Filiipʋkɔmʋ 4:5 - Nyaboa (Nyabwa)

⁵ A ꞌꞌdu nyʋ-ʋ -nmɔꞌɔ kpli ꞌmʋ ꞌle nyʋ ꞌwee ꞌke ꞌna liꞌye. A -gblee, -aꞌba -Kɔyi ꞌmnɔꞌɔ leyinɔɔ ꞌꞌkɔɔꞌɔ-ɔ gbo.

Filiipʋkɔmʋ 4:5 Cross References

Matiee 6:25

A -gblee, ꞌɩnnɩɩnɩꞌa dɩ ꞌɩn-ɩ wɩ ꞌɩ amʋ ꞌꞌyiti, lililɛ -ke nmɔ a-a ꞌbɔꞌɔ ti ꞌle a ꞌke ti-nɩ a, aꞌba -kple ꞌya dɩ -le! -Banɩ a ꞌka ku ꞌꞌyi ꞌbhaa, aꞌba -kple ꞌya dɩ -le -lrɛɛ! Nyunyɔꞌɔ tinɩɛ -nmɔꞌɔ-ɔ ꞌꞌyrili ꞌle ɛ ꞌye lililɛ -zi, ꞌle nyunyɔꞌɔ ku -nmɔꞌɔ ꞌꞌyrili ɛ ꞌye -bana -zi.

Matiee 6:34

ꞌƖnnɛ ꞌbhleꞌe ꞌnynɩꞌa dɩ, zɔ -yɛ ꞌyeꞌa -zɩ mʋ a, aꞌba -kple ꞌɛ dɩ -le, -ɛkedɩmaa, ꞌɛ ꞌꞌbhuo-o ꞌye-e amʋ ꞌɛ -zɩalɩ -ya -mʋ. ꞌWɩꞌꞌo ꞌwɩ -ke ꞌɛ sɩasɩaa ꞌbhɛɛꞌɛ ꞌmʋ-ɛ.

Luukɩ 21:34

A ꞌꞌdu aꞌba ꞌꞌbhi ꞌꞌyrili! Zɔꞌꞌo zɔꞌɔ gɔ -ke nmɛꞌɛ ꞌnanaa, aꞌba -pɔlʋꞌa -nɩ nɩ ꞌꞌyi -le! ꞌKmʋ ꞌmʋꞌa ꞌtʋnʋlɩꞌa ꞌgwlʋtipopoɛꞌɛ ꞌꞌsu aꞌba -pɔlʋ ꞌꞌyi -le! -Bho ɛ -se -mnɛɛ ɛ, ꞌɩnmɔ *Nyunyɔꞌɔ ꞌꞌYu-u ꞌye-e amʋ ꞌzɔꞌdaa -mʋ, ɛ-bɛ zɔ ꞌmnɛ ti.

1 Kɔlɛɛtɩkɔmʋ 16:22

ꞌƖn-ɩ ꞌtmʋʋꞌo amʋ-ɛ -lrɛɛ, -bho nyɔ se -aꞌba -Kɔyi Zezii *Kliisɩꞌa dɩkmɛɛ ꞌmʋꞌbhle a, ꞌbho -Lagɔꞌɔ ꞌcɛ ɔ -poꞌa ꞌɔ nyɔtu kwa, ɔ -see ꞌbho ꞌɛ ꞌzɔ sɔkɔ yi, ꞌle ɔ -ke ɔ ꞌke ꞌꞌyicɩcɛ ꞌꞌkɔgwlɛka. Wlu -yɛ ꞌɩn-ɩ kɔꞌɔ ꞌbho a, ꞌɩn na: -Aꞌba -Kɔyi Zezii, yi le!

1 Kɔlɛɛtɩkɔmʋ 6:7

A ꞌye li-ɔ, a-bʋ Zeziiꞌa nyʋ ꞌke dɩ ꞌnynɩmʋ ꞌbhle, ꞌle ɛ ꞌke aꞌba ꞌlotʋꞌa ꞌꞌyuꞌa ꞌbho ꞌꞌsesinyʋ ꞌꞌyigbeyiꞌa ꞌꞌklanɩɛ ꞌꞌkpi bhla, -mnɛɛ -nyniꞌe-e ꞌꞌyrili. -Bho nyɔ ꞌꞌyri amʋ, ꞌle ꞌꞌbhalrɛɛ, -bho ɔ nʋ amʋ ꞌꞌnyinynilɛ -lrɛɛ ꞌꞌlruli, a se ꞌbhɛɛ a ꞌke ꞌꞌgwli-ku ꞌle a ꞌke ꞌɔ dɩ ꞌꞌyriti-po?

1 Kɔlɛɛtɩkɔmʋ 8:13

ꞌƖnnɛ ꞌbhleꞌe ꞌnynɩꞌa dɩ, -bho ɛ ꞌꞌdu liliɛfɔfʋꞌa dɩ ꞌan ꞌlotʋꞌa ꞌꞌyu ꞌke ꞌꞌnyinynidɩ ꞌmʋ ꞌkpa a, ꞌꞌlemnɩɩ, ɛ -nmɔꞌɔ-ɔ ꞌꞌyrili ꞌɩn ꞌke ꞌɛ liliɛtuꞌa dɩ ꞌbhɔ ꞌle ꞌɩn -kɔɔ ɔ ꞌꞌnyinynidɩ ꞌmʋ po.

1 Kɔlɛɛtɩkɔmʋ 9:25

A -gblee, -bho nyɔ ꞌbɔ ti ɔ -ke nyʋ ꞌke limumu ꞌle ɔ ꞌke ꞌnynɩ ꞌwlʋ, nyʋ ꞌwee ꞌkɛ ɛ nʋ, ʋn-ʋ ꞌza-a lɩꞌa -dadudu kwa gbo ꞌle ꞌwa ku ꞌke ꞌmʋtikuku. Nyɔ-ɔ ꞌyeꞌa nyʋ ꞌweeꞌa nyamna ꞌꞌdu mʋ, ꞌle ʋn ꞌke ɔ ꞌnynɩwlʋlɛ ꞌꞌnyɩ, -bho ɔ ꞌye ɛ, ꞌɛ lɛtuꞌa -gwle ꞌmʋ. -A-bʋ Zeziiꞌa nyʋ a, -bho -a -za lɩꞌa -dadudu kwa gbo, -a nʋ -ɛꞌo ꞌle -a ꞌke ꞌnynɩ ꞌwlʋ ꞌꞌkɔgwlɛka ꞌbho -Lagɔꞌɔ ꞌꞌtroli.

2 Kɔlɛɛtɩkɔmʋ 10:1

Aꞌba tɔlʋ nʋꞌa, -bho ꞌɩnmɔ ꞌPɔlʋ -nɩ ꞌle aꞌba ꞌꞌklumʋ, ꞌɩn-ɩ ꞌya-a ꞌan ꞌꞌbhuo ꞌzɔ, ꞌɩn-ɩ ꞌple-e ꞌꞌyri, -bho ꞌɩn -tɛ gbo ꞌle ꞌɩn-ɩ kmaꞌa ꞌꞌyi a, ꞌtraamʋ ꞌtɔ ɔ, ʋ-bʋ nyʋ ꞌmnʋ, ꞌɩnnʋ ꞌɩn-ɩ ꞌꞌduꞌo ꞌꞌkpi. ꞌLe *Zezii *Kliisɩꞌa ꞌlimʋꞌa wɔnnmɔɛ -ke ꞌɔ kplimʋnmɔɛ ꞌmʋ, ꞌɩn-ɩ ꞌꞌdu nɩ ꞌnʋ ꞌꞌdɩ ꞌmʋ, na:

2 Tesalonikɩkɔmʋ 2:2

nyʋtɔlʋ -yʋ nʋꞌa, -nɔɔ -ke ti ɔ-ɔ ꞌyeꞌa le -yi mʋ a, ɛ nyni-oꞌo see, aꞌba ꞌꞌtayi nʋ ꞌꞌyiti ꞌle ꞌwa ꞌmʋzadɩ ꞌmʋ ꞌwa ꞌꞌmaa amʋ dɩ ꞌꞌyrili, ꞌwa -za aꞌba -naagɩ -denɩ ꞌmʋ -le! -Bho koo ɛ ꞌꞌdu -Lagɔꞌɔ wluꞌa ꞌmʋtizayi -lue-e -zɩ ꞌɩ -kaa ꞌmʋ o, -bho koo ɛ ꞌꞌdu -Lagɔꞌɔ wluꞌa ꞌmʋzayi -lue-e -zɩ ꞌɩ -kaa ꞌmʋ o ꞌle -bho koo nyʋ na ꞌmna-aꞌa ꞌꞌbhuo-o -zɩ ꞌɩ -kaa ꞌmʋ ꞌle ꞌꞌbɔgʋ -lue ꞌli o, -bho ꞌya dɩtu bhla amʋ ꞌꞌkpi a, nymɔꞌɔ ꞌꞌsi amʋ ꞌgwlʋ -le!

Tiitɩ 3:2

ꞌTmʋʋ nʋ, ꞌwa -za nyʋ ꞌꞌnyinynidɩ -bodɩ ꞌmʋ -le! Ʋn -ke nyʋꞌa jɛ -le! Ʋn -nmɔ ꞌlimʋ wɔn ꞌle ʋn ꞌke nyʋ ꞌwee -bodɩ ꞌyɔɔ -nɩ!

Eblee 10:25

-Ka -a gbʋʋꞌa ꞌꞌlru ꞌꞌkɔmʋ, -aꞌba ꞌbhɔ ꞌɛ dɩ -le! Nyʋ-ʋꞌa ꞌwɔn ʋn ꞌke yi, -aꞌba nʋ ꞌwa ka -le! -A yi -zɔɔ ꞌle -a ꞌke ꞌkpɩ ꞌꞌyipopo ꞌbho -Lagɔjeyi! ꞌKa-a -nmɔꞌɔ ꞌꞌyrili. -Ka -aꞌba -Kɔyi Zezii Kliisɩꞌa leyinɔɔ ꞌꞌkɔɔꞌɔ gbo, aꞌba ꞌꞌbhi yibo nɩ-oꞌo. ꞌƐ dɩ ꞌɩn-ɩ poꞌo -kaa amʋ ꞌkpɩ ꞌꞌyi -lrɛɛ.

Eblee 10:37

A -gblee, ꞌɛ dɩ ɔ nʋꞌo: ꞌLe -nɔɔ gbɛ ꞌli, *ꞌan ꞌBhozayi -ɔ ꞌpʋʋnꞌa nyʋ, -ɔ ꞌka yi, a -nɩꞌa wɔnfuonamʋ, ɔ-ɔ ꞌye-e -yi -mʋ. ꞌƆ yiyia -see ꞌmʋ-gwle yi.

1 ꞌPiɛlɩ 1:11

*ꞌƆ Lisaazuzu ʋn ꞌbhleꞌa ꞌmʋ, ꞌɩnnɔ ꞌtmʋʋ nʋꞌo see, -ka, *ꞌɔ ꞌBhozayi -ɔ ꞌpʋʋnꞌa nyʋ, ɔ-ɔ ꞌyeꞌa ꞌkle ꞌye mʋ tenyɩ. -Bho ɛ-bɛ ꞌkleyeɛɛ ꞌmnɛ zi, ꞌle ꞌɔ ꞌnynɩ ꞌke ꞌꞌyiꞌbhɛ-ɛ. -Nɔɔ -ke ti ɩ-bɩ dɩ ꞌmnɩ ꞌka zi, ꞌle ʋ-bʋ -Lagɔwluꞌa ꞌmʋtizamʋ ꞌye ɛ tiꞌbɔ tenyɩ ʋn ꞌke ɛ yibo. -Ka ɩ ꞌka ꞌmʋtizizi, ꞌle ʋn ꞌye ɩ tiꞌbɔ tenyɩ ʋn ꞌke ɩ yibo -lrɛɛ.

1 ꞌPiɛlɩ 4:7

ꞌAn ꞌlotʋꞌa ꞌꞌnynuu-a, lɛꞌꞌo lɛ -Lagɔ -yaꞌa ti, ꞌɛ tisɔnɔɔ ꞌꞌkɔɔꞌɔ-ɔ gbo. ꞌƐ dɩ, a kpʋn dɩ li ꞌle a ꞌke ꞌmʋtiyaa a ꞌke ɔ *wɔn gbo po!

ꞌꞌDukuyrilizadɩ 22:20

A -gblee, *Zezii ꞌwɔɔnꞌɔ wlu ꞌwee ꞌmnɩ ꞌꞌkpi, ɔ na: -Ziadɩ moꞌo, ꞌɩn -nɩꞌe-e -jeyi, ꞌɩn-ɩ ꞌyi-e le! Kɩn, *ɩ -nɩ -kaa ꞌmʋ -ziaka! -Aꞌba -Kɔyi Zezii, yi le!

ꞌꞌDukuyrilizadɩ 22:7

-Lagɔ gboꞌa -dalbhoyi poꞌa wlu ꞌmnɛ ti a, ꞌle *Zezii na: A po -lokui, ꞌan leyinɔɔ ꞌꞌkɔɔꞌɔ-ɔ gbo. A -gblee, wlu -Lagɔ -zaꞌa ꞌmʋ, -ɩ ꞌcnɩ-ɛꞌɛ ꞌle ꞌꞌbɔgʋ -nɛɛ ꞌli, nyɔ-ɔ ꞌwɔɔnꞌɔ wlu ꞌmnɩ, -ɔ ꞌꞌdu ꞌɩ ꞌbho, ɔ ꞌwa-a ti, -ɛkedɩmaa, -Lagɔ-ɔ ꞌye -ɔ ꞌꞌniti-wʋnna -mʋ.