Filiipʋkɔmʋ 4:4 - Nyaboa (Nyabwa)

⁴ -Ka a -ke -aꞌba -Kɔyi Zezii ꞌꞌsisriꞌa ꞌꞌyi, a li ꞌna ꞌɛ ꞌbʋbʋa ꞌꞌkɔmʋ! ꞌƖn-ɩ ꞌmu-o ꞌbho le, ꞌɩn na: A li ꞌbʋbʋa ꞌꞌkɔmʋ!

Filiipʋkɔmʋ 4:4 Cross References

Matiee 5:12

-Lagɔꞌɔ wluꞌa ꞌmʋtizamʋ -kɔꞌɔ aꞌba nya, -ka -lue ꞌmnɔ, ꞌka-a ʋn klʋ ꞌʋ nyanɩ ꞌmʋ. A li ꞌbʋbʋa tenyɩ, -ɛkedɩmaa, -Lagɔ-ɔ ꞌye-e amʋ ꞌnynɩbhlelɛ ꞌꞌlruli-nʋ -mʋ ꞌle yaku ꞌli.

Nʋnʋkpli 16:25

Ɛ -nɩꞌa -kaa ꞌmʋ a, dodo -nɩ ꞌmʋcɛnamʋ ʋn-ʋ ꞌpo-o *-Lagɔ wɔn gbo ꞌle ʋn-ʋ bhleꞌo, ʋn-ʋ ꞌbhɛɛꞌɛ ꞌɔ ꞌnynɩ ꞌꞌyi ꞌle -jiemʋ -lrʋʋ-ʋ -nɩꞌa ꞌbho-o po ꞌʋ -lokui.

Nʋnʋkpli 5:41

Ʋ-bʋ Zeziiꞌa -dalbhomʋ ꞌmnʋ, ʋn muꞌa a, ꞌbʋbʋa ꞌlbhʋ -ʋꞌo tenyɩ! Ʋn yiboꞌo-o -ka nyʋ -zʋ ꞌʋ ꞌnynɩ ꞌꞌkpi ꞌle ʋn-ʋ klʋ ꞌʋ nyanɩ ꞌmʋ Zeziiꞌa dɩ: -Lagɔ -mnɔɔ -bodɩ, ʋn -nmɔ ꞌnɔ-ɔ ꞌꞌyri ꞌꞌkpi ti.

ꞌWlɔmʋkɔmʋ 12:12

-Zɛgɛ -Lagɔ-ɔ ꞌyeꞌa amʋ ꞌꞌlruli-nʋ mʋ ꞌle yaku ꞌli, a ꞌde -ɛ -pɔlʋ ꞌꞌyiꞌa dɩ, a li ꞌbʋbʋa! -Bho a -nɩ ꞌkle ꞌyenamʋ, a -ku ꞌꞌgwli! Aꞌba sɩa *-Lagɔꞌɔ wɔngbopoɛ ꞌmʋ -le!

2 Kɔlɛɛtɩkɔmʋ 6:10

Lɛ ʋn ꞌka -amʋ ꞌꞌlrulinʋ ꞌle ꞌgwlʋ ꞌke -amʋ li-nyni, ꞌɩnnɛ ʋn-ʋ nʋꞌo. Ɛ -nɩꞌa -kaa ꞌmʋ a, -aꞌba ꞌbhɔ ꞌbʋbʋaꞌa lilidɩ. -Bho nyʋ -de ti, ʋn-ʋ popo-o ꞌgwlʋti na, ꞌꞌpʋanlbhamʋ -a ꞌꞌduꞌo. -Bho nyɔ ꞌꞌbhlu ɩ ꞌmʋti, lɩ-ɩ ꞌbhleꞌa ꞌnynɩ ꞌbho -Lagɔꞌɔ ꞌꞌyigbeyi, -a-bʋ ꞌmo-o ꞌya -kɔmʋ. -Bho nyʋ -gbʋ -amʋ ya, ʋn na, -a se lɛ ꞌbhle. -Bho nyɔ ꞌꞌbhlu ɩ ꞌmʋti, -a-bʋ -kɔꞌɔ lɛꞌꞌo lɛ.

Galasiikɔmʋ 1:8

A ꞌꞌdu aꞌba ꞌꞌbhi ꞌꞌyrili, -bho nyɔ -lrɔɔ yi, ꞌle ɔ ꞌke amʋ -tɔ, -bho ɛ ꞌꞌdu ꞌkɩ -aꞌba ꞌꞌbhi o, ꞌle ɛ ꞌke ꞌkɩ -Lagɔ gboꞌa -dalbhoyiꞌa ꞌꞌbhuo ꞌꞌdu o, lɩ ꞌɩn -tɔꞌɔ amʋ, -bho ɩ -ke ɩ se gʋgɔ ɔ, -Lagɔꞌɔ tutibhlasʋ -nɩ nɔ ꞌꞌkpi!

Filiipʋkɔmʋ 2:18

ꞌLe abʋ gbo ꞌya a, ꞌlotʋꞌa ꞌꞌnynuu-a, a li ꞌbʋbʋa -lrɛɛ ꞌle a ꞌke ꞌɩnmʋ ꞌꞌkpiꞌkpa ꞌan dɩ, ꞌle ꞌɩn -ke a ꞌke ꞌbʋbʋa li!

Filiipʋkɔmʋ 3:1

A -gblee, ꞌlotʋꞌa ꞌꞌnynuu-a, wlu ꞌɩn ꞌka ꞌle aꞌba -loku ꞌmʋ sie a, ꞌɩnnɛ ꞌmo-o, -ka a -ke -aꞌba -Kɔyi *Zezii ꞌꞌsisriꞌa ꞌꞌyi, a li ꞌna ꞌɛ ꞌbʋbʋa. ꞌBho ꞌɛ ꞌꞌkpi a, wlu ꞌɩn -za ꞌka ꞌmʋ, -bho ꞌɩn -ka ꞌbho ꞌɛ ꞌꞌkpi le-e mu a, ꞌbho ꞌmna-aꞌa damʋ, ɛ -se lɛ-ɛ -sɩa -nɩ ꞌɩnmʋ -ko, ꞌle, ꞌbho aꞌba damʋ, -mnɛɛꞌɛ ꞌꞌbhuo-o -nmɔꞌɔ ꞌꞌyrili, ꞌle ɛ ꞌke amʋ ꞌkpa ꞌꞌyi po a ꞌke ꞌɛ ꞌꞌkpi ꞌgwlʋtipopo ꞌle a ꞌke aꞌba ꞌꞌbhiꞌa dɩ gba ꞌmʋ ꞌꞌdu.

1 ꞌPiɛlɩ 4:13

-Bho a -ka ꞌkle-e ꞌye a, a ꞌwa-a ti, -ɛkedɩmaa, *Zezii *Kliisɩꞌa sɩasɩaa-a -nɩ ꞌka, ꞌɩnnɛ a -ke ɔ-ɔ ꞌgbleꞌe ꞌmʋ. -Bho a nʋ -kaa a, ꞌꞌlemnɩɩ, -nɔɔ -ke ti nyʋ-ʋ ꞌyeꞌa ꞌɔ ꞌnynɩꞌa ꞌꞌyibhɛɛɛ liꞌye mʋ, a-a ꞌli-e ꞌbʋbʋaklagba.