ᐱᓬᐃᐱᔭᓇᒃ 2:6 - ᐅᒋᐺ ᑭᒋᒪᓯᓇᐃᑲᓐ

⁶ ᐋᓇᐐᓐ ᑭᔐᒪᓂᑑᕽ ᐁᑮᐱ ᐃᓈᑎᓯᒡ, ᑳᐐᓐ ᐃᑕᔥ ᑮᐃᓀᑕᓰ ᒋᒪᔥᑲᐎᑲᓇᐌᑕᕽ ᐃᐌ ᑳᐃᔑᑭᔐᒪᓂᑑᐌᑖᑯᓯᒡ᙮

Ojibwe Kihcimasina'ikan

⁶ Aanawiin Kishemanitoonk ekiihpi‑inaatisitc, kaawiin itahsh kii'inentansii cimashkawikanawentank 'iwe kaaishiKishemanitoowentaakositc.

ᐱᓬᐃᐱᔭᓇᒃ 2:6 Cross References

Aaiseya 7:14

ᑳᑎᐯᒋᑫᒡ ᓴ ᐐᓐ ᐃᑯ ᑭᑲ ᐙᐸᑕᐃᒃ ᑫᑭᑭᓇᐙᓵᐸᑕᒧᐗᒡ: ᑳᐯᑭᓯᒡ ᓴ ᐅᔥᑭᓃᑭᑴ ᑕᑭᑭᔥᑲᐙᐙᓱ, ᑸᐎᓭᓴᓐ ᑕᔥ ᐅᑲ ᓂᑖᐎᑭᐋᓐ, ᐃᒫᓂᔪᐁᓬ Immanuel ᐅᑲ ᐃᔑᓂᑳᓈᓐ᙮

Aaiseya 8:8

ᑖᐱᔥᑰ ᐁᓂ ᓂᑭᐲᒃ ᒎᑕ Judah ᐊᑮᕽ ᐁᐲᒋ ᐹᑏᓄᓂᒡ ᐅᔑᒫᑲᓂᔒᒪᐞ ᐅᑴᑲᓂᒫᕽ ᑳᓂ ᐊᐲᑖᔭᐙᒃ᙮ ᑲᑭᓇ ᑲᔦ ᑫᑰᓐ ᑕᓂᑭᐲ᙮ ᑭᔐᒪᓂᑑ ᓴ ᐁᐐᒌᐎᓇᕽ ᑕᑌᓯᓂᑸᓂ ᒋᓈᑕᒪᐙᑕᕽ ᑭᑕᑮᒥᓈᓐ᙮

Aaiseya 9:6

ᑮᐅᒋ ᓂᑖᐎᑭ ᐊᐱᓅᒌᔥ ᑮᓇᐎᓐᑦ ᐅᒋ᙮ ᐅᑯᓯᓯᒫ ᑭᑮ ᒦᓂᑰᒥᓐ! ᐐᓐ ᓴ ᑭᑲ ᑎᐯᓂᒥᑯᓈᓐ᙮ ᒦ ᓴ ᐃ ᑫᐃᔑᓂᑳᓱᒡ, ᑳᒫᒪᑳᑌᑖᑯᓯᒡ ᐅᐐᒋᐃᐌ, ᑳᒪᔥᑲᐌᑖᑯᓯᒡ ᑭᔐᒪᓂᑑ, ᑳᓀᐱᒋᐊᔮᒡ ᐅᑌᑌᒫ, ᑳᑎᐯᑕᕽ ᐱᓵᓂᓯᐎᓐ᙮

Ceramaaya 23:6

ᐊᐲ ᑭᒋᐅᑭᒫᐎᒡ ᐯᒫᑎᓯᐙᒡ ᒎᑕ Judah ᐊᑮᕽ ᐌᒌᐙᒡ ᓴ ᑕᐱᒫᒋᐋᐗᒃ, ᐃᔅᕒᐃᔭᓬᐊᒃ ᑲᔦ ᐌᐌᓂ ᐱᑯ ᑕᐊᔨᑖᐗᒃ; ᒦᑕᔥ ᐅᐅ ᑫᐃᔑᓂᑳᒋᑲᓂᐎᒡ, ᑳᑎᐯᒋᑫᒡ ᑭᑾᔭᒀᑎᓰᒥᓈᓐ᙮

Maaihka 5:2

ᒦᔥ ᑳᑎᐯᒋᑫᒡ ᐁᑭᑐᒡ, ᐯᑕᓬᐃᐁᒻ Bethlehem ᐁᐸᕒᐊᑕ Ephrathah, ᑮᓐ ᒫᐗᒡ ᐯᔑᒃ ᑭᑕᑳᓭᑖᑯᔅ ᑳᑕᓯᑭᓐ ᐆᑌᓇᐗᓐ ᐃᐃᒫ ᒎᑕ Judah ᐊᑮᕽ᙮ ᒦᑕᔥ ᐃᐃᒫ ᑫᐅᑎᓇᒃ ᑫᑎᐯᓂᒫᒡ ᐃᔅᕒᐃᔭᓬᐊᐞ Israel, ᐙᓴ ᐅᑖᓈᕽ ᐅᑑᑕᑳᓀᓯᐎᓐ ᑳᐱ ᑭᑫᑖᑾᓂᓂᒃ᙮

Sehkaraaya 13:7

ᒦᑕᔥ ᐁᑭᑐᒡ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ, ᐸᔑᐸᐃᑫᐎᑯᒫᓐ ᑕᑲ ᐗᓂᔥᑳᓐ, ᐅᑎᑎᓐ ᐅᑲᓇᐎ ᒫᓇᒑᓂᔑᐌ ᐯᔓ ᑳᐐᒌᐗᒃ᙮ ᐸᔑᐸᐅ ᒋᓂᓴᒡ, ᒦᑕᔥ ᒫᓇᒑᓂᔕᒃ ᒋᒥᓯᑌᐸᐃᐌᐙᒡ᙮ ᓃᓐ ᓴ ᐱᑯ ᓂᑲ ᒦᑳᓈᒃ ᓂᐱᒫᑎᓰᒪᒃ ᐁᑳᔒᔑᐙᒡ᙮

Maahtiyo 1:23

ᑾᔭᒃ ᐯᑭᐅᔥᑭᓃᑭᑴ ᐅᑲ ᐊᔮᐙᓐ ᐊᐱᓅᒌᔕᓐ ᑲᔦ ᐅᑲ ᓂᑖᐎᑭᐋᓐ ᑫᐅᑯᓯᓯᒡ᙮ ᐃᒫᓂᔪᐁᓬ Immanuel ᑕᔥ ᑕᐃᔑᓂᑳᓱᐗᓐ᙮ ᒦᐃᐌ ᑳᐃᒋᑳᑌᒃ: ᑭᔐᒪᓂᑑ ᑭᐐᒌᐎᑯᓈᓐ᙮

Cwaan 1:18

ᑳᐐᓐ ᐊᐎᔭ ᐐᑳ ᐅᑮᐅᒋᐙᐸᒫᓰᓐ ᑭᔐᒪᓂᑑᓐ᙮ ᐊᐊ ᐁᑕ ᐱᔦᔑᑯᒡ ᑳᐅᑯᓯᓯᒫᐎᒡ, ᐐᓐ ᐁᑭᔐᒪᓂᑑᐎᒡ ᑲᔦ ᑳᓵᑭᐃᑯᒡ ᐃᓂ ᐌᔫᓯᒥᒥᓐᒡ, ᐐᓐ ᒪᔮ ᑾᔭᒃ ᐅᑮᑎᐹᒋᒫᓐ ᑭᔐᒪᓂᑑᓐ᙮

Cwaan 10:30

ᓃᓐ ᑲᔦ ᓂᑌᑌ ᒦ ᐁᔑᐯᔑᑴᑖᑯᓯᔮᕽ, ᑮᐃᑭᑐ᙮

Cwaan 10:33

ᒦᔥ ᒎᐗᒃ ᐅᑮᐃᓈᐙᓐ: ᑳᐐᓐ ᐐᓐ ᒥᓄᐊᓄᑮᐎᓇᓐ ᑳᐐᐅᒋᐱᒶᓯᓇᐃᑰᔭᓐ, ᐅᑮᐃᓈᐙᓐ, ᐁᐹᐱᓄᑕᐗᒡ ᐅᔕ ᑭᔐᒪᓂᑑ ᐌᒋᑑᑖᑰᔭᓐ᙮ ᑮᓐ ᐋᓃᔥ ᐁᒥᒋ ᐃᓂᓂᓃᐎᔭᓐ, ᓃᓐ ᑭᔐᒪᓂᑑ ᑭᑎᑭᑦ, ᐅᑮᐃᓈᐙᓐ᙮

Cwaan 10:38

ᑮᔥᐱᓐ ᑕᔥ ᑌᐺ ᐁᑑᑕᒧᐙᓀᓐ, ᐋᓇᐐᓐ ᓃᓐ ᐁᑌᐺᑕᐎᓯᐌᒃ, ᐁᓂᐌᒃ ᐃᑕᔥ ᑭᑖᑌᐺᑖᒻ ᐃᓂ ᐊᓄᑮᐎᓇᓐ ᑳᑑᑕᒫᓐ, ᒦᔥ ᒋᑫᒋᓈᐁᑕᒣᒃ ᑌᐺ ᐁᑭᑭᔥᑲᐎᒡ ᓂᑌᑌ, ᑲᔦ ᓃᓐ ᐃᑕᔥ ᐁᑭᑭᔥᑲᐗᒃ, ᑮᐃᑭᑐ᙮

Cwaan 14:28

ᑭᑮᓅᑕᐎᒻ ᑳᑮᐃᓂᓇᑰᒃ: ᓂᒫᒑ, ᒦᓇᐙ ᑕᔥ ᑭᑲᐱᑮᐌᓄᑕᐎᓂᓂᒻ, ᑭᑮᐃᓂᓂᓂᒻ᙮ ᑮᔥᐱᓐ ᓵᑭᐃᔦᑭᐸᓐ, ᑭᑖᑮᒥᓉᑖᒻ ᐁᐃᔖᔮᓐ ᐊᐊ ᐌᔫᓯᒥᓐᒡ᙮ ᐐᓐ ᐋᓃᔥ ᐊᐊ ᐌᔫᓯᒥᓐᒡ ᐊᐗᔑᒣ ᑭᒋ ᐃᓀᑖᑯᓯ ᐊᐲᒡ ᓃᓐ᙮

Cwaan 14:9

ᐅᐌ ᑕᔥ ᐅᑮᐃᓈᓐ: ᐱᓬᐊᑉ, ᐋᔕ ᐅᔕ ᒣᐎᔕ ᑭᐱᐅᒋᐐᒌᐎᓂᓂᒻ᙮ ᑫᔮᐱ ᓇᔥ ᑳᐐᓐ ᑭᑭᑫᓂᒥᓰ ᐊᐌᓀᓂᐎᔮᓐ? ᐊᐌᓀᓐ ᐃᓴ ᐊᐌ ᑳᐙᐸᒥᒡ, ᐅᐙᐸᒫᓐ ᐌᔫᓯᒥᒥᓐᒡ᙮ ᐋᓃᔛᓐ ᐌᒋ ᐃᑭᑐᔭᓐ, ᐙᐸᑕᐃᔑᓈᒻ ᐌᔫᓯᒥᓐᒡ?

Cwaan 17:5

ᓂᑌᑌ! ᓅᑯᒻ ᒦᔑᔑᓐ ᒋᑕᔑ ᑭᒋ ᐃᓀᑖᑯᓯᔮᓐ ᐃᒫ ᑮᓐ ᐁᔑᐊᔮᔭᓐ᙮ ᐃᐃᐌ ᑭᒋ ᐃᓀᑖᑯᓯᐎᓐ ᐯᔑᑾᓐ ᐃᔑᒦᔑᔑᓐ ᑳᑮᐊᔮᔮᓐ ᐌᑎ ᑳᑮᐐᒋᔭᔮᒥᓈᓐ ᒋᑆ ᐱᒫᒋᐊᑮᐗᕽ, ᑕᑲ ᒦᓇᐙ ᒦ ᐃᐌ ᑮᐌᒦᔑᔑᓐ!

Cwaan 20:28

ᒦᑕᔥ ᐅᑮᐃᑰᓐ ᑣᒪᓲᓐ: ᑮᓐ ᓂᑎᐯᒋᑫᒻ! ᑮᓐ ᓂᑭᔐᒪᓂᑑᒻ! ᑮᐃᑭᑐᐗᓐ᙮

Cwaan 5:18

ᒦᔥ ᐅᐅᐌ ᐅᒋ ᐁᑮᐃᑭᑐᓂᒡ, ᐅᓃᑳᓂᓰᐎ ᒎᐗᒃ ᐊᐗᔑᒣ ᐅᑮᓇᓈᑐᓀᐋᓈᐙ ᐁᐐᓂᓵᐙᒡ ᒋᓴᓲᓐ, ᑳᐐᓐ ᐐᓐ ᐁᑕ ᐃᐌ ᐁᑮᐲᑯᓇᒥᓂᒡ ᐊᓉᐲᐎ ᑮᔑᑲᓂ ᐅᓇᔓᐌᐎᓐ, ᐃᐃᐌ ᐅᔕ ᑲᔦ ᑭᔐᒪᓂᑑ ᓂᑌᑌ ᐁᑮᐃᑭᑐᓂᒡ; ᒦ ᐃᐌ ᑭᔐᒪᓂᑑ ᑳᔑᐊᐲᑌᑖᑯᓯᒡ, ᑲᔦ ᓃᓐ ᐯᔑᑾᓐ ᓂᑕᐲᑌᑖᑯᔅ ᐁᑮᐃᔑᑮᔗᓂᒡ᙮

Cwaan 5:23

ᒦ ᐯᔑᑾᓐ ᑲᑭᓇ ᐃᑭ ᐯᒫᑎᓯᐙᒡ ᒋᑭᒋ ᐃᓀᓂᒫᐙᒡ ᐃᓂ ᐅᑯᓯᓯᒫᓐ ᑖᐱᔥᑰ ᑳᐃᔑ ᑭᒋ ᐃᓀᓂᒫᐙᒡ ᐃᓂ ᐅᔫᓯᒫᓐ᙮ ᐊᐊ ᑕᔥ ᑳᑭᒋ ᐃᓀᓂᒫᓯᒃ ᐅᑯᓯᓯᒫᓐ ᑳᐐᓐ ᐅᑭᒋ ᐃᓀᓂᒫᓰᓐ ᑲᔦ ᐅᔫᓯᒫᓐ ᑳᑮᐱ ᐃᔑᓂᔕᐅᑯᓂᒡ᙮

ᐅᕒᐆᒪᓇᒃ 9:5

ᒦᐗᒃ ᐃᑕᔥ ᐃᑭ ᐃᔅᕒᐃᔭᓬᐊᒃ ᑳᑕᔑᒥᑣ, ᒦ ᐃᒫ ᑳᑮᐱᐅᒌᐙᒡ ᑳᑮᓃᑳᓀᑖᑯᓯᓂᒡ ᑭᑫᑌᔭᐋᒥᓈᓂᐞ᙮ ᐃᐃᒫ ᑕᔥ ᐐᓐ X ᑮᐅᑕᑳᓀᓯ ᐃᔅᕒᐃᔭᓬᐃᑳᕽ, ᐃᓂᓃᕽ ᐃᑯ ᑮᐃᓀᑖᑯᓯᒡ᙮ ᑕᑲ ᑕᔥ ᑭᔐᒪᓂᑑ ᑲᑭᓇ ᑫᑰᓂᓂ ᑳᑎᐯᑕᕽ ᒨᔕᒃ ᐃᑯ ᑕᒦᑴᒋᐌᓂᒫ᙮ ᐁᒣᓐ᙮

2 ᑲᕒᐃᑎᔭᓇᒃ 4:4

ᐋᓃᔥ ᐊᐊ ᒪᒋᐊᔭᐋ ᑳᒪᓂᑑᐎᒡ ᐅᐅᒫ ᐊᑮᕽ ᐅᑮᐃᔑᐋᐞ ᒋᐙᐱᓯᓂᒃ ᐃᐃᒫ ᐅᑎᓀᑕᒧᐎᓂᓃᕽ, ᒦ ᓴ ᑕᔥ ᑳᐅᒋᑌᐺᑕᓯᓂᒃ᙮ ᑳᐐᓐ ᑕᔥ ᑲᔦ ᐅᓇᑕᐌᓂᒫᓰᐞ ᒋᐙᐸᑕᒥᓂᒡ ᐃᐃ ᑳᐃᔑᐙᓭᔮᓂᒃ ᐃᐃ ᒥᓍᒋᒧᐎᓂᓂ, ᐃᐃᒫ ᑳᐃᔑᑕᔑᑌᓂᒃ X ᐅᑭᒋ ᐃᓀᑖᑯᓯᐎᓐ᙮ ᐋᓃᔥ ᒪᔮ ᐱᑯ ᑭᔐᒪᓂᑑᕽ ᐃᔑᓈᑯᓯ ᐊᐊ X᙮

2 ᑲᕒᐃᑎᔭᓇᒃ 8:9

ᑭᑭᑫᓂᒫᐙ ᐋᓃᓐ ᑳᐊᐲᒋ ᑭᔐᐙᑎᓯᒡ ᑌᐯᒋᑫᒡ ᒋᓴᔅ X, ᐋᓇᐐᓐ ᐁᑮᐌᓅᑎᓯᒡ, ᒦᑕᔥ ᑳᐃᔑᐃᑎᓱᒡ ᒋᑭᑎᒫᑭᓯᒡ ᑮᓇᐙ ᐅᒋ, ᐃᐃᒫ ᓴ ᐅᑭᑎᒫᑭᓯᐎᓂᕽ ᑮᓇᐙ ᒋᐅᒋ ᐌᓅᑎᓯᔦᒃ᙮

1 Timahti 1:17

ᒫᓄ ᑕᔥ ᐱᔑᔑᒃ ᐊᐸᓀ ᑕᑭᒋ ᐃᓀᓂᒫ, ᑕᓇᓈᑯᒫ ᐊᐊ ᑭᒋᐅᑭᒫ ᐱᔑᔑᒃ ᑳᐱᒫᑎᓯᒡ, ᐐᑳ ᑫᓂᐳᓯᒃ, ᐎᔮᐸᒫᓯᐎᓐᒡ, ᒦ ᐁᑕ ᐊᐌ ᑳᑭᔐᒪᓂᑑᐎᒡ᙮ ᐁᒣᓐ᙮

1 Timahti 3:16

ᐗᐐᑫ ᓴ ᑌᐺᒪᑲᓐ, ᐋᐱᒋ ᑭᒋ ᐃᓀᑖᑾᓐ ᑭᑕᓇᒥᐋᐎᓂᓈᓐ ᑭᔐᒪᓂᑑ ᑳᑮᑭᑫᑖᑯᑑᒡ: ᑌᐺ ᑮᓈᑯᐃᑎᓱ ᐁᐃᓂᓃᐎᒡ, ᑮᐅᒋᑾᔭᑾᑭᒫ ᐁᐐᒌᐎᑯᒡ ᑭᔐᒪᓂᑑ ᐅᑕᒑᑾᓐ, ᐅᑮᐙᐸᒥᑰᐞ ᐁᒐᓬᐊᐞ, ᑮᑎᐹᒋᒫ ᑳᑕᓶᐙᓇᑭᓯᓂᒡ ᐁᑮᐐᑕᒪᐎᒥᓐᒡ, ᑮᑌᐺᔦᓂᒫ ᐊᑮᕽ, ᑮᐃᔑᐅᐱᔥᑳ ᑭᒋᑮᔑᑯᕽ᙮

Taitahs 2:13

ᐁᐊᔕᐙᐸᑕᒪᕽ ᐃᑕᔥ ᐃᐃ ᑳᐲᑑᔭᕽ ᑭᑕᐯᓂᒧᐎᓂᓈᓐ ᑫᐊᐲᒋᒥᓉᑖᑾᒃ, ᑲᔦ ᒋᐙᐸᑕᒧᐗᕽ ᐅᑭᒋ ᐃᓀᑖᑯᐎᓯᓐ X ᒋᓴᔅ ᑭᑭᒋᑭᔐᒪᓂᑑᒥᓈᓐ ᑳᐱᒫᒋᐃᓇᕽ᙮

ᐄᐸᕒᐆᐗᒃ 1:3

ᒦᑕᔥ ᐊᐊ ᐅᑯᓯᓯᒫ ᑳᓈᑯᑑᒡ ᑭᔐᒪᓂᑑᓐ ᑳᐃᔑᐙᓭᔮᓂᒃ ᐅᑭᒋ ᐃᓀᑖᑯᓯᐎᓂᓂ, ᒦ ᑲᔦ ᒪᔮ ᑭᔐᒪᓂᑑᓐ ᑳᐃᓀᑖᑯᓯᓂᒡ ᑳᐃᓈᑎᓯᒡ᙮ ᐅᑎᑭᑐᐎᓐ ᑳᑲᔥᑭᐁᐎᓰᒪᑲᓂᓂᒃ ᓴ ᐅᑑᒋᒥᒋᒥᓈᓐ ᑲᑭᓇ ᑫᑰᓂᓂ᙮ ᐊᐲ ᑕᔥ ᑳᑲᔥᑭᑑᒡ ᐋᓃᓐ ᑫᔑᐯᑭᐃᒥᓐᒡ ᐃᓂᓂᐗᐞ ᐅᒪᒋᑑᑕᒧᐎᓂᓃᕽ ᐅᒋ, ᒦᑕᔥ ᑳᐃᔑᐊᐱᒡ ᐅᑭᒋᓂᑭᓃᕽ ᐃᓇᑫ ᑭᔐᒪᓂᑑᓐ ᑳᐃᔑᐊᐱᓂᒡ, ᑳᒫᒪᐎ ᒪᔥᑲᐎᓰᓂᒡ ᐃᐃᒫ ᒫᐗᒡ ᐃᔥᐱᒥᕽ᙮

ᐄᐸᕒᐆᐗᒃ 1:6

ᒦᓇᐙ ᑕᔥ, ᐊᐲ ᑭᔐᒪᓂᑑ ᑮᐲᒋᓂᔕᐙᒡ ᐅᐅᒫ ᐊᑮᕽ ᐃᓂ ᓂᑕᒻ ᑳᑮᐅᑯᓯᓯᒡ ᑮᐃᑭᑐ: ᑲᑭᓇ ᑭᔐᒪᓂᑑ ᐅᑌᒐᓬᐃᒪᐞ ᐅᑲᐊᓇᒥᐁᑕᐙᓂ᙮

ᐄᐸᕒᐆᐗᒃ 1:8

ᐅᐅ ᑕᔥ ᐐᓐ ᑭᔐᒪᓂᑑ ᐅᑎᓈᓐ ᐃᓂ ᐅᑯᓯᓴᓐ: ᑮᓐ ᑭᔐᒪᓂᑑ! ᑭᑑᑭᒫᐎᐎᓐ ᑳᐐᓐ ᐐᑳ ᑕᐴᓂᐊᔮᒪᑲᓯᓅᓐ᙮ ᐋᐱᒋ ᑲᔦ ᐌᐌᓂ ᑭᑲᑾᔭᑯᑑᑕᐙᒃ ᐃᑭ ᑳᑎᐯᓂᒪᑣ ᑭᑑᑭᒫᐎᐎᓂᕽ᙮

ᐄᐸᕒᐆᐗᒃ 13:8

ᒋᓴᔅ X ᓴ ᐯᔑᑾᓐ ᐃᔑᐋᐎ, ᑳᑮᑎᓄᐎᒡ ᐅᑖᓈᕽ, ᒦ ᓴ ᐯᔑᑾᓐ ᓅᑯᒻ ᑳᑮᔑᑲᓂᓂᒃ, ᒦ ᑲᔦ ᐯᔑᑾᓐ ᒨᔕᒃ ᑫᐃᔑᐋᐎᒡ᙮

ᑭᑫᑕᒨᔑᐌᐎᓐ 21:6

ᒦᓇᐙ ᑕᔥ ᓂᑮᐃᒃ: ᑎᐱᓭ! ᓃᓐ ᐊᐊᐌ ᓂᑕᒻ ᑳᑮᐊᔮᒡ ᑲᔦ ᐃᔥᒀᒡ ᑫᐊᔮᒡ᙮ ᓃᓐ ᑳᒫᒋᓭᒃ ᒦᓇᐙᔥ ᑫᑮᔑᓭᒃ᙮ ᓂᑲᒥᒋᒦᓈ ᑳᓅᑌᐐᒥᓂᑴᒡ ᒋᐅᒋᒥᓂᑴᒡ ᐃᐃᒫ ᐁᒨᑭᒋᐗᓂᐲᑯᐗᕽ ᐁᐱᒫᑎᓰᔥᑳᑫᒪᑲᒃ ᐃᐃ ᓂᐱ᙮