फिलिप्पियां 2:15 - ओङ राजपूत

¹⁵ ताकि तम्ही भोले-भाले ते पवित्र बणती जावा। बल्ति टेढे ते हठीले लौका चे बीच नरीकारा ची निष्कलंक ऊलाद्ध बणती जावा। वांचे बीच मां तम्ही जीवन चा वचन चते हुले दुनिया मां तारा आलीकर चमकते ङिसा।

फिलिप्पियां 2:15 Cross References

मत्ती 10:16

“ङेखा, मैं तम्हानु भेङा आलीकर भेड़िया चे बीच मां भेज़े पला, ऐवास्ते नाग़ा आलीकर ब़ुध्दिमान ते कबूतरा आलीकर भोले बणा।

मत्ती 17:17

ईशु ने उत्तर ङिला, “हे अविश्‍वासी ते हठीले लौक, मैं कब तक तम्चे लारे रिही? कब तक तम्ची सेहता रिही? ओनु माये गोढु गेहती आवा।”

मत्ती 5:45

जाये कनु तम्ही आपणे स्वर्ग़ीय ब़ा ची ऊलाद्ध ठहराली जावा कांकि ओ भले ते बुरे ङुंहु उपर सूरज उग़ावे, ते धर्मी ते अधर्मी ङुंहु चे उपर मिंही बरसावे।

मत्ती 5:48

ऐवास्ते चाही छै कि तम्ही सेद्ध बणा, जिंवे तम्चा स्वर्ग़ीय ब़ा सेद्ध छै।

लूका 1:6

ते वे ङोनी नरीकारा चे सामणे धर्मी हुती, ते प्रभु चीया सारीया आज्ञा ते विधिया उपर निर्दोष चलणे आली हुती।

लूका 6:35

बल्कि आपणे दुश्मना लारे प्रेम राखा, ते भलाई करा, ते बल्ति गेहणे ची आस ना राखती कर उधार ङिया, तां तम्चे वास्ते बङा फल हुवी, ते तम्ही परमप्रधान ची ऊलाद्ध ठहरा, कांकि ओ वांचे उपर जको धन्यवाद ना करी ते बुरा उपर वी कृपालु छै।

यूहन्‍ना 5:35

यूहन्‍ना तां ब़लता ते चमकता हुला ङीवा हुता, ते तम्हानु थोड़ी देरी तक ओचे सोज़ले मां खौश रेहणे आच्छे लाग़ले।

प्रेरितां चे काम 2:40

पतरस ने घणीया सारीया नेरीया बाता लारे वी ग़वाही ङिती-ङिती कर समझाले कि, “आपणे आप नु ऐ अधर्मी पीढ़ी कनु बचाली राखा।”

प्रेरितां चे काम 20:30

तम्चे बीच महु इसड़ी शक्स खड़े हुवे, जको चैला नु आपणे भांसु आवणे वास्ते टेढीया-मेढीया बाता सिखावे।

रोमियां 16:19

तम्ची आज्ञा मनणे ची चर्चा सारा लौका मां फैलती गेली, ऐवास्ते मैं तम्चे बारे मां खुशी मनावे, पर मैं ईं चाहवे कि तम्ही भलाई चे वास्ते ब़ुध्दिमान पर बुराई चे वास्ते भोले बणले रिहा।

1 कुरिन्थियां 1:8

ओही तम्हानु अन्त तक मजबूत वी करी, कि तम्ही अम्चे प्रभु ईशु मसीह चे ङिओ मां बेकसूर ठहरा।

2 कुरिन्थियां 6:17

“ऐवास्ते नरीकार किहे, वांचे बिचु निकला ते अलग़ रिहा, ते तम्ही अशुद्ध चीजा नु हाथ ना लावा, ते बल्ति मैं तम्हानु स्वीकार करी।

इफिसियां 5:27

ते विनु हेक इसड़ी तेजस्वी कलीसिया बणाती कर आपणे गोढु खड़ी करो, जाये मां ना कंलक, ना झुर्री, ना कुई इसड़ी चीज हो, बल्कि पवित्र ते निर्दोष हो।

फिलिप्पियां 1:10

इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

फिलिप्पियां 3:6

जोश चे बारे अगर किहा तां कलीसिया नु सतावणे आला, ते व्यवस्था ची धार्मिकता चे बारे अगर किहा तां मैं निर्दोष हुता।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

1 तीमुथियुस 3:10

ते ये वी सारा महु पेहले अग़ुवा चे आलीकर परखले जाओ, बल्ति अगर निर्दोष निकलो, तां वे कलीसिया चे सेवक चे रूपा मां काम करो।

1 तीमुथियुस 3:2

ऐवास्ते जरुरी छै कि मुखिया निर्दोष, ते हेकी ही घराआली चा मोणस, संयम राखणे आला, समझदार, इज्जत करने आला, मेहमानी करने आला, ते सिखावणे मां आच्छा हो।

1 तीमुथियुस 5:14

ऐवास्ते मैं हा चाहवे, कि जवान बांढीया बीहा करो, ते ब़ाले जमाओ ते घर ब़ार सम्भालो, ते कुई विरोधीया नु बदनाम करने चा मौका ना ङियो।

1 तीमुथियुस 5:20

पाप करने आला नु सारा चे सामणे ङराती ङे, ताकि नेरे लौक वी ङरो।

1 तीमुथियुस 5:7

विश्‍वास करने आला नु जा बाता ची वी आज्ञा ङिले कर, ताकि वे बेकसूर रिहो।

तीतुस 1:6

जको बेकसूर ते हेक ही घराआली चा मोणस हो, जाई ब़ाले-ब़च्‍ची विश्‍वास करने आली हो, ते जानु लोचपण ते निरंकुशता चा दोष ना हो।

तीतुस 2:10

ताकि चोरी चलाकी ना करो, पर हर-तरहा कनु विश्‍वास करने आला निकलो, कि वे सारीया बाता मां अम्चे उद्धारकर्ता नरीकार चे उपदेश चा मान बढ़ाती ङियो।

तीतुस 2:15

पुरे अधिकारा लारे ये बाता केह, ते समझाता ते सिखाता रेह, कुई तनु तोच्छ ना जाण सग़ो।

इब्रानियां 7:26

कांकि इसड़ा ही महायाजक अम्चे लायक हुता, जको पवित्र, ते निष्कपट ते निर्मल ते पापीया कनु अलग़, ते स्वर्ग़ा कनु वी ऊंचा करला आला हो।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

प्रकाशितवाक्य 2:5

ऐवास्ते चैता कर कि तु किठु ढेला आला छी, ते मन फिरा ते पेहले जिसड़े काम कर। अगर तु मन नी फिरावे, तां मैं दुधे गोढु आती कर दुधे जाला नु ओची जग़हा कनु हटाती नाखी।

प्रकाशितवाक्य 3:9

ङेख, मैं शैतान चे वे सभाआला नु दुधे वशा मां करती ङी जको यहूदी बणले ब़ेहले, पर छी कोनी बल्कि कूड़ मारी। ङेख, मैं इसड़े करी कि वे आती कर दुधे पग़्ग़ा उपर ढिये, ते ईं जाणती गिहे कि मैं दुधे लारे प्रेम राखला।