ᐱᓬᐃᐱᔭᓇᒃ 2:3 - Ojibwe Kihcimasina'ikan

³ Keko kaye kekoon ishihcikehkek cikakweniikaanentaako'itisoyek, nawac 'iwe kakwetapahsenimohtaatik, mooshak itahsh “Kiin nawac kikihtakins” ishinaatik.

ᐅᒋᐺ ᑭᒋᒪᓯᓇᐃᑲᓐ

³ ᑫᑯ ᑲᔦ ᑫᑰᓐ ᐃᔑᒋᑫᑫᒃ ᒋᑲᑴᓃᑳᓀᑖᑯᐃᑎᓱᔦᒃ, ᓇᐗᒡ ᐃᐌ ᑲᑴᑕᐸᓭᓂᒧᑖᑎᒃ, ᒨᔕᒃ ᐃᑕᔥ ᑮᓐ ᓇᐗᒡ ᑭᑭᑕᑭᔅ ᐃᔑᓈᑎᒃ᙮

ᐱᓬᐃᐱᔭᓇᒃ 2:3 Cross References

ᑲᑮᑖᐎᑮᔗᐎᓇᓐ 13:10

Kii⁠kihci inenintisonaaniwank hsa mii 'imaa wenciik maanshi wiiciintiwin, iki tahsh wiin kaa⁠na'ihtamowaatc miiwak iki eyaawaatc kakiihtaawentamowin.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 18:14

Miitahsh eninakook, wa'a tahsh kaatipa'ike'iwetc taakihs shooniyaan ahpii ani kiiwetc nawac okii'-minwaapamikoon Kishemanitoon ahpiihc wiin a'a Perahsii. Awiya hsa kaaishpenintisotc, tatapahsenimaa. Awiya hsa kaatapahsenintisotc, mii hsa 'awe keishpentaakositc.”

ᐅᕒᐆᒪᓇᒃ 12:10

Wiinke kaye saaki'itik taapishkoo kaaowiicihkiwentiwaatc kaashisaaki'itiwaatc. Niikaani⁠kihtenimihkwak kiiciotepwehtamoomiwaak ahpiihc kiinawaa kaainenintisoyek.

ᐅᕒᐆᒪᓇᒃ 13:13

Taka tahsh weweni pimaatisitaa, ci‑ishihcikeyank kaaishihcikewaatc waahseyaank kaaishitipentaakosiwaatc. Taka kaawiin onoweniwan kikaishihcikehsiimin: papaakakiipaacihcikewin, minihkwewin, wiinaatisiwin, pihshikwaacihcikewin, kiihkaantiwin, aayaahshenintiwin.

ᐅᕒᐆᒪᓇᒃ 2:8

Ikiweniwak itahsh pehkaanisiwaatc wiinawaa ko ehta wiihkakwe⁠minotootaasowak, e'otaahpinansikwaa kaakwayahkwaninik, nawac i'iwe ewii'noocihtoowaatc kaakwayahkonaakwahsininik. Miiwak iki kekihcitipa'amaakowaatc Kishemanitoon onishkentamowininiink.

1 ᑲᕒᐃᑎᔭᓇᒃ 15:9

Niin maawac otaanaank nintinentaakos kahkina iki enakimintwaa ishinisha'waakanak. Kaawiin ninteahpiihtentaakosihsii ishinisha'waakan ci‑ikooyaampaan. Aaniihsh ninkiihkakwaataki'imaa' Kishemanitoo kaamaawacitepwehtaakotc.

1 ᑲᕒᐃᑎᔭᓇᒃ 3:3

Keyaapi aaniihsh kitishipimaatisim taapishkoo ahkiink kaaishitipentaakosiwaatc. Aaniihsh kiinawaa ko ayaamakan ontenintiwin, ayaanoontiwin, kaawiin ina ishinaakwahsinoon o'o hsa ahkiink e'oncitipentaakosiyek? Kaawiin ina kitinaatisihsiim kaamihciahkiiwaatisiwaatc?

2 ᑲᕒᐃᑎᔭᓇᒃ 12:20

Aahpici tahsh ninaniisaanentam ahpii weti otihsinakook kihcipahkaan ci‑ishiayaayek, ekaa ci‑ishiayaahsiwek kaa'ishiantaweniminakook, keniin tahsh kihcipahkaan ci‑ishiayaayaan ahpii waapamiyek. Miitahsh kaye eshinaniisaanentamaan cimihkamaan kiihkaantiwin, ayaahshenintiwin, wahkewikitaasowin, kakweniikaanenintisowin, anoociko itiwin, tashintiwin, kihci‑inenintisowin, kekoon kaye sesik e'ishihsehsinok.

ᑲᓬᐁᔑᔭᓇᒃ 5:15

Ayaankwaamisik! Kiishpin aya'aawihshink tootaatiyek, maamaakwanitiyek, wiihsakaahpinanitiyek, mii maawiin i'i cicaakinanitiyek!

ᑲᓬᐁᔑᔭᓇᒃ 5:26

Taka kaawiin kikawawishwaasohsiimin kaawiin kaye kikakakwenishki'itihsiimin, kaawiin kaye kika ayaahshenintihsiimin.

ᐃᐲᔑᔭᓇᒃ 4:2

Mooshak kakwetapahsenimohk, kakwenoohkaatisik, shashiipentamohk kaye, kakweshashiipenintik ciwaapanta'itiyek ehsaaki'itiyek.

ᐃᐲᔑᔭᓇᒃ 5:21

Kaye tahsh pakitinitisohkantaatik kaatahshiyek ehkohtaanenimek Christ.

ᐱᓬᐃᐱᔭᓇᒃ 2:14

Kahkina kekoon kakwetootamok ekaa wiihkaa kekoon citashintansiwek, kaye wiihkaa ciaayaanoontihsiwek.

ᑲᓬᐋᔑᔭᓇᒃ 3:12

Kiinawaa pemaatisiyek Kishemanitoo kitipenimikowaa; wiin kaye kisaaki'ikowaa, kikii'onenimikowaa kaye wiin iko ewiihtipeniminek. Mii hsa tahsh eshinaakwahk cipihsihkamek koohpaatencikewin, minotootaakewin, tapahsenimowin, noohkaatisiwin kaye, shashiipenintiwin kaye.

ᑲᓬᐋᔑᔭᓇᒃ 3:8

Noonkom itahsh mii 'i oncita piko eshinaakwahk ciwepinamek: nishkaatisiwin, aahkokitaasowin, shiinkencikewi‑inamanci'owinan, macitashinkewin. Keko kaye wiihkaa wiinikiishwewin taonci⁠nooncikaatehsinoon i'imaa kitooniwaank.

1 Timahti 6:4

Awiya tahsh pahkaan kaaishihsitootc okihkino'amaakewin, ishpenintiso, ekaa tepwe kekoon ehkihkentansik. Onsaam onantamihkwentaanan kaasanakaninikin citashintenikin, e'oshihtootc kaye cioncikakwe‑⁠shaakosontinaaniwaninik aaniin keshinihsitohtaakwaninikin ihkitowinan. Mii 'omaa ono wencihsekin ontenintiwin, pahkaanenintiwin, paahpinotaakewin, macikekoonan kaaishianaamenintink.

1 Piitar 3:8

O'owe tahsh kitinininim ishkwaac, kahkina hsa kaatahshiyek peshikwan ishinaanaakatawentamok, cikoohpaatenintiyek. Ishisaaki'itik kaye kaaishisaaki'itiwaatc kaaowiicihkiwentiwaatc, minotootaatik kaye, tapahsenimok kaye.

1 Piitar 5:5

Mii hsa peshikwan kekiinawaa kaaoshkaatisiyek na'ihtawihkwak iki kaakihtaatisiwaatc. Kahkina piko kaatahshiyek pihcihkonayaatamok tapahsenimowin ciwaawiitoohkotaatiyek, aaniihsh Kihcimasina'ikan ishipii'ikaate: “Kishemanitoo ohsha onakaashkawaa' kaakihci‑inenintisonitc; ominotootawaa' itahsh wiin i'i kaatapahsenimonitc.”