ᐱᓬᐃᐱᔭᓇᒃ 4:1 - Ojibwe Kihcimasina'ikan

¹ Niwiiciotepwehtamook! Kiinawaa kaasaaki'inakook, aahpici kinantawenimininim, aahpici kiminwentami'im, aahpici kiwaawishenimininim. Siyaaki'inakook, mii 'owe ishisoonkikaapawik i'iwe kaapi‑ininakook ciani‑ishiwiiciiwek kaaTipenciketc.

ᐅᒋᐺ ᑭᒋᒪᓯᓇᐃᑲᓐ

¹ ᓂᐐᒋᐅᑌᐺᑕᒨᒃ! ᑮᓇᐙ ᑳᓵᑭᐃᓇᑰᒃ, ᐋᐱᒋ ᑭᓇᑕᐌᓂᒥᓂᓂᒻ, ᐋᐱᒋ ᑭᒥᓉᑕᒥᐃᒻ, ᐋᐱᒋ ᑭᐙᐎᔐᓂᒥᓂᓂᒻ᙮ ᓯᔮᑭᐃᓇᑰᒃ, ᒦ ᐅᐌ ᐃᔑᓲᑭᑳᐸᐎᒃ ᐃᐃᐌ ᑳᐱ ᐃᓂᓇᑰᒃ ᒋᐊᓂ ᐃᔑᐐᒌᐌᒃ ᑳᑎᐯᒋᑫᒡ᙮

ᐱᓬᐃᐱᔭᓇᒃ 4:1 Cross References

Coop 31:36

Kehcinaac hsa nintinimaakanink nintaa papaa naapishkaan, nihtikwaanink kaye nintaa kikishkaan ci‑inwaatamaampaan kihciokimaawaanohkwaanink.

Nikamonan 27:14

Ahpenimonotawihk kaaTipenciketc, mashkawisiik, mashkawentamook kite'iwaank; tepwe ahpenimonotawihk kaaTipenciketc.

Maahtiyo 10:22

Kahkina awiyak kika shiinkenimikowaak niin onci eh⁠tipeniminakook. A'a tahsh ke⁠mashkawentank eh⁠pakiciihsik, piinihsh weti kahkina kekoon kii‑ishkwaahsenik, mii 'awe ke⁠pimaaci'intc.

Cwaan 8:31

Okii'inaa' i'i Coowa' kaatepweyenimikotc: “Kiishpin 'iwe anitootamek ninkihkino'amaakewin, mii 'iwe tepwe kikaokihkino'amawaakanimininim.

ᐃᔑᒋᑫᐎᓇᓐ 11:23

Ahpii tahsh Paarnapahs ehtakohshink okii waapamaa' otepwehtamoo' ekiih shawenimikonitc Kishemanitoon. Wiinke tahsh kiihciihkentam ekii'-ayaankwaamimaatc kaye mooshak iko tepwe cipiminisha'waanitc Kishemanitoon.

ᐃᔑᒋᑫᐎᓇᓐ 14:22

Miitahsh i'imaa kaahtashi wiiciiwaawaatc otepwehtamoo' keyaapi cimashkawentaminitc, cipakiciihsinik i'i kaakii'ishi tepwehtaminitc ekii'-ihkitowaatc: “Oncitako ishinaakwan niipiwa' wahsitaawihsewin cinakishkamank wiihpiintikeyank Kishemanitoo Otipencikewin.”

ᐃᔑᒋᑫᐎᓇᓐ 2:42

Miitahsh iko mooshak i'imaa kaa ayaanitc ekiih pisintaminitc eshi kihkinoamaakewaatc ishinisha'waakanak. Ekii'ishi wiitoohkaasonitc itahsh kaye eshi wiihsininaaniwaninik pehkihsh ekii'-anami'enaaniwaninik.

ᐅᕒᐆᒪᓇᒃ 2:7

Aaninta shashiipentamook ehkakweminohcikewaatc. Miiwan itahsh ono entone'amowaatc minwakinsowin, cikakweminwaacimikowaatc Kishemanitoon, kaye kenihshiwanaatahsininik pimaatisiwin cimiinikowaatc. Wiinawaa ko tamiinikoowisiwak pimaatisiwin wiihkaa kepoonihsehsininik.

1 ᑲᕒᐃᑎᔭᓇᒃ 15:58

Haw ihsa niiciotepwehtamook kaasaaki'inakook! Soonkikaapawik, keko kekoon kikawahkawii'ikohsiim, mooshak hsa ciwenoocianohkiihtawek a'a kaaTipenciketc. Kikihkentaanaawaa ohsha ekaa anihshaa e'anohkiihtawaahsiwek kaaTipenciketc.

1 ᑲᕒᐃᑎᔭᓇᒃ 16:13

Ahshawaapiyohk, mashkawikaapawiyohk tepwehtamowinink, ahpane cisoonki‑ininiiwiyek. Mashkawisiik!

2 ᑲᕒᐃᑎᔭᓇᒃ 1:14

Aanawiin pankii ehta e'nihsitohtawiyaank, kiinawaa ohsha cishikihci‑inenimiyaank taapishkoo keshikihci‑inenimikooyek ahpii Ciisahs kaaTipenciketc pitakohshink.

ᑲᓬᐁᔑᔭᓇᒃ 5:1

Christ hsa kikii'aapa'okonaan ekaa miinawaa citipenimikohsiwank Onahshowewin. Mashkawikaapawik itahsh i'imaa kaakii'ishiaapa'okooyek. Keko miinawaa pakitinitisohkek citipenimikoyek Onahshowewin.

ᐱᓬᐃᐱᔭᓇᒃ 1:27

O'owe ehta kitinininim: ishipimaatisiyok cipeshikonaakwahk eshiayaanik ominwaacimowin a'a Christ. Miihsh kiishpin ishaayaan ciwaapaminakook, kiishpin kaye waapamihsinowinakook, ninkanoontaan eshiayaayek, keyaapi ehsoonkikaapawiyek peshikwan iko maamaw e'inentamek, peshikwan ehta kinantawentamowiniwaank enikohk cimaamawi⁠wiici'itiyek, ehkakwemaacaahtooyek i'i tepwewin kaaishitepwehtamank 'iwe kaaishinoontamank minwaacimowinink.

ᐱᓬᐃᐱᔭᓇᒃ 1:8

Kishemanitoo nintaatipaacimik aahpici ko ewii'waapaminakook. I'imaa wiin Christ Ciisahs osaaki'iwewinink onciimakanini o'o kaaineniminakook.

ᐱᓬᐃᐱᔭᓇᒃ 2:16

kaye e'niiminamawekwaa i'i tipaacimowin keoncipimaatisiwaatc. Kiishpin tepwe o'owe ishihcikeyek kikaonciwaawishenimininim ahpii okiishikaamitc Christ. Taishikihkentaakwan 'i ahpii ekaa anihshaa ekiihpimanohkiihsiwaan kaye anihshaa ekii'oncicaakii'itisohsiwaan.

ᐱᓬᐃᐱᔭᓇᒃ 2:26

Aahpici onantawentaan ciwaapaminek. Kaye kii'mikoshkaatentam ehkihkentank ekii'noontamek e'aahkosihpan.

ᑲᓬᐋᔑᔭᓇᒃ 4:12

Ehpahparahs (Epaphras) itahsh kewiin kipooshoo'ikowaa, aaniihsh kewiin mii weti kaaishimaawaci'itiyek wencitipentaakositc, Christ Ciisahsoon itahsh kaye e'anohkiihtawaatc. Mooshak itahsh kewiin oncikakwaatakanohkii'itiso e'anami'ehtamawinek cimashkawikaapawiyek, cikiishaapewiwek, kehcinaac cikehcinaa'owek kaaishitepwehtamowek, wiinke piko cina'ihtamowek Kishemanitoo kaaishimihsawentank.

1 ᑌᓴᓬᐆᓂᔭᓇᒃ 3:13

Piinihsh cimashkawisii'inek kite'iwaank, ekaa kekoon ci‑ishiayaahsiwek, Kishemanitoonaank ehta cionciaapatisiyek, mii 'iwe ci‑inaatisiyek paanimaa inaahsamikaapawiihtawek Kishemanitoo Kaaoyoohsimank, ahpii pitakohshink kaaTipeniminank Ciisahs – minihk itahsh iko kaaTipenimaatc okapiwiiciiwaa' i'i ahpii.

2 ᑌᓴᓬᐆᓂᔭᓇᒃ 2:15

Haw, kaawiiciotepwehtamoomikooyek! Aayiicikaapawik, minciminamok kahkina kaakii'aanihke⁠kihkino'amaakooyek, minihk hsa ko kaahpisintawiyaank kayehsh kaa'ishipii'amaakooyek.

2 Timahti 2:1

Ninkosihs, kitinin o'owe, kikawii'ishi⁠mashkawisii i'i oshawencikewin kaamiinihk Christ Ciisahs ehkikishkawatc.

ᐄᐸᕒᐆᐗᒃ 10:23

Taka tahsh aayiiciminciminantaa i'i kaawiintamank kitahpenimowininaan, aaniihsh kitepwehtawaanaan Kishemanitoo citootank otahshotamaakewin.

ᐄᐸᕒᐆᐗᒃ 3:14

Aaniihsh kiwiiciiwaanaan Christ, kiishpin ehta mashkawiminciminamank i'i kikehcinaa'owininaan nihtam kaakii'ayaayank, piinihsh weti ishkwaac kiishikahk.

ᐄᐸᕒᐆᐗᒃ 4:14

Taka tahsh aayiiciminciminantaa i'i kitepwehtamowininaan kaawiintamank. Aaniihsh kitayaawaanaan ehkihci‑inentaakositc Maawac kiKihcianami'ewikimaaminaan ishikwayahk ekii'ishaatc Kishemanitoon kaaishiayaanitc. Mii hsa a'a Ciisahs Kishemanitoo oKosihsan.

2 Piitar 3:17

Kiinawaa tahsh kaasaki'inakook! Aasha ehkihkentamek ono, ayaankwaamisik citako wanihshimihsinowekwaa kaaishiwayeshintisowaatc kaamaci ishiwepisiwaatc, cionci pankishinsiwek i'imaa kaaishi aayiicikaapawiyek.