फिलिप्पियां 3:12 - ओङ राजपूत

¹² हा मतलब कोनी कि मैं गेहती चुकला, जा सेद्ध हुती चुकला पर मैं वे उपलब्धि नु गेहणे वास्ते लगातार यतन करे पला। जाये वास्ते मसीह ईशु ने मनु हकारले हुते।

फिलिप्पियां 3:12 Cross References

मत्ती 5:48

ऐवास्ते चाही छै कि तम्ही सेद्ध बणा, जिंवे तम्चा स्वर्ग़ीय ब़ा सेद्ध छै।

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

रोमियां 8:39

ना ऊचाई, ना गहराई, ते ना कुई नेरी सृष्टि, अम्हानु नरीकारा चे प्रेम कनु, जको अम्चे प्रभु ईशु मसीह मां छै, अलग़ कर सग़ी।

1 कुरिन्थियां 13:10

पर जिसे बेले सर्वसिद्ध आवी, तां अधूरा मिटती जई।

1 कुरिन्थियां 13:12

हमा अम्हानु शीशे मां धुंधले जा ङिसे पर ओ बेले अम्ही आमणे-सामणे ङेखु। ऐ बेले माया ज्ञान अधूरा छै, पर ओ बेले माया ज्ञान उसड़ा ही हुती जई, जिसड़ा ऐ बेले माये बारे मां नरीकारा जाणे।

1 कुरिन्थियां 9:24

का तम्ही ना जाणा, कि द्रोड़ मां तां द्रोड़ी सारे ही, पर इनाम हेको ही गेहती जाये? तम्ही यूंही द्रोड़ा कि इनाम जीत सग़ा।

2 कुरिन्थियां 13:9

जिसे बेले अम्ही कमजोर छिऊं ते तम्ही ताकतवार छिवा, तां अम्ही खौश हुं। ते हा प्राथना वी करु कि तम्ही सेद्ध हुती जावा।

2 कुरिन्थियां 7:1

हे माये प्यारे भऊ, जबकि ये वायदे अम्हानु मिड़ले, तां आवा, अम्ही आपणे आप नु शरीर ते आत्मा ची सारी मलिनता कनु शोद्ध करु, ते नरीकारा चा भय मनते हुले पवित्रता नु सेद्ध करु।

गलातियां 5:17

कांकि पाप चा शरीर ची बुरी लालसा पवित्र आत्मा चे विरोध मां, ते पवित्र आत्मा शरीरा ची बुरी लालसा चे विरोध मां इच्छा करे ये हेके ङुजे चे विरोधी छी, कांकि जको तम्ही करना चाहवा ऊं ना कर सग़ा।

इफिसियां 1:4

जिंवे नरीकारा ने अम्हानु संसारा ची उत्पत्ति कनु पेहले ओचे महु चुणती गेहले कि अम्ही ओचे गोढु, प्रेम मां पवित्र ते निर्दोष हुं,

इफिसियां 4:12

ओणे इसड़े करले कि नरीकारा चे पवित्र लौक सेवा करने चे लायक बणो ताकि मसीह ची देह जको कलीसिया छै विनु मजबूत करो।

फिलिप्पियां 1:1

मसीह ईशु चा दास पौलुस ते तीमुथियुस ची तरफु, सब पवित्र लौका चे नांवे जको मसीह ईशु मां हुती कर फिलिप्पी मां रिही, मुखिया ते सेवका समेत।

फिलिप्पियां 3:16

पर याद राखा कि ऐवास्ते जिसी सच्‍चाई तक अम्ही पुज़ले, ओचे अनुसार दस्तुरा लारे चलु।

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

फिलिप्पियां 3:8

ऐकनु वी बङी बात हा छै कि मैं आपणे प्रभु ईशु मसीह चे ज्ञान ची श्रेष्टता ची वजह कनु आज़ तक सब चीजा नु फायदा चीया ना समझी। ओचे वास्ते मैं सब कोच्छ त्याग़ती ङिले ते मैं सब चीजा कनु नफरत करु लाग़ला। ताकि मसीह नु गे सग़े।

1 थिस्सलुनीकियां 5:15

चौकस! कुई काये लारे बुराई चे बदले बुराई ना करो, पर सदा भलाई करने चे वास्ते तियार रिहा, ते अापस मां ते सारा लारे वी भलाई ही ची कोशिस करा।

2 थिस्सलुनीकियां 2:13

हे माये भऊ, ते प्रभु चे प्यारे लौक, चाही छै कि अम्ही तम्चे बारे मां सदा नरीकारा चा धन्यवाद करते रिहुं, कांकि नरीकारा ने आदि कनु तम्हानु चुणती गेले, कि पवित्र आत्मा चे जरिये पवित्र बणती कर, ते सच्‍चाई उपर भरोसा करती कर उद्धार पावा।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

1 तीमुथियुस 6:19

कि वे आपणे वास्ते आग़ु कनु इसड़ा धन भेला करो कि आणे आले समय चे वास्ते आच्छी नीम बणती जाओ जाये कनु ओ ओनु पकड़ती गिहो जको सच्‍चमां जीवन छै।

इब्रानियां 12:14

सारा लारे शान्ति बणाली राखा ते वे पवित्रता ची खोज मां रिहा, जाये बिना कुई वी प्रभु नु ङेख ना सग़ी।

इब्रानियां 12:23

तम्ही नरीकारा ची वां पलेठी आला ची कलीसिया चे गोढु आती गेले, जाये नां स्वर्ग़ा मां लिखले गेले छै। तम्ही नरीकारा चे गोढु आती गेले जको सब चा न्यांयी छै, ते वां धर्मीया ची आत्मा चे गोढु आती गेले जको सेद्ध बणले हुते।

इब्रानियां 13:21

तम्हानु हर हेक भली बाते मां सेद्ध करो, जाये कनु तम्ही ओची इच्छा पुरी करा, ते जको कोच्छ ओनु भावे ऊं ईशु मसीह चे जरिये अम्चे मां पुरे करो, ओची महिमा युगानयुग हुती रिहो। आमीन।

याकूब 3:2

ऐवास्ते कि अम्ही सारे घणा वारी चुकती जऊं : जको कुई बन्दे ब़ोलणे मां ना चुकी, ऊंही तां पक्‍के बन्दे छै, ते पुरे शरीरा नु वी वशा मां कर सग़े।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।