फिलिप्पियां 1:10 - ओङ राजपूत

¹⁰ इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

फिलिप्पियां 1:10 Cross References

मत्ती 16:23

ईशु ने मुड़ती कर पतरस नु केहले, “हे शैतान, माये सामणे कनु दूर हो! तु माये वास्ते ठोकर ची वजह छी। कांकि तु नरीकारा चीया बाता उपर ना, पर तु इन्साना चीया बाता उपर मन लावी।”

मत्ती 26:33

ऐचे उपर पतरस ने ओनु केहले, “अगर सारे दुधे बारे मां ठोकर खाओ तां खाओ, पर मैं कङी वी ठोकर नी खई।”

यूहन्‍ना 1:47

ईशु ने नतनएल नु आपणे गोढु आते ङेखती कर ओचे बारे मां केहले, “ङेखा, हा सच्‍चमां इस्राएली छै। ऐचे मां कप्पट कोनी।”

यूहन्‍ना 3:20

कांकि जको कुई बुराई करे ऊं सोज़ले लारे बैर करे, ते सोज़ले चे गोढु ना आवी इसड़े ना हो कि वांचे काम उजागर ना हुती जाओ।

प्रेरितां चे काम 24:16

ऐचे कनु मैं आप वी जत्तन करे पला कि नरीकारा ची, ते इन्साना ची तरफ माया विवेक सदा निर्दोष रिहो।

रोमियां 12:2

ते ऐ संसारा ची रीति उपर ना चला। पर तम्ची ब़ुध्दि चे नवें हुती जाणे लारे तम्चा चाल-चलन वी बदलता जाओ, जाये कनु तम्ही नरीकारा ची भली, ते भावणे आली, ते सेद्ध इच्छा लारे अनुभव लारे मालुम करते रिहा।

रोमियां 12:9

प्रेम निष्कपट हो, बुराई लारे नफरत करा, भलाई करने मां लाग़ले रिहा।

रोमियां 16:17

हमा हे माये भऊ, मैं तम्चे कनु बिनती करे पला, कि जको लौक वे शिक्षा चे विपरीत, जको तम्ही गेहली, फूट नाखणे, ते ठोकर ङिवाणे ची वजह बणी, ते वानु भांपती गेहले करा ते वाकनु दूर रेहले करा।

रोमियां 2:18

ते ओची इच्छा जाणी ते व्यवस्था ची शिक्षा पाती कर खास-खास बाता नु प्यारे जाणी।

रोमियां 7:16

ते अगर, जको मैं ना चाहवी ऊंही करे, तां मैं मनती गिहे कि व्यवस्था आच्छी छै।

रोमियां 7:22

कांकि मैं भितरला मनुष्यत्व कनु तां नरीकारा चे व्यवस्था कनु ब़ोहत खौश रिहे।

रोमियां 8:7

शरीरा उपर मन लावणे तां नरीकारा चे लारे बैर राखणे छै, कांकि ना तां नरीकारा ची व्यवस्था अधीन छै, ते ना ही हो सग़े।

1 कुरिन्थियां 1:8

ओही तम्हानु अन्त तक मजबूत वी करी, कि तम्ही अम्चे प्रभु ईशु मसीह चे ङिओ मां बेकसूर ठहरा।

1 कुरिन्थियां 10:32

तम्ही ना यहूदिया वास्ते, ना नेरीया जातिया ते ना नरीकारा ची कलीसिया वास्ते ठोकर ची वजह बणा।

1 कुरिन्थियां 8:13

ऐवास्ते अगर खाणे काये वास्ते ठोकर ची वजह बणे, तां मैं मीट चे खाणे कङी वी नी खई, कि मैं आपणे भावां ची ठोकर ची वजह बणे।

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

2 कुरिन्थियां 2:17

अम्ही वां ब़ोहता आलीकर कोनी, जको आपणे फायदे वास्ते नरीकारा चे वचना मां मिलावट करी। पर अम्ही मन ची सच्‍चाई लारे, ते नरीकारा चे तरफु ते नरीकारा नु मौजुद जाणती कर मसीह मां ब़ोलु।

2 कुरिन्थियां 6:3

अम्ही कुई बाते मां ठोकर खाणे चा कुई वी मौका ना ङिऊं, ताकि अम्ची सेवा उपर कुई दोष ना आओ।

2 कुरिन्थियां 8:8

मैं तम्हानु कुई आज्ञा कोनी ङिये पला, मैं सेर्फ वां लौका चे लगाव नु बावड़ती कर, तम्चे प्रेम ची सच्‍चाई नु परखे पला।

गलातियां 5:11

पर हे भऊ ब़ेहणी, अगर मैं हमा तक खतने चा प्रचार करी हा, तां कां हमा तक सताला जाये? अगर इसड़े हुवीया तां मसीह चे क्रूसा ची वजह कनु आली सारी रुकावटा खत्तम हुती जईया।

इफिसियां 4:15

बल्कि प्रेम मां सच्‍चाई लारे चलते हुले सारीया बाता मां ओचे मां जको ठोङ छै, यानि मसीह मां बढ़ते जावा।

इफिसियां 5:10

ते हा परखा कि ङेखा प्रभु नु का आच्छे लाग़े?

इफिसियां 5:27

ते विनु हेक इसड़ी तेजस्वी कलीसिया बणाती कर आपणे गोढु खड़ी करो, जाये मां ना कंलक, ना झुर्री, ना कुई इसड़ी चीज हो, बल्कि पवित्र ते निर्दोष हो।

इफिसियां 6:24

जको अम्चे प्रभु ईशु मसीह लारे सच्‍चा प्रेम राखे, वा सारा चे उपर अनुग्रह हुता रिहो।

फिलिप्पियां 1:16

जको बन्दी प्रेम ची वजह कनु इसड़े करी कांकि ये जाणी कि नरीकारा ने सुसमाचार चे बचाव वास्ते ही मनु इठे कैदखाने मां राखले।

फिलिप्पियां 1:6

मनु पूरा भरोसा छै कि ओ नरीकार जेह्णे तम्चे मां आच्छे काम शुरु करले ऊंही काम मसीह ईशु चे ङिओ तक नरीकार पुरे करी।

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

1 थिस्सलुनीकियां 5:21

सारीया बाता नु परखा, जको आच्छीया छी वानु मजबूती लारे पकड़ली रिहा।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।