ᐱᓬᐃᐱᔭᓇᒃ 2:15 - ᐅᒋᐺ ᑭᒋᒪᓯᓇᐃᑲᓐ

¹⁵ ᒦ ᐃ ᑭᔐᒪᓂᑑ ᐅᓃᒑᓂᓴᐞ ᒋᑎᓄᐎᔦᒃ, ᐁᑳ ᑫᑰᓐ ᒋᐃᔑᐊᔮᓯᐌᒃ ᑲᔦ ᒋᐯᑭᓈᑯᓯᔦᒃ, ᑲᔦ ᐁᑳ ᑫᑰᓐ ᒋᑕᔑᒥᑰᓯᐌᒃ᙮ ᐃᐃᒫ ᒣᑴᐊᔭᐄ ᑭᑕᔨᑖᒻ ᐁᐊᔮᐙᒡ ᐃᑭ ᑳᑾᔭᑯᒋᑫᓯᒀ ᑲᔦ ᐊᓅᒡ ᑳᐃᓈᑎᓯᐙᒡ᙮ ᑭᑲᑕᔑᓵᑳᑌᓯᒻ ᑖᐱᔥᑰ ᐗᓇᑯᔕᒃ ᐁᐃᔑᐙᓵᔐᐙᒡ ᑮᔑᑯᕽ,

Ojibwe Kihcimasina'ikan

¹⁵ Mii 'i Kishemanitoo oniicaanihsa' citinowiyek, ekaa kekoon ci‑ishiayaahsiwek kaye cipehkinaakosiyek, kaye ekaa kekoon citashimikoohsiwek. I'imaa mekweaya'ii kitayintaam e'ayaawaatc iki kaakwayahkohcikehsikwaa kaye anooc kaainaatisiwaatc. Kikatashisaakaahtesim taapishkoo wanankohshak e'ishiwaahsaanshewaatc kiishikonk,

ᐱᓬᐃᐱᔭᓇᒃ 2:15 Cross References

Nikamonan 122:5

ᒦ ᓴ ᐅᐅᒫ ᐃᔅᕒᐃᔭᓬᐃ ᑭᒋᐅᑭᒫᒃ ᑳᑮ ᑕᓇᐱᐙᒡ ᐁᐅᓈᑯᓈᐙᒡ ᐅᐱᒫᑎᓰᒥᐙᐞ᙮

Ekihsatahs 34:35

ᐃᔅᕒᐃᔭᓬᐊᐞ ᑕᔥ ᐅᑮ ᐙᐸᒥᑰᐞ ᐁᐙᓰᑴᓱᒡ᙮ ᒦᑕᔥ ᒦᓇᐙ ᑳᐃᔑ ᐱᓯᑲᕽ ᐅᑖᑲᐐᑴᐅᓐ, ᐲᓂᔥ ᑮᐃᔖᒡ ᐁᔑᐊᔮᓂᒡ ᑳᑎᐯᒋᑫᓂᒡ ᐁᑮ ᑲᑲᓅᓈᒡ᙮

ᑲᑮᑖᐎᑮᔗᐎᓇᓐ 4:18

ᐃᐃ ᓴ ᒦᑲᓇ ᐯᒪᐊᑑᐙᒡ ᐅᑾᔭᒀᑎᓰᒃ ᒦ ᐃ ᐁᔑᓈᑾᓂᓂᒃ ᑖᐱᔥᑰ ᑳᐲᑖᐸᕽ, ᐁᐊᓂ ᐙᓭᔮᒃ, ᐲᓂᔥ ᐁᐊᓂ ᒨᔥᑭᓀ ᑮᔑᑲᒃ᙮

ᑲᑮᑖᐎᑮᔗᐎᓇᓐ 8:8

ᑲᑭᓇ ᓴ ᑳᐃᓂᓇᑰᒃ ᑌᐺᒪᑲᓅᓐ, ᑳᐐᓐ ᐊᐙᒡ ᐃᑯ ᐗᐙᓀᑖᑾᓯᓅᓇᓐ, ᑳᐐᓐ ᑲᔦ ᐗᓂᐎᔑᐌᒪᑲᓯᓅᓇᓐ᙮

Aaiseya 60:1

ᑳᑎᐯᒋᑫᒡ ᓴ ᐃᑭᑐ, ᒉᕒᐆᓴᓬᐊᒻ Jerusalem, ᒪᔮᐐᓐ, ᑕᑲ ᓵᑳᓱᓐ ᒋᐃᔑᓈᑯᓯᔭᓐ ᑮᓯᓱᕽ; ᑳᑎᐯᒋᑫᒡ ᐅᔕ ᐅᑭᒋ ᐃᓀᑖᑯᓯᐎᓐ ᑭᑲ ᓵᑳᓱᑯᐙᓐ᙮

Taaniyoo 6:4

ᐃᑭ ᑕᔥ ᑳᓈᓈᑲᒋᑑᐙᒡ ᐊᑮᓐ, ᐃᑭ ᑲᔦ ᐋᓂᑫᐎᑭᒫᒃ ᐅᑮ ᑲᑴ ᒥᑳᓈᐙ ᐋᓃᓐ ᑫᔑ ᐊᓈᒥᒫᐙᒡ ᑖᓂᔫᓐ ᐃᐃ ᑳᑮ ᐃᔑ ᐅᑭᒫᐗᓄᑮᓂᒡ᙮ ᑳᐐᓐ ᐃᑕᔥ ᑫᑰᓐ ᐅᑮ ᐃᔑ ᒥᑲᐙᓯᐙᐙᓐ ᓅᒋᑯ ᒋᐃᔑᐊᔮᓂᒡ, ᐋᓃᔥ ᑖᓂᔫᓐ ᑮᑌᐺᔦᑖᑯᓯᐗᓐ, ᑳᐐᓐ ᑲᔦ ᓅᒋᑯ ᑮᐃᔑᒋᑫᓰᐗᓐ, ᐴᔥᑫ ᑲᔦ ᑫᑰᓐ ᒋᑮ ᐗᓂᑑᑕᒥᓂᒡ᙮

Maahtiyo 10:16

ᐱᓯᑕᐎᔑᒃ! ᐅᐅ ᑳᐃᔑᓂᔕᐅᓇᑰᒃ, ᒦᐃ ᐁᔑᓈᑯᓯᔦᒃ ᑖᐱᔥᑰ ᑫᓈᑕᒫᑎᓱᓯᒀ ᒫᓇᒑᓂᔕᒃ ᑳᐃᔖᐙᒡ ᒣᑴ ᒪᐄᑲᓂᑳᕽ᙮ ᑳ ᐊᐲᒋ ᐊᔮᒀᒥᓯᒡ ᐃᑕᔥ ᑭᓀᐱᒃ ᒦᐃ ᓇᑫ ᐃᔑ ᐊᔮᒀᒥᓯᒃ; ᑳᐊᐲᒋ ᓅᑳᑎᓯᒡ ᐊᐊ ᐅᒦᒦᔅ, ᒦᐃ ᐊᐲᒋ ᓅᑳᑎᓯᒃ᙮

Maahtiyo 17:17

ᒋᓴᔅ ᑕᔥ ᑮᐃᑭᑐ: ᐅᐅᒫ ᑲᑭᓇ ᐁᔮᔦᒃ, ᐁᑕᑕᐌ ᑳᐐᓐ ᑭᑌᐺᑕᓰᒻ, ᑳᐐᓐ ᑲᔦ ᑾᔭᒃ ᑭᑎᔑ ᐊᔮᓰᒻ! ᑳᓇᑲ ᓈ ᒥᓂᒃ ᑫᐐᒌᐎᓇᑰᑭᐸᓐ? ᑳᓇᑲ ᓈ ᒦ ᓇ ᑭᑖ ᔕᔒᐯᓂᒥᓂᓂᒻ! ᐲᑕᒪᐎᔑᓐ ᐅᐅᒫ ᐊᐊ ᑸᐎᓭᔅ!

Maahtiyo 5:45

ᒦᑕᔥ ᒋᐅᓃᒑᓂᓯᒥᓀᒃ ᑭᑌᑌᐙ ᑭᒋᑮᔑᑯᕽ ᑳᐊᔮᒡ᙮ ᐋᓃᔥ ᐐᓐ ᐅᑎᔑᑕᒪᐙᐞ ᑮᓯᓲᓐ ᒋᓵᑳᓱᑯᓂᒡ ᒣᒋ ᐃᔑᐌᐱᓯᓂᒡ ᑲᔦ ᒣᓍᑎᓯᓂᒡ᙮

Maahtiyo 5:48

ᑮᓇᐙ ᑕᔥ ᒋᒥᓄᐱᒫᑎᓯᔦᑭᐸᓐ ᒥᓯᐌ ᑭᐱᒫᑎᓯᐎᓂᐙᕽ, ᐋᓃᔥ ᐐᑫ ᑌᒥᓯᐌ ᒥᓄᐱᒫᑎᓯ ᑭᑌᑌᐙ ᑭᒋᑮᔑᑯᕽ ᑳᐊᔮᒡ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:6

ᒥᒋᓃᔥ ᐃᑕᔥ ᑮᑾᔭᒀᑎᓯᐗᒃ ᐁᓈᓴᒦᓂᒡ ᑭᔐᒪᓂᑑᓐ, ᑫᑰᓐ ᐁᑮᐃᔑ ᐊᓈᒣᑖᑯᓯᓯᒀ ᐁᔑ ᐱᒫᑎᓯᐙᒡ᙮ ᐁᑮᐃᔑᒋᑫᐙᒡ ᑲᑭᓇ ᐁᔑᓯᓂᓂᑭᓐ ᐅᓇᔓᐌᐎᓇᓐ, ᐁᓈᑯᓂᑫᓂᒡ ᑲᔦ ᑳᑎᐯᒋᑫᓂᒡ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 6:35

ᓵᑭᐃᑾᒃ ᐃᑕᔥ ᐃᑭ ᑳᔒᑫᓂᒥᓀᒀ, ᒥᓄᑑᑖᑫᒃ ᑲᔦ᙮ ᐱᓵᓐ ᑲᔦ ᐊᐎᐃᐌᒃ, ᑫᑯ ᑫᑰᓐ ᑮᐌ ᐊᑕᐌᑕᑫᒃ᙮ ᐃᐃ ᑕᔥ ᑭᑎᐸᐊᒫᑰᐎᓂᐙ ᑕᑭᒋ ᐌᓅᑕᓐ᙮ ᒦᔥ ᑫᐃᑰᔦᒃ ᐁᐅᓃᒑᓂᓯᒥᓀᒃ ᒫᐗᒡ ᑳᐃᔥᐯᑖᑯᓯᒡ ᑭᔐᒪᓂᑑ᙮ ᐐᓐ ᐄᑐᒃ ᑲᔦ ᑳᒥᓄᑑᑕᐙᒡ ᐊᐎᔭᐞ ᑳᑌᐱᓇᐌᐎᓯᓯᓂᒃ, ᐃᐃ ᑲᔦ ᑳᒪᒋ ᐃᔑᐌᐱᓯᓂᒡ᙮

Cwaan 5:35

ᐙᓴᑯᓀᒋᑲᓐ ᐁᒥᓍᓴᑯᓀᒃ ᑮᐃᓍᓈ ᐊ ᒞᓐ ᒋᑎᓄᐎᒡ᙮ ᑭᑮᐃᓀᑖᓈᐙ ᓅᒪᑫ ᒋᐅᒋᒥᓉᑕᒣᒃ ᐅᐙᓭᓯᐎᓐ᙮

ᐃᔑᒋᑫᐎᓇᓐ 2:40

ᓃᐱᐗᐞ ᑕᔥ ᐲᑕᕒ ᑮᐊᔨᑭᑐ ᐁᑮᐊᔦᒀᒥᒫᒡ ᐁᑮ ᑲᑴ ᑲᔥᑭᒫᒡ: ᑕᐸᓰᓄᑕᒧᐗᒃ ᐅᑎᔑᐌᐱᓯᐎᓂᐙᓐ ᑳᒪᒑᑎᓯᐙᒡ, ᒋᐃᔑᓭᓯᐌᒃ ᑫᔑᓭᐙᒡ᙮

ᐃᔑᒋᑫᐎᓇᓐ 20:30

ᐋᓂᑕ ᓴ ᑮᓇᐙ ᐁᔑ ᐊᔮᔦᒃ ᑕᓂ ᐅᒌᐗᒃ ᓭᓯᒃ ᑫᔑ ᑭᑭᓄᐃᑫᓯᒀ, ᒋᐗᓂᔑᒫᐙᒡ ᐅᑌᐺᑕᒨᐞ ᒋᐱᒥᓂᔕᐅᑯᐙᒡ᙮

ᐅᕒᐆᒪᓇᒃ 16:19

ᑲᑭᓇ ᓴ ᐊᐎᔭᒃ ᐋᔕ ᓅᑕᒨᒃ ᐋᓃᓐ ᐁᐲᒋᓇᐃᑕᒧᐌᒃ ᐃᐃ ᒥᓍᒋᒧᐎᓐ᙮ ᐐᑫ ᑕᔥ ᓂᑑᒋᑭᒋ ᒌᑫᑕᒻ ᐃᐃ ᐁᐃᔑᒋᑫᔦᒃ᙮ ᑭᓇᑕᐌᓂᒥᓂᓂᒻ ᐃᑕᔥ ᑲᔦ ᒋᑲᑮᑖᐎᑭᑫᑕᒣᒃ ᐃᐃ ᑳᐅᓂᔑᔑᕽ, ᒋᓵᐱᑭᑫᑕᓯᐌᒃ ᐃᑕᔥ ᐃᐃ ᑳᒫᓈᑕᒃ᙮

1 ᑲᕒᐃᑎᔭᓇᒃ 1:8

ᐐᓐ ᑭᑲᐋᔩᒋᐃᑯᐙ ᒋᒪᔥᑲᐎᓰᔦᒃ ᐲᓂᔥ ᐃᑯ ᒋᐌᒀᐊᔮᒃ, ᒦ ᓴ ᐃᐌ ᐁᑳ ᑫᑰᓐ ᒋᐃᔑᐊᓈᒣᑖᑯᓯᓯᐌᒃ ᐊᐲ ᐅᑮᔑᑳᒥᒡ ᐊᐊ ᑳᑎᐯᓂᒥᓇᕽ ᒋᓴᔅ X᙮

2 ᑲᕒᐃᑎᔭᓇᒃ 6:17

ᑳᑎᐯᒋᑫᒡ ᓴ ᐁᐃᑭᑐᒡ: ᓇᑲᓂᑾᒃ, ᐸᑳᓐ ᑮᓇᐙ ᐃᔑᐱᒫᑎᓯᒃ, ᑫᑯ ᐐᓐ ᐸᐹᒣᑕᑫᒃ ᑫᑰᓐ ᑳᐐᓀᑖᑾᒃ᙮ ᒦᑕᔥ ᑫᔑᐅᑖᐱᓂᓇᑰᒃ,

ᐃᐲᔑᔭᓇᒃ 5:27

ᐁᐐᐲᑕᒫᓱᒡ ᐃᐃ ᐅᑕᓇᒥᐋᐞ ᑖᐱᔥᑰ ᐁᐅᔥᑭᑴᐌᒡ ᐐᓐ ᐁᐐᐅᓈᐯᒥᒥᓐᒡ, ᐐᑫ ᒋᐯᑭᓈᑯᓯᓂᒡ ᐃᐃᒫ ᑳᐃᔑᐊᔮᒡ, ᑲᓇᑫ ᒋᐹᐹᑌᐎᓈᑯᓯᓯᓂᒃ, ᒋᐊᔫᓰᑭᓈᑯᓯᓯᓂᒃ ᑲᔦ, ᐐᑫ ᓴ ᒋᒥᓄᓈᑯᓯᓂᒡ᙮ ᒦᑕᔥ ᐁᔑᐊᑕᐌᓂᒫᒡ ᐐᓐ ᐁᑕ ᑯ ᐁᐐᑎᐱᓇᐌᐎᓯᒡ, ᑫᑰᓂᓂ ᑲᔦ ᒋᐃᔑᐊᓈᒣᑖᑯᓯᓯᓂᒃ᙮

ᐱᓬᐃᐱᔭᓇᒃ 1:10

ᒦ ᐃᐌ ᒋᐃᔑᑲᔥᑭᑑᔦᒃ ᒫᐗᒡ ᑳᐅᓂᔑᔑᑭᓐ ᒋᐅᑖᐱᓇᒣᒃ᙮ ᒦᑕᔥ ᐃᐌ ᒥᓯᐌ ᑫᔑᑌᐺᔦᑖᑯᓯᔦᒃ ᑲᔦ ᐁᑳ ᑫᑰᓐ ᒋᐃᔑᐊᓈᒣᑖᑯᓯᓯᐌᒃ ᐊᐲ ᐅᑮᔑᑳᒥᒡ X᙮

ᐱᓬᐃᐱᔭᓇᒃ 3:6

ᐐᑫ ᓂᑮᐃᔑᐅᓵᒣᑖᓐ ᓂᑕᓇᒥᐋᐎᓐ ᐁᑮᐅᒋᑲᒀᑕᑭᐃᒪᒃ X ᐅᑕᓇᒥᐋᑲᓇᐞ᙮ ᔑᑾ ᒥᓂᒃ ᐁᔑᑲᔥᑭᑑᒡ ᐊᐎᔭ ᐁᑲᓇᐌᑕᕽ ᐃᐃ ᐃᓈᑯᓂᑫᐎᓐ, ᐗᐐᑫ ᐃᒫ ᓂᑮᑾᔭᑯᑑᑕᒻ᙮

1 ᑌᓴᓬᐆᓂᔭᓇᒃ 5:23

ᔑᑾ ᓂᐸᑯᓭᓂᒫ ᑭᔐᒪᓂᑑ, ᒦ ᐊᐌ ᐱᓵᓂᓯᐎᓐ ᑳᒦᓂᓇᕽ: ᒫᓄ ᐐᓐ ᑭᔐᒪᓂᑑ ᑭᑲᐃᔑᐃᑯᐙ ᒥᓯᐌ ᐐᓀᑕ ᒋᐃᓈᐸᒋᐃᓀᒃ᙮ ᒫᓄ ᑭᑲᑲᓇᐌᓂᒥᑯᐙ ᐁᓂᑯᑴᑖᑯᓯᔦᒃ᙮ ᑲᔦ ᑭᑕᒑᑯᐙᐞ, ᑭᐱᒫᑎᓯᐎᓂᐙᓐ, ᑭᐐᔭᐎᐙᓐ ᑭᑲᑲᓇᐌᑕᒫᑯᐙ, ᐲᓂᔥ ᐊᐲ ᑕᑯᔑᕽ ᑳᑎᐯᒋᑫᒡ ᒋᓴᔅ X, ᐁᑳ ᐊᐙᒡ ᑫᑰᓐ ᒋᒥᑭᑳᑌᓯᓄᒃ ᒋᐃᔑᐊᔮᓯᐌᒃ᙮

1 Timahti 3:10

ᐱᓇᒫ ᑕᔥ ᑕᒥᒋᑯᒋᐋᐗᒃ᙮ ᐹᓂᒫ ᑕᔥ ᓈᑫ ᐗᐐᑫ ᓴ ᑯ ᐁᑾᔭᑴᒋᑳᓱᐙᒡ ᑕᐃᓇᓄᑮᐗᒃ᙮

1 Timahti 3:2

ᐊᑕᐌᑖᑯᓯ ᑕᔥ ᐁᑳ ᑫᑰᓐ ᒋᐃᓈᑎᓯᓯᒃ ᐅᓃᑳᓂᓯ᙮ ᑕᐯᔑᑯᐗᓐ ᐁᑕ ᐐᐗᓐ᙮ ᔑᑾ ᑳᐐᓐ ᐃᓂᑳᓐᒡ ᐅᑲᑑᑕᓰᓐ ᐅᐱᒫᑎᓯᐎᓐ, ᑕᓂᑆᑳ ᑕᔥ ᒋᓴᑲᑲᒫᑎᓯᒡ᙮ ᐅᑲᓀᑳᒥᐲᑎᑲᓈᐞ ᐊᐎᔭᐞ ᐅᑖᐎᓂᕽ, ᐅᑲᑲᔥᑭᑑᓐ ᑲᔦ ᒋᑭᑭᓄᐊᒫᑫᒡ᙮

1 Timahti 5:14

ᓇᐗᒡ ᐃᑕᔥ ᓂᓇᑕᐌᑖᓐ ᒋᐐᑎᑫᐸᓐ ᑳᐅᔥᑳᑎᓯᒡ ᑮᐙᒋᑴ, ᒋᐅᑕᐱᓅᒌᔑᒥᒡ, ᒋᐸᒥᑑᒡ ᑲᔦ ᐅᑖᐎᓐ᙮ ᒦ ᐃᐌ ᒋᑑᑕᕽ ᐁᑳ ᒋᐅᒋ ᒪᒑᒋᒥᓯᓄᐗᕽ ᐊᐎᔭ ᑳᔒᑫᑕᕽ ᐊᓇᒥᐋᐎᓐ᙮

1 Timahti 5:20

ᑲᑭᓇ ᐊᐎᔭ ᑳᒫᔑᒋᑫᒡ, ᒧᔐᐊᔭᐄ ᑕᐅᒋᐋ, ᑯᑕᒃ ᐊᐎᔭᒃ ᒋᑯᑕᒧᐙᒡ ᐁᑳ ᒋᐃᔑᒋᑫᓯᒀ᙮

1 Timahti 5:7

ᒦᐗᓐ ᐅᓄ ᐃᔑᐐᑕᒪᐤ, ᑾᔭᒃ ᐃᑯ ᒋᑑᑕᒧᐙᒡ, ᐁᑳ ᒋᒪᒑᒋᒫᓯᐎᑣ᙮

Taitahs 1:6

ᒦᑕᔥ ᐊᐊ ᑳᓃᑳᓂᓯᒡ ᐊᓇᒥᐋᐎᓂᕽ ᐁᔑᓈᑾᓂᓂᒃ ᑫᑰᓐ ᒋᐃᔑᐊᓈᒣᑖᑯᓯᓯᒃ, ᒋᒥᒋᐯᔑᑯᐋᒡ ᑲᔦ ᐅᐐᑎᑫᒫᑲᓇᓐ, ᐅᓃᒑᓂᓴᐞ ᑲᔦ ᒋᐅᑌᐺᑕᒧᐎᓂᓂᒡ, ᒋᑎᓄᐎᓯᓂᑭᐸᓐ ᑳᓂᑖᐃᓂᒥᓐᒡ ᐁᑮᐗᔥᑴᓂᒡ, ᐁᔕᔒᐱᑕᒥᓂᒡ ᑲᔦ᙮

Taitahs 2:10

ᒋᑭᒨᑎᒫᓯᒀ ᑲᔦ ᐅᑑᑭᒫᒥᐙᐞ, ᐃᐃ ᓴ ᒋᐃᔑᒋᑫᐙᒡ ᒨᔕᒃ ᐃᑯ ᒋᐙᐸᑕᐃᐌᐙᒡ ᑾᔭᒃ ᐁᐃᔑᐱᒫᑎᓯᐙᒡ, ᐁᑌᐺᔦᑖᑯᓯᐙᒡ ᑲᔦ᙮ ᒦ ᓴ ᑕᔥ ᒥᓯᐌ ᐃᐃᒫ ᑫᐅᒋᑭᒋ ᐃᓀᒋᑳᑌᒃ ᐃᐃ ᑳᐃᔑᑭᑭᓄᐊᒫᑎᓈᓂᐎᒡ ᑭᔐᒪᓂᑑ ᑭᑑᐱᒫᒋᐃᐌᒥᓈᓐ᙮

Taitahs 2:15

ᒦᐗᓐ ᐃᑕᔥ ᐅᓄ ᑕᔑᑕᓐ, ᑲᑳᓱᒻ ᐃᑭ ᑳᓅᑕᐎᒀ ᑲᔦ ᒋᐅᒋᐊᑣ ᐗᓂᑑᑕᒧᐙᒡ᙮ ᐋᐸᒋᑑᓐ ᑲᔦ ᑲᑭᓇ ᑭᑕᐲᑌᑖᑯᓯᐎᓐ ᑳᐃᔑᓃᑳᓀᑖᑯᓯᔭᓐ᙮ ᑫᑯ ᐸᑭᑎᓈᑫᓐ ᐊᐎᔭ ᒋᐋᓇᐌᓂᒥᒃ᙮

ᐄᐸᕒᐆᐗᒃ 7:26

ᒋᓴᔅ ᐃᑕᔥ ᒫᐗᒡ ᐃᔑᑭᒋᐊᓇᒥᐁᐎᑭᒫᐎ ᑳᑲᔥᑭᑑᒡ ᐁᒦᓂᓇᕽ ᑫᑰᓂᓂ, ᐋᓃᓐ ᐁᔑᓅᑌᓭᔭᕽ᙮ ᐋᐱᒋ ᓴ ᐅᓇᐁᑕᒥᐋᓐ ᑭᔐᒪᓂᑑᓐ᙮ ᑳᐐᓐ ᑲᔦ ᒪᒋᑫᑰᓐ, ᒪᒋᑑᑕᒧᐎᓐ ᑲᔦ ᐅᑭᑭᔥᑳᑯᓰᓐ᙮ ᐸᑳᓐ ᑲᔦ ᑮᐃᔑᐸᑭᑎᓂᑲᓂᐎ ᐌᑎ ᑳᐃᔑᐊᔮᓯᓂᒃ ᐅᒪᒑᑎᓰᐞ᙮ ᐋᐱᒋ ᑲᔦ ᓇᐗᒡ ᐃᔥᐱᒥᕽ ᐹᔑᒡ ᑭᒋ ᐃᓀᑖᑯᓯ ᐊᐲᒡ ᐐᓐ ᐃᐃ ᑳᐊᐲᑖᓂᒃ ᑮᔑᒃ᙮

1 Piitar 2:12

ᐋᐱᒋ ᑕᔥ ᑾᔭᒃ ᐃᔑᐱᒫᑎᓯᒃ ᑳᐃᔑᐊᔮᐙᒡ ᐃᑭ ᑳᑌᐺᑕᓯᒀ, ᐋᓇᐐᓐ ᐁᐃᓂᓀᒀ ᐁᒪᒋ ᐃᔑᐌᐱᓯᔦᒃ᙮ ᐃᓇᔥᑫ ᓴ ᐅᑲᓂᓯᑕᐎᓈᓈᐙᓐ ᐃᓂ ᑭᑎᔑᒋᑫᐎᓂᐙᓐ ᑳᐅᓂᔑᔑᓂᓂᑭᓐ, ᒦᑕᔥ ᑫᔑᒦᑴᒋᐌᓂᒫᐙᒡ ᑭᔐᒪᓂᑑᓐ ᐊᐲ ᑮᔑᑲᓂᓂᒃ ᐐᐱ ᐊᑕ ᑎᐹᑯᓂᐌᓂᒡ᙮

1 Piitar 2:9

ᑮᓇᐙ ᑕᔥ ᑳᐅᑯ ᐅᓀᑖᑯᓯᔦᒃ, ᐊᓇᒥᐁᐎᑭᒫᒃ ᐁᑎᓄᐎᔦᒃ ᑳᐊᓄᑮᑕᐌᒃ ᑭᔐᒪᓂᑑ ᑳᑭᒋᐅᑭᒫᐎᒡ, ᐸᑳᓐ ᑲᔦ ᑳᑮᐃᓇᓯᓀᒃ ᐁᐐᐃᓈᐸᒋᐃᓀᒃ, ᑭᔐᒪᓂᑑ ᑲᔦ ᑳᑎᐯᓂᒥᓀᒃ, ᑭᑮᐅᓈᐸᒥᑯᐙ ᒋᑎᐹᑐᑕᒧᐌᒃ ᐅᒥᓄᒋᑫᐎᓇᓐ᙮ ᑮᓇᐙ ᑲᔦ ᑳᑮᑲᓅᓂᓀᒃ ᒋᓵᑲᐊᒧᐌᒃ ᐃᐃᒫ ᑳᐃᔑᑲᔥᑮᑎᐱᑲᒃ ᑳᑮᐃᔑ ᐊᔮᔦᑭᐸᓐ, ᐃᐃᒫ ᑕᔥ ᒋᔑᐲᑎᑫᔥᑳᔦᒃ ᑳᐃᔑᐅᓂᔑᔑᓂᓂᒃ ᐅᐙᓭᔮᓯᐎᓐ᙮

2 Piitar 3:14

ᑕᑲ ᑕᔥ, ᑳᓵᑭᐃᓇᑰᒃ, ᐁᐲᑑᔦᒃ ᐅᓄ, ᐋᑯᒋᑫᒃ ᐊᐲ ᑭᔐᒪᓂᑑ ᑕᑯᔑᕽ ᒋᒥᑲᐎᓀᒃ ᐁᐯᑳᑎᓯᔦᒃ, ᑫᑰᓐ ᑲᔦ ᒋᐃᔑ ᐊᓈᒣᑖᑯᓯᓯᐌᒃ, ᐱᓵᓂᑯ ᒋᐐᒌᐌᒃ᙮

ᑭᑫᑕᒨᔑᐌᐎᓐ 2:5

ᒫᒥᑴᑕᒧᒃ ᐃᑕᔥ ᐃᒫ ᑳᑮᐅᒋᐸᑭᔑᓀᒃ, ᑲᔦ ᐸᑭᑎᓇᒧᒃ ᑭᒪᒋᒋᑫᐎᓂᐙᓐ, ᒦᑕᔥ ᓂᑕᒻ ᑳᑮᑑᑕᒣᒃ ᒦᓇᐙ ᒦ ᐃ ᐃᔑᒋᑫᒃ᙮ ᑮᔥᐱᓐ ᐃᑕᔥ ᐅᒋᑴᑮᓯᐌᒃ, ᐱᒌᓇᒃ ᑭᑲᐅᑎᓯᓂᓂᒻ, ᓂᑲᐱᐅᒋᐅᑖᐱᓈᓐ ᐃᒫ ᑳᐃᔑᐊᑌᒃ ᑭᐙᓴᑯᓀᒋᑲᓈᑎᑯᐙ᙮

ᑭᑫᑕᒨᔑᐌᐎᓐ 3:9

ᐃᓇᔥᑫ ᒦ ᐅᐌ ᑫᑑᑕᐗᒀ ᐃᑭᐌᓂᐗᒃ ᑳᐐᒋᐃᐌᐙᒡ ᐃᐃᒫ ᓭᑕᓐ Satan ᐅᒫᐗᒋᐃᐌᐎᓂᕽ᙮ ᒦᐗᑭᑭ ᐅᑮᐗᓂᒨᒃ, ᒎᐗᒃ Jews ᓂᑎᓄᐎᒥᓐ ᑳᐃᑭᑐᐙᒡ, ᑳᐐᓐ ᑌᐺ ᑎᓄᐎᓰᐗᒃ᙮ ᓇᔥᑫ ᓂᑲᐃᔑᐋᒃ ᒋᐱᐅᒋᒌᑾᓇᐱᐙᒡ ᐃᒫ ᐁᔑᓯᑌᑳᐸᐎᔦᒃ᙮ ᐅᑲᑭᑫᑖᓈᐙ ᑕᔥ ᐁᓵᑭᐃᓇᑰᒃ᙮