ፊል 2:9 - ኦራ ጫ̈ቃ ማጻ̈ፋ

⁹ ዪ̈ኮታ̇ቦ ጾ̈ሲ ኢያ ዎይሊን ሾክ̇ ሾክ̇ ዎቲዴ፤ ማ ሱም ዎይፖ ሺዝ ሱም ኢ̈ብ ኢሚ̇ዴ።

ፊል 2:9 Cross References

ማ̈ቶ̈ሳ 11:27

ታ ባ̈ባ̈ዲ ታ̈ብ ዎይ ባዝ ኢሚ̇ኔ፤ ባ̈ባ̈ፖ̇ ሜላ ኦ̈ናካር ናኣ ኤሪዛ ባዬ̇፤ ዪና̇ ኢዝፌኒ ናኣ̈ፖ ሜላ ባ̈ባ̈ ኤሪዛ ባዬ̇። ባ̈ባ ኦ̈ናኮ ናኣ̈ዲ ኢባዝ ኤርሳካ̇ይ ኣቴ̇ጌይን ኦ̈ና̈ካር ባ̈ባ̈ ኤራንዳ̇ብ ዳንዳኢባ̈ሴ።

ማ̈ቶ̈ሳ 28:18

ዬሱ̈ሲ ኢንታ̇ክ ዬ̈ዪ ኡካ̇ሪ “ሲልጣ̈ና ዎይ ኣ̈ፋር ማ̈ቂ̇ን ሳ̈ዳ̇ሬ ታ̈ብ ኢሚንቲ̇ኔ።

ሉቃ̈ሳ 10:22

“ዎይ ባዚ ቴ ባ̈ባ ጋልዳፖ̇ ታ̈ቦ ኢሚንቲ̇ኔ። ማ ናኣ ኢ ኦ̈ናኮ ባ̈ባ̈ፖ̇ ኣቲ̇ን ሜላ ኤሪዝ ኣሲ ባዬ̇። ማ ባ̈ባ̈ ኦ̈ናኮ ናኣ̈ፖ̇ ኣቲ̇ን ዎይ ናኣ ቤይሳንዳ̇ብ ኮዪኖ ኣሳፖ̇ ኣቲን ሜላ ኤሪዝ ኣሲ ኦ̈ናካር ባዬ̇” ጌይዴ።

ዋ̈ኒ̇ሳ 13:3

ዬሱ̈ሲ፥ ኢ ባ̈ባ̈ዲ ዎይ ባዝ ጋልዳ̇ ኢ̈ብ ሲልጣና ኢሚ̇ኖንዲኬ ማ ኢ ጾ̈ሳ̇̇ ቲ̈ናፖ̇ ዬይኖንዶ̇ ማ ማ̈ቃ̇ር ኢ̈ኮ ሉካ̇ዚንዶ̇ ኤሪዴ።

ዋ̈ኒ̇ሳ 17:11

ዪዚ ዓኒፖ̇ ጌዳ ታ̈ኒ ሳ̈ዝ ዓና̇ ጋልዳ̇ ጋምኣባሴ፥ ኢንቲ̇ ዓኒ ሳ̈ዚን ጋልዳ ዎ። ቴ ኔ̈ክ ዬ̈ሬ፥ ጌ̈ሻ̇ ቴ ባ̈ባ̈ዶ! ኔ̈ናክ ታ̈ናክ ዎል ፔታ̇ን ማ̈ቂኖንዲፌ̈ን ኢንታ̇ር ዎል ፔታ̇ን ማ̈ቃምፔ̈ን ኔ ታ̈ብ ኢሚ̇ኖ ኔ ሱምምባ̇ር ኢንታ̇ ና̈ጋቤ።

ዋ̈ኒ̇ሳ 17:12

ቴ ኢንታ̇ባር ዎምባራ ኔ ታ̈ብ ኢሚ̇ኖ ሱ̈ሚምባራ ኢንታ̇ ና̈ጊኔ። ጌ̈ሻ̇ ማጻ̈ፋ ጋልዳ ጻ̈ፊንቲ̇ኖ ቃ̈ላ ፎቲንታ̇ምፔ̇ኒ ያንፔ̈ን ዎሳ̇ኒንቲ̇ኖ ና̈ሳ ሙታ̇ዶኬ ኢንታ̇ ጋርታ̇ፖ̇ ኦ̈ናካር ያካ̇ዬ።

ዋ̈ኒ̇ሳ 17:5

ቴ ባ̈ባ̈ዶ! ሳ̈ዝ ኤ̈ሺ̇ን ኮቺ̇ንታካ̇ይዶ̈ን ታ̈ብ ኔ ቲ̈ን ዎ ቦንቺ̇ንዲፌ̈ኒ ዓት ኔ ታ̈ና ኢዝፌ̈ን ኔ ቲ̈ን ቦንቻ̇ቤ።

ሃዋ̈ራታን ኦ̈ሳ 5:31

ኢያሬ ኢስሬ̈ል ዎርዣን ጾ̈ሳ̇̇̈ክ ማ̈ቂ̇ን ኢንታ ናጋራ ኢንታ̇ብ ኣቶ ጌዪንታ̇ምፔ̈ኒ ጾ̈ሲ ኢያ ዎይ̈ቦ ላ̈ኬ ዎይ ፋዛ ማሃር ፌ ላ̈ፍ ሾክ ሾክ ዎቲዴ።

ኤፍ 1:10

ኬሊ̇ን ዬላ̇ዚንባራ ጾ̈ሳ̇̇̈ዲ ኣፋር ማ̈ቂ̇ን ሳ̈ዳ̇ር ዎ ባዛን ዎይ ክርስቶ̈ሳፖ ጻና ሺ̈ሻ̇ንዳብ ቆፒ̇ኔ።

ቆላ̈ሳ̈ሳ 1:18

ኢ ፌ̈ብ ጋል̇ ማ̈ቂ̇̈ኖ ዎ̈ሳ ኬ̈ምቦ ቆሜ̇። ባዝ ዎይ̈ባራ ኢ ሺ ማ̈ቃ̇ምፔ̈ኒ ዓይቃ ጋርታ̇ፖ ዲንዳባራ ዎይፖ ቲ̈ንኬ ዎይፖ ኡሳ̇ ኢያ።

2 ታሳ 1:12

ዪና̇ ኢዝፌ̈ኒ ኑ ጎዳ ዬሱ̈ሳ ሱሚን ዪንታ̇ ጋልዳ ቦንቺንታ̇ምፔ̈ንኬ ዪንታ̇ሬ ኑ ጾ̈ሳ̇̇ዴኬ ጎዳ ዬሱ̈ስ ክርስቶ̈ሳ ኮሺ̇ቲንባራ ኢባር ቦንቺንታምፔ̈ን ኑ ዎ̈ሲ̇̈ሬ።

ኢብ 1:4

ጾ̈ሳ̇ ኢ̈ብ ኢሚ̇ኖ ሱም̈ዲ ኪ̈ታንቻ̇ን ሱምፖ ሺ ማ̈ቂኖንዲፌ̈ኒ ኢ ፌ ቆሚ̇ንዳሬ ኪ̈ታንቻንፖ ጴች ሺሬ።

ኢብ 1:9

ኔ̈ኒ ጺሊ̇ቲ ካዴ፤ ውጫ ኢጻ̇ዴ፤ ዪኒ̇ ጊሻ̇ቦ ጾ̈ሳ̇̈ ኔ̈ና ኡፋይሲዝ ዛይታ ዲርካሪ፤ ኔ ላ̈ጋን ጋርታፖ ኔና ሾክ̇ ሾክ̇ ዎቲዴ” ጌይሬ።

ኢብ 12:2

ኑ ዎጻ̇ዚንዳሬ ኑ ኣማ̇ኒምቦ ዋና̇ ቲ̈ኖዳሬ ጋስ ውርሲዳሬ ኢያ ማ̈ቂ̇ኖ ዬሱ̈ሳ ቤቃ̇ሪዬ፤ ኢ ፌ ቲ̈ኖ ኢያ ና̈ጊኖ ኡፋይሲንኮታቦ ማስቃላ ጋልዶ ዬ̈ላ̇ ዓይቂን ኣባካር ማሂ ፋይዳካይዶር ዪና̇ ሜቲንዲኬ ዓይቂን ጋርዣሪ ጾ̈ሳ̇̇̈ቦ ኡሻች ጎይ ዶኢ̈ዴ።

ኢብ 2:9

ዎቲናካሬ ኪ̈ታንቻ̈ንፖ ጊላ̇ ጉ̈ጺ̇ኖ ዬሱ̈ሲ፥ ጾ̈ሳ̇̈ ካንንባራ ኑ ዎይንጊሻቦ ዓይቃ ሜታ ኤኪ̇ኖኮታ̈ቦ፥ ጾ̈ሲ ኢያ ቦንቺሺኖን ኑ ቤቂ̇ኔ።

1 ጴጥ 3:22

ኢያሬ ኣፋ ሉካ̇ሪ ጾ̈ሳ̇ ባ̈ባ̈ቦ ኡሻች ጎይ ዎ፤ ኪታ̈ንቻን፥ ሲ̈ልጣናባሮንኬ ዎልቃባሮን ዎይ ኢ̈ቦ ኪ̈ቲንቲ̇ኔ።

2 ጴጥ 1:17

ኣፋፖ “ቴ ኢባር ኡፋይቲዛ ቴ ካዝ ናኣ ዓ̈ዳ!” ጌይዝ ጊርሲ ኢ̈ብ ዬይኖምባራ ኢ ጾ̈ሳ̇ ባ̈ባ̈ ጋልዳፖ ቦንችኬ ጴቺቲ ዲጚኔ።

3 ዋ̈ኒ̇ 1:7

ኢንቲ ክርስቶ̈ሳቦ ኦ̈ንዳብ ኬስኪ̈ርዶሪ ኣይሁድ ባዮ̇ ኣሳን ጋልዳፖ ኣባካር ኤካካ̇ይዶር ሜላ̇ ኬስኪ̇ኔ።

ሳጻ 11:15

ታብዚ ኪ̈ታንቻዲ ፌ ኤ̈ኖ ሞይዚን ፉጊ̇ዴ፤ ኣፋሬ “ኣላሚን ጋልዳ ካ̈ቲቲ ዎይ ጎዳ ኑ ጾ̈ሳ̇ዴይኬ ክርስቶ̈ሴይ ማ̈ቂ̇ኔ፤ ኢ ሜናብ ካዉቲ̈ሬ” ጌይዛ ጴች ጊርሳን ሲስኪንቲ̇ዴ።

ሳጻ 19:16

ኢ ኣፊሊን ጋልዳኬ ኢ ቤሺን ጋልዳ “ካ̈ቲንታ̇ንቦ ካ̈ቲ ጎዳንቦ ጎዴ” ጌይዝ ሱ̈ም ጻ̈ፊንቲ̇ኔ።

ሳጻ 3:21

ታ̈ኒ ታ ጻላ̈ታን ጋማራ ታ ባ̈ባ̈ባር ዎልኣ ዶኢኖንዲፌ̈ኒ ጋሚኖ ኣሲ ቴ ዙፋ̈ኒን ጋልዳ ቴባር ዎልኣ ዶ̈ኣምፔን ዎታንዳ።

ሳጻ 5:12

ኢንቲ̇ ጴች ጊርስባራ፥ “ሹኪንቲ̇ኖ ዶራዲ ዎ̈ልቃ፥ ዱሪቲ፥ ኤሪቲ፥ ሚንቲ፥ ጴቺቲ፥ ቦንችኬ ጋላታ ኤካ̇ንዳብ ኢ̈ብ ቤይሲ̈ሬ” ጌዪ ዬጺ̇ዴ።