फिलिप्पियां 2:3 - ओङ राजपूत

³ आपणे स्वार्थ जा कूड़ी बढ़ाई वास्ते कहीं ना करा, पर नरमाई लारे हेके ङुजे नु आपणे कनु आच्छे समझा।

फिलिप्पियां 2:3 Cross References

लूका 18:14

“मैं तम्हानु किहे पला कि ओ ङुजा कोनी, पर ऊंही इन्सान धर्मी ठहराले गेलते आपणे घरे गेले, कांकि जको कुई आपणे आप नु बङे बणावी, ऊं छोटे करले जई, ते जको आपणे आप नु छोटे बणावी, ऊं बङे करले जई।”

रोमियां 12:10

भाईचारे चे प्रेम लारे हेके-ङुजे उपर दया करो, आपस मां हेके-ङुजे नु आदर चे लारे आपणे आप कनु ज्यादा समान ङिया।

रोमियां 13:13

जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

रोमियां 2:8

पर जको स्वार्थी छी ते सच्‍चाई नु ना मनी, बल्कि अधर्म नु मनी, वांचे उपर क्रोध ते क्रोप पड़ी।

1 कुरिन्थियां 15:9

कांकि मैं प्रेरितां महु सबकनु छोटा छै, बल्कि प्रेरित किहवाणे चे वी काबिल कोनी, कांकि मैं नरीकारा ची कलीसिया नु सताले हुते।

1 कुरिन्थियां 3:3

कांकि तम्ही हमा तक संसारिक छिवा। ऐवास्ते कि जब तम्चे मां जलन ते झग़ड़े छी तां का तम्ही संसारिक कोनी? तां का संसारिक इन्साना ची रीति उपर ना चला?

2 कुरिन्थियां 12:20

कांकि मनु ङर छै कि, कङी इसड़े ना हो कि, मैं आती कर जिसड़े चाहवे, उसड़े तम्ही ना लाभा, ते मनु वी जिसड़े तम्ही ना चाहवा उसड़े ही ङेखा कि, तम्चे मां झग़ड़ा, डाह, गुस्सा, विरोध, ईर्ष्या, चुग़ली, अंहकार ते व्यवस्था ठीक ना हो।

गलातियां 5:15

पर अगर तम्ही आपस मां हेके ङुजे नु बाढा ते फाड़ती कर खावा, ते ङेखा! तम्ही आपस मां हेके ङुजे चा नाश करती नाखा।

गलातियां 5:26

ना ही अम्ही घमण्डी, ना तां हेके ङुजे नु चिड़ावा, ना हेके ङुजे लारे गैरत करा।

इफिसियां 4:2

यानिकि सारी दीनता ते नरमाई समेत, ते सब्र करती कर प्रेम मां हेके ङुजे ची सेहती गिहा।

इफिसियां 5:21

ते मसीह चा कद्दर करते समय हेके ङुजे चे अधीन रिहा।

फिलिप्पियां 2:14

सारे काम बिना बुड़कले ते बिना फसाद चे करले करा,

कुलुस्सियां 3:12

ऐवास्ते नरीकारा ने चुणले आला ची तरह जको पवित्र ते प्यारे छी, बङी दया, ते भलाई, ते दीनता, ते नरमाई, ते सहनशीलता धारण करा,

कुलुस्सियां 3:8

पर हमा तम्ही वी यां सब नु, यानि क्रोध, ते रोष, बैरभाव, ते निन्दा, ते मुँहा कनु गालीया बकणीया ये सारीया बाता छोड़ती ङिया।

1 तीमुथियुस 6:4

तां ओ घमण्डी हुती गेला, ते कहीं ना जाणी, पर ओनु बहस-बाजी ते अक्षरा उपर तर्क करने चा रोग़ छै, जाये कनु नफरत, ते झग़ड़े, ते निन्दा चीया बाता, ते गन्दे-गन्दे शक्‍क पैदा हुवी,

1 पतरस 3:8

ऐचा मतलब हा छै कि तम्ही सारे चे सारे हेक मन हुती कर, दयालु, ते भाईचारे ची प्रीति राखणे आले, ते दयावन्त ते नर्म बणा।

1 पतरस 5:5

यूं करती हे जवान, तम्ही वी अग़ुवा चे अधीन रिहा, बल्कि तम्ही सब चे सब हेके ङुजे ची सेवा चे वास्ते नरमाई लारे कमर कसली रिहा, कांकि, “नरीकार घमण्डीया चा विरोध करे, पर दीन-दयाला उपर अनुग्रह करे।”