ᐱᓬᐃᐱᔭᓇᒃ 1:1 - ᐅᒋᐺ ᑭᒋᒪᓯᓇᐃᑲᓐ

¹ ᓃᓇᐎᓐᑦ ᑆᓬ Paul ᑲᔦ ᑎᒪᑎ Timothy ᐅᑕᓄᑮᐋᑲᓇᐞ X ᒋᓴᔅ᙮ ᑮᓇᐙ ᑭᑑᔑᐲᐊᒫᑰᒻ ᐃᐃᒫ ᐱᓬᐃᐹᐃ Philippi ᐆᑌᓈᕽ ᑳᐊᔮᔦᒃ, ᑮᓇᐙ ᑭᔐᒪᓂᑑ ᐅᐱᒫᑎᓰᒪᐞ ᑳᐐᒌᐌᒃ X ᒋᓴᔅ, ᑕᑯ ᑲᔦ ᐃᑭᐌᓂᐗᒃ ᐅᓃᑳᓂᓰᒃ ᑲᔦ ᐅᐐᒋᐃᐌᒃ ᓂᑑᔑᐲᐊᒪᐙᓈᓂᒃ᙮

Ojibwe Kihcimasina'ikan

¹ Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

ᐱᓬᐃᐱᔭᓇᒃ 1:1 Cross References

Maarhk 13:34

ᑖᐱᔥᑰ ᑕᐃᔑᓈᑾᓐ ᐊᐊ ᐯᔑᒃ ᐃᓂᓂ ᐙᓴ ᑳᐃᔖᒡ, ᑳᓇᑲᑕᕽ ᐅᑖᐎᓐ, ᐁᑲᓇᐌᑕᐋᒡ ᐅᑕᓄᑮᐋᑲᓇᐞ ᐁᑕᓱᐯᔑᒃ ᒋᐃᓇᓄᑮᓂᒡ, ᐁᐃᓈᒡ ᐃᓂ ᑳᑲᓇᐌᑕᒥᓂᒡ ᐃᔥᒀᑌᒻ ᒋᐊᔕᐙᐱᓂᒡ᙮

Cwaan 12:26

ᑮᔥᐱᓐ ᐊᐎᔭ ᐱᑯ ᐃᓀᑕᕽ ᒋᐸᒥᐃᒡ, ᒫᓄ ᒋᐱᒥᓂᔕᐅᒡ᙮ ᐃᐌᑎ ᑕᔥ ᑫᐃᔑᐊᔮᐗᒃ, ᒦᔥ ᐌᑎ ᑲᔦ ᐐᓐ ᑫᐊᔮᒡ ᐊᐊ ᑳᐸᒥᐃᒡ᙮ ᐊᐌᓀᓐ ᐃᑕᔥ ᐃᑯ ᑫᐐᐸᒥᐃᒡ, ᐊᒦᑕᔥ ᐊᐊᐌ ᑫᑭᒋ ᐃᓀᑖᑯᓯᐃᑯᒡ ᓂᑌᑌᓐ᙮

ᐃᔑᒋᑫᐎᓇᓐ 1:20

ᐋᓃᔥ ᒦ ᐃ ᐁᔑᐲᐃᑳᑌᒃ ᐃᐃᒫ ᓂᑲᒧᓇᓐ ᑳᐃᒋᑳᑌᒃ ᑭᒋᒪᓯᓇᐃᑲᓂᕽ: ᑕᑲ ᐅᐙᑳᐃᑲᓐ ᑕᓀᐱᒋ ᐱᔑᔑᒀᓂ, ᐊᐎᔭᓐ ᐃᐃᒫ ᒋᐃᔑᑖᓯᓂᒃ᙮ ᒦᔥ ᐁᓂ ᐃᑭᑑᒪᑲᒃ, ᑯᑕᒃ ᐊᐎᔭᓐ ᐅᑲ ᐅᑖᐱᓇᒥᓂ ᐅᑕᓄᑮᐎᓐ᙮

ᐃᔑᒋᑫᐎᓇᓐ 20:28

ᐊᔦᒀᒥᑲᓇᐌᓂᑎᓱᒃ ᑕᔥ, ᑲᓇᐌᓂᒥᑾᒃ ᑕᔥ ᑳᒫᒪᐎ ᐊᔮᐙᒡ ᐅᑌᐺᑕᒨᒃ ᑭᔐᒪᓂᑑ ᐅᑕᒑᑾᓐ ᑳᑮ ᒦᓂᒥᓀᒃ ᒋᓈᓈᑲᒋᐁᒀ᙮ ᑖᐱᔥᑰ ᐅᑲᓇᐎ ᒫᓇᒑᓂᔑᐌ ᑳᐃᔑᒋᑫᒡ, ᒦ ᐃᓇᑫ ᐃᔑ ᑲᓇᐌᓂᒥᑾᒃ ᑭᔐᒪᓂᑑ ᐅᒫᐗᒋᐋᑲᓇᐞ, ᐅᒥᔅᑸᒥᕽ ᑳᑮᐅᒋ ᑎᐸᐙᒡ᙮

ᐃᔑᒋᑫᐎᓇᓐ 9:13

ᐋᓇᓈᔭᔅ ᑕᔥ ᑮᐃᔑ ᓇᑴᑕᒻ: ᑌᐯᒋᑫᔭᓐ, ᓃᐱᐗᐞ ᐅᔕ ᓂᓈᓅᑕᒻ ᐁᓈᒋᒥᓐᒡ ᐊᐊ ᐃᓂᓂ, ᐋᓃᓐ ᐁᔑ ᒫᔑ ᑑᑕᐙᒡ ᑳᑎᐯᓂᒥᒪᒡ ᐅᑌᐺᑕᒨᐞ ᐁᔮᓂᒡ ᒉᕒᐆᓴᓬᐊᒥᕽ᙮

ᐅᕒᐆᒪᓇᒃ 1:1

ᓃᓐ ᑆᓬ Paul X ᒋᓴᔅ ᐅᑕᓄᑮᐋᑲᓇᓐ᙮ ᑭᔐᒪᓂᑑ ᓂᑮᐅᓈᐸᒥᒃ ᐁᑮᐃᓇᓅᔑᒡ ᒋᐅᑎᔑᓂᔕᐙᑲᓂᒥᒡ ᒋᐐᑕᒫᑫᐗᒃ ᐅᒥᓍᒋᒧᐎᓐ᙮

ᐅᕒᐆᒪᓇᒃ 1:7

ᒦ ᓴ ᐅᐌ ᑭᑑᔑᐲᐊᒪᐎᓂᓂᒻ ᑮᓇᐙ ᑲᑭᓇ ᐃᐃᒫ ᐅᕒᐆᒥᕽ Rome ᑳᐊᔮᔦᒃ, ᑭᔐᒪᓂᑑ ᑳᓵᑭᐃᓀᒃ, ᑳᑮᐊᑐᒥᓀᒃ ᐅᐱᒫᑎᓰᒪᐞ ᒋᐃᓇᑭᒥᑰᐎᓯᔦᒃ᙮ ᒫᓄ ᐅᑭᔐᐙᑎᓯᐎᓂᕽ ᑲᔦ ᐅᐱᓵᓀᑕᒧᐃᐌᐎᓐ ᑭᑲᒦᓂᑯᐙ ᑭᔐᒪᓂᑑ ᑭᑌᑌᓈᓐ, ᐊᐊ ᑲᔦ ᑳᑎᐯᓂᒥᓇᕽ ᒋᓴᔅ X᙮

1 ᑲᕒᐃᑎᔭᓇᒃ 16:10

ᑮᔥᐱᓐ ᐃᐃᒫ ᐱᐃᔑᑕᑯᔑᕽ ᐊᐊ ᑎᒪᑎ Timothy ᑳᔑᐊᔮᔦᒃ, ᑲᑴᒥᓄᐐᒋᐃᒃ ᐁᑳ ᒋᓭᑭᓯᓯᒃ᙮ ᐋᓃᔥ ᑖᐱᔥᑰ ᑲᔦ ᓃᓐ ᐁᔑᐊᓄᑲᐗᒃ ᑳᑎᐯᒋᑫᒡ, ᑲᔦ ᐐᓐ ᑕᔥ ᐅᑕᓄᑲᐙᓐ ᐊᐊ ᑎᒪᑎ᙮

2 ᑲᕒᐃᑎᔭᓇᒃ 1:1

ᓃᓐ ᑆᓬ ᒋᓴᔅ X ᐅᑎᔑᓂᔕᐙᑲᓇᓐ ᑭᔐᒪᓂᑑ ᑳᑮᐃᓀᑕᕽ, ᑎᒪᑎ Timothy ᑮᑕᓇᒥᐋᓈᓐ ᓴ ᓂᐐᒌᐙ᙮ ᑭᑑᔑᐲᐊᒪᐎᓂᓂᒻ ᑮᓇᐙ ᐅᑌᐺᑕᒨᒃ ᒀᕒᐃᑎᕽ Corinth ᑳᐃᔑᒫᐗᒋᐃᑎᔦᒃ, ᑭᔐᒪᓂᑑ ᑳᑎᐯᓂᒥᓀᒃ, ᑲᑭᓇ ᑲᔦ ᑭᔐᒪᓂᑑ ᑳᑎᐯᓂᒫᒡ ᐯᒫᑎᓯᓂᒡ ᒥᓯᐌ ᑳᐊᔮᓂᒡ ᐌᑎ ᐊᑫᔮᐗᑮᕽ Achaia᙮

ᑲᓬᐁᔑᔭᓇᒃ 1:10

ᒦ ᓇ ᐃ ᐁᓂᑖᑯᓯᔮᓐ ᑖᐱᔥᑰ ᐁᐊᑕᐌᓂᒪᒃ ᐃᓂᓂ ᒋᒥᓍᐸᒥᒡ? ᑳᐐᓐ! ᑭᔐᒪᓂᑑ ᐅᔕ ᓂᓇᑕᐌᓂᒫ ᒋᒥᓍᐸᒥᒡ᙮ ᒦ ᓇ ᐃ ᐁᔑᓈᑯᓯᔭᓐ ᐁᑲᑴᐃᔑᒋᑫᔮᓐ ᐃᓂᓂ ᒋᒥᓍᐸᒥᒡ? ᑮᔥᐱᓐ ᓴ ᐃ ᐃᔑᒋᑫᔮᐹᓐ, ᑳᐐᓐ ᐄᓴᓐ X ᓂᑖᐊᓄᑮᑕᐙᓰ᙮

ᑲᓬᐁᔑᔭᓇᒃ 3:26

ᐁᑌᐺᔦᓂᒣᒃ ᐅᔕ X ᒋᓴᔅ, ᑲᑭᓇ ᑳᐅᒋᐅᑯᓯᓯᒥᓀᒃ ᑭᔐᒪᓂᑑ᙮

ᑲᓬᐁᔑᔭᓇᒃ 3:28

ᐊᐊ ᑕᔥ ᒎ, ᐊᐊ ᑲᔦ ᑳᒎᐎᐎᓯᒃ, ᐊᐊ ᑲᔦ ᐅᐸᒦᑖᑫ, ᐊᐊ ᑲᔦ ᑳᑎᐯᓂᑎᓱᒡ, ᐊᐊ ᐃᓂᓂ, ᐊᐊ ᐃᑴ, ᑳᐐᓐ ᐯᐸᑳᓐ ᐃᓀᑖᑯᓯᓰᐗᒃ᙮ ᑲᑭᓇ ᓴ ᑮᓇᐙ ᑭᐯᔑᑴᑖᑯᓯᒻ ᐃᐃᒫ Xᐃᕽ᙮

ᐃᐲᔑᔭᓇᒃ 1:1

ᓃᓐ ᑆᓬ Paul, ᒋᓴᔅ X ᐅᑎᔑᓂᔕᐙᑲᓇᓐ᙮ ᑭᔐᒪᓂᑑ ᓴ ᐐᓐ ᐃᑯ ᓂᑮᐃᓀᓂᒥᒃ ᐃᐃ ᒋᐃᓇᓄᑮᔮᓐ᙮ ᑮᓇᐙ ᓴ ᑭᑑᔑᐲᐊᒪᐎᓂᓂᒻ ᐌᑎ ᑳᐊᔮᔦᒃ ᐁᐱᓴᓯᑳᕽ Ephesus, ᑭᔐᒪᓂᑑ ᑳᑎᐯᓂᒥᓀᒃ ᑲᔦ ᐋᐱᒋ ᐁᑌᐺᔦᑖᑯᓯᐌᒃ ᐁᐐᒋᐱᒫᑎᓰᒣᒃ ᐊᐊ X ᒋᓴᔅ᙮

ᐃᐲᔑᔭᓇᒃ 1:15

ᐊᐲ ᑕᔥ ᐁᑮᓅᑕᒫᓐ ᐋᓃᓐ ᐁᐲᒋᑌᐺᑕᐌᒃ ᑳᑎᐯᒋᑫᒡ ᒋᓴᔅ, ᐋᓃᓐ ᑲᔦ ᐁᐲᒋᓵᑭᐁᒀ ᐯᒫᑎᓯᐙᒡ ᑭᔐᒪᓂᑑᓐ ᑳᑎᐯᓂᒥᑯᐙᒡ,

ᐃᐲᔑᔭᓇᒃ 6:24

ᑕᑲ ᑭᔐᒪᓂᑑᓐ ᐅᑭᔐᐙᑎᓯᐎᓂᓂ ᐅᑲᐐᒌᐎᑯᓈᐙ ᑲᑭᓇ ᑳᓵᑭᐋᐙᒡ ᑳᑎᐯᒋᑫᓂᒡ ᒋᓴᔅ Xᑕᓐ, ᐐᑳ ᐅᓵᑭᐃᐌᐎᓂᐙ ᑳᓂᐴᒪᑲᓯᓂᓂᒃ᙮

ᐱᓬᐃᐱᔭᓇᒃ 2:19

ᓂᐸᑯᓭᓂᒻ ᑮᔥᐱᓐ ᐃᓀᑕᕽ ᑳᑎᐯᒋᑫᒡ ᒋᐃᔑᓂᔕᐗᒃ ᐊᐊᐌ ᑎᒪᑎ Timothy ᒋᐊᐎᐅᑎᓯᓀᒃ, ᒦᑕᔥ ᒋᐅᒋᒪᔥᑲᐌᑕᒫᓐ ᓅᑕᒫᓐ ᐁᔑᐱᒫᑎᓯᔦᒃ᙮

ᐱᓬᐃᐱᔭᓇᒃ 2:5

X ᒋᓴᔅ ᑳᑮᐃᓈᑎᓯᒡ ᑭᑖᑲᑴᐃᓈᑎᓯᒻ ᑫᑮᓇᐙ:

ᐱᓬᐃᐱᔭᓇᒃ 3:12

ᑳᐐᓐ ᐃᐌ ᓂᑖᐃᑭᑐᓰ ᐋᔕ ᒋᑲᔥᑭᑑᔮᓐ, ᑳᐐᓐ ᑲᔦ ᐁᑮᔑᐃᑰᐎᓯᔮᓐ᙮ ᐁᓂᑯᒃ ᐃᑕᔥ ᓂᑕᓂᑲᑴᑳᒋᑎᓇᒫᔅ ᐃᐃᐌ ᑳᑮᐐᒦᔑᒡ ᑳᑮᐅᒋᑳᒋᑎᓂᒡ X ᒋᓴᔅ᙮

ᐱᓬᐃᐱᔭᓇᒃ 3:3

ᑮᓇᐎᓐᑦ ᐅᔕ ᑭᑖᐎᒥᓐ ᑳᒦᓂᑰᐎᓯᔭᕽ ᑾᔭᒃ ᑭᑭᓇᐙᑕᔕᑫᔓᑰᐎᓂᕽ ᑳᐃᓀᑖᑾᒃ᙮ ᐋᓃᔥ ᑮᓇᐎᓐᑦ ᑭᑎᔑᐊᓇᒥᐁᑕᐙᓈᓐ ᑭᔐᒪᓂᑑ ᐁᐃᔑᑲᔥᑭᑑᐃᒥᓇᕽ ᐅᑕᒑᑾᓐ᙮ ᔑᑾ ᑭᑑᒋᒨᒋᑫᑖᒥᓐ ᐃᐌ ᐁᐐᒌᐎᓇᕽ X ᒋᓴᔅ᙮ ᑳᐐᓐ ᑲᓇᑫ ᑭᑕᐯᓂᒧᓄᑕᓰᒥᓐ ᑫᑰᓐ ᐗᑭᒋᓇᐤ ᐁᑕ ᐁᑑᒋᑳᑌᒃ᙮

ᐱᓬᐃᐱᔭᓇᒃ 3:8

ᑳᐐᓐ ᐃᓂᐌᓂᐗᓐ ᐁᑕ ᓂᑎᔑᓇᓰᓇᓐ, ᑲᑭᓇ ᑫᑰᓐ ᐋᓇᑑᑕᒫᓐ ᓂᑎᔑᓈᓐ ᒥᓯᐌ ᐁᑮᐗᓂᒋᑫᔮᓐ, ᓇᐗᒡ ᐃᑯ ᐁᐐᐊᔮᔮᓐ ᑫᑰᓐ ᒫᐗᒡ ᑳᐅᓂᔑᔑᕽ, ᒦ ᐃᐌ ᒋᑭᑫᓂᒪᒃ X ᒋᓴᔅ ᑳᑎᐯᓂᒥᒡ᙮ ᐐᓐ ᐁᐐᐊᔮᐗᒃ ᓂᑮᐅᒋᐌᐱᓈᓐ ᑲᑭᓇ᙮ ᒋᒥᒋᐌᐱᓂᑳᑌᒃ ᐁᑕ ᓂᑎᓇᑭᑖᓐ ᑲᑭᓇ, ᓇᐗᒡ ᐁᐐᐅᑎᓇᒃ ᐊᐊ X᙮

1 ᑌᓴᓬᐆᓂᔭᓇᒃ 1:1

ᓃᓇᐎᓐᑦ ᐅᐅᐌ ᓂᑑᔑᐲᐃᑲᓂᓈᓐ ᑆᓬ Paul, ᓵᐃᓬᐊᔅ Silas, ᑎᒪᑎ Timothy᙮ ᑭᑑᔑᐲᐊᒫᑰᒻ ᑮᓇᐙ ᐅᑌᐺᑕᒨᒃ ᑳᒫᐗᒋᐊᓇᒥᐋᔦᒃ ᐃᐃᒫ ᑌᓴᓬᐊᓇᐃᑳᐎ ᐆᑌᓈᕽ ᐁᔮᔦᒃ, ᒥᓂᒃ ᑳᐐᒌᐎᓀᒃ ᑭᔐᒪᓂᑑ ᑳᐅᔫᓯᒥᓐᒡ, ᑲᔦ ᑳᑎᐯᒋᑫᒡ ᒋᓴᔅ X᙮ ᑭᑲᐙᐸᑕᒧᐙᒻ ᐅᑭᔐᐙᑎᓯᐎᓐ, ᐅᐱᓵᓂᓯᐎᓐ ᑲᔦ᙮

1 ᑌᓴᓬᐆᓂᔭᓇᒃ 2:2

ᑲᔦ ᑭᑭᑫᓂᒥᓈᒻ ᐋᓃᓐ ᑳᐃᔑᐌᐱᓯᔮᕽ ᒋᑆ ᐱᐅᑎᓯᑰᔦᒃ, ᐌᑎ ᑳᑮᐃᔖᔮᕽ ᐱᓬᐃᐹᐃ Philippi ᐆᑌᓈᕽ, ᐃᐃᒫ ᑳᑮᐃᔑᑲᒀᑕᑭᐃᑰᔮᕽ, ᐁᑮᐊᑲᒋᐌᑖᑾᒃ ᑳᑑᑖᑰᔮᕽ᙮ ᐊᐲ ᑕᔥ ᐯᐅᑎᓯᑰᔦᒃ ᐃᐃᒫ ᑌᓴᓬᐊᓇᐃᑳᕽ Thessalonica, ᑫᔮᐱ ᓲᑭᑌᐁᐎᓐ ᓂᑮᒦᓂᑯᓈᓐ ᑭᔐᒪᓂᑑ᙮ ᐋᓇᐐᓐ ᐁᑮᑲᑴᐗᓂᔥᑴᐃᔭᒥᑣ ᓃᐱᐗᐞ ᐊᐎᔭᒃ, ᒫᓄ ᑭᑮᑭᒋᐐᑕᒫᑰᒻ ᑭᔐᒪᓂᑑ ᐅᒥᓍᒋᒧᐎᓐ᙮

2 ᑌᓴᓬᐆᓂᔭᓇᒃ 1:1

ᓃᓇᐎᓐᑦ ᐃᑯ ᓂᑑᔑᐲᐃᑲᓂᓈᓐ ᑆᓬ Paul, ᓯᓬᐯᓇᔅ Silvanus, ᑎᒪᑎ Timothy᙮ ᑮᓇᐙ ᑭᑑᔑᐲᐊᒫᑰᒻ ᑌᓴᓬᐊᓇᐃᑳᕽ Thessalonica ᑳᑕᔑᐊᓇᒥᐋᔦᒃ, ᐁᐐᒌᐎᓀᒃ ᑭᔐᒪᓂᑑ ᑳᐅᔫᓯᒪᕽ ᑲᔦ ᑳᑎᐯᒋᑫᒡ ᒋᓴᔅ X᙮

2 ᑌᓴᓬᐆᓂᔭᓇᒃ 1:10

ᒦ ᐃᐌ ᐊᐲ ᐁᔑᑮᔑᑲᒃ ᐁᐐᐲᔖᒡ ᑳᑎᐯᒋᑫᒡ ᐁᐐᑭᑕᑭᒥᑯᒡ ᐃᐃ ᐅᑾᔭᒀᑎᓰᒪᐞ ᑲᔦ ᐁᐐᒫᒪᑳᓯᓈᑯᒡ ᐃᐃ ᒥᓂᒃ ᑳᑌᐺᑖᑯᒡ᙮ ᑲᔦ ᑮᓇᐙ ᑭᑲᑕᑯᐊᔮᒻ ᐃᐃ ᐊᐲ, ᐋᓃᔥ ᑭᑮᑌᐺᑖᒻ ᓂᑎᐹᒋᒧᐎᓂᓈᓐ ᑳᑮᐐᑕᒫᑰᔦᒃ᙮

1 Timahti 1:2

ᑭᑑᔑᐲᐊᒪᐎᓐ ᑮᓐ ᑎᒪᑎ Timothy, ᑌᐺ ᐱᑯ ᑌᐺᔦᑕᒧᐎᓂᕽ ᐁᐅᒋᐅᑯᓯᓯᒥᓈᓐ᙮ ᔕᐌᑖᑯᓯᐎᓐ, ᑭᑎᒫᑭᓈᑰᐎᓐ, ᑯᔥᒀᐙᑌᑕᒧᐎᓐ ᑭᑲᐐᐅᒌᑕᒫᒃ ᑭᔐᒪᓂᑑ ᑳᐅᔫᓯᒥᓐᒡ, X ᒋᓴᔅ ᑲᔦ ᐁᑎᐯᓂᒥᓇᕽ᙮

1 Timahti 3:8

ᐃᑭ ᑕᔥ ᑲᔦ ᑳᐐᒋᑣᐙᒡ, ᐯᔑᑾᓐ ᐃᑯ ᑕᐃᔑᒥᓍᑎᓯᐗᒃ, ᐁᑳ ᒋᓂᑖ ᒥᓂᑴᓯᒀ ᔔᒥᓈᐳ, ᐁᑳ ᑲᔦ ᒋᐋᔅᑯᓈᑎᓯᓯᒀ,

Taitahs 1:1

ᓃᓐ ᑆᓬ Paul ᑭᔐᒪᓂᑑ ᐅᑕᓄᑮᐋᑲᓇᓐ, ᑲᔦ ᒋᓴᔅ X ᐅᑎᔑᓂᔕᐙᑲᓇᓐ᙮ ᓃᓐ ᓴ ᑲᔦ ᓂᑮᐅᓀᓂᒥᑰ, ᒋᐐᒋᑖᐗᒃ ᐅᑌᐺᑕᒧᐎᓂᐙᓐ ᐃᑭ ᐯᒫᑎᓯᐙᒡ ᑭᔐᒪᓂᑑᓐ ᑳᑎᐯᓂᒥᑯᐙᒡ, ᒋᑭᑫᑕᒧᐙᒡ ᑲᔦ ᑌᐺᐎᓂᓂ ᐃᐃᐌ ᐯᔑᑾᓐ ᑳᐃᓀᑖᑾᒃ ᑭᑕᓇᒥᐋᐎᓂᓈᓐ,

Taitahs 1:7

ᐊᐊ ᓴ ᑳᓃᑳᓂᑲᓇᐙᐸᑕᕽ ᐊᓇᒥᐋᐎᓐ, ᐃᔑᓈᑾᓂᓂ ᐐᑫ ᐱᑯ ᑫᑰᓂᓂ ᒋᐃᔑᐊᓈᒣᑖᑯᓯᓯᒃ᙮ ᐋᓃᔥ ᑭᔐᒪᓂᑑᓐ ᐅᑲᓇᐌᒋᑫᑕᒪᐙᓐ᙮ ᑳᐐᓐ ᑲᔦ ᐐᓐ ᐁᑕ ᑯ ᑕᐃᔥᐯᓂᑎᓱᓰ, ᑳᐐᓐ ᑲᔦ ᒋᐗᑫᐎᑭᑖᓱᒡ, ᑳᐐᓐ ᑲᔦ ᒋᓂᑖᒥᓂᑴᒡ᙮ ᑳᐐᓐ ᑲᔦ ᒋᐋᒀᑎᓯᒡ, ᑳᐐᓐ ᑲᔦ ᒋᓵᑭᐋᒡ ᔔᓂᔮᓐ᙮

ᐹᐃᓬᐄᒪᓐ 1:1

ᓃᓐ ᑆᓬ Paul, ᑳᐅᒋ ᑭᐸᐅᑰᔮᓐ X ᒋᓴᔅ᙮ ᓂᐐᒌᐙ ᑎᒪᑎ Timothy ᑮᒋᑭᐌᓯᓈᓐ᙮ ᑭᑑᔑᐲᐊᒫᑰ ᑮᓐ ᐹᐃᓬᐄᒪᓐ Philemon ᑳᓵᑭ ᐐᒌᐎᑰᔭᓐ ᓂᐐᑕᓄᑮᒫᑲᓂᓈᓐ᙮

ᐄᐸᕒᐆᐗᒃ 13:23

ᑭᓇᑕᐌᓂᒥᓂᓂᒻ ᐃᑕᔥ ᒋᑭᑫᑕᒣᒃ, ᑮᑕᓇᒥᐋᓈᓐ ᑎᒪᑎ Timothy ᐁᑮᓵᑲᐊᕽ ᐃᐃᒫ ᑭᐸᐅᑏᐎᑲᒥᑯᕽ᙮ ᑮᔥᐱᓐ ᐃᑕᔥ ᐐᐸ ᐲᔖᒡ ᓂᑲᐱᐐᒌᐙ ᐊᐲ ᐊᑕᐙᐸᒥᓇᑰᒃ᙮

Ciimis 1:1

ᓃᓐ ᒌᒥᔅ James ᑭᔐᒪᓂᑑ ᐅᑕᓄᑮᐋᑲᓇᓐ, ᐊᐊ ᑲᔦ ᑳᑎᐯᒋᑫᒡ ᒋᓴᔅ X᙮ ᑲᑭᓇ ᑭᐴᔔᐃᓂᓂᒻ ᑳᒥᑖᔑ ᓃᔗᐙᓇᑭᓯᔦᒃ ᐃᔅᕒᐃᔭᓬᐊᒃ Israel ᐁᔮᔦᒃ ᒥᓯᐌ ᐯᐸᑳᓐ ᐊᑮᕽ᙮

1 Piitar 2:25

ᑖᐱᔥᑰ ᒫᓇᒑᓂᔕᒃ ᑳᑮᐗᓂᔑᓄᐙᒡ ᑭᑮᐃᔑᓈᑯᓯᒻ, ᐋᔕ ᑕᔥ ᓅᑯᒻ ᑭᑮᐱ ᐊᔐᑮᐌᐎᓂᑰᒻ ᒋᐱᒥᓂᔕᐌᒃ ᐅᑲᓇᐎᒫᓇᒑᓂᔑᐌ ᑳᐃᓂᓐᒡ, ᑳᑲᓇᐌᑕᕽ ᑭᐱᒫᑎᓯᐎᓂᐙᓐ᙮

2 Piitar 1:1

ᓃᓐ ᓵᔨᒪᓐ ᐲᑕᕒ Simon Peter, ᒋᓴᔅ X ᐅᑕᓄᑮᐋᑲᓇᓐ, ᐅᑎᔑᓂᔕᐙᑲᓇᓐ ᑲᔦ᙮ ᑭᑑᔑᐲᐊᒪᐎᓂᓂᒻ ᑮᓇᐙ ᑳᑮᑌᐱᓇᒣᒃ ᑌᐺᔦᑕᒧᐎᓐ ᐯᔑᑾᓐ ᑳᑭᑕᑭᑌᒃ ᑖᐱᔥᑰ ᓃᓇᐎᓐᑦ ᑎᓄ ᑳᐊᔮᐗᑭᒡ, ᑳᑮᐅᒋᑌᐱᓇᒣᒃ ᐅᑾᔭᒀᑎᓯᐎᓂᕽ ᑭᑭᔐᒪᓂᑑᒥᓈᓐ, ᑭᐱᒫᒋᐃᐌᒥᓈᓐ ᑲᔦ ᒋᓴᔅ X᙮

Coot 1:1

ᓃᓐ ᒎᑦ Jude ᒋᓴᔅ X ᐅᑕᓄᑮᐋᑲᓇᓐ᙮ ᒌᒥᔅ James ᐃᔑᓂᑳᓱ ᓃᒋᑭᐌᓯ᙮ ᑭᑑᔑᐲᐊᒪᐎᓂᓂᒻ ᑲᑭᓇ ᑮᓇᐙ ᑳᔭᑐᒥᓀᒃ, ᑳᓵᑭᐃᓀᒃ ᑲᔦ ᑭᔐᒪᓂᑑ ᑳᐅᔫᓯᒥᓐᒡ, ᒋᓴᔅ X ᐃᑕᔥ ᑳᑲᓇᐌᓂᒥᓀᒃ᙮

ᑭᑫᑕᒨᔑᐌᐎᓐ 1:1

ᐅᑭᑫᑕᒨᔑᐌᐎᓐ ᒋᓴᔅ X ᑭᔐᒪᓂᑑᓐ ᑳᑮᒦᓂᑯᒡ ᒋᐙᐸᑕᐋᒡ ᐅᑕᓄᑮᐋᑲᓇᐞ ᐐᐸ ᑫᓂ ᐃᔑᐌᐸᓂᓂᒃ᙮ ᐅᑌᒐᓬᐃᒪᓐ ᐅᑮᐱᓈᔑᓂᔕᐙᓐ ᐁᑮᑭᑫᑕᒨᓈᓂᒡ ᐅᑕᓄᑮᐋᑲᓇᓐ ᒞᓇᓐ John᙮

ᑭᑫᑕᒨᔑᐌᐎᓐ 1:20

ᑭᑭᑫᑕᒨᓂᓐ ᐃᐌ ᐁᓀᑖᑯᓯᐙᒡ ᐅᑯ ᓃᔣᓱ 7 ᐗᓇᑯᔕᒃ ᑳᑮᐙᐸᒪᑣ ᓂᑭᒋᓂᑭᕽ ᐁᐊᐱᐙᒡ, ᑲᔦ ᐃᓂ ᓃᔣᓱ ᐅᓵᐎ ᔔᓂᔮᐎ ᐙᓴᑯᓀᒋᑲᓈᑎᑰᓐ, ᐃᐃᐌ ᑳᑳᒋᑳᑌᒃ᙮ ᐅᑯ ᓃᔣᓱ ᐗᓇᑯᔕᒃ, ᒦᐗᐞ ᐅᑌᒐᓬᐃᒥᐙᐞ ᐅᑌᐺᑕᒨᒃ ᑳᑕᔑᒫᐗᒋᐊᓇᒥᐋᐙᒡ ᑳᓃᔣᒋᑭᓐ ᐆᑌᓇᐗᓐ᙮ ᐃᓂ ᑲᔦ ᓃᔣᓱ ᐙᓴᑯᓀᒋᑲᓈᑎᑰᓐ, ᒦᐗᑭᑭ ᐅᑌᐺᑕᒨᒃ ᐁᓃᔣᒋᑭᓐ ᐯᐸᑳᓐ ᑳᐃᔑᒫᒫᐗᒋᐃᑎᐙᒡ᙮

ᑭᑫᑕᒨᔑᐌᐎᓐ 19:10

ᒦᑕᔥ ᓂᑮᐊᒋᒋᐸᓂᐅᐙᓐ ᐅᓯᑎᕽ ᐊᐊ ᐁᒐᓬ ᐁᐐᐃᔥᐯᓂᒪᒃ᙮ ᒦᔥ ᐃᐃ ᓂᑮᑲᓅᓂᒃ: ᑫᑯ ᐃ ᑑᑕᑫᓐ! ᓃᓐ ᑭᐐᑕᓄᑮᒫᑲᓐ ᑲᔦ ᐅᐐᑕᓄᑮᒫᑲᓂᐙᓐ ᑭᐐᒋᐅᑌᐺᑕᒨᒃ, ᒦᐗᑯᑯ ᑳᑭᒋᐎᓇᒧᐙᒡ ᒋᓴᔅ ᐅᑌᐺᐎ ᑎᐹᒋᒧᐎᓐ᙮ ᑭᔐᒪᓂᑑ ᐁᑕ ᐃᔥᐯᓂᒻ! ᐋᓃᔥ ᐅᑎᐹᒋᒧᐎᓐ ᒋᓴᔅ ᒦ ᐃᐌ ᐁᔑᑮᑭᑐᐙᒡ ᑲᑭᓇ ᑳᑲᓅᑕᒪᐙᐙᒡ ᑭᔐᒪᓂᑑᓐ᙮

ᑭᑫᑕᒨᔑᐌᐎᓐ 2:12

ᐃᓂ ᑲᔦ ᐅᑌᒐᓬᐃᒥᐙᓐ ᐅᑌᐺᑕᒨᒃ ᑳᒫᒪᐎᐊᓇᒥᐋᐙᒡ ᐃᒫ ᐸᕒᑲᒪᒦᕽ Pergamum, ᐅᐅᐌ ᐅᔑᐲᐊᒪᐤ: ᐅᐅ ᐃᑭᑐ ᐊᐊ ᑳᐊᔮᒡ ᑳᐄᑕᐎᑳᔖᓂᒃ ᑭᒋᒨᑯᒫᓐ:

ᑭᑫᑕᒨᔑᐌᐎᓐ 2:8

ᐃᓂ ᑕᔥ ᒦᓇᐙ ᐅᑌᒐᓬᐃᒥᐙᓐ ᐅᑌᐺᑕᒨᒃ ᓯᒥᕒᓈᕽ Smyrna ᑳᐃᔑᒫᐗᒋᐃᑎᐙᒡ ᐅᔑᐲᐊᒪᐤ: ᐅᐌ ᐃᑭᑐ ᐊᐌ ᓂᑕᒻ ᑳᑮᐊᔮᒡ ᒦᓇᐙ ᐃᔥᒀᒡ ᑫᐊᔮᒡ, ᐊᐊᐌ ᑳᑮᓂᐳᒡ, ᒦᓇᐙ ᑕᔥ ᑳᑮᑮᐌᐱᒫᑎᓯᒡ:

ᑭᑫᑕᒨᔑᐌᐎᓐ 22:9

ᓂᑮᐃᒃ ᐃᑕᔥ: ᑫᑯ ᐃ ᑑᑕᑫᓐ! ᓃᓐ ᐊ ᐯᔑᒃ ᑭᐐᒋᐊᓄᑮᒫᑲᓐ ᑲᔦ ᐅᐐᑕᓄᑮᒫᑲᓂᐙᓐ ᐃᑭ ᑮᒋᑭᐌᔭᒃ, ᒦᐗᒃ ᐃᑭ ᑭᔐᒪᓂᑑ ᐅᑎᐹᒋᒧᐎᓂᓃᒪᐞ ᑳᑲᓅᑕᒫᑯᒡ, ᑲᔦ ᑲᑭᓇ ᐊᐎᔭ ᑳᑲᓇᐌᑕᕽ ᐃᓂ ᐃᑭᑐᐎᓇᓐ ᐅᐅᒫ ᒪᓯᓇᐃᑲᓂᕽ ᑳᐊᔮᑭᓐ᙮ ᑭᒋ ᐃᓀᓂᒻ ᑭᔐᒪᓂᑑ, ᒦ ᐁᑕ ᐊᐌ᙮