फिलिप्पियां 4:4 - ओङ राजपूत

⁴ मैं किहे पला प्रभु मां सदा खौश रिहा, ते मैं दुबारा किहे पला कि प्रभु मां खौश रिहा।

फिलिप्पियां 4:4 Cross References

मत्ती 5:12

ओ बेले आनन्द चे लारे मगन हुजा, कांकि तम्चे वास्ते स्वर्ग़ा मां बङा प्रतिफल छै। ऐवास्ते कि वाणे वां भविष्यवक्‍ता नु जको तम्चे कनु पेहले हुते यूंही सताले हुते।

प्रेरितां चे काम 16:25

आधी राती चे लगभग पौलुस ते सीलास प्राथना करते हुले नरीकारा चे भज़न गावी पलते, ते नेरे जको कैदी हुते वे वानु सुणी पलते।

प्रेरितां चे काम 5:41

वे ये बाते लारे खौश हुती कर महासभा चे सामणे चाह्‍ले गेले कि “अम्ही ईशु मसीह चे नांवा वास्ते बेकदरे हुवणे चे काबिल तां बणले।”

रोमियां 12:12

आपणी आस चे बारे मां खौश रिहा, क्लेश चे बारे मां तसल्‍ली राखा ते प्राथना चे बारे मां मजबूत रिहा।

2 कुरिन्थियां 6:10

ङुखीया आलीकर छिऊं, पर सदा खौश रिहुं, कंगाला आलीकर छिऊं, पर घणा सारा नु धनवान बणाती ङिऊं। इसड़े छिऊं जिंवे अम्चे कनु कोच्छ वी कोनी बल्ति वी सब कोच्छ राखु।

गलातियां 1:8

अगर अम्चे महु जा स्वर्ग़ा महु कुई दूत उतरती, ते ऐ सुसमाचार कनु अलावा जको अम्ही तम्हानु सुणाला, कुई नेरा सुसमाचार तम्हानु सुणावे, तां श्रापित हो।

फिलिप्पियां 2:18

यूंही तम्ही वी खौश रिहा ते माये लारे आनन्द करा।

फिलिप्पियां 3:1

ऐवास्ते हे माये भऊ ते ब़ेहणीया, प्रभु मां आनन्द मनाते रिहा। वे ही बाता बार-बार लिखणे मां मनु तां कुई कष्ट ना हुवी, कांकि ऐचे लारे तम्चा बचाव छै।

1 पतरस 4:13

पर जिंवे मसीही चे ङुखा मां शामिल हुवा, ते खुशी मनावा, जाये कनु ओची महिमा उजागर हुते समय उपर वी तम्ही खौश ते मगन हो सग़ा।