ᐱᓬᐃᐱᔭᓇᒃ 1:15 - Ojibwe Kihcimasina'ikan

¹⁵ Tepwe miinawaa aaninta otishikakiihkwenotawaawaan Christan aayaahshentamowinink kaye kakwepahkinaatiwinink. Aanint itahsh kwayahk wiiminowiici'iwewak, e'oncikakiihkwewaatc.

ᐅᒋᐺ ᑭᒋᒪᓯᓇᐃᑲᓐ

¹⁵ ᑌᐺ ᒦᓇᐙ ᐋᓂᑕ ᐅᑎᔑᑲᑮᑴᓄᑕᐙᐙᓐ Xᑕᓐ ᐋᔮᔐᑕᒧᐎᓂᕽ ᑲᔦ ᑲᑴᐸᑭᓈᑎᐎᓂᕽ᙮ ᐋᓂᓐᑦ ᐃᑕᔥ ᑾᔭᒃ ᐐᒥᓄᐐᒋᐃᐌᐗᒃ, ᐁᐅᒋᑲᑮᑴᐙᒡ᙮

ᐱᓬᐃᐱᔭᓇᒃ 1:15 Cross References

Maahtiyo 23:5

Kahkina kaye kekoonini ishihcikewak ci⁠waapamikowaatc pemaatisinitc. Inashke waapantamowaahk ehpiihci mihcaanikin ini anami'emashkimootenhsan kaa⁠naapishkamowaatc oskahtikowaank, onihkiwaank kaye. Inashke kaye ehpiihci kinwaapiikaninikin kaashi niihsiikikwaacikaatenikin okikishkikaniwaan.

ᐃᔑᒋᑫᐎᓇᓐ 10:36

Kikihkentaam iitok i'i tipaacimowin kaakii'-ishinisha'amawaatc pemaatisinitc Isriyala', ekii'-wiintamawimintc eshi minwaatotenik pisaanisiwin onci Ciisahs Christink kaamaamawi tipencikenitc.

ᐃᔑᒋᑫᐎᓇᓐ 11:20

Aaninta tahsh otepwehtamook kiihpii'-onciiwak Saaiparahs, Saairiini (Cyrene), Entiyaahk ootenaank ekii'ishi takohshinowaatc. KaaCoowiwihsinik itahsh Kariik (Greek) tino okii'-wiintamawaawaa' i'i eshi minwaacimimintc kaaTipencikenitc Ciisahsoon.

ᐃᔑᒋᑫᐎᓇᓐ 5:42

Kaawiin tahsh cikiihkipihciiwaatc entahsokiishik ekiih kihkino'amaakewaatc, ekiih kakiihkwewaatc kaye i'imaa kihcianami'ewikamikonk, eyishitaanitc kaye pemaatisinitc ekii'-ihkitowaatc: “Ciisahs ohsha mii 'awe Kishemanitoon kaakii'-onaapamikotc cipimaaci'iwetc.”

ᐃᔑᒋᑫᐎᓇᓐ 8:35

Miitahsh Pilap (Philip) kaa'ishi maacii kakitotc, ekiimaacii tashintank eshi anamihtoonitc i'i kihcioshipii'ikan, ekii'-wiintamawaatc eshi minwaacimimintc Ciisahsoon.

ᐃᔑᒋᑫᐎᓇᓐ 8:5

Pilap (Philip) itahsh kii'ishaa weti kaashi niikaanentaakwaninik ootenaank Sameriyahkiink ekiih tashimaatc Christan (Christ).

ᐃᔑᒋᑫᐎᓇᓐ 9:20

Miitahsh shemaak Coowi anami'ewikamikohkaank kaa'ishi papaa wiintamaaketc Ciisahsoon e'okosihsimikonitc Kishemanitoon.

ᐅᕒᐆᒪᓇᒃ 2:8

Ikiweniwak itahsh pehkaanisiwaatc wiinawaa ko ehta wiihkakwe⁠minotootaasowak, e'otaahpinansikwaa kaakwayahkwaninik, nawac i'iwe ewii'noocihtoowaatc kaakwayahkonaakwahsininik. Miiwak iki kekihcitipa'amaakowaatc Kishemanitoon onishkentamowininiink.

1 ᑲᕒᐃᑎᔭᓇᒃ 1:23

Niinawint itahsh kaawiintamaakeyaank, nintashimaanaan a'a Christ kaakii'ishi akosaka'ikaniwitc aashiteyaahtikonk. O'owe tahsh ehtashintek oshiinkihtaanaawaa iki Coowak, oko tahsh kaye kaaCoowiwihsikwaa okakiipaasihtaanaawaa.

1 ᑲᕒᐃᑎᔭᓇᒃ 13:3

Kaye kahkina aana maamaata'oohkiiyaan nintipinawewisiwin, pooshke niwiiyaw pakitinamaan cicaakisikaatek, kiishpin tahsh saaki'iwehsiwaan kaawiin kekoon i'imaa ninkaontinansiin.

2 ᑲᕒᐃᑎᔭᓇᒃ 1:19

A'a hsa Ciisahs Christ Kishemanitoo oKosihsan kaakiihkakiihkwaanankitc Timahti (Timothy), Saailahs (Silas), keniin tahsh, kaawiin wiin Christ kaamihciwawaanentaakositc, wiin ihsa a'a Tepwewin.

2 ᑲᕒᐃᑎᔭᓇᒃ 11:13

Kaawiin hsa kwayahk ishinisha'waakanak tinowihsiiwak. Mii hsa iki kaainwaanitisowaatc ishinisha'waakanak, kaakiiwanimowaatc ehtashintamowaatc otanohkiiwiniwaan. Taapishkoo tahsh kaye tepwe Christ otishinisha'waakana' e'ishinaakosi'itisowaatc.

2 ᑲᕒᐃᑎᔭᓇᒃ 12:20

Aahpici tahsh ninaniisaanentam ahpii weti otihsinakook kihcipahkaan ci‑ishiayaayek, ekaa ci‑ishiayaahsiwek kaa'ishiantaweniminakook, keniin tahsh kihcipahkaan ci‑ishiayaayaan ahpii waapamiyek. Miitahsh kaye eshinaniisaanentamaan cimihkamaan kiihkaantiwin, ayaahshenintiwin, wahkewikitaasowin, kakweniikaanenintisowin, anoociko itiwin, tashintiwin, kihci‑inenintisowin, kekoon kaye sesik e'ishihsehsinok.

2 ᑲᕒᐃᑎᔭᓇᒃ 4:5

Kaawiin tahsh wiin niinawint ninkakiihkwaanitisohsiimin, Ciisahs Christ hsa nintihkitomin ehTipenciketc, niinawint itahsh nintihkitomin ehpamiihtaakooyek Ciisahs onci.

ᑲᓬᐁᔑᔭᓇᒃ 2:4

Aaninta hsa aanakii'inentamook i'i cikii'ishi'imintipan. Iki tahsh ininiwak ekii'anami'ehkaasowaatc ninkii'wiiciiwikonaanik ekiih⁠kiimooci⁠piintikanitisowaatc, ekiih⁠kiimooci⁠naanaakaci'inankitwaa ekiihkakwemihkamowaatc aaniin eshitipenimikohsiwaank i'i Moosihs (Moses) otOonahshowewin, aaniihsh Christ Ciisahsoon kaa‑aapa'omiyamintc niwiiciiwikonaanin. Miitahsh i'i kaakii'onci‑ishihcikewaatc ekii'antawenimankitwaa miinawaa citipenimikoyaank Onahshowewinini.

ᐱᓬᐃᐱᔭᓇᒃ 2:3

Keko kaye kekoon ishihcikehkek cikakweniikaanentaako'itisoyek, nawac 'iwe kakwetapahsenimohtaatik, mooshak itahsh “Kiin nawac kikihtakins” ishinaatik.

1 Timahti 3:16

Wawiinke hsa tepwemakan, aahpici kihci‑inentaakwan kitanami'aawininaan Kishemanitoo kaakiikihkentaakohtootc: Tepwe kii'naako'itiso e'ininiiwitc, Kii'oncikwayahkwakimaa e'wiiciiwikotc Kishemanitoo otAhcaahkwan, Okii'waapamikoo' encala', Kiihtipaacimaa kaatahswewaanakisinitc ekii'wiintamawimintc, Kiihtepweyenimaa ahkiink, Kii'ishiompishkaa kihcikiishikonk.