ፊል 2:3 - ኦራ ጫ̈ቃ ማጻ̈ፋ

³ ዪንቲ̇ ኦቲርቂባ̈ሶ ማ̈ቃ̇ሪ ሜላ̈ን ዪንታ̇ፖ ሺዛ ማሃር ፋይዲብቴዶኬ ዪንቲ ዪንታ̇ ካሪ ዎይ “ታ̈ፖ ኣ̈ዛ ኦ̈ኖ” ጋ̈̈̈ሪ ኣባክ ፔቲ̇ባዝ ዎታፒ̇ቴ።

ፊል 2:3 Cross References

ሉቃ̈ሳ 18:14

ዪዚ ቴ ዪንታ̇ብ ሶ̈ሎ፥ ና̈ሳ ፋራሳ̈ዋፖ̇ ቃራጻ ቃጺሲዝ ና̈ሳ ዪ̈ዲ ጾ̈ሳ̇̇ ቲ̈ን ጺላ̇ ማ̈ቃ̇ር ፌ ኣ̈ል ሉኪ̇ዴ። ፌ̈ና ሾክ ሾክ ዎቲዛ ዎይ ዪርክ ጌይሬ፤ ፌ̈ና ዪርክ ዎቲዛ ዎይ ሾክ ጌይሬ” ጌይዴ።

ሮሜ 12:10

ዎል ዎልኣ ኢሺክ ጌ̈ዲክፌ̈ን ዶ̈ሲንቲ̈ብቴ፤ ዎልዎልኣ ቦንቺ̇ንቲ̇ብቴ።

ሮሜ 13:13

ጋላስ̇ ፎኢንባራ ዬዝ ኣስፌ̈ኒ ኑ̈ናር ጌ̈ሺቲባራ ዬስቶ̇። ዎልኣ ሺ̈ቃር ኡሽኪ̇ ዬጺ̇ ዶ̈ንባራ፣ ማሲቲባራ፣ ኦሎ̈ላ ጋዲባርኬ ዲርጊ̇̈ስባራ ማ̈ቃፖ፤ ዋችባርኬ ቂና̈ታባራ ማ̈ቃፖጋ̈ቤ።

ሮሜ 2:8

ፌ̈ና ሙታ̇ ማ̈ዲ̇ዝ ባዝ ኮዪዛን፣ ኪን ባዛብ ኪቲ̇ንቲባ̈ሶንኬ ዉጫ ባዝ ኦ̈ንዳብ ዎልኣ ዞሪንቲ̇ዝ ኣሳን ጾ̈ሳ̇̈ዲ ዎይሊን ጎይሊ̈ሬ።

1 ቆሮ 15:9

ታ̈ኒ ኣማ̇ኒኖ ኣሳን ዳካ̇ ላ̈ሊ̇ኖ ኣስ ማ̈ቂ̇ኖኮታ̇ቦ ሃዋ̈ራታን ዎይ̈ንፖ ጉ̈ጺ̇ዝ ኣሴ፤ ማ ሃዋ̈ራ ጌዪንታ̇ራር ጼይጊንታ̇ንዳብ ኮሺ̇ባ̈ሶ ኣሴ።

1 ቆሮ 3:3

ዪንቲ ዓታ̇ር ዓኒ ኣላሚን ጋልዳ ዎ ኣሳን ኦ̈ዚንዲፌ̈ኒ ኦ̈ሬ። ዪንታ̇ ጊዳ ቂና̈ታኬ ዋ̈ቺ ዎ̈፤ ዪዚ ዪንቲ ዓኒ ኣላሚን ጋልዶ ፋባ̈ሶ ኣሳን ኦ̈ዚንዲፌ̈ን ኦ̈ሙታ̇ ዎን ባዝ ዪን ኤርሲባ̈ሳ?

2 ቆሮ 12:20

ቴ ዪንታ̇̇ክ ዬ̈ዚምባራ ዪንቲ̇ ቴ ኮያዚንዲፌ̈ን ማ̈ቃ̇ር ቤንታካ̇ይ ኣታ̇ንዳብ ዳንዳኢ̈ሬ ዎይ ታ̈ኒ ዪንቲ̇ ኮያዚንዲፌ̈ን ማ̈ቃ̇ር ቤንታካ̇ይ ኣታ̇ንዳብ ዳንዳኣ̈ሬ ጌያ ኢ̈ጫ̇̈ሬ። ዪንታ̇ ጊዳ ዋ፣ ቂና̈ታ፣ ጎይል፣ ፌ̈ና ሙታ̇ ካ፣ ኣሳ ሱም ይሲ፣ ጌስት፣ ኦቲራኬ ዋች ዶኣንዳብ ዳንዳኢ̈ሬ ጋ̈ር ኢ̈ጫ̇̈̃ሬ።

ጋላ̈ታ 5:15

ዎቲናካር ዪንቲ ዎል ዎልኣ ዱኪንቲ̇ሙታ̇ኬ ቂንቲ̇ሙታ̇ ዶኤጌይንዶ ዪንቲ ዎል ዎልኣ ኤኪ̇ ያዚን ኤሪብቴ̇።

ጋላ̈ታ 5:26

ፔታ̇ና ፔታ̇ና̈ዳ ኢ̈ታ ባዝ ኦ̈ምፔ̈ኒ ዲንሙታ̇፤ ዎል ዎልኣር ቃና̇ኢሙታ̇ ሜላ̇ ኦቲርቃ̇ንዳብ ኮሺ̇ባ̈ሴ።

ኤፍ 4:2

ካንባር ዪንቲ ዎል ዎልኣ ዳንዳኢሙታ̇ ዎይ ጋላስ ዪንታ̇ ዪርክ ዎቲሙታ̇ኬ ኮሺ̇ቲባርኬ ጋርዣባር ዶኢብቴ።

ኤፍ 5:21

ክርስቶ̈ሳብ ኢ̈ጫሪ ዪንታ̇ ጋርታ ፔታ̇ና ፔታ̇ና̈ቦ ኪቲ̇ንታጋ̈ቤ።

ፊል 2:14

ዪንቲ̇ ዎይ ባዝ ጉንዲማካ̇ይዶርኬ ዋጫካ̇ይዶር ኦ̈ብቴ።

ቆላ̈ሳ̈ሳ 3:12

ዪዚ ዪንቲ̇ ጾ̈ሲ ዪንታ̇ ፌዪ ማሃንዳብ ቆሪኖንኬ ኢባር ካንቲ̇ኖ ጾ̈ሳ̇̇ ዎርዣ ማ̈ቂ̇ኖኮታ̇ቦ ኣሳብ ሚጪንቲ̇፣ ኣሽኪቲ፣ ዪንታ̇ ዪርክ ዪርክ ዎቲ፣ ኮሺ̇ቲኬ ዳንዳኣ ማኢኖ ኣስ ማ̈ቂ̇ብቴ።

ቆላ̈ሳ̈ሳ 3:8

ዪዚ ዓት ዪንቲ̇ ጎይል፣ ዛላ፣ ቆ̈ሳ፣ ጌስትኬ ኣስ ዬ̈ሊ̇ዝ ሶ̈ላ ዪንታ̇ ጋልዳፖ̇ ፋይብቴ̇።

1 ጢማ̈ 6:4

ዪ ና̈ሳዲ ሜላ̇ ኦቲራባር ጋቢ̇ኖ ኣባክ ኤሪባ̈ሶ ኣሴ፤ ዪ ና̈ሳ̈ዲ ቃ̈ላ ጎይ ኣሳባር ዋች ዋጫንዳብኬ ጎይል ጎይላንዳቦ ኢ̈ት ኢና̇ ኢ ጋርታ ዎ። ዪኒፌ̈ኖ ባዚንዳ ቂና̈ታ፣ ጎይል፣ ቆ̈ሳኬ ፔታ̇ና ፔታ̇ና ኣማ̇ናካይፌ̈ን ዎቲ ኤሄ̈ሬ።

1 ጴጥ 3:8

ዪዚ ውርሲ ጋልዳ ቴ ጋ̈ዚንዳ፥ ዪንቲ̇ ዎልዎልኣ ፔቲ̇ ቆፊባር ዶኢብቴ፤ ና̈ሳ ሜላ̈ኮ ሜቲ̇ን ዪንታ̇ ሜታፌ̈ን ማሃር ቤቂ̇ብቴ። ዎልኣ ኢሺክ ጌ̈ዲክፌ̈ን ማ̈ቃ̇ር ዶኢብቴ። ማ ኣሳብ ሚጪንቲ̇ዛንኬ ዪንታ̇ ዪርክ ዪርክ ዎቲዛን ማ̈ቂ̇ብቴ።

1 ጴጥ 5:5

ማ ዪንቲ̇ ናኢቲን! ዶምዛንቦ ኪ̈ቲንቲ̇ብቴ፤ ዪንቲ ዪንታ̇ ዪርክ ዪርክ ዎቲ ሙታ ፔታ̇ ፔታ̇ና ማ̈ዶጋ̈ቤ፤ ኣኮታ̇ቦ ጌይን “ጾ̈ሳ̇ዲ ኦቲርቂዛ̈ን ኢጺ̇̈ሬ፥ ፌ̈ና ዪርክ ዪርክ ዎቲዛንቦ ፌ ኮሺቲን ቤይሲ̈ሬ” ጋ̈ሪ ጻ̈ፊንቲ̇ኔ።