ᐱᓬᐃᐱᔭᓇᒃ 1:10 - ᐅᒋᐺ ᑭᒋᒪᓯᓇᐃᑲᓐ

¹⁰ ᒦ ᐃᐌ ᒋᐃᔑᑲᔥᑭᑑᔦᒃ ᒫᐗᒡ ᑳᐅᓂᔑᔑᑭᓐ ᒋᐅᑖᐱᓇᒣᒃ᙮ ᒦᑕᔥ ᐃᐌ ᒥᓯᐌ ᑫᔑᑌᐺᔦᑖᑯᓯᔦᒃ ᑲᔦ ᐁᑳ ᑫᑰᓐ ᒋᐃᔑᐊᓈᒣᑖᑯᓯᓯᐌᒃ ᐊᐲ ᐅᑮᔑᑳᒥᒡ X᙮

Ojibwe Kihcimasina'ikan

¹⁰ mii 'iwe ci‑ishikashkihtooyek maawac kaaonishihshinkin ciotaahpinamek. Miitahsh 'iwe misiwe keshitepweyentaakosiyek kaye ekaa kekoon ci‑ishianaamentaakosihsiwek ahpii okiishikaamitc Christ.

ᐱᓬᐃᐱᔭᓇᒃ 1:10 Cross References

Cenisihs 20:5

ᐐᓐ ᐄᑐᒃ ᐃᑯ ᐁᐸᕒᐊᐋᒻ ᑮᐃᑭᑐ ᐁᐅᑕᐌᒫᒡ ᐃᓂ ᐃᑴᐗᓐ; ᒦᔥ ᑲᔦ ᐐᓐ ᐯᔑᑾᓐ ᐊᐊ ᐃᑴ ᑳᐃᑭᑐᒡ᙮ ᑳᐐᓐ ᐃᑕᔥ ᑫᑰᓐ ᓂᑎᓀᑕᓰ ᑫᑰᓐ ᐁᑮ ᐃᔑ ᒪᒫᔒᔮᓐ ᐃᐃ ᑳᑮ ᐃᔑᒋᑫᔮᓐ᙮

Maaihka 3:2

ᑌᑾᒡ ᐄᑐᒃ ᑭᔒᑫᑖᒻ ᐃᐃ ᑳᐅᓂᔑᔑᒃ, ᐁᓵᑭᑑᔦᒃ ᐃᑕᔥ ᒪᒋᑫᑰᓐ᙮ ᒦ ᓴ ᐃ ᐁᓀᑖᑾᒃ ᑖᐱᔥᑰ ᑭᑭᐱᒫᑎᔅ ᐁᐸᑯᓀᒀ ᓂᐱᒫᑎᓰᒪᒃ, ᐅᐐᔮᓯᐙ ᑲᔦ ᐅᑲᓂᐗᕽ ᐁᐅᒋ ᒪᓂᐱᑖᐌᒃ᙮

Maahtiyo 16:23

ᒋᓴᔅ ᑕᔥ ᑮᑴᑭᑖ ᐁᑮᐃᓈᒡ ᐲᑕᕒᐊᓐ: ᓭᑕᓐ Satan, ᐃᑯᒋ ᐃᔖᓐ! ᑮᓐ ᐅᔕ ᑳᑭᐱᔥᑲᐎᔭᓐ, ᐃᓂᓂᐗᒃ ᐋᓃᔥ ᑳᔑ ᓈᑲᑕᐌᑕᒧᐙᒡ ᑭᑎᔑ ᓈᑲᑕᐌᑕᒻ, ᑳᐐᓐ ᐐᓐ ᑭᔐᒪᓂᑑ ᑳᔑ ᓈᑲᑕᐌᑕᕽ᙮

Maahtiyo 26:33

ᐅᑮᐃᑰᓐ ᐃᑕᔥ ᐲᑕᕒᐆᓐ Peter: ᒥᓴᐙ ᓴ ᑮᔥᐱᓐ ᑯᑕᒃ ᓇᑲᓂᒀ, ᑳᐐᓐ ᓃᓐ ᐐᑳ ᑭᑲ ᓇᑲᓂᓯᓅᓐ, ᐅᑮᐃᑰᓐ᙮

Cwaan 1:47

ᒦᔥ ᒋᓴᔅ ᐁᑮᐙᐸᒫᒡ ᓇᑖᓂᔭᓬᐊᓐ ᐁᐱᓈᓯᑳᑯᒡ, ᐅᑮᐃᓈᓐ: ᒦ ᐗᐊ ᑌᐺ ᐃᔅᕒᐃᔭᓬ Israel ᐃᓂᓂ, ᐅᑮᐃᓈᓐ᙮ ᑳᐐᓐ ᑫᑰᓐ ᐅᑭᑭᔥᑳᑯᓰᓐ ᐗᔦᔑᒥᐌᐎᓐ! ᐅᑮᐃᓈᓐ᙮

Cwaan 3:20

ᑕᓯᓐ ᐊᐎᔭᒃ ᑳᒪᒋᑑᑕᒧᐙᒡ ᐅᔒᑫᑖᓈᐙ ᐃ ᐙᓭᔮ᙮ ᑳᐐᓐ ᐅᐐᓈᓯᑲᓰᓈᐙ ᐃ ᐙᓭᔮ, ᐁᑳ ᒋᓈᑾᓯᓂᓂᒃ ᐅᑎᔑᒋᑫᐎᓂᐙᓐ᙮

ᐃᔑᒋᑫᐎᓇᓐ 24:16

ᒦᑕᔥ ᒨᔕᒃ ᑳᐅᒋ ᐃᔑᒋᑫᔮᓐ, ᐁᑲᑴ ᑲᓇᐌᓂᑎᓱᔮᓐ ᑾᔭᒃ ᒋᐃᔑᓈᑾᒃ ᑳᔑ ᓈᓈᑲᑕᐌᑕᒫᓐ ᐁᓈᓴᒦᒡ ᑭᔐᒪᓂᑑ, ᐃᑭ ᑲᔦ ᐯᒫᑎᓯᐙᒡ᙮

ᐅᕒᐆᒪᓇᒃ 12:2

ᑫᑯ ᑕᔥ ᓈᐱᓈᑯᓯᑫᒃ ᐅᐅ ᑳᐃᔑᒋᑫᐙᒡ ᐅᐅᒫ ᐊᑮᕽ ᑳᐱᒫᑎᓯᐙᒡ᙮ ᒫᓄ ᐸᑭᑎᓂᒃ ᑭᔐᒪᓂᑑ ᒋᐋᒋᐃᓀᒃ ᐃᐃᒫ ᐲᒐᔭᐄ ᑭᐱᒫᑎᓯᐎᓂᐙᕽ, ᒋᐅᔥᑭᑑᒡ ᑲᔦ ᑭᑎᓀᑕᒧᐎᓂᐙᓐ᙮ ᒦ ᓴ ᑕᔥ ᒋᐅᒋᑭᑫᑕᒧᐌᒃ ᑭᔐᒪᓂᑑ ᐅᑎᓀᑕᒧᐎᓐ, ᒦ ᓴ ᐃᐌᓂ ᑳᐅᓂᔑᔑᓂᓂᒃ, ᐃᐃ ᑲᔦ ᑳᒥᓍᐸᑕᕽ, ᐃᐃ ᑲᔦ ᑳᑮᔑᓈᑾᓂᓂᒃ᙮

ᐅᕒᐆᒪᓇᒃ 12:9

ᑌᐺ ᐱᑯ ᑲᔦ ᐐᑫ ᓵᑭᐃᑎᒃ᙮ ᔒᑫᑕᒧᒃ ᐃᐃ ᑳᒪᒋᓈᑾᒃ, ᑭᒋᐎᓇᒧᒃ ᐃᑕᔥ ᐃᐃ ᑳᐅᓂᔑᔑᒃ᙮

ᐅᕒᐆᒪᓇᒃ 16:17

ᑭᑲᑳᓱᒥᓂᓂᒻ ᐃᑕᔥ, ᓃᑕᓇᒥᐋᒃ, ᐊᔓᐎᓄᑕᐎᑾᒃ ᐃᑭ ᐊᐎᔭᒃ ᑳᑲᔥᑭᐋᐙᒡ ᐊᐎᔭᐞ ᒋᐸᑫᐎᓂᑎᓂᒡ, ᑳᐗᓂᔥᑴᒥᓀᒀ ᑲᔦ, ᐁᐃᔑᑭᑭᓄᐃᑫᐙᒡ ᑭᒋᐸᑳᓐ ᐃᐃ ᑳᑮᐃᔑᓅᑕᒣᒃ᙮ ᑫᑯ ᓈᓯᑲᐙᑫᒀᓂᒃ ᐃᑭ ᑎᓄ ᐊᐎᔭᒃ᙮

ᐅᕒᐆᒪᓇᒃ 2:18

ᑭᑭᑫᓂᒫ ᑲᔦ ᑳᔑᐊᑕᐌᓂᒥᒃ ᑭᔐᒪᓂᑑ, ᑲᔦ ᑭᑮᐱ ᐃᔑᑭᑭᓄᐊᒫᑯᓐ ᐃᐃᐌ ᐃᓈᑯᓂᑫᐎᓐ ᐌᑯᓀᓐ ᐌᓂᔑᔑᕽ ᒋᐅᑖᐱᓂᑳᑌᒃ᙮

ᐅᕒᐆᒪᓇᒃ 7:16

ᐊᐲᔥ ᐁᑑᑕᒫᓐ ᐃᐃ ᑳᒥᓍᐸᑕᓯᐙᓐ, ᒦ ᐯᔑᑾᓐ ᐁᔑᓈᑾᒃ ᐁᐃᑭᑐᔮᓐ: ᐊᐤ, ᑾᔭᑾᓐ ᐃᐃ ᐃᓈᑯᓂᑫᐎᓐ᙮

ᐅᕒᐆᒪᓇᒃ 7:22

ᐲᒐᔭᐄ ᐁᔑᑎᓄᐎᔮᓐ, ᓂᒌᑫᑕᒧᔥᑳᑯᓐ ᑭᔐᒪᓂᑑ ᐅᑎᓈᑯᓂᑫᐎᓐ᙮

ᐅᕒᐆᒪᓇᒃ 8:7

ᑮᔥᐱᓐ ᐁᑕ ᐊᐎᔭ ᐃᔑᓈᑲᑕᐌᑕᕽ ᐁᔑᓈᓈᑲᑕᐌᑕᒨᒪᑲᓂᓂᒃ ᐃᐃ ᑫᑌᐃᓈᑎᓯᐎᓐ, ᐅᑲᔒᑫᓂᒫᓐ ᐃᓂ ᑭᔐᒪᓂᑑᓐ᙮ ᑳᐐᓐ ᐃᐃᐌ ᐅᑲᑑᑕᓰᓐ ᑭᔐᒪᓂᑑᓐ ᐅᑎᓈᑯᓂᑫᐎᓂᓂ ᑳᐃᑯᒡ, ᑳᐐᓐ ᐅᑖᑲᔥᑭᑑᓰᓐ ᐃᐃ ᒋᐃᔑᒋᑫᒡ᙮

1 ᑲᕒᐃᑎᔭᓇᒃ 1:8

ᐐᓐ ᑭᑲᐋᔩᒋᐃᑯᐙ ᒋᒪᔥᑲᐎᓰᔦᒃ ᐲᓂᔥ ᐃᑯ ᒋᐌᒀᐊᔮᒃ, ᒦ ᓴ ᐃᐌ ᐁᑳ ᑫᑰᓐ ᒋᐃᔑᐊᓈᒣᑖᑯᓯᓯᐌᒃ ᐊᐲ ᐅᑮᔑᑳᒥᒡ ᐊᐊ ᑳᑎᐯᓂᒥᓇᕽ ᒋᓴᔅ X᙮

1 ᑲᕒᐃᑎᔭᓇᒃ 10:32

ᒦ ᐃᐌ ᐃᓈᑎᓯᒃ, ᐁᑳ ᑫᑰᓐ ᒋᐃᓀᓂᒥᓯᓄᐌᒀ ᒎᐗᒃ ᑲᔦ ᑳᒎᐎᐎᓯᒀ, ᑲᔦ ᑭᔐᒪᓂᑑ ᐅᒫᐗᒋᐋᑲᓇᐞ᙮

1 ᑲᕒᐃᑎᔭᓇᒃ 8:13

ᒦ ᐅᐌ ᓃᓐ ᐁᓀᑕᒫᓐ: ᑮᔥᐱᓐ ᐊᐎᔭ ᒪᒋᑑᑕᒧᐃᑯᒡ ᐃᐃᐌ ᑳᒦᒋᓈᑌᒃ, ᓂᑖᐃᓀᑕᒻ ᐐᑳ ᒦᓇᐙ ᐐᔮᔅ ᒋᒦᒋᓯᐙᐹᓐ, ᐁᑳ ᒋᐸᑭᔑᒫᓯᐗᑭᐸᓐ ᐊᐊ ᓃᒋᐅᑌᐺᑕᒧ᙮

2 ᑲᕒᐃᑎᔭᓇᒃ 1:12

ᐅᐅᐌ ᑕᔥ ᐐᑫ ᓂᑭᒋ ᐃᓀᑖᒥᓐ, ᐁᑭᑫᓂᑎᓱᔮᕽ ᑾᔭᒃ ᐁᑮᐃᔑᐱᒫᑎᓯᔮᕽ ᐅᐅᒫ ᐊᑮᕽ, ᑾᔭᒃ ᑲᔦ ᐁᑮᐐᒌᐎᑰᔦᒃ᙮ ᐋᐱᒋ ᓴ ᐌᐌᓂ ᑭᑮᐐᒌᐎᑰᒻ, ᐋᓃᔥ ᑭᔐᒪᓂᑑ ᐅᑭᔐᐙᑎᓯᐎᓐ ᓂᑮᐐᒋᐃᑯᒥᓐ᙮ ᑳᐐᓐ ᐐᓐ ᐃᓂᓃᐎᑲᑮᑖᐌᑕᒧᐎᓐ ᓂᑮᐐᒋᐃᑯᓰᒥᓐ᙮

2 ᑲᕒᐃᑎᔭᓇᒃ 2:17

ᑳᐐᓐ ᐃᑕᔥ ᐐᓐ ᓂᑑᑕᓰᒥᓐ ᐃᐃ ᑭᔐᒪᓂᑑ ᐅᑎᑭᑐᐎᓐ ᑖᐱᔥᑰ ᐋᓂᑕ ᑳᐹᑏᓄᐙᒡ ᑳᑑᑕᒧᐙᒡ ᐁᐐᐅᑎᓈᐙᒡ ᑌᐱᓈᒃ ᔔᓂᔮᓐ᙮ ᑳᐐᓐ ᓃᓇᐎᓐᑦ ᐃᐃ ᓂᑎᔑᒋᑫᓰᒥᓐ᙮ ᐋᓃᔥ ᑭᔐᒪᓂᑑ ᓂᑮᐃᔑᓂᔕᐅᑯᓈᓐ ᐌᐌᓂ ᒋᑳᑮᑭᑐᔮᕽ ᐁᓈᓴᒦᒡ, ᑖᐱᔥᑰ X ᐅᑕᓄᑮᐋᑲᓇᐞ᙮

2 ᑲᕒᐃᑎᔭᓇᒃ 6:3

ᐋᐱᒋ ᑕᔥ ᓂᑕᔮᒀᒥᓯᒥᓐ ᒋᑭᐱᔥᑲᐙᓯᐗᑭᒡ ᐊᐎᔭ, ᐋᓃᔥ ᑳᐐᓐ ᓂᓇᑕᐌᓂᒫᓯᐙᓈᓐ ᐊᐎᔭ ᒋᒥᑲᕽ ᒪᒋᑫᑰᓂᓂ ᐃᐃᒫ ᓂᑕᓄᑮᐎᓂᓈᓂᕽ᙮

2 ᑲᕒᐃᑎᔭᓇᒃ 8:8

ᑳᐐᓐ ᑕᔥ ᐐᓐ ᑫᑰᓐ ᓂᑑᓇᑑᓰᓐ ᐋᓃᓐ ᑫᐃᔑᒋᑫᔦᑭᐸᓐ! ᑭᑮᐐᑕᒪᐎᓂᓂᒻ ᐋᓃᓐ ᑫᐐᓇᐙ ᐅᑌᐺᑕᒨᒃ ᑳᑮᐃᔑᐐᒋᑣᐙᒡ ᐁᐸᑭᑎᓂᑫᐙᒡ, ᑫᐅᒋᑭᑫᑕᒫᓐ ᐋᓃᓐ ᒪᔮ ᑫᑮᓇᐙ ᐁᐲᒋᓵᑭᐃᐌᔦᒃ᙮

ᑲᓬᐁᔑᔭᓇᒃ 5:11

ᓃᑕᓇᒥᐋᒃ, ᑮᔥᐱᓐ ᑕᔥ ᓃᓐ ᑫᔮᐱ ᑲᑮᒀᑕᒫᐹᓐ ᐃᐃ ᑭᑭᓇᐙᑕᔕᑫᔓᑰᐎᓐ, ᐌᑯᓀᓐ ᑕᔥ ᑫᔮᐱ ᐌᒋᑲᒀᑕᑭᐃᑰᔮᓐ? ᑮᔥᐱᓐ ᑕᔥ ᐃᐃ ᑌᐺ ᐃᔑᑲᑮᑴᔮᓐ, ᑳᐐᓐ ᐄᑐᒃ ᐊᐎᔭ ᓂᑖᒫᓂᑖᑯᓰ ᑲᑮᒀᓂᒪᒃ ᐃᓂ ᒋᓴᓲᓐ ᑳᑮᓂᐳᓂᒡ ᐋᔑᑌᔮᑎᑯᕽ᙮

ᐃᐲᔑᔭᓇᒃ 4:15

ᑮᓇᐎᓐᑦ ᑕᔥ ᐐᓐ ᓵᑭᐃᐌᐎᓂᕽ ᐁᐅᒌᒪᑲᒃ ᑳᑕᔑᑕᒪᕽ ᑌᐺᐎᓐ, ᒥᓯᐌ ᑭᑲᐃᔑᒫᒌᑭᒥᓐ ᐃᓇᑫ X ᑳᐃᔑᐊᔮᒡ, ᑳᓃᑳᓂᔥᑲᕽ ᐅᐐᔭᐤ᙮

ᐃᐲᔑᔭᓇᒃ 5:10

ᑲᑴᑭᑫᑕᒧᒃ ᐃᑕᔥ ᑲᔦ ᐌᑯᓀᓐ ᐃᓂ ᑳᑎᐯᒋᑫᒡ ᑳᒥᓍᐸᑕᕽ᙮

ᐃᐲᔑᔭᓇᒃ 5:27

ᐁᐐᐲᑕᒫᓱᒡ ᐃᐃ ᐅᑕᓇᒥᐋᐞ ᑖᐱᔥᑰ ᐁᐅᔥᑭᑴᐌᒡ ᐐᓐ ᐁᐐᐅᓈᐯᒥᒥᓐᒡ, ᐐᑫ ᒋᐯᑭᓈᑯᓯᓂᒡ ᐃᐃᒫ ᑳᐃᔑᐊᔮᒡ, ᑲᓇᑫ ᒋᐹᐹᑌᐎᓈᑯᓯᓯᓂᒃ, ᒋᐊᔫᓰᑭᓈᑯᓯᓯᓂᒃ ᑲᔦ, ᐐᑫ ᓴ ᒋᒥᓄᓈᑯᓯᓂᒡ᙮ ᒦᑕᔥ ᐁᔑᐊᑕᐌᓂᒫᒡ ᐐᓐ ᐁᑕ ᑯ ᐁᐐᑎᐱᓇᐌᐎᓯᒡ, ᑫᑰᓂᓂ ᑲᔦ ᒋᐃᔑᐊᓈᒣᑖᑯᓯᓯᓂᒃ᙮

ᐃᐲᔑᔭᓇᒃ 6:24

ᑕᑲ ᑭᔐᒪᓂᑑᓐ ᐅᑭᔐᐙᑎᓯᐎᓂᓂ ᐅᑲᐐᒌᐎᑯᓈᐙ ᑲᑭᓇ ᑳᓵᑭᐋᐙᒡ ᑳᑎᐯᒋᑫᓂᒡ ᒋᓴᔅ Xᑕᓐ, ᐐᑳ ᐅᓵᑭᐃᐌᐎᓂᐙ ᑳᓂᐴᒪᑲᓯᓂᓂᒃ᙮

ᐱᓬᐃᐱᔭᓇᒃ 1:16

ᐅᑯᐌᓂᐗᒃ ᓵᑭᐃᐌᐎᓂᕽ ᐃᔑᒋᑫᐗᒃ᙮ ᐅᑭᑫᑖᓈᐙ ᑭᔐᒪᓂᑑ ᐁᑮᐃᓇᓄᑮᐃᒡ ᒋᑲᓅᒋᑫᑕᒪᐙᑕᒫᓐ ᐃᐃ ᒥᓍᒋᒧᐎᓐ᙮

ᐱᓬᐃᐱᔭᓇᒃ 1:6

ᒦ ᐅᐌ ᐁᑫᒋᓈᐁᑕᒫᓐ, ᐃᐃᐌ ᐅᒥᓄᐊᓄᑮᐎᓐ ᑭᔐᒪᓂᑑ ᑳᑮᒫᑕᓄᑳᑕᕽ ᐁᑮᑭᑭᔥᑲᒧᐃᓀᒃ, ᑫᔮᐱ ᒋᓂ ᐃᔑᐊᓄᑳᑕᕽ ᐲᓂᔥ ᐃᑯ ᐊᐲ ᑮᔑᑲᓂᓂᒃ X ᒋᓴᔅ ᑳᐐᑎᐯᑕᕽ, ᐊᒦ ᐃ ᐊᐲ ᒋᑮᔑᒋᑳᑌᒃ᙮

ᐱᓬᐃᐱᔭᓇᒃ 2:16

ᑲᔦ ᐁᓃᒥᓇᒪᐌᒀ ᐃᐃ ᑎᐹᒋᒧᐎᓐ ᑫᐅᒋᐱᒫᑎᓯᐙᒡ᙮ ᑮᔥᐱᓐ ᑌᐺ ᐅᐅᐌ ᐃᔑᒋᑫᔦᒃ ᑭᑲᐅᒋᐙᐎᔐᓂᒥᓂᓂᒻ ᐊᐲ ᐅᑮᔑᑳᒥᒡ X᙮ ᑕᐃᔑᑭᑫᑖᑾᓐ ᐃ ᐊᐲ ᐁᑳ ᐊᓂᔖ ᐁᑮᐱᒪᓄᑮᓯᐙᓐ ᑲᔦ ᐊᓂᔖ ᐁᑮᐅᒋᒑᑮᐃᑎᓱᓯᐙᓐ᙮

1 ᑌᓴᓬᐆᓂᔭᓇᒃ 3:13

ᐲᓂᔥ ᒋᒪᔥᑲᐎᓰᐃᓀᒃ ᑭᑌᐃᐙᕽ, ᐁᑳ ᑫᑰᓐ ᒋᐃᔑᐊᔮᓯᐌᒃ, ᑭᔐᒪᓂᑑᓈᕽ ᐁᑕ ᒋᐅᒋᐋᐸᑎᓯᔦᒃ, ᒦ ᐃᐌ ᒋᐃᓈᑎᓯᔦᒃ ᐹᓂᒫ ᐃᓈᓴᒥᑳᐸᐐᑕᐌᒃ ᑭᔐᒪᓂᑑ ᑳᐅᔫᓯᒪᕽ, ᐊᐲ ᐱᑕᑯᔑᕽ ᑳᑎᐯᓂᒥᓇᕽ ᒋᓴᔅ – ᒥᓂᒃ ᐃᑕᔥ ᐃᑯ ᑳᑎᐯᓂᒫᒡ ᐅᑲᐱᐐᒌᐙᐞ ᐃᐃ ᐊᐲ᙮

1 ᑌᓴᓬᐆᓂᔭᓇᒃ 5:21

ᒣᒀ ᑮᑭᑐᒡ ᐃᑕᔥ ᑲᑭᓇ ᑫᑰᓐ ᑭᑲᓈᑲᓱᑕᐙᐙ᙮ ᑭᑲᐅᑖᐱᓈᓈᐙ ᐌᓂᔑᔑᓂᓂᒃ᙮

1 ᑌᓴᓬᐆᓂᔭᓇᒃ 5:23

ᔑᑾ ᓂᐸᑯᓭᓂᒫ ᑭᔐᒪᓂᑑ, ᒦ ᐊᐌ ᐱᓵᓂᓯᐎᓐ ᑳᒦᓂᓇᕽ: ᒫᓄ ᐐᓐ ᑭᔐᒪᓂᑑ ᑭᑲᐃᔑᐃᑯᐙ ᒥᓯᐌ ᐐᓀᑕ ᒋᐃᓈᐸᒋᐃᓀᒃ᙮ ᒫᓄ ᑭᑲᑲᓇᐌᓂᒥᑯᐙ ᐁᓂᑯᑴᑖᑯᓯᔦᒃ᙮ ᑲᔦ ᑭᑕᒑᑯᐙᐞ, ᑭᐱᒫᑎᓯᐎᓂᐙᓐ, ᑭᐐᔭᐎᐙᓐ ᑭᑲᑲᓇᐌᑕᒫᑯᐙ, ᐲᓂᔥ ᐊᐲ ᑕᑯᔑᕽ ᑳᑎᐯᒋᑫᒡ ᒋᓴᔅ X, ᐁᑳ ᐊᐙᒡ ᑫᑰᓐ ᒋᒥᑭᑳᑌᓯᓄᒃ ᒋᐃᔑᐊᔮᓯᐌᒃ᙮

Caahshowaa 24:14

ᒦᔥ ᒑᔓᐙ ᑳᐊᓂ ᐃᑭᑐᒡ, ᑕᑲ ᑕᔥ ᓅᑯᒻ ᑯᑖᓀᓂᒥᒃ ᑳᑎᐯᒋᑫᒡ, ᐌᐌᓂ, ᑌᐺ ᑲᔦ ᐊᓄᑮᑕᐎᒃ᙮ ᐌᐱᓂᑾᒃ ᑲᔦ ᐃᐃ ᒪᓂᑑᐞ ᑭᑫᑌᔭᐋᒥᐙᐸᓃᒃ ᑳᑮ ᐊᓇᒥᐁᑕᐙᐙᒡ ᐌᑎ ᐊᑳᒥᓰᐱᕽ ᐃᔫᐸᕒᐁᑏᔅ ᐁᔑᓂᑳᑌᒃ, ᐌᑎ ᑲᔦ ᐄᒋᐸᑮᕽ᙮ ᑳᑎᐯᒋᑫᒡ ᓴ ᐁᑕ ᑭᑲ ᐊᓄᑮᑕᐙᐙ᙮

1 Cwaan 4:1

ᑳᓵᑭᐃᓇᑰᒃ, ᑫᑯ ᑌᐺᑕᐙᑫᒀᓂᒃ ᑲᑭᓇ ᑳᐃᑭᑐᐙᒡ ᐁᑭᑭᔥᑳᑯᐙᒡ ᑭᔐᒪᓂᑑᓐ ᐅᑕᒑᑯᓂ᙮ ᐊᑕᑭᑫᓂᒥᑯᒃ ᑕᑲ ᑭᔐᒪᓂᑑᕽ ᒋᐅᒌᓂᑴᓐ ᐃᓂ ᐊᒑᑾᓐ ᑳᑭᑭᔥᑲᐙᐙᒡ᙮ ᐋᓃᔥ ᐹᑏᓄᐗᒃ ᑳᐃᓍᓂᑎᓱᐙᒡ ᐁᑮᑭᑑᑕᒪᐙᐙᒡ ᑭᔐᒪᓂᑑᓐ, ᒥᓯᐌ ᐁᐃᔖᐙᒡ ᐅᐅᒫ ᐊᑮᕽ᙮

ᑭᑫᑕᒨᔑᐌᐎᓐ 2:2

ᓂᑭᑫᑖᓇᓐ ᑭᑎᔑᒋᑫᐎᓂᐙᓐ ᑲᔦ ᑭᑕᓄᑮᐎᓂᐙᓐ ᑲᔦ ᑭᔕᔒᐯᑕᒧᐎᓂᐙ᙮ ᑲᔦ ᑭᑭᑫᓂᒥᓂᓂᒻ ᐁᑳ ᐊᐙᒡ ᐁᐐᐅᑖᐱᓇᒪᐙᓯᐌᒀ ᐃᑭ ᒪᒋᐊᔨᐄᕽ ᑳᐃᔑᐱᒫᑎᓯᐙᒡ᙮ ᑭᑯᒋᐋᐙᒃ ᐃᑕᔥ ᐃᑭ ᑭᔐᒪᓂᑑ ᐅᑎᔑᓂᔕᐙᑲᓇᐞ ᑳᒥᒋ ᐃᔑᐃᑎᓱᐙᒡ, ᐁᑳ ᐁᑎᓄᑳᓂᐎᓯᒀ᙮ ᑭᑮᒥᑲᐙᐙᒃ ᑮᐗᓂᒧᐎᓐ ᐁᐋᐸᒋᑑᐙᒡ᙮