Filiipʋkɔmʋ 3:21 - Nyaboa (Nyabwa)

²¹ -Bho ɔ yi le a, -aꞌba ꞌbhlʋku -ɛ -ke dɩ -a ꞌfɩɩnꞌa ꞌmʋ a, ɔ-ɔ ꞌye -ɛ ꞌꞌyizizia -mʋ. ꞌƖnnɛ ꞌmo-o, Zezii ꞌmnɔ, -da -Lagɔ -zɔ ꞌɔ glu a, lɛ ꞌɔ ku -yiꞌa ꞌmʋ ꞌle ꞌɛ ꞌmɛꞌɛ ɛ, -ka -lue ꞌmnɔ ꞌka-a -aꞌba nɛ-ɛ ꞌye -nɩ mʋ. Ɛ -se bhubhuyiti ɔ ꞌbhɛɛ nɛ -ko. -Lagɔ ꞌꞌnyɩ ꞌɔ wɔnkuɛ ꞌle ɔ ꞌke lɩ ꞌwee -kɔ. ꞌƐ dɩ ɔ ꞌbhɛɛꞌo ɔ ꞌke -kaa nʋ.

Filiipʋkɔmʋ 3:21 Cross References

Matiee 17:2

Ʋn nyniꞌa ꞌle trɩ ꞌꞌkpi ꞌꞌgamʋ, ꞌwa ꞌꞌyri nʋꞌa -kaa, ɩ katiꞌo, ꞌle, -vlavlɩ ꞌbhɛɛꞌɛ Zeziiꞌa ꞌnynɩ ꞌꞌyi a, ʋn ꞌye ɩ liꞌye. ꞌƆ ꞌꞌyigba -ke ꞌɔ -banɩ ꞌꞌplu-oꞌo ꞌle ɩ-ɩ vlanꞌo tenyɩ, ꞌnɔɔ ꞌkmʋꞌa ꞌꞌpluplulɩ nyɔ ꞌkɩ ɩ likpʋkpa -nɩ, ɩ se -nɩ.

Matiee 22:29

ꞌLe Zezii na: -Yɛ ꞌma-a ꞌmɛmʋꞌa glusɔɛꞌɛ dɩ, a -see ꞌɛ -lue ꞌtɩn ꞌmʋtiꞌwɔn. A-a ꞌꞌmaa-a aꞌba ꞌꞌbhi, -ɛkedɩmaa, a se -Lagɔꞌɔ wlu yibo ꞌle a ꞌse ꞌɔ wɔnkuɛ yibo -lrɛɛ.

Matiee 28:18

Ɔ ꞌnyni -ʋ li ꞌle ɔ na: ꞌƖn ꞌbhle-e wɔnkuɛ ꞌwee ꞌle yaku ꞌli -ke ꞌnɔɔ ꞌbhlʋkpa ꞌꞌyi.

ꞌWlɔmʋkɔmʋ 8:29

A ꞌye li-ɔ, nyʋ -yʋ -Lagɔ -zaꞌa ꞌbho see, ꞌle, -ka ʋn -ke ꞌɔ ꞌꞌyu ꞌka lɛ -lue ꞌꞌdu, ꞌɔ ꞌꞌbhuo-o cʋ ꞌʋ ꞌɛ wlu ꞌꞌkpiti see ꞌle ꞌɔ ꞌꞌyu ꞌke ʋ-bʋ nyʋꞌa -dadudu ꞌmnʋꞌa nyamnaꞌa -kɔyi ꞌꞌdu.

Kolɔsʋkɔmʋ 3:4

Ɛ-bɛ tinɩɛlre ꞌmnɛ, -bho ꞌɛ ꞌꞌnyɩyi yi le ꞌle ꞌɔ ꞌnynɩꞌa ꞌꞌyibhɛɛɛ ꞌmʋ, -ka ɛ ꞌbhɛꞌɛ ꞌꞌyi, a-bee -mnʋʋ -lrɛɛ, ꞌka-a aꞌba nɛ ꞌke ꞌꞌyiꞌbhɛ -lrɛɛ, ꞌle nyʋ ꞌke ɛ liꞌye.

1 ꞌZaan 3:2

ꞌAn dɩkmalotʋꞌa ꞌꞌnynuu-a, ꞌtraamʋ ꞌtɔ ɔ, -a ꞌmo-o ꞌɔ ꞌꞌyreetɩ. Ɛ -nɩꞌa -kaa ꞌmʋ a, lɛ -a ꞌka ꞌꞌdu ꞌwla, -a se ɛ -bhla yibo. Lɛ -a yiboꞌa, ꞌɛ ꞌꞌsɛ ꞌmo-o, -bho *Zezii *Kliisɩ -ka le-e yi ꞌle ꞌɔ ꞌnynɩꞌa ꞌꞌyibhɛɛɛ ꞌmʋ, -a -ke ɔ-ɔ ꞌye-e gʋgɔ -mʋ, -ɛkedɩmaa, -ka ɔ -nɩꞌa a, ꞌka-a -a ꞌye ɔ ꞌye mʋ ꞌꞌgɩɩ!

ꞌꞌDukuyrilizadɩ 1:8

ꞌLe -aꞌba -Kɔyi -Lagɔ na: ꞌƖnmɔ ꞌmo-o ꞌꞌKɔgwlɛlagɔ -ɔ -kɔꞌɔ lɩ ꞌwee ꞌle ꞌan wɔnkuɛ ꞌbhɛꞌɛ ꞌꞌyi ɛ -ziꞌe lɛꞌꞌo lɛ. ꞌƖnmɔ -yaꞌa lɛꞌꞌo lɛ ti, ꞌɩnmɔ ꞌbhleꞌe ꞌɛ tisɔɛꞌɛ ꞌkpʋ kwa.