फिलिप्पियां 2:1 - ओङ राजपूत

¹ अगर मसीह मां कोच्छ शान्ति, ते प्रेम लारे हिम्मत, पवित्र आत्मा ची भईवाली, ते कोच्छ करुणा ते दया छै,

फिलिप्पियां 2:1 Cross References

लूका 2:25

ते ङेखा, यरुशलेम मां शमौन नांवा चे हेक बन्दे हुते ते ऊं बन्दे धर्मी ते भग़त हुते, ते इस्राएल ची शान्ति ची बाट ङेखे पलते, ते पवित्र आत्मा ओचे उपर हुता।

यूहन्‍ना 14:18

“मैं तम्हानु अनाथ कोनी छोड़ी, मैं तम्चे गोढु आवी।

यूहन्‍ना 14:27

“मैं तम्हानु शान्ति ङिये पला, आपणी शान्ति तम्हानु ङिये पला। जिंवे संसार ङिये यूं मैं तम्हानु ना ङिही। तम्चे देल उदास ना हो, ते ना ङरो।

यूहन्‍ना 17:13

“हमा मैं दुधे गोढु आवे पला, ते ये बाता संसारा मां किहे, कि वे माया आनन्द आपणे मां पूरा गिहो।

प्रेरितां चे काम 2:46

ते वे रोजाना हेक मन हुती कर मन्दरा मां भेले हुते, ते घरा-घरा मां जती कर बच्‍चड़ रोटी खाणे ते खुशी लारे मना ची सिधाई लारे रलती-मिलती कर खाणे खाते,

प्रेरितां चे काम 4:32

ते विश्‍वास करने आली कलीसिया हेक चेत्त ते हेक मन चीया हुतीया इठे तक कि कुई वी आपणी जायजात आपणी ना केहते, पर सब कोच्छ साझे चे हुते।

रोमियां 5:5

ते आस अम्हानु निराश ना हुं ङी, कांकि पवित्र आत्मा जको अम्हानु ङिला गेला ओचे जरिये नरीकारा चा प्रेम अम्चे मना मां नाखला गेला।

रोमियां 8:26

येही रीति लारे आत्मा वी अम्ची दुर्बलता मां सहायता करे, कांकि अम्ही ना जाणु कि, प्राथना किसी रीति लारे करना चाही छै, पर पवित्र आत्मा आप ही इसड़ीया ङुसकीया भरती-भरती कर बियाना कनु ब़ाहर छै, अम्चे वास्ते बिनती करे।

1 कुरिन्थियां 12:13

कांकि अम्ही सारा ने का यहूदी हो, का यूनानी, का दास, का आजाद, हेक ही पवित्र आत्मा चे जरिये हेक शरीर हुवणे वास्ते बपतिस्मा गेहला, ते अम्चे सब मां हेक ही पवित्र आत्मा बसणे वास्ते आला।

1 कुरिन्थियां 15:31

हे माये भऊ, मनु तम्चे उपर ये गर्व बाते छै, कि जको तम्ही मसीह ईशु मां बणले पले, ये वजह कनु मैं हर ङिओ मौत चा सामना करे।

1 कुरिन्थियां 3:16

का तम्ही ना जाणा, कि तम्ही नरीकारा चा मन्दर छिवा, ते नरीकारा ची आत्मा तम्चे मां बसे पला?

2 कुरिन्थियां 13:14

प्रभु ईशु मसीह चा अनुग्रह ते नरीकारा चा प्रेम ते पवित्र आत्मा ची सहभागिता तम्चे सब लारे हुती रिहो। आमीन।

2 कुरिन्थियां 2:14

पर नरीकारा चा धन्यवाद हो, जको मसीह मां सदा अम्हानु जीत ची खुशी मां गेहली फिरे, ते आपणे ज्ञान ची खुश्बु अम्चे जरिये हर जग़हा मां खिन्डावे।

गलातियां 4:6

ऐवास्ते तम्ही ओचे पूत छिवा नरीकारा ने आपणे पूता ची आत्मा नु तम्चे दिला मां भेज़े ते वा “हे पिताजी, हे ब़ा केहती साङ मारे।”

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

इफिसियां 4:4

हेक ही शरीर छै, हेक ही आत्मा छै ते हेक ही आस छै जिसे वास्ते तम्हानु हकारले,

फिलिप्पियां 1:8

“नरीकार माया ग़वाह छै” मैं तम्हानु सच्‍च किहे पला कि मसीह ईशु जिसड़ा प्रेम करती तम्हा सारा वास्ते ललचावें।

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

कुलुस्सियां 3:12

ऐवास्ते नरीकारा ने चुणले आला ची तरह जको पवित्र ते प्यारे छी, बङी दया, ते भलाई, ते दीनता, ते नरमाई, ते सहनशीलता धारण करा,

इब्रानियां 6:18

इठे कङी ना बदलने आलीया ङोन बाता छी, हेक ओचा वायदा ते हेक ओची कसम जाये बारे मां नरीकार कूड़ा साबित हो ही ना सग़ी। अम्ची मजबूती लारे हिम्मत ब़झती जाओ, जको आसरा गेहणे वास्ते ऐवास्ते द्रोड़ले कि वे आस नु जको सामणे पली आली छै गे सग़ु।

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।

1 यूहन्‍ना 3:24

जको नरीकारा चीया आज्ञा नु मने, ऊं नरीकारा मां ते नरीकार वांचे मां बणला रिहे, ते ऐचे कनु, यानिकि वे पवित्र आत्मा लारे जको ओणे अम्हानु ङिला छै, अम्ही जाणु कि नरीकार अम्चे मां बणला रिहे।

1 यूहन्‍ना 4:12

नरीकारा नु कङी किह्णी कोनी ङेखले, अगर अम्ही आपस मां प्रेम राखु, ते नरीकार अम्चे मां बणला रिहे, ते ओचा प्रेम अम्चे मां सेद्ध हुती गेला।

1 यूहन्‍ना 4:16

जको प्रेम नरीकार अम्चे लारे राखे, ओनु अम्ही जाणती गेले, ते अम्हानु ओचा विश्‍वास छै। नरीकार प्रेम छै, ते जको प्रेम मां बणले रिहे, ऊं नरीकारा मां बणले रिहे, ते नरीकार ओचे मां बणला रिहे।