ᐱᓬᐃᐱᔭᓇᒃ 2:1 - ᐅᒋᐺ ᑭᒋᒪᓯᓇᐃᑲᓐ

¹ ᑮᔥᐱᓐ ᑌᐺ ᐅᒋᒪᔥᑲᐎᓰᐌᑴᓐ ᐁᐐᒌᐎᓀᒃ ᐊᐊ X, ᑮᔥᐱᓐ ᑲᔦ ᐅᒋᓲᑭᑌᐁᔦᒃ ᐅᒋ ᐃᐌᓂ ᐅᓵᑭᐃᐌᐎᓂᕽ, ᑮᔥᐱᓐ ᑲᔦ ᒣᓄᐐᒌᐙᐌᑴᓐ ᐃᓂ ᑭᔐᒪᓂᑑ ᐅᑕᒑᑾᓐ, ᑮᔥᐱᓐ ᑲᔦ ᐅᒋᔕᐌᓂᑎᔦᒃ ᑲᔦ ᑕᔥ ᒋᐅᒋᑭᑎᒫᑫᓂᑎᔦᒃ,

Ojibwe Kihcimasina'ikan

¹ Kiishpin tepwe oncimashkawisiiwekwen e'wiiciiwinek a'a Christ, kiishpin kaye oncisoonkite'eyek onci 'iweni osaaki'iwewinink, kiishpin kaye menowiiciiwaawekwen ini Kishemanitoo otAhcaahkwan, kiishpin kaye oncishawenintiyek kaye tahsh cioncikitimaakenintiyek,

ᐱᓬᐃᐱᔭᓇᒃ 2:1 Cross References

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 2:25

ᐯᔑᒃ ᐃᑕᔥ ᐃᓂᓂ ᑮᐊᔮ ᐃᐃᒫ ᒉᕒᐆᓴᓬᐊᒥᕽ, ᓯᒥᔭᓐ Simeon ᐁᔑᓂᑳᓱᒡ᙮ ᑾᔭᒃ ᑮᐃᔑ ᐱᒫᑎᓯ, ᑲᔦ ᑕᔥ ᐁᑮ ᑯᓯᑴᓂᒫᒡ ᑭᔐᒪᓂᑑᓐ᙮ ᐁᑮ ᐲᑑᒡ ᑳᐐ ᐱᒫᒋᐃᒥᓐᒡ ᐃᔅᕒᐃᔭᓬᐊᐞ Israel ᑲᔦ ᑕᔥ ᐁᑮ ᑭᑭᔥᑳᑯᒡ ᑭᔐᒪᓂᑑᓐ ᐅᑕᒑᑯᓂ᙮

Cwaan 14:18

ᐊᐲ ᒫᒑᔮᓐ ᑳᐐᓐ ᒋᑮᐗᔑᔖᓂᐎᔦᒃ ᐃᓇᑫ ᑭᑲᔑᓇᑲᓂᓯᓅᓂᓂᒻ᙮ ᒦᓇᐙ ᐅᔕ ᑭᑲᐱᑮᐌᓄᑕᐎᓂᓂᒻ᙮

Cwaan 14:27

ᐱᓵᓀᑕᒧᐎᓐ ᑭᓇᑲᑕᒪᐎᓂᓂᒻ᙮ ᓃᓐ ᐃᐃ ᓂᐱᓵᓀᑕᒧᐎᓐ ᑳᒦᓂᓇᑰᒃ᙮ ᑳᐐᓐ ᐐᓐ ᐃᐃ ᑳᔑᒦᓂᓇᑰᒃ ᑳᔑᐱᓵᓂᐃᑎᐙᒡ ᐅᐅᒫ ᐊᑮᕽ᙮ ᑫᑯ ᑕᔥ ᒥᑯᔥᑳᑌᑕᑫᒃ, ᑫᑯ ᑲᔦ ᓭᑭᓯᑫᒃ᙮

Cwaan 17:13

ᓅᑯᒻ ᑕᔥ ᓂᑲᐲᔖ ᐁᔑᐊᔮᔭᓐ᙮ ᓂᑎᐹᑐᑖᓇᓐ ᑕᔥ ᐅᓄ ᑫᑰᓇᓐ ᐅᐅᒫ ᐊᑮᕽ, ᐐᓇᐙ ᑕᔥ ᒋᒨᔥᑭᓀᔥᑳᑯᐙᒡ ᐁᓂᑯᒀᒃ ᐃᐌ ᓂᒌᑫᑕᒧᐎᓐ᙮

ᐃᔑᒋᑫᐎᓇᓐ 2:46

ᐁᑕᓱᑮᔑᒃ ᐃᑕᔥ ᑮᓂᑖ ᒫᐗᒋᐃᑎᐗᒃ ᐲᒐᔭᐄ ᑭᒋᐊᓇᒥᐁᐎᑲᒥᑯᕽ᙮ ᐅᑖᐎᓂᐙᕽ ᐁᑮᑕᔑ ᐸᑴᐱᓈᒡ ᐸᑴᔑᑲᓇᓐ ᐁᑮᒫᒪᐎ ᐐᓯᓂᐙᒡ, ᐐᑫ ᐁᑮ ᒌᑫᑕᒧᐙᒡ ᐅᑌᐃᐙᕽ᙮

ᐃᔑᒋᑫᐎᓇᓐ 4:32

ᐁᒫᒪᐎ ᐊᔮᐙᒡ ᑕᔥ ᐅᑌᐺᑕᒨᒃ ᐯᔑᑾᓐ ᑮᐃᓀᑕᒨᒃ, ᐯᔑᑾᓐ ᑮᐃᔑᑌᐁᐗᒃ᙮ ᑳᐐᓐ ᑕᔥ ᐊᐎᔭ ᒋᑮᐃᑭᑐᒡ ᑫᑰᓇᓐ ᐁᐊᔮᒡ ᐐᓐ ᐁᑕ ᐁᑎᐱᓇᐌᐎᓯᒡ, ᑲᑭᓇ ᓴ ᑯ ᑫᑰᓇᓐ ᑮᒫᒪᐎᒋᑫᐗᒃ᙮

ᐅᕒᐆᒪᓇᒃ 5:5

ᐅᐅᐌ ᑕᔥ ᐁᐃᔑᑫᒋᓈᐅᔭᕽ, ᑳᐐᓐ ᐐᑳ ᑭᑲᓃᓭᑕᓰᒥᓐ᙮ ᐋᓃᔥ ᑭᔐᒪᓂᑑ ᑭᑮᓰᑭᓇᒫᑯᓈᓐ ᐅᓵᑭᐃᐌᐎᓐ ᐃᐃᒫ ᑭᑌᐃᓈᓂᕽ, ᐅᑕᒑᑾᓐ ᐁᑮᐋᐸᒋᐋᒡ᙮ ᒦᐗᓐ ᐃᑕᔥ ᐃᓂ ᑳᑮᒦᓂᓇᕽ᙮

ᐅᕒᐆᒪᓇᒃ 8:26

ᒦᑕᔥ ᐯᔑᑾᓐ ᐊᐊᐌ ᐊᒑᒃ ᑭᑲᐱᓈᑕᒫᑯᓈᓐ ᑳᐃᔑᓃᓇᒥᓯᔭᕽ᙮ ᑳᐐᓐ ᐋᓃᔥ ᑾᔭᒃ ᑭᑭᑫᑕᓰᒥᓐ ᐋᓃᓐ ᑫᔑᐊᓇᒥᐋᔭᕽ᙮ ᑎᐱᓇᐌ ᑕᔥ ᐊᐊ ᐊᒑᒃ ᑭᑲᓅᒋᑫᑕᒫᑯᓈᓐ ᐁᐸᑯᓭᓂᒫᒡ ᑭᔐᒪᓂᑑᓐ᙮ ᐃᐃ ᐁᐃᔑᒨᑯᓀᒧᒡ ᑳᐐᓐ ᑖᑲᔥᑭᒋᑳᑌᓯᓂᓂ ᒋᐐᒋᑳᑌᓂᒃ᙮

1 ᑲᕒᐃᑎᔭᓇᒃ 12:13

ᒦ ᓴ ᑯ ᐯᔑᑾᓐ ᑫᑮᓇᐎᓐᑦ ᒥᓂᒃ ᐁᔑᐯᐸᑳᓉᐙᓇᑭᓯᔭᕽ, ᑫᒫ ᒎᐗᒃ ᑫᒫ ᑲᔦ ᑳᒎᐎᐎᓯᒀ, ᑲᔦ ᑎᐯᓂᒫᑲᓇᒃ ᑲᔦ ᑳᑕᑎᐯᓂᑎᓱᐙᒡ, ᑲᑭᓇ ᑭᑮᐃᔑᓰᑲᐊᑖᑯᓈᓐ ᐃᓂ ᐯᔑᑾᓐ ᑭᔐᒪᓂᑑ ᐅᑕᒑᑾᓐ ᐃᐃᒫ ᐯᔑᒃ ᐐᔭᐎᒫᕽ ᒋᐅᒋᑎᐯᑖᑯᓯᔭᕽ᙮ ᔑᑾ ᐯᔑᑾᓐ ᑭᑮᐃᔑᒥᓇᐃᑰᒥᓐ ᐊᐊ ᐯᔑᑾᓐ ᐊᒑᒃ ᒋᒥᓂᒀᓇᕽ᙮

1 ᑲᕒᐃᑎᔭᓇᒃ 15:31

ᓃᒋᐅᑌᐺᑕᒨᒃ, ᐁᑕᓱᑮᔑᒃ ᓂᐯᔣᐸᑖᓐ ᐃᐃ ᓂᐳᐎᓐ᙮ ᐃᓇᔥᑫ ᓴ ᐐᑫ ᑭᑭᒋ ᐃᓀᓂᒥᓂᓂᒻ ᐃᐃᒫ ᐁᐅᒌᒪᑲᒃ ᐁᐐᒌᐎᓇᕽ ᐊᐊ X ᒋᓴᔅ ᑳᑎᐯᓂᒥᓇᕽ, ᒦ ᐃᐌ ᐁᓇᒪᒋᐅᔥᑳᑯᔮᓐ ᒋᐐᑕᒪᐎᓇᑰᒃ᙮

1 ᑲᕒᐃᑎᔭᓇᒃ 3:16

ᑳᐐᓐ ᐃᓇ ᑭᑭᑫᑕᓰᒻ ᒫᒪᐤ ᐁᐃᓍᓂᑰᔦᒃ ᑭᔐᒪᓂᑑ ᐅᑭᒋᐊᓇᒥᐁᐎᑲᒥᒃ? ᐐᓐ ᐋᓃᔥ ᑭᔐᒪᓂᑑ ᐅᑕᒑᑾᓐ ᐃᔑᑖᐗᓐ ᐃᐃᒫ ᑳᔑᒫᒪᐎᐃᑎᔦᒃ᙮

2 ᑲᕒᐃᑎᔭᓇᒃ 2:14

ᑕᑲ ᒦᑴᒋᐌᓂᒫᑖ ᑭᔐᒪᓂᑑ᙮ ᐐᓐ ᐄᑐᒃ ᑳᑮᐃᔑᓈᑯᓯᐃᔭᒥᓐᒡ ᒋᐃᔑᓈᑯᓯᔮᕽ ᑕᑯᓂᑲᓇᒃ ᑳᐱᒥᐎᓂᑣ X ᐁᓃᑳᓃᒡ ᐁᑮᔖᑰᒋᑣᒡ᙮ ᐐᓐ ᓂᑖᐸᒋᐃᑯᓈᓐ ᒥᓯᐌ ᒋᐅᒋᑭᑫᓂᒥᓐᒡ ᑖᐱᔥᑰ ᑫᑰᓐ ᑳᒥᓄᒫᑾᒃ᙮

ᑲᓬᐁᔑᔭᓇᒃ 4:6

ᐁᐅᑯᓯᓯᒥᓀᒃ ᐃᑕᔥ ᑭᔐᒪᓂᑑ ᑭᑮᐃᔑᓂᔕᐊᒫᑯᓈᓐ ᓴ ᐃᓂ ᐅᑯᓯᓴᓐ ᐅᑕᒑᑯᓂ ᐃᐃᒫ ᑭᑌᐃᓈᓂᕽ᙮ ᒦᑕᔥ ᐊᐊ ᐊᒑᒃ ᑳᐃᑭᑐᒡ: ᐋᐸ, ᑮᓐ ᓂᑌᑌ!

ᑲᓬᐁᔑᔭᓇᒃ 5:22

ᐃᓂ ᑕᔥ ᑭᔐᒪᓂᑑ ᐅᑕᒑᑾᓐ, ᒦᐗᓄᓄ ᓀᑖᐎᑭᑑᓂᒡ: ᓵᑭᐃᐌᐎᓐ, ᒥᓉᑕᒧᐎᓐ, ᐱᓵᓂᓯᐎᓐ, ᔒᐯᑕᒧᐎᓐ, ᑭᔐᐙᑎᓯᐎᓐ, ᒥᓄᑑᑖᑎᐎᓐ, ᑌᐺᔦᑖᑯᓯᐎᓐ,

ᐃᐲᔑᔭᓇᒃ 4:4

ᒥᒋᐯᔑᑾᓐ ᓴ ᐐᔭᐎᒫ, ᒥᒋᐯᔑᑯ ᑲᔦ ᐊᐊ ᐊᒑᒃ, ᒥᒋᐯᔑᑾᓂᓂ ᑳᐃᔑᐊᑐᒥᓀᒃ ᑭᔐᒪᓂᑑ, ᒦᑕᔥ ᐃᐃᒫ ᐁᔑᐊᐯᓂᒧᔦᒃ᙮

ᐱᓬᐃᐱᔭᓇᒃ 1:8

ᑭᔐᒪᓂᑑ ᓂᑖᑎᐹᒋᒥᒃ ᐋᐱᒋ ᑯ ᐁᐐᐙᐸᒥᓇᑰᒃ᙮ ᐃᐃᒫ ᐐᓐ X ᒋᓴᔅ ᐅᓵᑭᐃᐌᐎᓂᕽ ᐅᒌᒪᑲᓂᓂ ᐅᐅ ᑳᐃᓀᓂᒥᓇᑰᒃ᙮

ᐱᓬᐃᐱᔭᓇᒃ 3:3

ᑮᓇᐎᓐᑦ ᐅᔕ ᑭᑖᐎᒥᓐ ᑳᒦᓂᑰᐎᓯᔭᕽ ᑾᔭᒃ ᑭᑭᓇᐙᑕᔕᑫᔓᑰᐎᓂᕽ ᑳᐃᓀᑖᑾᒃ᙮ ᐋᓃᔥ ᑮᓇᐎᓐᑦ ᑭᑎᔑᐊᓇᒥᐁᑕᐙᓈᓐ ᑭᔐᒪᓂᑑ ᐁᐃᔑᑲᔥᑭᑑᐃᒥᓇᕽ ᐅᑕᒑᑾᓐ᙮ ᔑᑾ ᑭᑑᒋᒨᒋᑫᑖᒥᓐ ᐃᐌ ᐁᐐᒌᐎᓇᕽ X ᒋᓴᔅ᙮ ᑳᐐᓐ ᑲᓇᑫ ᑭᑕᐯᓂᒧᓄᑕᓰᒥᓐ ᑫᑰᓐ ᐗᑭᒋᓇᐤ ᐁᑕ ᐁᑑᒋᑳᑌᒃ᙮

ᑲᓬᐋᔑᔭᓇᒃ 2:2

ᒦᑕᔥ ᐅᐅ ᑳᐅᒋ ᐃᔑᒋᑫᔮᓐ ᑫᐐᓇᐙ ᑕᔥ ᒋᒪᔥᑲᐌᑕᒧᐙᒡ ᐅᑌᐃᐙᕽ, ᒫᓄ ᑲᔦ ᑲᑭᓇ ᒋᒫᒪᐎᐐᒋᐃᑎᐙᒡ ᐁᓵᑭᐃᑎᐙᒡ᙮ ᒦᑕᔥ ᑲᔦ ᐐᑫ ᓂᓯᑐᑕᒧᐙᒡ ᒋᐅᒋᐌᓅᒋᑑᐙᒡ ᑫᒋᓈᐅᐎᓐ᙮ ᒦᑕᔥ ᑫᐐᓇᐙ ᒋᐅᒋᑭᑫᑕᒧᐙᒡ ᑭᔐᒪᓂᑑᓐ ᐅᑎᓀᑕᒧᐎᓂᓂ ᐅᑖᓈᕽ ᑳᑭᑫᒋᑳᑌᓯᓂᓂᒃ, ᒦ ᓴ ᐄᑐᒃ ᐊᐊ X ᐐᓐ ᐃᑯ ᑳᑕᔑᒥᓐᒡ᙮

ᑲᓬᐋᔑᔭᓇᒃ 3:12

ᑮᓇᐙ ᐯᒫᑎᓯᔦᒃ ᑭᔐᒪᓂᑑ ᑭᑎᐯᓂᒥᑯᐙ; ᐐᓐ ᑲᔦ ᑭᓵᑭᐃᑯᐙ, ᑭᑮᐅᓀᓂᒥᑯᐙ ᑲᔦ ᐐᓐ ᐃᑯ ᐁᐐᑎᐯᓂᒥᓀᒃ᙮ ᒦ ᓴ ᑕᔥ ᐁᔑᓈᑾᒃ ᒋᐱᓯᑲᒣᒃ ᑰᐹᑌᒋᑫᐎᓐ, ᒥᓄᑑᑖᑫᐎᓐ, ᑕᐸᓭᓂᒧᐎᓐ, ᓅᑳᑎᓯᐎᓐ ᑲᔦ, ᔕᔒᐯᓂᑎᐎᓐ ᑲᔦ᙮

ᐄᐸᕒᐆᐗᒃ 6:18

ᐅᓄ ᑕᔥ ᓃᔑᓐ ᑫᑰᓇᓐ ᑳᐱᑕᔑᑕᒫᕽ ᑳᐐᓐ ᐐᑳ ᑖᐋᒋᓭᓯᓅᓇᓐ᙮ ᑳᐐᓐ ᐐᑳ ᑖᐃᔑᓈᑾᓯᓂᓂ ᑭᔐᒪᓂᑑ ᒋᑮᐗᓂᒧᒡ᙮ ᒦ ᓴ ᑕᔥ ᑳᐅᒋᒪᔥᑲᐌᑕᒪᕽ, ᐋᓃᔥ ᑭᑮᓈᒋᐸᐃᐙᑕᒧᐙᒥᓐ ᐁᑲᑴᑌᐱᓇᒧᐗᕽ ᐊᐯᓂᒧᐎᓐ ᑳᐐᒦᓂᓇᕽ᙮

1 Piitar 1:2

ᑮᓇᐙ ᐄᑐᒃ ᑭᑮᐃᔑ ᑮᔖᒋ ᐅᓈᐸᒥᑯᐙ ᐅᑎᓀᑕᒧᐎᓂᕽ ᑭᔐᒪᓂᑑ ᑳᐅᔫᓯᒥᓐᒡ ᐁᐐᐋᐸᒋᐃᓀᒃ᙮ ᑭᔐᒪᓂᑑ ᐅᑕᒑᑾᓐ ᑲᔦ ᑭᑮᐃᔑᐃᑯᐙᒻ ᐁᐐᑎᐯᓂᒥᓀᒃ, ᑮᓇᐙ ᓴ ᒋᓇᐃᑕᐌᒃ ᒋᓴᔅ X, ᒋᐯᑭᐃᑯᐌᒃ ᑲᔦ ᐅᒥᔅᑸᒻ᙮ ᑕᑲ ᔕᐌᑖᑯᓯᐎᓐ, ᐱᓵᓂᓯᐎᓐ ᑲᔦ ᑭᑲᑎᐱᓇᐌᐎᓯᒻ ᑫᒨᔥᑭᓀᔥᑳᑯᔦᒃ᙮

1 Cwaan 3:24

ᐊᐊ ᑕᔥ ᐃᑯ ᑳᑲᓇᐌᑕᕽ ᐋᓃᓐ ᐁᓈᑯᓂᑫᓂᒡ, ᐅᑎᐱᐐᒌᐙᓐ ᑭᔐᒪᓂᑑᓐ, ᐅᐐᒌᐎᑰᓐ ᐃᑕᔥ ᑲᔦ᙮ ᐃᓂ ᑕᔥ ᐅᑕᒑᑾᓐ ᑳᑮᒦᓂᓇᕽ, ᒦᐃᒫ ᐌᒋᑭᑫᑕᒪᕽ ᐁᐐᒌᐎᓇᕽ᙮

1 Cwaan 4:12

ᑳᐐᓐ ᒪᔑ ᐐᑳ ᐊᐎᔭ ᐅᐙᐸᒫᓰᓐ ᑭᔐᒪᓂᑑᓐ, ᑮᔥᐱᓐ ᑕᔥ ᓵᑭᐃᑎᔭᕽ, ᑭᔐᒪᓂᑑ ᐄᓴᓐ ᑭᐐᒋᐊᔮᒥᑯᓈᓐ, ᒦᐃ ᑮᑮᔑᓈᑾᓂᓂᒃ ᐅᓵᑭᐃᐌᐎᓐ ᑭᐱᒫᑎᓯᐎᓂᓈᓂᕽ᙮

1 Cwaan 4:16

ᑮᓇᐎᓐᑦ ᑕᔥ ᑭᑮᐱᑭᑫᑖᒥᓐ, ᐁᑮᑌᐺᑕᒧᐗᕽ ᑲᔦ ᐋᓃᓐ ᐁᔑᓵᑭᐃᓇᕽ ᑭᔐᒪᓂᑑ᙮ ᑭᔐᒪᓂᑑ ᓴ ᐃᔑᐊᔮ ᐁᓵᑭᐃᐌᒡ᙮ ᐊᐌᓀᓂᑕᔑᑯ ᓵᑭᐃᐌᐎᓂᕽ ᐁᑕᔑᐱᒫᑎᓯᒡ, ᐅᐐᒋᐊᔮᒫᓐ ᑭᔐᒪᓂᑑᓐ, ᐅᐐᒋᐊᔮᒥᑰᓐ ᑕᔥ ᐃᑯ ᑲᔦ᙮