ᐱᓬᐃᐱᔭᓇᒃ 2:19 - Ojibwe Kihcimasina'ikan

¹⁹ Nimpakohsenim kiishpin inentank kaaTipenciketc ci‑ishinisha'wak a'awe Timahti (Timothy) ciawiotihsinek, miitahsh cioncimashkawentamaan noontamaan eshipimaatisiyek.

ᐅᒋᐺ ᑭᒋᒪᓯᓇᐃᑲᓐ

¹⁹ ᓂᐸᑯᓭᓂᒻ ᑮᔥᐱᓐ ᐃᓀᑕᕽ ᑳᑎᐯᒋᑫᒡ ᒋᐃᔑᓂᔕᐗᒃ ᐊᐊᐌ ᑎᒪᑎ Timothy ᒋᐊᐎᐅᑎᓯᓀᒃ, ᒦᑕᔥ ᒋᐅᒋᒪᔥᑲᐌᑕᒫᓐ ᓅᑕᒫᓐ ᐁᔑᐱᒫᑎᓯᔦᒃ᙮

ᐱᓬᐃᐱᔭᓇᒃ 2:19 Cross References

Maahtiyo 12:21

Kahkina tahsh entahswewaanakisiwaatc kaa⁠pimaatisiwaatc oka ahpenimonotawaawaan.”

ᐃᔑᒋᑫᐎᓇᓐ 16:1

Pwaal (Paul) hsa kiihpitakohshin i'imaa eshi ootenaawaninik Tarpi (Derbe), Listara (Lystra) kaye kaaicikaatenikin. Kii'ayaawan itahsh i'imaa peshik otepwehtamoon Timahti (Timothy) eshinihkaasonitc. Omaamaani hsa Coo kiihtinowihkwewiwan, oteteni tahsh wiin Kariihk (Greek) kiihtinowiwan.

ᐅᕒᐆᒪᓇᒃ 15:12

O'o tahsh Aaiseya (Isaiah) kii'ishipii'ike: “Awiya hsa tapitakohshin Cehsiink (Jesse) keontahkaanesitc, mii hsa tahsh a'a kaawiihpitakohshink citipenimaatc ekaa kaaCoowiwihsinik, miitahsh a'awe keahpenimonotaakotc ini ekaa kaaCoowiwihsinik.”

ᐅᕒᐆᒪᓇᒃ 16:21

Timahti (Timothy) tahsh kaawiitanohkiimak, kaye wiin kipooshoo'ikowaa. Okoweniwak kaye kipooshoo'ikowaak Loohshiyahs (Lucius), Cehsan (Jason), Sohsiipatar (Sosipater). Miiwak ihsa oko niiciCoowak.

1 ᑲᕒᐃᑎᔭᓇᒃ 4:17

Mii 'iwe nintinanoonaa 'awe Timahti (Timothy) ciantawaapaminek. Mii 'awe ninkosihs kaasaaki'ak, kaakwayahkwentaakositc ehpiminisha'waatc ini kaaTipencikenitc. Mii 'awe kemihkawaasominek aaniin kaaishipiminisha'ikeyaan e'aniwiiciiwak Christ Ciisahs. Kaye kikashiwiintamaakowaa aaniin keniin kaashikihkino'amaakeyaan aanti hsa ko kaaishimaawaci'itiwaatc otanami'aak.

ᐃᐲᔑᔭᓇᒃ 1:13

Kekiinawaa tahsh Kishemanitoo iitok kikii'oncimaaciitipenimikowaa ahpii kiipisintamowek i'i minwaacimowin, aaniihsh mii 'imaa kaaoncipimaaci'ikooyek. Ekiihtepwehtawek itahsh Christ, Kishemanitoo kikii'miinikowaa otAhcaahkwan kaakii'ahshotamaaketc, ewiihkihkinawaaci'inek ehtipeniminek.

ᐱᓬᐃᐱᔭᓇᒃ 1:1

Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

ᐱᓬᐃᐱᔭᓇᒃ 2:18

mii 'i peshikwan kaye kiinawaa kitaaciihkentaam, kaye niin ciwiicimoocikentamawinakook.

ᐱᓬᐃᐱᔭᓇᒃ 2:28

Mii hsa 'owe nawac iko ninkiihpapaashentaan ci‑ishinisha'wak, kekiinawaa ciminwentamek miinawaa kiiwaapamek. Shikwa keniin cioncimaacaamakahk nimikoshkaatentamowin.

1 ᑌᓴᓬᐆᓂᔭᓇᒃ 3:2

A'a tahsh Timahti (Timothy) kikii'ishinisha'amaakoom cimaawatihsinek. Niicihkiwenaan nintinenimaanaan, kaye owiitoohkawaan Kishemanitoon e'wiintamaaketc i'iweni ominwaacimowinini Christan. Mii 'iwe ciaayiisominek kaakii'oncimawatihsinek kaye cimashkawikaapawiyek kitepweyentamowiniwaank.

1 ᑌᓴᓬᐆᓂᔭᓇᒃ 3:5

Mii 'owe kaakii'onci‑ishinisha'amawinakook a'a Timahti: ninkiiwii'aahkokihkentaan kiishpin keyaapi e'otepwehtamowiniwekwen. “Maakishaa okiihkakwewanaa'ikowaan ini Setanan,” kikii'inenimininim. Kiishpin aanawencikeyekipan, mii anihshaa cikii'anohkiiyaankipan.

2 ᑌᓴᓬᐆᓂᔭᓇᒃ 1:3

Kaawiiciotepwehtamoomikooyek, inahte mooshak cinanaahkomankitc Kishemanitoo e'mihkwenimikooyek. Kwayahk i'iwe citootamank aaniihsh awahshime kihcimaaciikin kitepweyentamowiniwaa kaye e'animihshaak kisaaki'itiwiniwaa kahkina eshisaaki'itiyek.

2 Timahti 1:12

Miihsh ono kaaoncikakwaatakihtooyaan. Kaawiin wiin nintoonciakacihsii ono aanatootaakooyaan, aaniihsh ninkwayahkwenimaa kaatepweyenimak, ehkashkihtootc i'iwe kaakiihkanawenta'ak, piinihsh iko 'iwe ehkiishikaninik cikanawentamawitc.

Ciimis 4:15

O'owe ohsha kitaaihkitom: “Kiishpin kaaTipenciketc inentank, kika pimaatisimin, o'o kika ishihcikemin, i'i kaye kika ishihcikemin.”

1 Piitar 1:21

Wiin itahsh onci kaa'onci⁠tepweyenimimek Kishemanitoon ekiihkiiwepimaatisi'ikotc i'imaa nipowinink onci, ekii'ishi'ikotc kaye cikihci‑inentaakositc. Wiin hsa kaaonci⁠tepweyenimimek, kaaonciahpenimonotawimek kaye Kishemanitoon.