ᐱᓬᐃᐱᔭᓇᒃ 2:18 - Ojibwe Kihcimasina'ikan

¹⁸ mii 'i peshikwan kaye kiinawaa kitaaciihkentaam, kaye niin ciwiicimoocikentamawinakook.

ᐅᒋᐺ ᑭᒋᒪᓯᓇᐃᑲᓐ

¹⁸ ᒦ ᐃ ᐯᔑᑾᓐ ᑲᔦ ᑮᓇᐙ ᑭᑖᒌᑫᑖᒻ, ᑲᔦ ᓃᓐ ᒋᐐᒋᒨᒋᑫᑕᒪᐎᓇᑰᒃ᙮

ᐱᓬᐃᐱᔭᓇᒃ 2:18 Cross References

ᐃᐲᔑᔭᓇᒃ 3:13

Miitahsh eshipakohsenimininakook, cipiikote'ehsiwek o'o kiinawaa kaaoncikakwaatakihtooyaan, kiinawaa hsa kikaonciminohsem o'o kaashikakwaatakihtooyaan.

ᐱᓬᐃᐱᔭᓇᒃ 2:17

Maakishaa ninkaishinip taapishkoo ehpakitinaahswaaniwiyaan, nimpimaatisiwin cisiikinikaatek wakic i'imaa kiinawaa eshipakitinikeyek, aaniihsh kitepwehtamowiniwaa kaamiinek Kishemanitoo e'anami'ehtawek. Kiishpin i'iwe ishihsek ninkaminwentam, kaye kiinawaa kahkina ciwiici'iweyek ninciihkentamowinink,

ᐱᓬᐃᐱᔭᓇᒃ 2:19

Nimpakohsenim kiishpin inentank kaaTipenciketc ci‑ishinisha'wak a'awe Timahti (Timothy) ciawiotihsinek, miitahsh cioncimashkawentamaan noontamaan eshipimaatisiyek.

ᐱᓬᐃᐱᔭᓇᒃ 3:1

'Owe tahsh ishkwaac kitishiwiintamawininim, niiciotepwehtamook: onciciihkentamok 'iwe eshiwiiciiwek kaaTipenciketc. Kaawiin inkotano nintinentansiin miinawaa peshikwan ciwiintamaan i'iwe otaanaank kaakii'ishipii'amawinakook, nawac i'imaa ci‑ishikanawentaakosiyek.

ᐱᓬᐃᐱᔭᓇᒃ 4:4

Mooshak ciihkentamok e'wiiciiwek kaaTipenciketc. Miinawaa nintihkit: ciihkentamok!