ᐱᓬᐃᐱᔭᓇᒃ 3:3 - Ojibwe Kihcimasina'ikan

³ Kiinawint ohsha kitaawimin kaamiinikoowisiyank kwayahk kihkinawaatashakeshokoowinink kaainentaakwahk. Aaniihsh kiinawint kitishianami'ehtawaanaan Kishemanitoo e'ishikashkihtoo'iminank otAhcaahkwan. Shikwa kitooncimoocikentaamin 'iwe e'wiiciiwinank Christ Ciisahs. Kaawiin kanake kitahpenimonotansiimin kekoon wakicinaw ehta ehtoocikaatek.

ᐅᒋᐺ ᑭᒋᒪᓯᓇᐃᑲᓐ

³ ᑮᓇᐎᓐᑦ ᐅᔕ ᑭᑖᐎᒥᓐ ᑳᒦᓂᑰᐎᓯᔭᕽ ᑾᔭᒃ ᑭᑭᓇᐙᑕᔕᑫᔓᑰᐎᓂᕽ ᑳᐃᓀᑖᑾᒃ᙮ ᐋᓃᔥ ᑮᓇᐎᓐᑦ ᑭᑎᔑᐊᓇᒥᐁᑕᐙᓈᓐ ᑭᔐᒪᓂᑑ ᐁᐃᔑᑲᔥᑭᑑᐃᒥᓇᕽ ᐅᑕᒑᑾᓐ᙮ ᔑᑾ ᑭᑑᒋᒨᒋᑫᑖᒥᓐ ᐃᐌ ᐁᐐᒌᐎᓇᕽ X ᒋᓴᔅ᙮ ᑳᐐᓐ ᑲᓇᑫ ᑭᑕᐯᓂᒧᓄᑕᓰᒥᓐ ᑫᑰᓐ ᐗᑭᒋᓇᐤ ᐁᑕ ᐁᑑᒋᑳᑌᒃ᙮

ᐱᓬᐃᐱᔭᓇᒃ 3:3 Cross References

Aaiseya 45:25

Niin hsa kaaTipencikeyaan ninka tootawaak hsa Cekapoonk wentahkaanesiwaatc ci⁠kwayahkwaatisiwaatc mii ke⁠onci miikwehciwenimiwaatc.

Ceramaaya 4:4

Kihkinawaaci'itisok, kihkinawaacihtook kaye kite'iwan eh⁠pakitinintisoyek eshi'ayaatc kaaTipenciketc kiinawaa pemaatisiyek eyaayek Coota ahkiink, Ceroosalamink kaye. Kiishpin itahsh i'i ishihcikehsiwek, mii hsa 'i ninishkaatisiwin ishkotenk enentaakwahk ci⁠kihkentaakwahk, onsaam aaniihsh noociko kipi ishihcikem. Kaawiin itahsh awiya oka aahtawe'ansiin.”

Maalahkaai 1:11

Eshi ayaawaatc kotak kaa⁠pimaatisiwaatc kaa⁠onci moohka'ank kiisihs, piinihsh kaanishi pankihshimotc niwiinsowin ta⁠kihci inentaakwan. Misiwe kaye ninka minaahsamaakoo niwiinsowin onci, ninka pakitinamaakoo kaye ke⁠minwaapantamaan pakitinaahsowin. Aahpici hsa ta⁠kihci inentaakwan niwiinsowin mekweya'ii eshi'ayaawaatc pehkaanwewaanakisiwaatc pemaatisiwaatc.

ᐅᕒᐆᒪᓇᒃ 1:9

Kishemanitoo nintaa⁠tipaacimik ehtepwewak. Mii a'awe enikohkote'eyaan kaashianohkawak e'wiintamaakeyaan eshiminwaacimimintc oKosihsan. Kishemanitoo ninkihkenimik mooshak e'maamihkweniminakook

ᐅᕒᐆᒪᓇᒃ 15:17

O'o tahsh kaashiwiiciiwak Christ Ciisahs, tepwe hsa ishinaakwan cikihci‑inentamaan o'o kaashianohkiihtawak Kishemanitoo.

ᐅᕒᐆᒪᓇᒃ 7:6

Aasha tahsh kikii'aapa'okonaan Kishemanitoo, ekaa miinawaa cimincimahpinikohsiwank Inaahkonikewin. Kikii'nipomin inentaakwan, ekaa keyaapi citipenimikohsiwank i'iwe kaakii'mincimahpinikoyank. Kaawiin keyaapi kitishianohkawaahsiwaanaan Kishemanitoo kehteaya'iink inahke Inaahkonikewin kaaishipii'ikaatek. Oshkaya'iink inahke kitishianohkawaanaan, oshkaya'iink e'ishi'iminank Kishemanitoo otAhcaahkwan.

ᐅᕒᐆᒪᓇᒃ 8:15

Ini aaniihsh Ahcaahkwan kaamiininek Kishemanitoo, kaawiin miinawaa kitishi'ikohsiiwaa cikiiwenotamowek kohtaaciwin cikiiwetipenimikowek. A'awe Ahcaahk kaamiinikooyek kikii'ishi'ikowaa Kishemanitoo okosihsa' citinowiyek. Amiitahsh a'awe Ahcaahk kitishikiishwe'ikonaan, “Noohs! NinTete!” ci‑inimank Kishemanitoon.

ᐅᕒᐆᒪᓇᒃ 8:39

Kaawiin tahsh kaye ishpimink kaa‑ayaakin, weti kaye niihsaya'ii kaaishiayaakin, kaatahsinkin iko kaye aanti hsa ko kaaoshihcikaatekin. Kaawiin kanake wiihkaa kekoon kitaapahkewinikohsiimin ekaa ciwiiciiwikohsiwank Kishemanitoo oshawenimiwewin i'imaa kaaoncimiinikooyank Christ Ciisahs kaaTipeniminank.

ᐅᕒᐆᒪᓇᒃ 9:6

Kaawiin wiin nintihkitohsii Kishemanitoo ekiihpwaanawihcikemakaninik otahshotamaakewin. Aaniihsh iki pemaatisiwaatc Isriyalihkaank kaaontahkaanesiwaatc, kaawiin iitok aaninta tepwe Isriyaliwihsiiwak citinowiwaahpan kaakaakiikinikowaatc Kishemanitoon.

2 ᑲᕒᐃᑎᔭᓇᒃ 11:18

Aahpici tahsh ehpaahtiinowaatc awiyak kaamamiihkwaanitisowaatc i'imaa wiiyaahsipimaatisiwinink onci, mii hsa keniin keishihcikeyaan.

ᑲᓬᐁᔑᔭᓇᒃ 5:25

Ahcaahkonk itahsh e'oncipimaatisiyank, taka tahsh kaye Ahcaahkonk ishipimohsetaa.

ᑲᓬᐁᔑᔭᓇᒃ 6:16

Iki hsa kaawii'ishipimaatisiwaatc i'i kaakii'ishkwaatashintamaan pisaanentamowinini, shawentaakosiwinini kaye tamiinaawak, iki kaye kahkina Isriyal (Israel) kaainentaakosiwaatc, Kishemanitoon kaatipenimikowaatc.

ᐃᐲᔑᔭᓇᒃ 6:18

Kishemanitoo tahsh otAhcaahkwan kaaishiwiici'iminek mooshak anami'aak ehkakwetweyek kekoon piko. O'o tahsh e'ishihcikeyek, mooshak ahshawaapik, keko kaye pakiciihkek e'anami'aayek, e'anami'ehtamawimek kahkina Kishemanitoo opimaatisiima'.

ᑑᑕᕒᐋᓇᒦ 10:16

Noonkom itahsh na'ihtawihk kaaTipenciketc kite'iwaank, mii 'i ishi pooni shashiipihtamok.

ᑑᑕᕒᐋᓇᒦ 30:6

Miihsh kaaTipenciketc kiKishemanitoomiwaa ci‑ishi'inek, kipiiwesiimiwaa' kaye ci⁠na'ihtamowek kite'iwaank. Mii hsa tahsh i'i ci⁠saaki'ek kaaTipenciketc kiKishemanitoomiwaa misiwe ko kite'iwaank, misiwe kaye kitahcaahkowaank kiinawaa ci⁠onci pimaatisiyek.

ᐱᓬᐃᐱᔭᓇᒃ 1:1

Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

ᐱᓬᐃᐱᔭᓇᒃ 3:12

Kaawiin 'iwe nintaaihkitohsii aasha cikashkihtooyaan, kaawiin kaye ehkiishi'ikoowisiyaan. Enikohk itahsh nintanikakwekaahcitinamaas i'iwe kaakiiwii'miishitc kaakii'oncikaahcitinitc Christ Ciisahs.

ᐱᓬᐃᐱᔭᓇᒃ 3:14

Kwayahk iko ahpane nintahpahtoo ciocihcipahtooyaan weti kaaishikihkinawaasinaakwahk pahkinaakewin, mii 'imaa citashimiinikooyaan nintipa'amaakoowin, mii 'iwe ishpimink citanaatisiyaan, mii 'iwe kaaishiantomitc Kishemanitoo Ciisahs Christink.

ᑲᓬᐋᔑᔭᓇᒃ 2:11

E'wiiciiwek tahsh Christ, mii 'i kaaishinaakosiyek e'ayaayek kihkinawaatashakeshokoowin, kaawiin wiin inini kaaishikihkinawaatashakeshowetc, i'i hsa Christ kaaishikihkinawaaci'iwetc. Mii hsa eshihseyek ekiihshiikoshkamek kaakii'nihtaamaci‑ishicikemakahk kehteinaatisiwin.

Coot 1:20

Kiinawaa tahsh wiin kaasaaki'inakook, ehkihtentaakwahk kitepwehtamowiniwaa, e'inentaakwahk waahkaa'ikan kaaishionaapihkihsicikaatek, mii 'imaa ishiompikaapawi'itik. Ishianami'aak itahsh kaye kaaishikihkinowiniminek Kishemanitoo otAhcaahkwan.