फिलिप्पियां 1:1 - ओङ राजपूत

¹ मसीह ईशु चा दास पौलुस ते तीमुथियुस ची तरफु, सब पवित्र लौका चे नांवे जको मसीह ईशु मां हुती कर फिलिप्पी मां रिही, मुखिया ते सेवका समेत।

फिलिप्पियां 1:1 Cross References

मरकुस 13:34

हा ओ इन्साना ची दशा छै, जको प्रदेस जते बेले आपणे घर छोड़ती जाये ते आपणे दासा नु अधिकार ङियो, ते हर हेक नु ओचे काम बावड़ती ङियो, ते द्वारपाल नु जाग़ते रेहणे ची आज्ञा ङियो।

यूहन्‍ना 12:26

अगर कुई माई सेवा करने चाहवे तां माये भांसु टुरणे पड़ी, जिठे मैं छै, उठे माया दास वी हुवी। अगर कुई माई सेवा करे तां माया ब़ा ओचा कद्दर करी।

प्रेरितां चे काम 1:20

“कांकि भज़न संहिता मां लिखले आले छै कि, “ ‘ओचे घर उज़ड़ती जाओ, ओचे मां रेहणे वास्ते कुई वी ना बचो, ओचा पद्द कुई नेरे गेहती गिहो।’

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

प्रेरितां चे काम 9:13

पर हनन्याह ने उत्तर ङिला, “हे प्रभु, मैं ऐ इन्साना चे बारे मां घणा कनु सुणले कि ऐणे यरुशलेम मां दुधे पवित्र लौका लारे बङीया-बङीया बुराईया करलीया,

रोमियां 1:1

हा चिठ्ठी रोमियां ची कलीसिया वास्ते लिखली गेली पौलुस चे तरफु जको ईशु मसीह चा दास छै ते प्रेरित हुवणे चे वास्ते हकारला गेला ते नरीकारा चे ओ सुसमाचार वास्ते अलग़ करला गेला छै।

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

1 कुरिन्थियां 16:10

जिसे बेले तीमुथियुस तम्चे गोढु आती जाओ, तां ओचा ध्यान राखजा तम्चे इठे निश्‍चिन्त रिहो कांकि ओ माये आलीकर प्रभु चे काम करे।

2 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

गलातियां 1:10

हमा मैं का बन्दा नु मने जा नरीकारा नु का मैं बन्दा नु खौश करना चाहवे? अगर मैं बन्दा नु खौश करने चाहवें तां ईशु मसीह चा दास ना हुवीया।

गलातियां 3:26

कांकि तम्ही सारे ओ विश्‍वास लारे जको ईशु मसीह उपर छै, नरीकारा ची ऊलाद्ध छिवा,

गलातियां 3:28

हमा ना कुई यहूदी रेहला ना कुई यूनानी, ना कुई गुलाम रेहला ना कुई आजाद, ना मर्द रेहला ना कुई असतरी कांकि तम्ही सारे ईशु मसीह मां हेक छिवा,

इफिसियां 1:1

पौलुस चे तरफु जको नरीकारा ची इच्छा लारे ईशु मसीह चा प्रेरित छै, वां पवित्र ते मसीह ईशु मां विश्‍वासी लौका चे नांवे जको इफिसुस शहरा मां छी।

इफिसियां 1:15

ऐवास्ते, जिसे बेले मैं प्रभु ईशु मां तम्चे विश्‍वास ते सारे पवित्र लौका वास्ते तम्चे प्रेम चे बारे मां सुणले,

इफिसियां 6:24

जको अम्चे प्रभु ईशु मसीह लारे सच्‍चा प्रेम राखे, वा सारा चे उपर अनुग्रह हुता रिहो।

फिलिप्पियां 2:19

मनु प्रभु ईशु मसीह मां आस छै कि मैं तीमुथियुस नु तम्चे गोढु भेज़ी, ताकि तम्ची हालत सुणती कर मनु शान्ति मिलो।

फिलिप्पियां 2:5

जिसड़ा मसीह ईशु चा सुभाव हुता उसड़ा ही तम्चा वी सुभाव हो।

फिलिप्पियां 3:12

हा मतलब कोनी कि मैं गेहती चुकला, जा सेद्ध हुती चुकला पर मैं वे उपलब्धि नु गेहणे वास्ते लगातार यतन करे पला। जाये वास्ते मसीह ईशु ने मनु हकारले हुते।

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

फिलिप्पियां 3:8

ऐकनु वी बङी बात हा छै कि मैं आपणे प्रभु ईशु मसीह चे ज्ञान ची श्रेष्टता ची वजह कनु आज़ तक सब चीजा नु फायदा चीया ना समझी। ओचे वास्ते मैं सब कोच्छ त्याग़ती ङिले ते मैं सब चीजा कनु नफरत करु लाग़ला। ताकि मसीह नु गे सग़े।

1 थिस्सलुनीकियां 1:1

पौलुस ते सिलवानुस ते तीमुथियुस ची ओर कनु थिस्सलुनीकियां ची कलीसिया चे नांवे, जको अम्चे ब़ा नरीकार ते प्रभु ईशु मसीह मां छी। अनुग्रह ते शान्ति तम्हानु मिलती रिहो।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

2 थिस्सलुनीकियां 1:1

पौलुस ते सिलवानुस ते तीमुथियुस चे तरफा कनु थिस्सलुनीकियां ची कलीसिया चे नांवे हा चिठ्ठी, जको अम्चे ब़ा नरीकार ते प्रभु ईशु मसीह मां छै।

2 थिस्सलुनीकियां 1:10

हा ओ ङिओ हुवी, जिसे बेले ओ आपणे पवित्र लौका मां महिमा पाणे, ते सारे विश्‍वास करने आला मां आश्‍चर्य ची वजह हुवणे चे वास्ते आवी, तम्ही वी वां लौका मां शामिल हुवा, कांकि तम्ही मसीह चे सुसमाचार उपर विश्‍वास करला।

1 तीमुथियुस 1:2

तीमुथियुस चे नांवे जको विश्‍वास मां माया सच्‍चा पूत छै। ब़ा नरीकार, ते अम्चे प्रभु ईशु मसीह ची ओर कनु, तनु अनुग्रह, ते दया, ते शान्ति मिलती रिहो।

1 तीमुथियुस 3:8

यूंही सेवका नु वी आच्छे विचारा चे हुवणे चाही छै, जाई बाता उपर भरोसा करला जाओ, ङोन रंगी ना हो, पीणे आला ना हो, ते नीच कमाई चा लोभी ना हो।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

तीतुस 1:7

कांकि मुखिया नु नरीकारा चा भण्डारी हुवणे चे वजह निर्दोष हुवणे चाही छै, ना हठी, ना क्रोधी, ना पियक्‍कड़, ना मार कुटाई करने आला, ते ना नीच कमाई चा लोभी।

फिलेमोन 1:1

पौलुस चे तरफा कनु जको मसीह ईशु चा सुसमाचार सुणावणे चे वास्ते कैदी छै, ते भऊ तीमुथियुस ची तरफा कनु, अम्चे लारे काम करने आला प्यारा साथी फिलेमोन,

इब्रानियां 13:23

मैं चाहवे कि तम्ही ईं जाणती गिहा अम्चे भावा तीमुथियुस नु कैदखाने महु रिहा करती ङिले गेले, अगर ओ इठे जल्दी आओ तां ओचे लारे आती कर मैं तम्चे लारे मुलाकात करी।

याकूब 1:1

नरीकारा चा ते प्रभु ईशु मसीह चा दास याकूब चे तरफु वां ब़ारहा गोत्रा नु जको खिंडती-पुंडती रिही पले वानु नमस्कार पुज़ो।

1 पतरस 2:25

कांकि तम्ही पेहले भटकलीया आलीया भेङा आलीकर हुते, पर हमा तम्ही आपणे आजड़ी ते आत्मा ची रखवाली करने आले सनु पुठे फिरती आले।

2 पतरस 1:1

शमौन पतरस चे तरफु जको ईशु मसीह चा दास छै ते प्रेरित छै, हा चिठ्ठी वां लौका चे नांवे जेह्णे अम्चे नरीकार ते उद्धारकर्ता ईशु मसीह ची धार्मिकता चे जरिये अम्चे आलीकर ब़ोहत कीमती विश्‍वास गेहला।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

प्रकाशितवाक्य 1:1

ईशु मसीह चा प्रकाशितवाक्य, जको ओनु नरीकारा ने ऐवास्ते ङिला कि आपणे दासा नु वे बाता, जाये जल्दी हुवणे जरुरी छै ङिखाणो। ओणे आपणे स्वर्ग़दूत नु भेज़ती कर ओचे जरिये आपणे दास यूहन्‍ना नु बावड़ले,

प्रकाशितवाक्य 1:20

यानि वां सात तारा चा भेद जानु तु माये सज़्ज़े हाथा मां ङेखले हुते, ते वे सात सोने चे ङीवा चा भेद वे सात तारे सात कलीसिया चे दूत छी, ते वे सात ङीवे सात कलीसिया छी।

प्रकाशितवाक्य 19:10

ते मैं ओनु ङण्डवत करने चे वास्ते ओचे पग़्ग़ा मां ढेला, ओणे मनु केहले, ङेख, “इसड़े ना कर, मैं दुधा ते दुधे भावां चे लारे चा दास छै, जको ईशु ची ग़वाही ङेणे उपर मजबूत छै, नरीकारा नु ही ङण्डवत कर, कांकि ईशु ची ग़वाही भविष्यवाणी ची आत्मा छै।”

प्रकाशितवाक्य 2:12

“पिरगमुन ची कलीसिया चे दूता नु ईं लेख, “जाये कनु ङुंहु धारी ते तेज तलवार छै, ओ ईं किहे कि,

प्रकाशितवाक्य 2:8

“स्मुरना ची कलीसिया चे दूता नु ईं लेख, “जको पेहला ते आखरी छै, जको मरती गेलता, ते हमा जीता हुती गेला, ओ ईं किहे पला कि,

प्रकाशितवाक्य 22:9

ते ओणे मनु केहले, “ङेख, तु इसड़े ना कर। कांकि मैं दुधा ते दुधे भावां चा ते भविष्यवक्‍ता चा ते ये किताबे चा बाता नु मनणे आला लारे चा दास छै। नरीकारा नु ही ङण्डवत कर।”