ᐱᓬᐃᐱᔭᓇᒃ 1:25 - Ojibwe Kihcimasina'ikan

²⁵ Mii 'iwe ehkwayahkwentamaan, e'ishikihkentamaan keyaapi ciniayaayaan. Keyaapi kikaniwiicipimaatisiimininim kahkina, kikaishiwiici'ininim cinimaaciishkaayek kaye cini‑ishimoocikentamek kitepwehtamowiniwaank.

ᐅᒋᐺ ᑭᒋᒪᓯᓇᐃᑲᓐ

²⁵ ᒦ ᐃᐌ ᐁᑾᔭᑴᑕᒫᓐ, ᐁᐃᔑᑭᑫᑕᒫᓐ ᑫᔮᐱ ᒋᓂᐊᔮᔮᓐ᙮ ᑫᔮᐱ ᑭᑲᓂᐐᒋᐱᒫᑎᓰᒥᓂᓂᒻ ᑲᑭᓇ, ᑭᑲᐃᔑᐐᒋᐃᓂᓂᒻ ᒋᓂᒫᒌᔥᑳᔦᒃ ᑲᔦ ᒋᓂ ᐃᔑᒨᒋᑫᑕᒣᒃ ᑭᑌᐺᑕᒧᐎᓂᐙᕽ᙮

ᐱᓬᐃᐱᔭᓇᒃ 1:25 Cross References

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 22:32

Saaiman, aasha tahsh kikii'anami'ehtamawin, cipwaanawihcikemakahsinok kitepwehtamowin. Ahpii tahsh kaye pikiiwenotawiyan, wiici'aahkan kiwiici kihkino'amawaakanak cimashkawisiiwaatc.”

ᐃᔑᒋᑫᐎᓇᓐ 11:23

Ahpii tahsh Paarnapahs ehtakohshink okii waapamaa' otepwehtamoo' ekiih shawenimikonitc Kishemanitoon. Wiinke tahsh kiihciihkentam ekii'-ayaankwaamimaatc kaye mooshak iko tepwe cipiminisha'waanitc Kishemanitoon.

ᐃᔑᒋᑫᐎᓇᓐ 14:22

Miitahsh i'imaa kaahtashi wiiciiwaawaatc otepwehtamoo' keyaapi cimashkawentaminitc, cipakiciihsinik i'i kaakii'ishi tepwehtaminitc ekii'-ihkitowaatc: “Oncitako ishinaakwan niipiwa' wahsitaawihsewin cinakishkamank wiihpiintikeyank Kishemanitoo Otipencikewin.”

ᐃᔑᒋᑫᐎᓇᓐ 20:25

“Ninkiih papaa ishaa hsa mekweya'ii kahkina kaashi ayaayek, ekiih tashintamaan Kishemanitoo otipencikewin. Noonkom tahsh ninkihkentaan kiinawaa miinawaa wiihkaa ciwaapamihsiwek.

ᐅᕒᐆᒪᓇᒃ 15:13

Taka Kishemanitoo kaamiikiwetc ahpenimowin, kikamooshkinemiinikowaa ciihkentamowin, pisaanisiwin kaye kaashitepwehtawek. Kishemanitoo hsa otAhcaahkwan omashkawisiiwininiink kikaonciwiiciiwikowaa, kitahpenimowiniwaa mooshak ciniwenootahk.

ᐅᕒᐆᒪᓇᒃ 15:18

Kaawiin tahsh nintaateinenintisohsii kekoon citashintamaampaan, mii ehta ko Christ kaapi‑ishianohkiitc nimpimaatisiwinink, ekii'aapacihtootc nintihkitowinan, nintishihcikewinan kaye, ciwiici'imak ekaa kaaCoowiwihsinik cina'ihtawaanitc Kishemanitoon.

ᐅᕒᐆᒪᓇᒃ 15:29

Ahpii tahsh weti otihsinakook, ninkihkentaan hsa cipiitaawak Christ kaawenootaninik oshawencikewin.

ᐅᕒᐆᒪᓇᒃ 5:2

Miitahsh a'awe ekiihtepwehtawank Christ, kikii'ishipiintikanikonaan i'imaa eshiwaapantamowank okishewaatisiwin a'a Kishemanitoo, miitahsh i'imaa noonkom eshipimaatisiwank. Kaye kimoocikentaamin e'ahshawaapantamank ewii'wiici'iweyank Kishemanitoo okihci‑inentaakosiwinink.

2 ᑲᕒᐃᑎᔭᓇᒃ 1:24

Kaawiin wiin ninkakwetipentansiimin kitepwehtamowiniwaa. Ninkihkentaamin hsa e'mashkawikaapawiyek i'imaa kitepwehtamowiniwaank. Kiwiitanohkiimikoom kaye awahshime ciminwentamek.

ᐱᓬᐃᐱᔭᓇᒃ 1:24

Kiinawaa tahsh nawac taa‑antawentaakwan keyaapi niwiiyawink cipimaatisiyaan.

ᐱᓬᐃᐱᔭᓇᒃ 2:24

Nintahpenimonotawaa tahsh kaaTipenciketc kaye niin wiipa ci‑ishihseyaan ciotihsinakook.

ᐹᐃᓬᐄᒪᓐ 1:22

Kaye tahsh kikakwecimin cikwayaancihtooyan pahkehcikan keshi nipaayaan. Miihsh eshi pakohsentamaan Kishemanitoo ci'ishihciketc kahkina kaashi kakwecimek miinawaa cipikiiwenotawinakook.

1 Piitar 1:8

Aanawiin mahshi ekii'waapamaahsiwek shaakooc itahsh kisaaki'aawaa. Aanawiin kaye noonkom mahshi e'waapamaahsiwek, shaakooc kitepweyenimaawaa, kimooshkineshkaakowaam kaye i'i ketewiincikaatehsinokipan, kaakihci‑inentaakwahk minwentamowin.