फिलिप्पियां 3:20 - ओङ राजपूत

²⁰ पर अम्ची नागरिकता स्वर्ग़ा उपर छै, ते अम्ही हेक उद्धारकर्ता प्रभु ईशु मसीह चे उठु आवणे ची खुशी लारे इंतजार ङेखु पले।

फिलिप्पियां 3:20 Cross References

मत्ती 19:21

ईशु ने ओनु केहले, “अगर तु सेद्ध हुवणे चाहवी तां जा, आपणे सब कोच्छ बेचती कर कंगाला नु ङे, ते तनु स्वर्ग़ा मां धन मिली, ते आती कर माये भांसु टुरती पड़।”

लूका 12:21

इसड़े ही ऊं बन्दे वी छै जको आपणे वास्ते जायजात भेली करे, पर नरीकारा ची नजरी मां धनवान कोनी।”

लूका 14:14

तब तु धन्‍न हुवे, कांकि वांचे कनु वापिस बदले मां ङेणे वास्ते कहीं कोनी हुवी, पर तनु धर्मीया चे लारे जीते हुवणे चा नरीकार तनु ऐचा फल ङिही।”

प्रेरितां चे काम 1:11

ते किहुं लाग़ले कि, “हे गलीली मर्द, तम्ही कां भिले रेहती कर स्वर्ग़ा सनु ङेखा पले? हाओ ईशु, जको तम्चे कनु स्वर्ग़ा उपर चवीला गेला, जिंवे तम्ही ओनु स्वर्ग़ा पर जते ङेखले यूंही ओ बल्ति आवी।”

1 कुरिन्थियां 1:7

इठे तक कि कुई आत्मिक वरदाना मां तम्हानु कमी-घटी कोनी जिंवे तम्ही अम्चे प्रभु ईशु मसीह चे प्रकट हुवणे चा इन्तजार करते रिहा वा।

1 कुरिन्थियां 15:48

शरीरिक उसड़े ही छै जिसड़े माटी लारे बणले इन्सान हुते। ते स्वर्ग़ीय उसड़े ही छी जिंवे ओ जको इन्सान स्वर्ग़ीय छै

2 कुरिन्थियां 4:18

ते अम्ही तां ङेखलीया आलीया चीजा नु कोनी पर अणङेखलीया चीजा नु ङेखते रिहुं कांकि ङेखलीया आलीया चीजा थोड़े ङिहां चा छी, पर अणङेखलीया आलीया चीजा सदा बणलीया रिही।

2 कुरिन्थियां 5:8

ऐवास्ते अम्ही हिम्मत ब़ांहली रिहुं, ते शरीरा नु छोड़ती कर प्रभु चे लारे रेहणे होर वी आच्छे समझु।

गलातियां 4:26

पर स्वर्ग़ चा यरुशलेम शहर आजाद असतरी सारा चे समान छै जको गुलाम कोनी वा ही अम्चे विश्‍वास करले आले ची आई छै।

इफिसियां 2:19

नतीजा हा छै कि ना तम्ही विदेशी रेहले ते ना ही मुसाफिर, पर हमा तां तम्ही नरीकारा चे पवित्र लौका चे साथी ते नरीकारा चे कुणम्बे चे हुती गेले।

इफिसियां 2:6

ते अम्ही मसीह ईशु मां छिऊं ऐवास्ते नरीकारा ने अम्हानु मसीह मां जीते करले ते मसीह ईशु लारे स्वर्ग़ा मां ब़िसाणले,

फिलिप्पियां 1:10

इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

1 थिस्सलुनीकियां 1:10

ते ओचे पूता चे स्वर्ग़ा कनु आवणे ची बाट ङेखते रिहा, जानु ओणे मरला आला महु जिवाले, यानि ईशु ची, जको अम्हानु नरीकारा चे आणे आले गुस्से कनु बचावे।

1 थिस्सलुनीकियां 4:16

कांकि प्रभु आप ही स्वर्ग़ा कनु उतरी ते ओ बेले ललकार, ते प्रधान दूता चा साङ सुणीजी, ते नरीकारा ची तुरही फूकली जई, ते जको मसीह मां विश्‍वास करने आले मरले, वे पेहले जीते हुती जाये।

2 तीमुथियुस 4:8

भविष्य मां माये वास्ते धर्म चा ओ मुग़ट जको स्वर्ग़ मां पला ला, जानु प्रभु, जको धर्मी छी ते न्यांयी छी, मनु ओ ङिओ ङिही, ते मनु ही ना, बल्कि वा सारा नु वी, जको ओचे प्रकट हुवणे नु प्यारे जाणे।

तीतुस 2:13

ते वे धन्‍न आसा ची यानि आपणे महान नरीकार ते मुक्‍तिदाता ईशु मसीह ची महिमा चे उजागर हुवणे ची बाट ङेखते रिहा।

इब्रानियां 12:22

पर तम्ही सिय्योन पहाड़ा चे गोढु, जीते नरीकारा चे शहर, स्वर्ग़ीय यरुशलेम चे गोढु आती गेले ते अणगिणत स्वर्ग़दूता ची खौश करने आली सभा चे गोढु आती गेले,

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

प्रकाशितवाक्य 1:7

ङेखा, ओ बदला चे लारे आणे आला छै, ते हर हेक आँख ओनु ङेखी, बल्कि जेह्णे ओनु सुराखे करली हुती वे वी ओनु ङेखे, ते धरती चे सारे कोल्‍ल ओची वजह कनु छात्ती कोट्टे। हांआ। आमीन।