ᐱᓬᐃᐱᔭᓇᒃ 4:3 - Ojibwe Kihcimasina'ikan

³ Kaye kiin niwiitanohkiimaakan, kaakwayahkwentaakosiyan, wiici' oko ihkwewak. Enikohk ninkii'wiitanohkiimikook cimaaciishkaanik i'i minwaacimowin. Kaye okii'wiitanohkiimaawaan ini Kalemantan (Clement) kaye ini kotak niwiitanohkiimaakana', iniweniwa' owiinsowinini kaa‑ayaanikin i'imaa omasina'ikanink Kishemanitoo kaaishioshipii'waatc awenena' kaakii'miinaatc pimaatisiwin.

ᐅᒋᐺ ᑭᒋᒪᓯᓇᐃᑲᓐ

³ ᑲᔦ ᑮᓐ ᓂᐐᑕᓄᑮᒫᑲᓐ, ᑳᑾᔭᑴᑖᑯᓯᔭᓐ, ᐐᒋᐞ ᐅᑯ ᐃᑴᐗᒃ᙮ ᐁᓂᑯᒃ ᓂᑮᐐᑕᓄᑮᒥᑰᒃ ᒋᒫᒌᔥᑳᓂᒃ ᐃᐃ ᒥᓍᒋᒧᐎᓐ᙮ ᑲᔦ ᐅᑮᐐᑕᓄᑮᒫᐙᓐ ᐃᓂ ᑲᓬᐁᒪᑕᓐ Clement ᑲᔦ ᐃᓂ ᑯᑕᒃ ᓂᐐᑕᓄᑮᒫᑲᓇᐞ, ᐃᓂᐌᓂᐗᐞ ᐅᐐᓱᐎᓂᓂ ᑳᐊᔮᓂᑭᓐ ᐃᐃᒫ ᐅᒪᓯᓇᐃᑲᓂᕽ ᑭᔐᒪᓂᑑ ᑳᐃᔑᐅᔑᐲᐙᒡ ᐊᐌᓀᓇᐞ ᑳᑮᒦᓈᒡ ᐱᒫᑎᓯᐎᓐ᙮

ᐱᓬᐃᐱᔭᓇᒃ 4:3 Cross References

Ekihsatahs 32:32

Taka tahsh poonentamaw i'i kaakii ishi maci'ishihcikewaatc, kiishpin tahsh wiih⁠poonentamawaahsiwatwaa, kaahsiipii'an hsa niin niwiinsowin i'imaa kaashi oshipii'watwaa kipimaatisiimak,” okii'inaan.

Taaniyoo 12:1

“Miitahsh i'i ahpii a'a kaa⁠niikaanentaakositc encal Maaikal (Michael) enintc kaa⁠kanawenimaatc kipimaatisiima' ke⁠naakositc. Wiinke hsa ko ta⁠kihci maanshihsenaaniwan i'i ahpii, wiihkaa otaanaank pemi ishiwepahsinok. Miitahsh noonkom payesh i'i ci‑ishiwepahk. I'i hsa ahpii ishihsek kipimaatisiimak, entahshiwaatc kaye weshipii'ikaatenikin owiinsowiniwaan i'imaa masina'ikanink, ta⁠pimaaci'aawak.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 10:20

Keko tahsh wiin onci ciihkentankek ehpisintawinekwaa maciahcaahkwak, nawac onci minwentamok kiwiinsowiniwaan e'⁠oshi'pii'ikaatekin kihcikiishikonk.”

ᐅᕒᐆᒪᓇᒃ 12:1

Miitahsh niiciotepwehtamook, Kishemanitoo e'wenootaninik okoohpaasinaakewin, kikakaansomininim cipakitinitisoyek enaahsamiitc Kishemanitoo. I'i hsa kaapimaatahk pakitinikewin ci‑ishinaakosiyek, wiin ehta ko eshionahtamaasoyek ciaapaci'inek anohkiihtawek, miitahsh i'iweni kaaminwaapantank Kishemanitoo. Mii hsa tahsh i'i tepwe kwayahk anami'aawin kemiinekipan Kishemanitoo.

ᐅᕒᐆᒪᓇᒃ 16:12

Nimpooshoo'aa kaye Caraaihpiina (Tryphena), Caraaihpoohsa (Tryphosa) kaye, kaakiihkihcianohkiihtawaawaatc kaaTipencikenitc. Nimpooshoo'aa kaye a'a ihkwe Parhsihs (Persis) kaaishinihkaasotc, kaasaaki'ak, kaakiihkihcianohkiihtawaatc kaaTipencikenitc.

ᐅᕒᐆᒪᓇᒃ 16:9

Nimpooshoo'aa kaye Orpenahs (Urbanus) niwiitanohkiimaakaninaan e'anohkiihtawankitc Christ. A'a kaye Istehkihs (Stachys) kaasaaki'ak.

ᐱᓬᐃᐱᔭᓇᒃ 1:12

Niiciotepwehtamook, kinantawenimininim cikihkentamek 'owe kaapi‑ishihseyaan, mii 'imaa keyaapi wencinikihkentaakwahk i'i minwaacimowin.

ᐱᓬᐃᐱᔭᓇᒃ 1:16

Okoweniwak saaki'iwewinink ishihcikewak. Okihkentaanaawaa Kishemanitoo ekii'inanohkii'itc cikanoocikehtamawaatamaan i'i minwaacimowin.

ᐱᓬᐃᐱᔭᓇᒃ 1:27

O'owe ehta kitinininim: ishipimaatisiyok cipeshikonaakwahk eshiayaanik ominwaacimowin a'a Christ. Miihsh kiishpin ishaayaan ciwaapaminakook, kiishpin kaye waapamihsinowinakook, ninkanoontaan eshiayaayek, keyaapi ehsoonkikaapawiyek peshikwan iko maamaw e'inentamek, peshikwan ehta kinantawentamowiniwaank enikohk cimaamawi⁠wiici'itiyek, ehkakwemaacaahtooyek i'i tepwewin kaaishitepwehtamank 'iwe kaaishinoontamank minwaacimowinink.

ᐱᓬᐃᐱᔭᓇᒃ 1:5

onci 'iwe kaapi‑ishiwiici'iweyek ehpimiwiincikaatek minwaacimowin, nihtam iko ekii'maaciiotaahpinamek piinihsh iko noonkom.

ᐱᓬᐃᐱᔭᓇᒃ 1:7

Kwayahkwan ihsa 'owe ci‑ineniminakook, mooshak ehtaneniminakook ninte'ink. Aaniihsh kahkina kaatahshiyek kikiihpi‑ishiwiici'iwem nimiinikoowisiwinink kaaishipakitinamawitc Kishemanitoo, aaniihsh noonkom ehkipa'okooyaan kaye otaanaank mekwaa ekiihpiniskwesiyaan ekiihkanoocikehtamawaatamaan i'i minwaacimowin ekiihpimiaayiitahtooyaan, mooshak kikiihpiwiitoohkawim.

ᐱᓬᐃᐱᔭᓇᒃ 4:2

Shikwa kiin Yo'ootiya (Euodia), kaye kiin Sintihki (Syntyche), kikakaansomikoom: kakwepeshikwentamok, mii 'i ishiwiiciiwihk kaaTipenciketc.

ᑲᓬᐋᔑᔭᓇᒃ 1:7

A'a tahsh kaashawenimankitc niwiitanohkiimaakaninaan Ehpahparahs (Epaphras) kikiihkihkino'amaakowaa Kishemanitoon okishewaatisiwinini. Aahpici tahsh weweni tepweyentaakosi e'anohkiihtawaatc Christan kiinawaa onci.

ᑭᑫᑕᒨᔑᐌᐎᓐ 13:8

Kahkina 'imaa ahkiink kaa‑ayaawaatc okaociciinkwaniihtawaawaan ini pikwaciaya'aawihshan. Ikiweniwak ehta kaaoshipii'ikaasowaatc pimatisiwinimasina'ikanink, kaawiin taishihcikehsiiwak. 'Awe aaniihsh Maanahcaanihshenhs kaakii'nihsintc otipentaan masina'ikan i'imaa kaaishioshipii'ikaasowaatc awenena' pishihshik kepimaatisiwaatc. Aasha kii'oshipii'waawak cipwaa oshihcikaatek ahki. Amiiwak ehta oko kaawiin okaociciinwaniihtawaahsiiwaawaan ini pikwaciaya'aawihsan.

ᑭᑫᑕᒨᔑᐌᐎᓐ 17:8

'Awe aya'aawihsh kaakii'waapamatc, aapitink kii'ayaa, kaawiin tahsh noonkom ayaahsii. Miinawaa 'imaa tapioncimoohkishkaa kaaishiwiimpahkamikaanik i'iwe kaamishahkiiyaahsinok. Tani‑ishaa tahsh i'imaa keshinihshiwanaaci'intc. Iki tahsh 'imaa ahkiink kaa‑ayaawaatc okamaamahkaasinawaawaan ini aya'aawihshan. Amiiwak ihsa iki owiinsowiniwaan kaakii'oshipii'ikaatehsininikin i'imaa masina'ikanink kaaishioshipii'ontwaa ikiweniwak tepwe kaa‑ayaawaatc pimaatisiwin, cipwaa onahcikaatek o'o ahki ekii'oshipii'ikaatek i'i masina'ikan. A'awe tahsh pikwaciaya'aawihsh aapitink kii'ayaa. Kaawiin noonkom keyaapi ayaahsii. Miinawaa tahsh inkotink taoncinaakosi.

ᑭᑫᑕᒨᔑᐌᐎᓐ 20:12

Ninkii'waapamaak onipook kahkina e'niipawiwaatc. Kaakihci‑inentaakosiwaatc kaye kaa‑akaahsentaakosiwaatc kahkina okii'oncishkawikaapawiihtaanaawaa 'i kihciapiwin. Kiihpaahkiikinikaatewan tahsh masina'ikanan. Kaye kotak miinawaa masina'ikan kiihpaahkiikinikaate. Mii 'owe masina'ikan kaaishioshipii'ontwaa tepwe kaa‑ayaawaatc pimaatisiwin. Onipook itahsh kii'onci tipaahkonaawak i'iwe onci kaaoshipii'ikaatenikin masina'ikanihkaank, mii 'imaa eshiahtenikin otishihcikewiniwaan.

ᑭᑫᑕᒨᔑᐌᐎᓐ 20:15

Awenen itahsh iko ekaa e'oshipii'waahsiwintc 'imaa masina'ikanink iki tepwe kaapimaatisiwaatc kaaishipii'ontwaa, mii 'imaa kii'ishiwepinaa ishkotewisaaka'ikaniink.

ᑭᑫᑕᒨᔑᐌᐎᓐ 21:27

Kaawiin tahsh kekoon tapiintikacikaatehsinoon 'iwe kaawiinentaakwahk, kaawiin kaye tapiintikehsii kaatootank i'i kaashiinkentaakwahk kaye kaakiiwanimotc. Iki ehta kaaoshipii'ikaasowaatc i'imaa omasina'ikanink a'a Maanahcaanihshenhs kaaishioshipii'ontwaa ahpane piko kepimaatisiwaatc, miiwak ehta kepiintikewaatc i'imaa ootenaank.

ᑭᑫᑕᒨᔑᐌᐎᓐ 3:5

Awenen iko kepahkinaaketc mii 'iwe keishihkonayetc: tawaapishkaaniwan okikishkikanan. Kaawiin kaye ninkakaahsi'amawaahsiin imaa masina'ikanink kaaoshipii'ikaasowaatc oko tepwe kaapimaatisiwaatc. Miiwak itahsh oko kewaawiinakwaa ehtipenimakwaa, i'imaa enaahsamiinitc ninTeten, i'i kaye kaaishiayaanitc ninTeten otencalimini ninkawaawiinaak.