ᐱᓬᐃᐱᔭᓇᒃ 2:30 - ᐅᒋᐺ ᑭᒋᒪᓯᓇᐃᑲᓐ

³⁰ ᐐᓐ ᐋᓃᔥ ᒫᓄ ᑯ ᐃᑕᐙᒡ ᐅᑮᐸᑭᑎᓈᓐ ᐅᐱᒫᑎᓯᐎᓐ, ᐲᓂᔥ ᐁᑮᐅᒋᐯᔡᒋᐃᑯᒡ ᓂᐳᐎᓐ, ᓇᐗᒡ ᐐᓐ Xᑕᓐ ᐁᐐᐊᓄᑮᑕᐙᒡ᙮ ᒦ ᐅᐌ ᑳᐃᔑᒋᑫᒡ ᐁᑮᓈᐱᑑᑕᕽ ᑮᓇᐙ ᑯ ᑫᑮᐃᔑᐐᒋᐃᔦᑭᐸᓐ ᐁᑮᑲᔥᑭᑑᓯᐌᒃ᙮

Ojibwe Kihcimasina'ikan

³⁰ Wiin aaniihsh maano ko intawaac okiihpakitinaan opimaatisiwin, piinihsh ekii'oncipehshwaci'ikotc nipowin, nawac wiin Christan ewii'anohkiihtawaatc. Mii 'owe kaa'ishihciketc ekii'naapitootank kiinawaa ko kekii'ishiwiici'iyekipan ekiihkashkihtoohsiwek.

ᐱᓬᐃᐱᔭᓇᒃ 2:30 Cross References

ᐃᔑᒋᑫᐎᓇᓐ 20:24

ᑳᐐᓐ ᑕᔥ ᓃᓐ ᑫᑰᓐ ᓂᑎᓀᑕᓰᓐ ᓂᐱᒫᑎᓯᐎᓐ ᒋᑭᒋ ᐃᓀᑕᒫᐹᓐ; ᒦ ᐁᑕ ᐙᐃᔑᒋᑫᔮᓐ ᒋᑮᔑᑖᐗᒃ ᐱᒥᐸᑑᐎᓐ, ᐊᓄᑮᐎᓐ ᑲᔦ ᑳᑮᒦᔑᒡ ᑳᑎᐯᒋᑫᒡ᙮ ᓂᑮᐃᔑᒦᓂᒃ ᒋᑎᐹᑐᑕᒧᐗᒃ ᐁᔑ ᒥᓍᑐᑌᓂᒃ ᑭᔐᒪᓂᑑ ᐅᑭᔐᐙᑎᓯᐎᓐ᙮

ᐅᕒᐆᒪᓇᒃ 16:4

ᐅᑮᓇᓃᓵᓂᑑᓈᐙᓐ ᐃᓴ ᐅᐱᒫᑎᓯᐎᓂᐙᓐ ᒣᒀ ᐁᑮᐐᒋᐃᐙᒡ᙮ ᑳᐐᓐ ᓃᓐ ᐁᑕ ᒦᑴᒡ ᓂᑎᓈᓰᒃ, ᐁᑳ ᑳᒎᐎᐎᓯᒀ ᐅᑌᐺᑕᒨᒃ ᐯᐸᑳᓐ ᑳᐃᔑᒫᒫᐗᒋᐃᑎᐙᒡ ᑫᐐᓇᐙ ᐅᒦᑴᒋᐌᓂᒫᐙᐞ᙮

1 ᑲᕒᐃᑎᔭᓇᒃ 15:53

ᐅᐌ ᐋᓃᔥ ᑳᐗᑫᓂᔑᐗᓈᑕᒃ ᓇᑕᐌᑖᑾᓐ ᒋᐋᒋᒋᑳᑌᒃ ᐐᑳ ᒋᓂᔑᐗᓈᑕᓯᓄᒃ, ᐃᐃᔥ ᑲᔦ ᑳᐗᑫᓂᐴᒪᑲᒃ ᑕᐃᔑᐋᒋᒋᑳᑌ ᐐᑳ ᒋᓂᐴᒪᑲᓯᓄᒃ᙮

1 ᑲᕒᐃᑎᔭᓇᒃ 16:10

ᑮᔥᐱᓐ ᐃᐃᒫ ᐱᐃᔑᑕᑯᔑᕽ ᐊᐊ ᑎᒪᑎ Timothy ᑳᔑᐊᔮᔦᒃ, ᑲᑴᒥᓄᐐᒋᐃᒃ ᐁᑳ ᒋᓭᑭᓯᓯᒃ᙮ ᐋᓃᔥ ᑖᐱᔥᑰ ᑲᔦ ᓃᓐ ᐁᔑᐊᓄᑲᐗᒃ ᑳᑎᐯᒋᑫᒡ, ᑲᔦ ᐐᓐ ᑕᔥ ᐅᑕᓄᑲᐙᓐ ᐊᐊ ᑎᒪᑎ᙮

1 ᑲᕒᐃᑎᔭᓇᒃ 16:17

ᓂᑑᒋᓇᐁᑕᒻ ᐁᑮᐱᐅᑎᔑᐙᒡ ᐃᔅᑌᐸᓇᔅ ᑲᔦ ᑆᕒᒐᓀᑕᔅ Fortunatus ᑲᔦ ᐊᑫᔨᑲᔅ Achaicus᙮ ᑭᑮᓈᐱᔥᑳᑯᐙᒃ ᐅᐅᒫ ᐁᐊᔮᓯᐌᒃ᙮

2 ᑲᕒᐃᑎᔭᓇᒃ 12:15

ᐋᐱᒋ ᓴ ᓂᑲᒥᓉᑖᓐ ᑲᑭᓇ ᑫᑰᓐ ᒋᐸᑭᑎᓇᒫᓐ, ᒋᐸᑭᑎᓂᑎᓱᔮᓐ ᑲᔦ ᒋᐐᒋᐃᓇᑰᒃ᙮ ᐋᓇ ᑕᔥ ᐐᑫ ᑭᑖᓇᓵᑭᐃᓂᓂᒻ ᑮᓇᐙ ᑕᔥ ᐸᑮ ᑭᓵᑭᐃᔑᒻ᙮

2 ᑲᕒᐃᑎᔭᓇᒃ 4:12

ᒦ ᓴ ᐅ ᑳᐃᒋᑳᑌᒃ, ᓂᐳᐎᓐ ᓃᓇᐎᓐᑦ ᓂᓅᒋᐃᑰᒥᓐ ᐃᐃᒫ ᓂᐱᒫᑎᓯᐎᓂᓈᓂᕽ, ᑮᓇᐙ ᑕᔥ ᐱᒫᑎᓯᐎᓐ ᐊᓄᑮᒪᑲᓐ ᑭᐱᒫᑎᓯᐎᓂᐙᕽ᙮

ᐱᓬᐃᐱᔭᓇᒃ 2:17

ᒫᑭᔖ ᓂᑲᐃᔑᓂᑉ ᑖᐱᔥᑰ ᐁᐸᑭᑎᓈᔂᓂᐎᔮᓐ, ᓂᐱᒫᑎᓯᐎᓐ ᒋᓰᑭᓂᑳᑌᒃ ᐗᑭᒡ ᐃᐃᒫ ᑮᓇᐙ ᐁᔑᐸᑭᑎᓂᑫᔦᒃ, ᐋᓃᔥ ᑭᑌᐺᑕᒧᐎᓂᐙ ᑳᒦᓀᒃ ᑭᔐᒪᓂᑑ ᐁᐊᓇᒥᐁᑕᐌᒃ᙮ ᑮᔥᐱᓐ ᐃᐃᐌ ᐃᔑᓭᒃ ᓂᑲᒥᓉᑕᒻ, ᑲᔦ ᑮᓇᐙ ᑲᑭᓇ ᒋᐐᒋᐃᐌᔦᒃ ᓂᒌᑫᑕᒧᐎᓂᕽ,

ᐱᓬᐃᐱᔭᓇᒃ 2:27

ᑌᐺ ᓴ ᑯ ᑮᐋᑯᓯ, ᑫᑳ ᐱᑯ ᐁᑮᐅᒋᓂᐳᒡ᙮ ᐅᑮᑭᑎᒫᑭᓈᑰᓐ ᐃᑕᔥ ᑭᔐᒪᓂᑑᓐ᙮ ᑳᐐᓐ ᑕᔥ ᐐᓀᑕ, ᑲᔦ ᓃᓐ ᐃᑕᔥ ᓂᑮᑭᑎᒫᑭᓈᑰ, ᐁᑳ ᒋᐊᔮᑸᑕᐙᓯᓄᑭᓐ ᓂᐲᑴᑕᒧᐎᓇᓐ᙮

ᐱᓬᐃᐱᔭᓇᒃ 4:10

ᓃᓐ ᐃᑕᔥ ᐁᐐᒌᐗᒃ ᑳᑎᐯᒋᑫᒡ, ᓂᒌᑫᑕᒧᐃᑯᓐ ᓅᑯᒻ ᒦᓇᐙ ᐁᐱᒥᓄᑑᑕᐎᔦᒃ, ᐋᔕ ᑭᓉᔥ ᐁᑮᓀᐱᒋ ᐃᔑᓭᓯᓄᒃ ᒋᑑᑕᐎᔦᒃ᙮ ᐋᓇᐐᓐ ᑳᐐᓐ ᐐᑳ ᑭᑮᐴᓂᒫᒥᑐᓀᓂᒥᓰᒻ, ᑳᐐᔥ ᓇᓈᔥ ᑮᐃᔑᓭᓯᓅᓐ ᓂᑎᑭᑦ᙮

ᐱᓬᐃᐱᔭᓇᒃ 4:18

ᓂᑮᑎᐱᒦᓂᑰ, ᑮᐊᐗᔑᒣᓭ ᑳᒦᔑᔦᒃ᙮ ᓂᑮᐱᐌᓅᒋᒦᓂᒃ ᐊᐌ ᐃᐹᐸᕒᐊᑕᐃᑕᔅ Epaphroditus, ᑲᑭᓇ ᐁᑮᒦᔑᒡ ᑳᑮᐱ ᐃᔑᓂᔕᐊᒪᐎᔦᒃ᙮ ᐃᓀᑖᑾᓅᓐ ᑖᐱᔥᑰ ᐸᑭᑎᓂᑫᐎᓐ ᐁᒥᓄᒫᑾᒃ, ᑫᔑᐅᑖᐱᓇᕽ ᑭᔐᒪᓂᑑ ᑲᔦ ᑫᔑᒥᓄᓇᕽ᙮

ᐹᐃᓬᐄᒪᓐ 1:13

ᓂᓇᑕᐌᓂᒫ ᐅᐅᒫ ᒋᑮᐊᔮᐸᓐ ᒋᐐᒋᐃᐸᓐ ᐅᐅ ᑳᑭᐸᐅᑰᔮᓐ ᒥᓍᒋᒧᐎᓐ ᐅᒋ᙮ ᐐᓐ ᒋᐐᒋᐃᐸᓐ ᒋᑮᓈᐱᔥᑲᐎᑭᐸᓐ᙮

ᑭᑫᑕᒨᔑᐌᐎᓐ 12:11

ᐃᑭ ᑕᔥ ᑭᐐᒋᐅᑌᐺᑕᒨᒥᓈᓂᒃ ᐅᑮᔖᑰᒋᐋᐙᓐ ᐃᓂ ᒪᒋᐊᔭᐋᓐ᙮ ᐃᐃᐌ ᒫᓇᒑᓂᔐᔅ ᐅᒥᔅᑸᒻ ᑮᐅᒋᔖᑰᒋᑣᐗᒃ, ᐃᐃᐌᓂ ᑕᔥ ᑲᔦ ᑌᐺᐎᓐ ᑳᑮᐐᑕᒫᑫᐙᒡ᙮ ᑳᐐᓐ ᐋᓃᔥ ᐅᑮᐅᓵᒣᑕᓰᓈᐙᓐ ᐅᐱᒫᑎᓯᐎᓂᐙᓐ, ᑳᐐᓐ ᐃᑯᑕᓄ ᓂᐳᔮᕽ ᐁᑮᐃᓀᑕᒧᐙᒡ᙮