Filiipʋkɔmʋ 4:9 - Nyaboa (Nyabwa)

⁹ A ꞌye li-ɔ, -Lagɔꞌɔ wlu ꞌɩn -tɔꞌɔ amʋ, a ꞌwɔɔnꞌɔ, a ꞌꞌdu ɩ ꞌbho, ꞌle, -ka ɩ ꞌlɛꞌɛ, a ꞌke -kaa -na! ꞌƖnnɛ ꞌmo-o, -ka ꞌmna-aꞌa ꞌꞌbhuo-o ꞌꞌdu ꞌɩ ꞌbho, ꞌle a ꞌye ꞌɩ ꞌbʋꞌwɔn ɔ, ꞌya kpli a ꞌyeꞌa ꞌɩnmʋ li, a nʋ ɩ! -Bho a nʋ -kaa a, -Lagɔ ꞌꞌnyɩꞌa nyʋ -pɔlʋꞌa bhlubhlua, ꞌle ɔ ꞌke amʋ gbo -sie ꞌꞌkɔmʋ.

Filiipʋkɔmʋ 4:9 Cross References

Matiee 1:23

ꞌNynaakpʋdraa-a seꞌa nyukpasu yibo tukutuku, ʋn-ʋ ꞌye-e -nɩgblaa ꞌbhle -mʋ, ꞌle, ꞌꞌyu ʋn-ʋ ꞌyeꞌa ꞌwlʋ mʋ a, ʋn ꞌke ɔ Emanuɛlɩ ꞌla. ꞌƐ ꞌzɔ-ɔ ꞌmo-o: -A -ke -Lagɔ -naꞌo.

Matiee 28:20

ꞌLe ꞌan ꞌꞌdɩzɩgɩ ꞌwee ꞌɩn-ɩ sieꞌa amʋ li a, a ꞌke ʋ ꞌya ꞌbhoduɛɛ -tɔ. A yibo na ꞌɩn -ke a-a naꞌo ꞌꞌkɔmʋkɔmʋ ꞌle ꞌkmʋ ꞌmʋꞌa ꞌꞌyitiinɔɔ ꞌke nyni! -Bho ɛ nyni a, -nɔɔ -yɛ kɔꞌɔ ꞌbho, ꞌɩn -ke a-a ꞌye-e -de -mʋ ꞌꞌkɔmʋ. ꞌƐ lɛtu -see ꞌꞌtiinamʋ ꞌbhle yi ꞌbho le. ꞌKa-a Zezii ꞌlɛꞌo.

Matiee 7:21

A -gblee, ꞌan -tɩta -Lagɔ -nɩꞌa ꞌle yaku ꞌli, nyɔ-ɔ ꞌbɔꞌɔ ti, ꞌɔ nyʋ ɔ -kɔꞌɔ ꞌꞌklumʋ, ɔ ꞌke ꞌle ꞌbɩ ꞌye, -bho ɔ -ka: ꞌAn -Kɔyi! ꞌAn -Kɔyi! ꞌbho wɔnkpʋ ꞌꞌkpiꞌa ꞌꞌsɛ-ɛ nʋ a, ɔ -see ꞌɔ nyɔtu -kɔ yi. Nyɔ -yɔ nʋꞌa ꞌɔ ꞌgwlʋdɩ, ꞌɩnnɔ ɔ ꞌke -kɔ.

Luukɩ 6:46

ꞌLe *Zezii ꞌye ꞌbho ꞌkpa ꞌle ɔ na: Lee -ke dɩ a-a ꞌlaꞌa ꞌɩnmʋ wɔn ꞌꞌyiti, -aꞌba -Kɔyi, -aꞌba -Kɔyi, ꞌle aꞌba nʋꞌo ꞌan ꞌgwlʋdɩꞌa?

Luukɩ 8:21

ꞌLe Zezii ꞌye nyʋ-ʋ -nɩꞌa ꞌbho ꞌɔ ꞌꞌtroli ꞌtmʋʋ ꞌle ɔ na: Nyʋ -yʋ poꞌa -Lagɔꞌɔ wlu -lokui ꞌle -ʋ nʋꞌa ꞌɔ ꞌgwlʋdɩ, ꞌɩnnʋ ꞌmo-o ꞌan ꞌlotʋ -ke ꞌan ꞌlotʋꞌa ꞌꞌnynuuzɩgɩ.

ꞌZaan 13:17

Ɩ-bɩ dɩ ꞌmnɩ, a yibo nɩ-oꞌo ꞌle a ꞌye ɩ ꞌmʋtiꞌwɔn. -Bho a po ɩ -lokui ꞌle a ꞌke ɩ ꞌbho ꞌꞌdu, a ꞌwa-a ti.

ꞌZaan 15:14

A-bʋ -yʋʋ, -bho a nʋ ꞌan ꞌgwlʋdɩ, a-a ꞌmo-o ꞌan bha ꞌꞌwe.

ꞌZaan 2:5

-Ka ɔ ꞌkʋ ʋ -kpa, ʋn ꞌde-e -kaa ꞌꞌgwliꞌa dɩ, ʋn na lbhʋnʋmʋ -bodɩ: Lɛꞌꞌo lɛ ɔ-ɔ ꞌyeꞌa ꞌnynɩ ꞌꞌsi mʋ, a nʋ ɛ!

Nʋnʋkpli 9:6

ꞌƖn-ɩ ꞌtmʋʋꞌo -ɩnmʋ-ɛ, -sɔ mʋ, mu ꞌbho Damaasɩ, lɛ -ɩn ꞌka nʋ, ꞌle nyɔ ꞌke ɛ -ɩnmʋ -tɔ!

ꞌWlɔmʋkɔmʋ 15:33

-Lagɔ ꞌꞌnyɩꞌa nyʋ -pɔlʋꞌa bhlubhlua, ɔ -sie aꞌba ꞌwee gbo! *Ɛ -nɩ -kaa ꞌmʋ!

ꞌWlɔmʋkɔmʋ 16:20

A ꞌye li-ɔ, -Lagɔ ꞌꞌnyɩꞌa nyʋ -pɔlʋꞌa bhlubhlua a, -nɔɔ-ɔ -sieꞌa ꞌbho, ꞌle, -ka a ꞌka ꞌꞌnyinynidɩꞌa tiyayi *Sataan wɔn-zi, nyʋ ꞌkɛ ɛ liꞌye a, ꞌɩnnɔ nʋ ɛꞌo ꞌle ɛ se gbo-tɛ. -Aꞌba -Kɔyi Zezii -wʋnna amʋ ꞌꞌniti!

1 Kɔlɛɛtɩkɔmʋ 10:31

-Bho aꞌba -tɔɔ -nɩ -kaa, a ꞌbhle-e ꞌgɩ. Ɛ -nɩꞌa -kaa ꞌmʋ a, ꞌmna-a ꞌtmʋʋꞌo amʋ-ɛ, lɛ-ɛ ꞌbhleꞌa ꞌnynɩ, ꞌɩnnɛ ꞌmo-o, -bho a ꞌke li o, -bho a ꞌke lɛ ꞌna o, lɛꞌꞌo lɛ a ꞌka nʋ, lɛ-ɛ ꞌka -Lagɔꞌɔ ꞌnynɩ ꞌꞌyiꞌbhɛɛ, ꞌɛ ꞌꞌsɛ a ꞌke nʋ!

1 Kɔlɛɛtɩkɔmʋ 14:33

-Ɛkedɩmaa, -Lagɔ-ɔ ꞌmo-o Dɩlikpʋnlagɔ. Ɔ -see wlakaawlaka tiꞌbɔ.

1 Kɔlɛɛtɩkɔmʋ 4:16

Aꞌba -tɩta ꞌɩn ꞌꞌduꞌa dɩ a, ꞌɩn-ɩ bhadeꞌe amʋ li, a -za ꞌan kpli ꞌꞌsɛlɩ.

2 Kɔlɛɛtɩkɔmʋ 13:11

ꞌTraamʋ ꞌtɔ ɔ, ꞌlotʋꞌa ꞌꞌnynuu-a, -a ꞌke ꞌgbʋʋ! A ku ꞌꞌyriti ꞌbho -Lagɔꞌɔ -jeyi! A popo ꞌkpɩ ꞌꞌyi! A -plɛ -naagɩ -lue ꞌmʋ! A kpʋkpʋn ti! -Bho a nʋ kpli ꞌmnɩ, -Lagɔ -kmaꞌa -aꞌba dɩ ꞌle -ɔ ꞌꞌnyɩꞌa -amʋ -pɔlʋꞌa bhlubhlua, ꞌꞌlemnɩɩ ɔ-ɔ ꞌsie-e amʋ gbo.

Filiipʋkɔmʋ 3:17

Kɩn, ꞌlotʋꞌa ꞌꞌnynuu-a, kpli ꞌɩn -nɩꞌa ti ꞌbho -Lagɔꞌɔ -jeyi a yiboꞌa a, -ka a -dieꞌa ꞌmʋ ꞌwee a nʋ -kaa, ꞌle a ꞌke ꞌle ꞌan ꞌbɩ -za! Lɩ -a -tɔꞌɔ amʋ -ɩ -ke kpli -a -nɩꞌa ti, nyʋ-ʋ -nɩꞌa ꞌya kplitu ti -ʋ naꞌa -kaa, a -gbʋ nʋ ya ꞌle a ꞌke ꞌwa ka -na.

Filiipʋkɔmʋ 4:7

-Bho a nʋ -kaa, -pɔlʋꞌa bhlubhlua-a ꞌwlʋꞌa -Lagɔ ꞌmʋ, ꞌle a ꞌke ɛ ꞌye. Ɛ-bɛ -pɔlʋꞌa bhlubhlua ꞌmnɛ, lɛ nyɔ ꞌkɛ ɛ likpʋkpa -nɩ, ɛ se -nɩ. Ɛ-ɛ ꞌpɩple-e nyʋ ꞌweeꞌa -naagɩ ꞌꞌkpi. Ɛ -nɩꞌe-e -kaa, ꞌle, a-bʋ -ke Zezii *Kliisɩ ꞌꞌsisriꞌa ꞌꞌyi, ɛ ꞌke aꞌba -pɔlʋ gbo ꞌꞌyi.

1 Tesalonikɩkɔmʋ 1:6

A-bee -mnʋʋ a, -a nʋꞌa -kaa a, a -zaꞌa-a -abʋ -ke -aꞌba -Kɔyi Zezii Kliisɩꞌa kpli ꞌꞌsɛlɩ. A ꞌwɔɔnꞌɔ Zeziiꞌa ꞌꞌdɩzɩgɩ, ꞌle, ꞌbʋbʋa -Lagɔꞌɔ Lisaazuzu poꞌa amʋ ꞌmʋ, ꞌɛ dɩ, sɩasɩaaꞌa lɩꞌa -dadudu -ke ꞌmʋ a -zi -nɩꞌa ɩ-bɩ wlu ꞌmnɩꞌa dɩ, a ꞌbhɛɛ ꞌnɩ wɔnyi.

1 Tesalonikɩkɔmʋ 2:14

A -gblee, ꞌlotʋꞌa ꞌꞌnynuu-a, a-bʋ -nɩꞌa Tesalonikɩ, Zezii Kliisɩꞌa -glɩgbawɔnyiꞌa nyʋ -Lagɔ -kɔꞌɔ -ʋ -nɩꞌa Zidee, lɛ-ɛ zi ꞌʋ -bodɩ, ꞌɩnnɛ ziꞌe amʋ -bodɩ -lrɛɛ. ꞌWa *-Bozuifʋ-ʋ ꞌklʋ -ʋ nyanɩ ꞌmʋ. -Ka -lue ꞌmnɔ, ꞌka-a aꞌba ꞌꞌbhiꞌa -gwlɔkɔmʋ nʋꞌo amʋ -lrɛɛ.

1 Tesalonikɩkɔmʋ 5:23

-Lagɔ -ke ꞌꞌbhuo-o ꞌꞌnyɩꞌa nyʋ -pɔlʋꞌa lipɩpɛɛ ɛ, ɔ nʋ ɛ ꞌle ɔ ꞌke amʋ ꞌꞌyisrɛɛmʋ po ꞌbho ꞌɔ ꞌꞌyigbeyi ꞌle ɔ ꞌke aꞌba nyɔꞌꞌo nyɔ -kɔ ꞌꞌfɩa ꞌwee ꞌle aꞌba tɩnɩɛꞌɛ ꞌwee ꞌli, ꞌle a ꞌke pepepe -nɩ, ꞌle, -bho -aꞌba -Kɔyi Zezii Kliisɩꞌa leyinɔɔ ꞌke nyni a, a -kaa ꞌꞌnyinynidɩ liꞌbhle!

2 Tesalonikɩkɔmʋ 3:4

Zezii-i ꞌkpa-a -amʋ, ꞌle, a-bee -bodɩ, -a yiboꞌo, lɩ -a -zaꞌa amʋ -bodɩ ꞌmʋ a, a-a nʋ -ɩꞌo ꞌle a ꞌke ɩ nya kpa -lrɛɛ.

2 Timotee 4:22

ꞌAn ꞌꞌyu, Timotee, -aꞌba -Kɔyi -sie -ɩnmʋ gbo ꞌle ɔ ꞌke -ɩn -ke ꞌlotʋꞌa ꞌꞌnynuu ꞌwee ꞌꞌniti-wʋnna!

Zaakɩ 1:22

A -gblee, -bho a -ka ꞌɔ wlu -lokui-ipo, -ka ɔ ꞌlɛꞌɛ ꞌtɩn, -bho aꞌba nʋ -kaa a, a-a ꞌꞌmaa-a aꞌba ꞌꞌbhi dɩ ꞌꞌyrili. ꞌƐ dɩ a ꞌꞌdu ꞌbho ꞌɔ wlu!

2 ꞌPiɛlɩ 1:10

ꞌAn ꞌlotʋꞌa ꞌꞌnynuu-a, -Lagɔ ꞌtɛ-ɛ amʋ ꞌmʋ ꞌle ɔ ꞌye amʋ ꞌla ꞌle a ꞌke ɩ-bɩ kplizɩgɩ ꞌmnɩ ꞌli ti-de. ꞌƐ dɩ a po ꞌle ꞌkpɩ ꞌle a ꞌke ɩ nʋ! -Bho a -de nɩ ꞌli ti, ꞌꞌlemnɩɩ a -see ꞌle ꞌꞌnyinynidɩ ꞌmʋ tiꞌga yi ꞌꞌkɔmʋ.

1 ꞌZaan 3:22

A -gblee, -bho -aꞌba -pɔlʋ -nɩ -kaa a, lɛꞌꞌo lɛ-ɛ -a ꞌybhaa ꞌnɔ ɔ, ɔ-ɔ ꞌꞌnyɩ ꞌɛ -amʋ-ɛ, -ɛkedɩmaa, -a ꞌꞌdu-o ꞌbho ꞌɔ wlu ꞌle -a nʋꞌo ꞌɔ ꞌgwlʋdɩ.