᑭᓯᓂᒡ ᐊᐎᔭᐞ᙮

Maahtiyo 20:28

ᒦ ᓃᓐ ᐁᔑᒋᑫᔮᓐ ᐃᓂᓂ ᐅᑯᓯᓴᓐ ᑳᑎᓄᐎᔮᓐ᙮ ᑳᐐᓐ ᐐᓐ ᓂᑮ ᐲᔖᓰ ᒋᐸᒥᐃᑰᔮᓐ, ᒋᐸᒥᐃᐌᔮᓐ ᐃᓴ ᑳᐅᒋ ᐲᔖᔮᓐ, ᐁᐐ ᐸᑭᑎᓇᒫᓐ ᑲᔦ ᓂᐱᒫᑎᓯᐎᓐ ᐁᐐ ᑎᐸᐗᒀ ᓃᐳᐗᐞ ᐯᒫᑎᓯᐙᒡ ᒋᐱᒫᒋᐃᑣ, ᑮᐃᑭᑐ᙮

Maarhk 9:12

ᐅᑮᓇᑴᑕᐙᐞ ᐃᑕᔥ ᒋᓴᔅ: ᑌᐺ ᑮᐃᓇᑌᓂ ᐊᐌ ᐃᓬᐋᐃᒐ ᓂᑕᒻ ᒋᑕᑯᔑᕽ ᒋᐙᐌᓇᑑᒡ ᑲᑭᓇ ᑫᑰᓐ᙮ ᐋᓃᓐ ᑕᔥ ᐁᓀᑕᒣᒃ ᐃᐃᐌ ᓃᓐ ᐁᐃᔑᐲᐃᑳᓱᔮᓐ, ᐃᓂᓂ ᐅᑯᓯᓴᓐ ᒋᐐ ᑲᒀᑕᑭᐃᒥᓐᒡ ᒋᐋᓇᐌᓂᒥᒥᓐᒡ ᐁᐃᑭᑑᒪᑲᒃ?

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 22:27

ᐊᐌᓀᓐ ᑕᔥ ᓇᐗᒡ ᑫᒋ ᐃᓀᑖᑯᓯᒡ? ᐊᐊ ᓇ ᑳᓇᒪᑕᐱᒡ ᑳᐐ ᐐᓯᓂᒡ, ᑯᒫ ᑲᔦ ᐊᐊ ᑳᐸᒦᑖᑫᒡ? ᐊᐊᐌ ᐄᑐᒃ ᑳᓇᒪᑕᐱᒡ᙮ ᐁᐐᒌᐎᓇᑰᒃ ᑕᔥ ᓃᓐ ᑭᐸᒦᑕᐎᓂᓂᒻ᙮

Cwaan 1:14

ᐗᐊ ᐃᑭᑐᐎᓐ ᑮᐱ ᐃᓂᓃᐎ, ᔑᑾᔥ ᑭᑮᐱᐐᒋᔭᔮᒥᑯᓈᓐ ᐁᒨᔥᑭᓀᒡ ᑭᔐᐙᑎᓯᐎᓐ, ᑌᐺᐎᓐ᙮ ᐅᑭᑕᑭᓱᐎᓐ ᑲᔦ ᑭᑮᐙᐸᑕᒧᐙᒥᓐ, ᒦ ᐃᐌ ᐅᑭᑕᑭᓱᐎᓐ ᑳᐅᒋᒦᓂᑯᒡ ᐃᓂ ᐌᔫᓯᒥᒥᓐᒡ, ᐁᒥᒋᐯᔑᑯᒡ ᑳᐅᑯᓯᓯᒥᑯᒡ ᐃᓂ ᐅᑌᑌᓐ᙮

ᐅᕒᐆᒪᓇᒃ 1:3

ᒦ ᐃᒫ ᒥᓍᒋᒧᐎᓂᕽ ᐁᔑᑕᔑᒥᒥᓐᒡ ᑭᔐᒪᓂᑑ ᐅᑯᓯᓴᓐ ᒋᓴᔅ Xᑕᓐ ᑳᑎᐯᓂᒥᒥᓇᕽ᙮ ᒦᑕᔥ ᐁᓈᒋᒥᓐᒡ X ᐅᐐᔭᐤ ᑌᐱᑎᕽ David ᐁᑮᐅᑕᑳᓀᓰᒪᑲᓂᓂᒃ᙮

ᐅᕒᐆᒪᓇᒃ 15:3

ᐐᓐ X ᐋᓃᔥ ᑳᐐᓐ ᑮᒥᓉᑕᒧᐃᑎᓱᓰ, ᐅᐅ ᐄᑐᒃ ᑮᐃᔑᒋᑫ ᑫᑌᐅᔑᐲᐃᑲᓐ ᑳᐃᔑᐲᐃᑳᑌᓂᒃ: ᐃᐃ ᓴ ᑳᑮᐃᔑᒪᒋ ᐃᑰᔭᓐ ᓃᓐ ᓂᑮᐸᑲᒥᔥᑳᑯᓇᓐ᙮

ᐅᕒᐆᒪᓇᒃ 15:8

ᑭᐐᑕᒪᐎᓂᓂᒻ X ᐁᑮᐱᑎᓄᐎᒡ ᐊᐎᔭ ᑳᒥᓄᑑᑕᐙᒡ ᒎᐗᐞ, ᐁᐐᓈᑯᑑᒡ ᑭᔐᒪᓂᑑᓐ ᐅᑌᐺᔦᑖᑯᓯᐎᓂᓂ, ᒋᐅᒋ ᐃᔑᓭᓂᒃ ᐋᓃᓐ ᑭᔐᒪᓂᑑ ᑳᑮᐃᔑᐊᔓᑕᒪᐙᑯᐸᓀᓐ ᑭᑫᑌᔭᐋᒥᓈᓂᐞ᙮

ᐅᕒᐆᒪᓇᒃ 8:3

ᒦ ᐅᐌ ᑳᑮᑆᓇᐎᒋᑫᒪᑲᓂᓂᒃ ᒨᓯᔅ Moses ᐅᑎᓈᑯᓂᑫᐎᓐ, ᐋᓃᔥ ᐅᓵᒻ ᑮᓃᓇᒪᓐ ᑭᑫᑌᐃᓈᑎᓯᐎᓂᓈᓐ᙮ ᑭᔐᒪᓂᑑ ᑕᔥ ᐐᓐ ᐅᑮᑲᔥᑭᑑᓐ ᑳᑮᐃᔑᐋᓇᐌᐎᓰᒪᑲᓂᓂᒃ ᐃᓈᑯᓂᑫᐎᓐ, ᐁᑮᐲᒋᓂᔕᐙᒡ ᐃᓂ ᑎᐱᓇᐌ ᐅᑯᓯᓴᓐ, ᑫᐐᓐ ᒋᐃᓀᑖᑯᓯᓂᒡ ᑳᐃᔑᐊᔮᓂᒡ ᐃᐃ ᐯᒫᑎᓯᓂᒡ ᑳᒪᒋ ᐃᔑᐌᐱᓯᓂᒡ, ᐅᐅᐌ ᐁᑮᑑᑕᒥᓂᒡ ᐁᑮᓇᓇᐃᓯᑕᒪᐙᓂᒡ ᐅᒪᒋᑑᑕᒧᐎᓂᓂ ᐃᐃ ᐯᒫᑎᓯᓂᒡ᙮

2 ᑲᕒᐃᑎᔭᓇᒃ 13:4

ᑫᒋᓈᒡ ᓴ ᑖᐱᔥᑰ ᐁᒪᒌᐗᑮᒡ ᑮᐃᔑᓈᑯᓯ ᐊᐲ X ᑮᐊᑯᓴᑲᐅᓐᒡ ᐃᐃᒫ ᐋᔑᑌᔮᑎᑯᕽ᙮ ᓅᑯᒻ ᑕᔥ ᑭᔐᒪᓂᑑᓐ ᐅᒪᔥᑲᐎᓰᐎᓂᓃᕽ ᐃᔑᐱᒫᑎᓯ᙮ ᑫᓃᓇᐎᓐᑦ ᓴ ᐁᐐᒌᐗᑭᒡ X ᒦ ᓴ ᐯᔑᑾᓐ ᐁᔑᓈᑯᓯᔮᕽ ᐁᒪᒌᐗᑮᔮᕽ᙮ ᐃᐃᒫ ᑕᔥ ᐐᓐ ᑭᔐᒪᓂᑑ ᐅᒪᔥᑲᐎᓰᐎᓂᕽ ᓂᑲᐃᔑᐐᒋᐱᒫᑎᓰᒫᓈᓐ X, ᐊᐲ ᐐᒌᐎᑰᔦᒃ᙮

2 ᑲᕒᐃᑎᔭᓇᒃ 8:9

ᑭᑭᑫᓂᒫᐙ ᐋᓃᓐ ᑳᐊᐲᒋ ᑭᔐᐙᑎᓯᒡ ᑌᐯᒋᑫᒡ ᒋᓴᔅ X, ᐋᓇᐐᓐ ᐁᑮᐌᓅᑎᓯᒡ, ᒦᑕᔥ ᑳᐃᔑᐃᑎᓱᒡ ᒋᑭᑎᒫᑭᓯᒡ ᑮᓇᐙ ᐅᒋ, ᐃᐃᒫ ᓴ ᐅᑭᑎᒫᑭᓯᐎᓂᕽ ᑮᓇᐙ ᒋᐅᒋ ᐌᓅᑎᓯᔦᒃ᙮

ᑲᓬᐁᔑᔭᓇᒃ 4:4

ᐊᐲ ᑕᔥ ᑎᐸᐃᑲᓐ ᐁᑮᐅᒋᒋᓭᓂᒃ, ᑭᔐᒪᓂᑑ ᐐᓐ ᐃᑯ ᐅᑯᓯᓴᓐ ᐅᑮᐲᒋᓂᔕᐙᓐ᙮ ᐃᐃᒫ ᑕᔥ ᐃᑴᕽ ᑮᐃᔑᓂᑖᐎᑭ᙮ ᒦᑕᔥ ᑲᔦ ᐁᑮᐃᔑᐱᒫᑎᓯᒡ ᑳᑮᐃᔑᑲᓇᐌᒋᑳᑌᓂᒃ ᒨᓯᔅ Moses ᐅᑑᓇᔓᐌᐎᓂᓂ᙮

ᐱᓬᐃᐱᔭᓇᒃ 2:6

ᐋᓇᐐᓐ ᑭᔐᒪᓂᑑᕽ ᐁᑮᐱ ᐃᓈᑎᓯᒡ, ᑳᐐᓐ ᐃᑕᔥ ᑮᐃᓀᑕᓰ ᒋᒪᔥᑲᐎᑲᓇᐌᑕᕽ ᐃᐌ ᑳᐃᔑᑭᔐᒪᓂᑑᐌᑖᑯᓯᒡ᙮

ᐄᐸᕒᐆᐗᒃ 12:2

ᑕᑲ ᒨᔕᒃ ᑲᓇᐙᐸᒫᑖ ᒋᓴᔅ ᑳᑮᒫᒋᑑᒡ, ᑳᑮᑮᔑᑑᒡ ᑲᔦ ᑭᑌᐺᔦᑕᒧᐎᓂᓈᓂᓐ᙮ ᑳᐐᓐ ᐃᑕᔥ ᑮᐸᑭᒌᓰ ᐋᓇᐐᓐ ᐁᑮᑭᑫᑕᕽ ᒋᓂᓯᓐᒡ ᐋᔑᑌᔮᑎᑯᕽ, ᐋᒋᑯ ᑕᔥ ᑳᐐᓐ ᐅᑮᐸᐹᐱᓯᔅᑫᑕᓰᓐ ᑳᑮᐐᐃᔑᐊᑲᒋᐃᓐᒡ, ᐋᓃᔥ ᐅᑮᑭᑫᑖᓐ ᐃᐃ ᒥᓉᑕᒧᐎᓐ ᑳᑮᐲᐃᑯᒡ᙮ ᐃᓇᔥᑫ ᑕᔥ ᓅᑯᒻ ᑭᔐᒪᓂᑑᓐ ᐅᐐᑕᐱᒫᓐ, ᐅᑭᒋᓂᑭᓃᕽ ᐃᓇᑫ ᐁᐃᔑᐊᐱᒡ᙮

ᐄᐸᕒᐆᐗᒃ 13:3

ᒫᒥᑲᐎᓄᑕᐎᑾᒃ ᐃᑕᔥ ᐃᑭ ᑳᑭᐸᐅᑣ, ᒋᐃᓀᑕᒣᒃ ᑖᐱᔥᑰ ᐁᐐᒌᐌᒀ᙮ ᒫᒥᑲᐎᓄᑕᐎᑾᒃ ᑲᔦ ᐃᑭ ᑳᒫᔑᑑᑕᐎᑣ, ᑖᐱᔥᑰ ᑮᓇᐙ ᐱᑯ ᐃ ᐁᔑᑲᒀᑕᑭᓭᔦᒃ᙮

ᐄᐸᕒᐆᐗᒃ 4:15

ᐗᐊ ᑕᔥ ᒫᐗᒡ ᑭᑭᒋᐊᓇᒥᐁᐎᑭᒫᒥᓈᓐ, ᑳᐐᓐ ᐐᓐ ᑭᒥᒋᑰᐹᑌᓂᒥᑯᓰᓈᓐ ᑳᐃᔑᐱᒪᑎᓯᔭᕽ᙮ ᑫᐐᓐ ᐅᔕ ᒥᓯᐌ ᑮᐃᔑᑲᑴᒋᐋ ᑖᐱᔥᑰ ᑮᓇᐎᓐᑦ ᑳᐃᔑᑲᑴᒋᐃᑰᔭᕽ, ᑳᐐᓐ ᐃᑕᔥ ᐐᑳ ᑮᒪᒋᑑᑕᓰ᙮