फिलिप्पियां 4:7 - ओङ राजपूत

⁷ तब नरीकारा ची शान्ति, जको सारी समझ कनु परुं छै, तम्चे दिला नु ते तम्चे विचारा नु मसीह ईशु मां सम्भालती राखी।

फिलिप्पियां 4:7 Cross References

लूका 1:79

कि अन्धारे ते मौत ची छईं मां ब़ेसणे आला नु सोज़ले ङियो, अम्चे पग़्ग़ा नु शान्ति चे सही मार्ग़ उपर चलावी।”

लूका 2:14

“स्वर्ग़ मां नरीकारा ची महिमा ते धरती उपर वा बन्दा मां जाये कनु ओ खौश छै, शान्ति हो।”

यूहन्‍ना 14:27

“मैं तम्हानु शान्ति ङिये पला, आपणी शान्ति तम्हानु ङिये पला। जिंवे संसार ङिये यूं मैं तम्हानु ना ङिही। तम्चे देल उदास ना हो, ते ना ङरो।

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

रोमियां 14:17

कांकि नरीकारा चा राज़ खाणे-पीणे कोनी छै, पर धार्मिकता ते शान्ति ते वा खुशी छै जको पवित्र आत्मा लारे हुवे।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 5:1

कांकि अम्ही विश्‍वासा लारे धर्मी ठहरले, तां आपणे प्रभु ईशु मसीह चे जरिये नरीकारा लारे मेल-मिलाप राखु,

रोमियां 8:6

शरीरा उपर मन लावणे तां मौत छै, पर आत्मा उपर मन लावणे जीवन ते शान्ति छै।

2 कुरिन्थियां 10:5

ऐवास्ते अम्ही विचारा नु, ते हर हेक ऊंची बाते नु, जको नरीकारा ची पिछाण चे विरोध मां उठे, ढाती नाखु, ते हर हेक भावना नु कैद करती कर मसीह चा आज्ञाकारी बणाती ङिऊं।

2 कुरिन्थियां 13:11

हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

इफिसियां 3:19

ते तम्ही मसीह चे ओ प्यारा नु जाणती गिहा जको समझ कनु ब़ाहर छै ताकि तम्ही नरीकारा ची भरपूरी लारे भरीती जावा।

फिलिप्पियां 1:1

मसीह ईशु चा दास पौलुस ते तीमुथियुस ची तरफु, सब पवित्र लौका चे नांवे जको मसीह ईशु मां हुती कर फिलिप्पी मां रिही, मुखिया ते सेवका समेत।

फिलिप्पियां 1:2

अम्चे ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलो।

फिलिप्पियां 4:19

ते माया नरीकार आपणे अपार धन चे अनुसार जको घणी महिमा लारे मसीह ईशु मां छै तम्ची हर हेक घटी पुरी करी

फिलिप्पियां 4:21

हर हेक पवित्र जन नु, जको ईशु मसीह मां छी नमस्कार किहा। जको भऊ माये लारे छी, वे तम्हानु नमस्कार किही पले।

फिलिप्पियां 4:9

जको बाता तम्ही माये कनु सिखलीया, ङेखलीया, सुणलीया, मनलीया वांचा तम्ही पालन करा। शान्ति ङेणे आला नरीकारा तम्चे लारे रिही। मैं प्रभु मां खौश छै।

कुलुस्सियां 3:15

ते मसीह ची शान्ति जिसे वास्ते तम्ही हेक शरीर मां हकारले गेले तम्चे दिला मां राज़ करो, ते तम्ही शुक्रगुजारी बणले रिहा।

2 थिस्सलुनीकियां 3:16

हमा जको प्रभु शान्ति चा स्रोत छै आप ही तम्हानु सदा ते हर-प्रकार ची शान्ति ङियो, प्रभु तम्चे सब चे लारे रिहो।

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

प्रकाशितवाक्य 1:4

यूहन्‍ना ची ओर कनु आसीया चीया सात कलीसिया चे नांवे: ओची ओर कनु जको छै ते जको हुता ते जको आणे आला छै, ते वां सात आत्मा ची ओर कनु जको ओचे सिंहासन चे सामणे छी,

प्रकाशितवाक्य 2:17

“जाये कान हो वे सुणती गिहो कि आत्मा कलीसिया नु का किहे पला। “जको जीतती जई, ओनु मैं लुकले आले मन्‍ने महु ङी, ते ओनु हेक चिट्टा पत्थर वी ङी, ते ओ पत्थरा उपर हेक नां लिखले आले हुवी, जानु ओचे गेहणे आले चे सिवाय नेरे कुई नी जाणी।