ᐱᓬᐃᐱᔭᓇᒃ 2:12 - ᐅᒋᐺ ᑭᒋᒪᓯᓇᐃᑲᓐ

¹² ᒦᓴ ᐃᐌ ᓯᔮᑭᐃᓇᑰᒃ, ᐃᐃᐌ ᐁᑮᐃᔑᐱᓯᑕᐎᔦᒃ ᑮᐐᒋᔭᔮᒥᓇᑰᒃ, ᐊᐗᔑᒣ ᓅᑯᒻ ᐁᐐᒋᐊᔮᒥᓯᓄᐎᓇᑰᒃ ᐊᑕᐌᑖᑾᓐ ᒋᑑᑕᒣᒃ ᐃᐃ ᑳᐃᓂᓇᑰᒃ᙮ ᑯᑖᓀᑕᒧᐎᓂᕽ, ᓂᓂᑭᔥᑳᐎᓂᕽ ᐃᔑᑲᐯᐊᓄᑳᑕᒫᓱᒃ ᑭᐱᒫᒋᐃᑰᐎᓂᐙ ᐲᓂᔑᑯ ᒋᑮᔑᓈᑾᒃ᙮

Ojibwe Kihcimasina'ikan

¹² Mii hsa 'iwe siyaaki'inakook, i'iwe ekii'ishipisintawiyek kiiwiiciyayaaminakook, awahshime noonkom e'wiiciayaamihsinowinakook antawentaakwan citootamek i'i kaaininakook. Kohtaanentamowinink, nininkishkaawinink ishikapeanohkaatamaasok kipimaaci'ikoowiniwaa piinihsh iko cikiishinaakwahk.

ᐱᓬᐃᐱᔭᓇᒃ 2:12 Cross References

Nikamonan 2:11

ᐊᓇᒥᐁᑕᐎᒃ ᑳᑎᐯᒋᑫᒡ ᒋᑭᑌᓂᒣᒃ, ᒋᑭᑫᑕᒣᒃ ᐁᑯᑖᓀᓂᒣᒃ᙮

ᑲᑮᑖᐎᑮᔗᐎᓇᓐ 10:16

ᐱᒫᑎᓯᐎᓐ ᓴ ᐊᐎᔭ ᑎᐸᐊᒪᐙ ᑾᔭᒃ ᑮᔑ ᐱᒫᑎᓯᒡ, ᐊᐎᔭ ᑕᔥ ᐐᓐ ᑮᒪᒋᑑᑕᕽ ᑲᔥᑭᑕᒫᓱ ᐋᒌᑫ ᑫᐅᒋ ᓇᓇᐊᓯᓐᒡ᙮

ᑲᑮᑖᐎᑮᔗᐎᓇᓐ 13:4

ᑫᑎᒥᔥᑭᒡ ᓴ ᑫᑰᓐ ᐅᒥᓴᐌᑖᓐ, ᑳᐐᓐ ᐃᑕᔥ ᑫᑰᓐ ᐅᑲ ᑌᐱᓇᓰᓐ᙮ ᐊᐊ ᑕᔥ ᐐᓐ ᓀᑖ ᐗᓄᑮᒡ ᐅᑲ ᐌᓅᒋᑑᓐ ᐁᑕᐌᑕᕽ᙮

Aaiseya 66:2

ᓃᓐ ᐄᑐᒃ ᐃᓈ ᓂᓂᒌᕽ ᐅᓄ ᑲᑭᓇ ᓂᑮ ᐅᒋ ᐅᔑᑑᓇᓐ, ᒦᔥ ᑳᑮ ᐊᔮᑭᓐ᙮ ᒦ ᓴ ᐗᐊ ᑳᐃᔥᐯᓂᒪᒃ, ᐊᐎᔭ ᑳᑕᐸᓭᓂᒧᒡ, ᑳᐲᑯᑌᐁᔦᑕᕽ, ᑳᓂᓂᑭᔥᑳᒡ ᐁᓅᑕᕽ ᓂᑎᑭᑐᐎᓐ᙮

Aaiseya 66:5

ᓅᑕᒧᐙᒃ ᑳᑎᐯᒋᑫᒡ ᐁᓂᓀᒃ, ᑮᓇᐙ ᑳᑯᑖᓀᑕᒧᐌᒃ ᐅᑎᑭᑐᐎᓐ, ᑮᒋᑭᐌᔨᐙᒃ ᑳᔒᑫᓂᒥᓀᒀ, ᑳᐐᒌᐎᓯᓄᐎᓀᒀ ᑲᔦ ᐋᓃᔥ ᑭᑭᑌᑕᒧᐙᒻ ᑳᑎᐯᒋᑫᒡ ᐅᐐᓱᐎᓐ᙮ ᒦᔥ ᐅᐅ ᐁᓂᓀᒀ, ᑕᑲ ᓴ ᑳᑎᐯᒋᑫᒡ ᑕᑭᒋ ᐃᓀᓂᒫ ᒋᐙᐸᑕᒫᕽ ᑭᒥᓉᑕᒧᐎᓂᐙ! ᐐᓇᐙ ᓴ ᐐᓐ ᑕᐊᑲᒋᐋᐗᒃ᙮

Maahtiyo 11:12

ᐃᐃ ᑕᔥ ᐊᐲ ᒞᓐ ᑳᑮᒫᒌ ᐐᑕᒫᑫᒡ ᐅᑎᐹᒋᒧᐎᓐ ᐲᓂᔥ ᐅᐅ ᐃᔑ ᐊᐲ ᓅᑯᒻ ᑳᑮᔑᑲᒃ, ᐁᐲᒌᐙᒡ ᐊᐎᔭᒃ ᐃᔑᑲᑴ ᐲᑎᑫᐗᒃ ᑭᔐᒪᓂᑑᓐ ᐅᑎᐯᒋᑫᐎᓂᓃᕽ, ᑳᒪᔥᑲᐎᒋᑫᐙᒡ ᑲᔦ ᐅᑑᑖᐱᓈᓈᐙ᙮

Maahtiyo 11:29

ᐅᑖᐱᓇᒧᒃ, ᐱᓯᑲᒧᒃ ᓂᑕᐱᑲᓈᑎᒃ ᑭᑭᓇᐙᐸᒥᔑᒃ, ᐋᓃᔥ ᓂᓅᑳᑎᔅ, ᓂᑕᐸᓭᓂᒻ ᑲᔦ᙮ ᑭᑲ ᒥᑳᓈᐙ ᑕᔥ ᐊᓉᐱᐎᓐ᙮

ᐃᔑᒋᑫᐎᓇᓐ 16:29

ᑮᐊᓅᑮᐗᓐ ᑕᔥ ᒋᐲᒋᑳᑌᓂᑭᓐ ᐙᓴᑯᓀᒋᑲᓇᓐ, ᒦᔥ ᑳᑮ ᐲᑎᑫᐸᑑᓂᒡ ᐁᑮᐊᓂᒥᑯᑖᓂᒡ ᐁᔑ ᐊᔮᐙᒡ ᑆᓬ, ᓵᐃᓬᐊᔅ ᑲᔦ, ᐁᑮᓂᓂᑭᔥᑳᓂᒡ ᐁᐲᒋᓭᑭᓯᓂᒡ᙮

ᐃᔑᒋᑫᐎᓇᓐ 9:6

ᑕᑲ ᑕᔥ, ᐸᓯᑸᓐ᙮ ᐌᑎ ᐆᑌᓈᕽ ᐃᔖᓐ, ᒦᑕᔥ ᐌᑎ ᑫᔑ ᐐᑕᒫᑰᔭᓐ ᐋᓃᓐ ᑫᐃᔑᒋᑫᔭᓐ, ᐅᑮᐃᑰᓐ᙮

ᐅᕒᐆᒪᓇᒃ 2:7

ᐋᓂᑕ ᔕᔒᐯᑕᒨᒃ ᐁᑲᑴᒥᓄᒋᑫᐙᒡ᙮ ᒦᐗᓐ ᐃᑕᔥ ᐅᓄ ᐁᑐᓀᐊᒧᐙᒡ ᒥᓋᑭᓱᐎᓐ, ᒋᑲᑴᒥᓍᒋᒥᑯᐙᒡ ᑭᔐᒪᓂᑑᓐ, ᑲᔦ ᑫᓂᔑᐗᓈᑕᓯᓂᓂᒃ ᐱᒫᑎᓯᐎᓐ ᒋᒦᓂᑯᐙᒡ᙮ ᐐᓇᐙ ᑯ ᑕᒦᓂᑰᐎᓯᐗᒃ ᐱᒫᑎᓯᐎᓐ ᐐᑳ ᑫᐴᓂᓭᓯᓂᓂᒃ᙮

1 ᑲᕒᐃᑎᔭᓇᒃ 15:58

ᐊᐤ ᐃᓴ ᓃᒋᐅᑌᐺᑕᒨᒃ ᑳᓵᑭᐃᓇᑰᒃ! ᓲᑭᑳᐸᐎᒃ, ᑫᑯ ᑫᑰᓐ ᑭᑲᐗᑲᐐᐃᑯᓰᒻ, ᒨᔕᒃ ᓴ ᒋᐌᓅᒋᐊᓄᑮᑕᐌᒃ ᐊᐊ ᑳᑎᐯᒋᑫᒡ᙮ ᑭᑭᑫᑖᓈᐙ ᐅᔕ ᐁᑳ ᐊᓂᔖ ᐁᐊᓄᑮᑕᐙᓯᐌᒃ ᑳᑎᐯᒋᑫᒡ᙮

1 ᑲᕒᐃᑎᔭᓇᒃ 2:3

ᐊᐲ ᑕᔥ ᐁᐅᑎᓯᓇᑰᒃ, ᓂᑮᓃᓇᒥᔅ, ᓂᑮᑭᒋᓂᓂᑭᔥᑳ ᐁᐲᒋᓭᑭᓯᔮᓐ᙮

1 ᑲᕒᐃᑎᔭᓇᒃ 4:14

ᑳᐐᓐ ᐐᓐ ᒋᒣᓂᔑᐃᑰᔦᒃ ᑭᑎᔑᐲᐊᒪᐎᓯᓅᓂᓂᒻ᙮ ᑖᐱᔥᑰ ᓂᓃᒑᓂᓴᒃ ᑭᐐᐃᔑᑭᑭᓄᐊᒪᐎᓂᓂᒻ᙮

2 ᑲᕒᐃᑎᔭᓇᒃ 7:15

ᐋᐱᒋ ᑕᔥ ᐊᐗᔑᒣ ᑭᑕᓂᓵᑭᐃᑯᐙ ᐁᐃᔑᒫᒥᑲᐎᒡ ᐋᐱᒋ ᐁᑮᓇᐃᑕᐌᒃ ᑫᑰᓂᓂ ᐁᑮᐃᔑᑲᓅᓂᓀᒃ, ᐌᐌᓂ ᐁᑮᐲᑎᑲᓀᒃ ᑲᔦ ᑖᐱᔥᑰ ᐁᑮᑯᑖᓀᓂᒣᒃ, ᐁᑮᓇᓂᑭᔥᑳᔦᒃ ᑲᔦ᙮

ᐃᐲᔑᔭᓇᒃ 6:5

ᑮᓇᐙ ᐅᐸᒦᑖᑫᒃ ᓇᐃᑕᐎᑾᒃ ᐃᑭ ᑳᐅᑑᑭᒫᒥᔦᒃ, ᐅᐅᒫ ᐊᑮᕽ ᑳᐊᔮᐙᒡ᙮ ᑭᑌᓂᒥᑾᒃ, ᑯᑖᓀᓂᒥᑾᒃ ᑲᔦ ᑌᐺ ᐃᐃᒫ ᑭᑌᐃᐙᕽ, ᒋᑑᑕᐌᒀ ᑖᐱᔥᑰ ᑳᑑᑕᐌᒃ X᙮

ᐱᓬᐃᐱᔭᓇᒃ 1:27

ᐅᐅᐌ ᐁᑕ ᑭᑎᓂᓂᓂᒻ: ᐃᔑᐱᒫᑎᓯᔪᒃ ᒋᐯᔑᑯᓈᑾᒃ ᐁᔑᐊᔮᓂᒃ ᐅᒥᓍᒋᒧᐎᓐ ᐊᐊ X᙮ ᒦᔥ ᑮᔥᐱᓐ ᐃᔖᔮᓐ ᒋᐙᐸᒥᓇᑰᒃ, ᑮᔥᐱᓐ ᑲᔦ ᐙᐸᒥᓯᓄᐎᓇᑰᒃ, ᓂᑲᓅᑖᓐ ᐁᔑᐊᔮᔦᒃ, ᑫᔮᐱ ᐁᓲᑭᑳᐸᐎᔦᒃ ᐯᔑᑾᓐ ᐃᑯ ᒫᒪᐤ ᐁᐃᓀᑕᒣᒃ, ᐯᔑᑾᓐ ᐁᑕ ᑭᓇᑕᐌᑕᒧᐎᓂᐙᕽ ᐁᓂᑯᒃ ᒋᒫᒪᐎᐐᒋᐃᑎᔦᒃ, ᐁᑲᑴᒫᒑᑑᔦᒃ ᐃᐃ ᑌᐺᐎᓐ ᑳᐃᔑᑌᐺᑕᒪᕽ ᐃᐌ ᑳᐃᔑᓅᑕᒪᕽ ᒥᓍᒋᒧᐎᓂᕽ᙮

ᐱᓬᐃᐱᔭᓇᒃ 1:29

ᑭᑮᒦᓂᑰᐎᓯᒻ ᒋᐸᒦᑕᐌᒃ ᐊᐌ X᙮ ᑳᐐᓐ ᐁᑕ ᐁᑌᐺᑕᐌᒃ, ᐃᐃᐌᔥ ᑲᔦ ᒋᐅᒋᑲᒀᑕᑭᑑᔦᒃ᙮

ᐱᓬᐃᐱᔭᓇᒃ 1:5

ᐅᒋ ᐃᐌ ᑳᐱ ᐃᔑᐐᒋᐃᐌᔦᒃ ᐁᐱᒥᐐᒋᑳᑌᒃ ᒥᓍᒋᒧᐎᓐ, ᓂᑕᒻ ᐃᑯ ᐁᑮᒫᒌᐅᑖᐱᓇᒣᒃ ᐲᓂᔥ ᐃᑯ ᓅᑯᒻ᙮

ᐱᓬᐃᐱᔭᓇᒃ 1:6

ᒦ ᐅᐌ ᐁᑫᒋᓈᐁᑕᒫᓐ, ᐃᐃᐌ ᐅᒥᓄᐊᓄᑮᐎᓐ ᑭᔐᒪᓂᑑ ᑳᑮᒫᑕᓄᑳᑕᕽ ᐁᑮᑭᑭᔥᑲᒧᐃᓀᒃ, ᑫᔮᐱ ᒋᓂ ᐃᔑᐊᓄᑳᑕᕽ ᐲᓂᔥ ᐃᑯ ᐊᐲ ᑮᔑᑲᓂᓂᒃ X ᒋᓴᔅ ᑳᐐᑎᐯᑕᕽ, ᐊᒦ ᐃ ᐊᐲ ᒋᑮᔑᒋᑳᑌᒃ᙮

ᐱᓬᐃᐱᔭᓇᒃ 2:19

ᓂᐸᑯᓭᓂᒻ ᑮᔥᐱᓐ ᐃᓀᑕᕽ ᑳᑎᐯᒋᑫᒡ ᒋᐃᔑᓂᔕᐗᒃ ᐊᐊᐌ ᑎᒪᑎ Timothy ᒋᐊᐎᐅᑎᓯᓀᒃ, ᒦᑕᔥ ᒋᐅᒋᒪᔥᑲᐌᑕᒫᓐ ᓅᑕᒫᓐ ᐁᔑᐱᒫᑎᓯᔦᒃ᙮

ᐱᓬᐃᐱᔭᓇᒃ 4:1

ᓂᐐᒋᐅᑌᐺᑕᒨᒃ! ᑮᓇᐙ ᑳᓵᑭᐃᓇᑰᒃ, ᐋᐱᒋ ᑭᓇᑕᐌᓂᒥᓂᓂᒻ, ᐋᐱᒋ ᑭᒥᓉᑕᒥᐃᒻ, ᐋᐱᒋ ᑭᐙᐎᔐᓂᒥᓂᓂᒻ᙮ ᓯᔮᑭᐃᓇᑰᒃ, ᒦ ᐅᐌ ᐃᔑᓲᑭᑳᐸᐎᒃ ᐃᐃᐌ ᑳᐱ ᐃᓂᓇᑰᒃ ᒋᐊᓂ ᐃᔑᐐᒌᐌᒃ ᑳᑎᐯᒋᑫᒡ᙮

ᐱᓬᐃᐱᔭᓇᒃ 4:15

ᑮᓇᐙ ᐱᓬᐃᐹᔨᕽ Philippi ᑳᐃᔑᒫᐗᒋᐃᑎᔦᒃ, ᑭᒥᓄᑭᑫᑖᒻ ᐋᓃᓐ ᑳᐃᔑᐌᐱᓯᔮᓐ ᐃᐌ ᐊᐲ ᐁᑮᐅᒋᒫᒑᔮᓐ ᒫᓯᑑᓂᔮᐗᑮᕽ Macedonia, ᐌᑎ ᓂᑕᒻ ᐁᑮᒫᒌᐐᑕᒫᑫᔮᓐ ᒥᓍᒋᒧᐎᓐ᙮ ᑮᓇᐙ ᐁᑕ ᑭᑮᐐᒋᐃᒻ, ᑳᐐᓐ ᐸᑳᓐ ᐊᐎᔭ ᐅᑕᓇᒥᐋᒃ ᓂᑮᐅᒋᐐᒋᐃᑯᓰᒃ᙮ ᑮᓀᑕᐙ ᓂᑕᒻ ᑭᑮᐃᔑᐐᒋᐃᐌᒻ ᒦᓂᑰᐎᓂᕽ ᑲᔦ ᐅᒌᑕᒫᑫᐎᓂᕽ᙮

1 ᑌᓴᓬᐆᓂᔭᓇᒃ 1:3

ᔑᑾᔥ ᐊᐲ ᑯ ᐁᐊᓇᒥᐁᑕᐗᑭᒡ ᑭᔐᒪᓂᑑ ᑳᐅᔫᓯᒪᕽ, ᒨᔕᒃ ᓂᒫᒥᑴᑖᒥᓐ ᐃᐃᐌ ᑳᐅᒋ ᐃᔑᒋᑫᔦᒃ ᐁᐅᑌᐺᑕᒧᐎᓂᔦᒃ, ᑲᔦ ᐁᐅᒋᑭᒋᐊᓄᑮᔦᒃ ᓵᑭᐃᐌᐎᓂᕽ, ᑲᔦ ᑕᔥ ᐁᐅᒋᔕᔒᐯᑕᒣᒃ, ᐗᐐᑫ ᐁᑫᒋᓈᐅᔦᒃ ᐁᐐᐱᑕᑯᔑᕽ ᐊᐊ ᑳᑎᐯᓂᒥᓇᕽ ᒋᓴᔅ X᙮

2 Timahti 2:10

ᒦ ᐃᐌ ᑲᑭᓇ ᑫᑰᓐ ᓂᑑᒋᔕᔒᐯᑖᓐ ᒋᐐᐐᒋᐃᒪᒃ ᐃᓂ ᑭᔐᒪᓂᑑ ᐅᑑᓈᐸᒫᑲᓇᐞ, ᑫᐐᓇᐙ ᒋᐅᑎᓇᒧᐙᒡ ᐃᐃ ᐱᒫᒋᐃᑰᐎᓐ ᑫᒦᓂᑯᐙᒡ X ᒋᓴᓲᓐ, ᐊᔑᒡ ᑲᔦ ᑭᑌᑖᑯᓯᐎᓐ ᐐᑳ ᑫᐴᓂᐊᔮᓯᓂᓂᒃ᙮

ᐄᐸᕒᐆᐗᒃ 12:1

ᑮᓇᐎᓐᑦ ᐃᑕᔥ ᐐᓐ, ᐁᐋᔮᐙᒡ ᐁᐹᑏᓄᐙᒡ ᐊᐎᔭᒃ ᐙᑳᔭᐄ ᐁᐅᓵᐸᒥᓇᒀ ᐁᑲᓇᐙᐸᒥᓇᒀ, ᑕᑲ ᑕᔥ ᐌᐱᓇᑖ ᑲᑭᓇ ᑫᑰᓐ ᑳᐗᓂᔥᑴᐃᑯᔭᕽ, ᐃᐃ ᑲᔦ ᒪᒋᑑᑕᒧᐎᓐ ᑳᑭᒋᐎᔥᑳᑯᔭᕽ᙮ ᑕᑲ ᑲᑴᔕᔒᐯᑕᑖ ᐅᐅ ᑳᐱᒥᐸᐃᑎᔭᕽ ᐁᑲᑴᒋᑲᔑᐌᔭᕽ, ᓃᑳᓇᔭᐄ ᑳᐅᓇᑕᒫᑰᔭᕽ᙮

ᐄᐸᕒᐆᐗᒃ 4:1

ᑫᑮᓇᐎᓐᑦ ᓴ ᓅᑯᒻ ᑭᔐᒪᓂᑑ ᑭᐐᒦᓂᑯᓈᓐ ᑳᑮᐊᔓᑕᒫᑫᒡ, ᐊᓉᐱᐎᓐ ᑳᑮᑕᔑᑕᕽ ᒋᑌᐱᓇᒧᐗᑭᒡ᙮ ᑕᑲ ᑕᔥ ᐊᔮᒀᒥᓯᑖ, ᑮᓇᐙ ᑳᑕᔑᔦᒃ ᒋᒥᑲᐙᓯᐎᓐᒡ ᐊᐎᔭ ᒋᑆ ᓇᐎᑑᒡ ᒋᑌᐱᓇᕽ ᐃᐃ ᐊᓉᐱᐎᓐ ᑳᑮᐐᑌᓂᒃ᙮

ᐄᐸᕒᐆᐗᒃ 4:11

ᑕᑲ ᑕᔥ ᑫᑮᓇᐎᓐᑦ, ᐌᐌᓂ ᐃᔑᒋᑫᑖ ᒋᑌᐱᓇᒪᕽ ᐃᐃ ᐊᓉᐱᐎᓐ, ᐊᐎᔭ ᓴ ᑮᓇᐎᓐᑦ ᒋᓅᑌᑆᓇᐎᐅᓯᐗᕽ, ᒋᐃᔑᒋᑫᐙᓯᐗᕽ ᑳᑮᐃᔑᒋᑫᐙᒡ ᐁᑮᔕᔒᐱᑕᒧᐙᒡ᙮

ᐄᐸᕒᐆᐗᒃ 5:9

ᒦᑕᔥ ᐃᐃᒫ ᐁᑮᐅᒋᑮᔑᓈᑯᓯᒡ, ᒦ ᓴ ᐃᐃᒫ ᐌᒌᒃ ᐃᐃ ᐱᒫᑎᓯᐎᓐ ᑫᐃᔥᒀᓭᓯᓄᒃ᙮ ᐃᑭ ᑕᔥ ᑫᓇᐃᑕᐙᐙᒡ ᑕᐱᒫᑎᓯᐗᒃ᙮

1 Piitar 2:11

ᑳᓵᑭᐃᓇᑰᒃ, ᑭᑎᔑᑳᓅᓂᓂᓂᒻ ᑳᐲᐎᑌᐌᑖᑯᓯᔦᒃ, ᐅᐅᒫ ᑲᔦ ᐊᑮᕽ ᑳᐅᒋᑎᐯᑖᑯᓯᓯᐌᒃ, ᒋᒦᑖᑴᓄᑕᒣᒃ ᑭᒪᒋᒥᓴᐌᒋᑫᐎᓂᐗᓐ, ᒦᐗᓐ ᐄᑐᒃ ᐃᓂ ᑳᑲᑴ ᔖᑰᒋᐃᑯᔦᒃ ᐃᐃᒫ ᑭᑕᒑᑯᐙᕽ᙮

2 Piitar 3:18

ᐃᔑᐱᒫᑎᓯᒃ ᓴ ᒋᐊᓂ ᐃᔑᒫᒌᑭᔦᒃ ᑭᑕᓇᒥᐁᐙᑎᓯᐎᓂᐙᕽ, ᒋᓂᑭᑫᓂᒣᒃ ᑳᑎᐯᓂᒥᓇᕽ ᑳᐱᒫᒋᐃᓇᕽ ᒋᓴᔅ X᙮ ᑕᑲ ᐐᓐ ᒨᔕᒃ ᑕᑭᒋ ᐃᓀᓂᒫ ᓅᑯᒻ ᓀᐱᒡ ᐃᑯ ᑲᔦ᙮ ᐁᒣᓐ᙮