फिलिप्पियां 2:2 - ओङ राजपूत

² तां माई हा खुशी पुरी करा के हेक मन रिहा, ते हेक ही प्रेम, हेक चेत्त, हेक ही मन्सा राखा।

फिलिप्पियां 2:2 Cross References

यूहन्‍ना 3:29

जाई बीन्दणी छै ओही बीन्द छै। पर बीन्दा चा मित्र जको भिला रेहती ओची सुणे, बीन्दा चीया बाता लारे ब़ोहत ही खौश हुवे। हमा हा माई खुशी पुरी हुली।

प्रेरितां चे काम 1:14

ये सारे कई असतरीया ते ईशु ची आई मरियम ते ओचे भावां लारे मन लाती प्राथना मां लाग़ले रेहले।

प्रेरितां चे काम 2:1

जिसे बेले पिन्तेकुस्त तेंहवार चा ङिओ आला, वे सारे हेकी जग़हा भेले हुले।

प्रेरितां चे काम 2:46

ते वे रोजाना हेक मन हुती कर मन्दरा मां भेले हुते, ते घरा-घरा मां जती कर बच्‍चड़ रोटी खाणे ते खुशी लारे मना ची सिधाई लारे रलती-मिलती कर खाणे खाते,

प्रेरितां चे काम 5:12

प्रेरितां चे हाथु घणे चैन्ह ते अदभोत काम लौका चे बीच ङिखाणले जते। वे सारे विश्‍वासी लौक हेक चेत्त हुती कर सुलैमान चे ओसारे मां भेले हुते रेहते।

रोमियां 12:16

आपस मां हेक जिसड़े मन राखा, घमण्डी ना हुवा, पर दीन-ङुखिया लारे मेल-मिलाप राखा, ते आपणी नजरी मां आपणे-आप नु ब़ुध्दिमान ना समझा।

1 कुरिन्थियां 1:10

हे माई ब़ेहणी ते भऊ, आपणे प्रभु ईशु मसीह चे नांवा मां माई तम्चे कनु बिनती छै कि तम्ची आपस मां हेक बात हो ते तम्चे मां फूट ना हो, पर हेक मन ते हेक ही मत्त हुती कर मिड़ले रिहा।

2 कुरिन्थियां 13:11

हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

2 कुरिन्थियां 2:3

ते मैं हा बात तम्हानु ऐवास्ते लिखली हुती, कि कङी इसड़े ना हो, कि माये आवणे उपर, जाये कनु खुशी मिलणी चाही छै, मैं वांचे कनु उदास हुवे। कांकि मनु तम्चे सारा उपर ये बाते चा भरोसा छै कि, जको माई खुशी छै, वा तम्चे सारा ची वी हो।

2 कुरिन्थियां 7:7

ते ना सेर्फ ओचे आणे लारे पर ओची वे तसल्‍ली लारे वी, जको ओनु तम्चे तरफु मिड़ली हुती। ते ओणे तम्ची इच्छा, ते तम्चे ङोख ते माये वास्ते तम्ची धोन्‍न चा समाचार अम्हानु सुणाला, जाये कनु मनु होर वी खुशी मिड़ली।

फिलिप्पियां 1:4

ते जिसे बेले कङी तम्चे सब वास्ते विनती करे, तां सदा खुशी लारे विनती करता रिहे।

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

फिलिप्पियां 2:20

माये गोढु ओचे समान कुई ङुजे बन्दे कोनी जाया सुभाव माये जिसड़ा हो ते जको तम्ची भलाई चे वास्ते सच्‍चे मना लारे फिक्र कर सग़े।

फिलिप्पियां 4:2

मैं यहूदिया ते संतुखे कनु बिनती करे पला के तम्ही प्रभु मां हेक समान विचार बणाली राखा।

कुलुस्सियां 2:5

कांकि मैं अगर शरीर चे भाव लारे तम्हा कनु दूर छै, तां वी आत्मिक रीति लारे तम्चे लारे छै, ते तम्चे विधि चे अनुसार आचरण ते तम्चा विश्‍वास जको मसीह मां छै मजबूत ङेखती कर खौश हुवे।

2 थिस्सलुनीकियां 2:13

हे माये भऊ, ते प्रभु चे प्यारे लौक, चाही छै कि अम्ही तम्चे बारे मां सदा नरीकारा चा धन्यवाद करते रिहुं, कांकि नरीकारा ने आदि कनु तम्हानु चुणती गेले, कि पवित्र आत्मा चे जरिये पवित्र बणती कर, ते सच्‍चाई उपर भरोसा करती कर उद्धार पावा।

2 तीमुथियुस 1:4

ते दुधे हींजवा नु याद करती कर रात-ङिओ दुधे लारे मिलणे ची लालसा राखे कि खुशी लारे भरीती जाये।

फिलेमोन 1:20

हे भऊ, हा खुशी मनु प्रभु मां दुधे तरफु मिड़ली। मसीह मां माये देल खौश करती ङी।

2 यूहन्‍ना 1:4

मैं ब़ोहत खौश हुला कि मैं दुधे कोच्छ ब़ाला नु वे आज्ञा चे अनुसार, जको अम्चे ब़ा ची ओर कनु मिड़ली हुती, वे सच्‍चाई उपर टुरते हुले पाले।

3 यूहन्‍ना 1:4

मनु ऐचे कनु बढ़ती कर नेरी कुई खुशी कोनी हुली, कि मैं सुणे, कि माई ब़ाले सच्‍चाई चे मार्ग़ उपर चली पली।