Filiipʋkɔmʋ 3:11 - Nyaboa (Nyabwa)11 ꞌKa-a ɛ -nɩꞌe ꞌmʋꞌa dɩ a, ꞌmna ꞌbɔꞌɔ ti ꞌan -pɔlʋꞌa klɛ ti, -Lagɔ ꞌke ꞌɩnmʋ glu -za ꞌle Zeziiꞌa leyinɔɔ ti, ꞌɩn ꞌke ti-nɩ ꞌꞌkɔgwlɛka ꞌbho ꞌɔ ꞌꞌtroli. See the chapter |
Filiipʋkɔmʋ 3:11
17 Cross References
-Gblee, ꞌPɔlʋ yiboꞌo-o, nyʋ-ʋ -deꞌa ꞌbho ꞌɔ ꞌꞌyigbeyi ti, ꞌwa ꞌdigbiꞌa kpɛ -nɩꞌe-e ꞌsɔn, -lrʋʋ ꞌꞌdu *Sadiziɛɛn ꞌle -lrʋʋ ꞌꞌdu *Faliziɛɛn. ꞌƐ dɩ, ɔ poꞌo wlu yayi ꞌle ɔ na: ꞌLotʋꞌa ꞌꞌnynuu-a, Faliziɛɛnyi ꞌɩn ꞌꞌduꞌo ꞌle ꞌan -glɩgba ꞌꞌduꞌo Faliziɛɛn -lrɛɛ. ꞌƖn ꞌde-e ꞌꞌgwli, -bho nyɔ ꞌmɛ, ɔ-ɔ ꞌye-e glu -sɔ -mʋ ꞌle ɔ ꞌke ti-nɩ -lrɛɛ. ꞌYa dɩ ʋn -yaꞌa ꞌɩnmʋ -zigle ꞌmʋ.
-Gblee, ꞌbho batooꞌa -kpʋnnamʋ ꞌmnɔ se ꞌꞌyrili-nmɔ, ꞌle, -nɔɔ -ke ti -pʋpɔɔ-ɔ kluꞌa a, ꞌɛ -nɔɔtu ꞌke ʋ ꞌbho li-zi -nɩ. ꞌƐ dɩ nyʋꞌa -dadudu-u -nɩꞌa ꞌle ꞌɛ ꞌlimʋ na: -A zi -laa li! -Gblee, ʋn ꞌbɔ-ɔ ti ʋn ꞌke Klɛɛtɩꞌa -gwlɔ -lrɛɛ ʋn-ʋ ꞌlaꞌa Fenisɩ -kpʋn -nɩ -cueyi! ꞌBhoꞌa batooꞌa -kpʋnnamʋ ꞌkpa-a gbugbu. -Bho -pʋpɔɔ ꞌwlʋ -nɩ ꞌle ꞌzɔti -ke yayi, ꞌɛ nyni ꞌbho. ꞌBho ꞌmnɔ, ʋn ꞌbhɛɛꞌo ʋn ꞌke ꞌbho ti-de ꞌle ɛ-bɛ -pʋpɔɔ ꞌmnɛꞌɛ -nɔɔ ꞌke ʋ lizi.
A -gblee, ꞌan *ꞌbhlʋku -seeꞌa tiꞌbɔ ɛ ꞌke -Lagɔ ꞌbho ꞌꞌdu, ꞌɩnnɛ ꞌɩn ꞌke wɔnyiꞌbhɛɛ. ꞌƐ dɩ ꞌɩn-ɩ zaꞌa lɩꞌa -dadudu kwa gbo, ꞌle ꞌɩn ꞌke ɛ wɔnyiꞌbhɛɛ ꞌle ꞌɩn ꞌke -Lagɔꞌɔ ꞌgwlʋdɩ nʋ, ꞌle ꞌɩnmɔ -ke ꞌꞌbhuo-o zaꞌa nyʋ Zeziiꞌa ꞌꞌdɩzɩgɩ -bodɩ ꞌmʋ, ꞌle ʋn ꞌke ꞌnynɩwlʋɛɛ ꞌye ꞌbho ꞌɔ ꞌꞌtroli, ꞌle ꞌmna-aꞌa ꞌꞌbhuo -kɛɛ ɛ ꞌmʋ-bɔ.
ꞌKa-a ɩ -nɩꞌe ꞌmʋꞌa dɩ a, ꞌɩn se ꞌbhɛɛ a ꞌke sɩanamʋ -nɩ ꞌle ꞌɩn ꞌke amʋ ꞌꞌyrili-zaꞌa dɩ, ꞌɩn lbhoꞌo Timotee ꞌle a gbo ꞌle ꞌɩn ꞌke ꞌle ꞌmʋtiꞌwɔn; -ka a deꞌa Zezii ꞌꞌgwli -tanyɩ, -bho ɛ -see -denɩ ꞌmʋ -sɔ, Sataan -kaa amʋ tiꞌdɩn ꞌle ɔ -kaa amʋ tibhlaꞌa -sɩanyɩ ꞌlbhaꞌa ꞌɩnmʋ, ꞌle lbhʋ -a nʋꞌa ꞌle aꞌba ꞌꞌklumʋ -kaa bhubhulɛ ꞌꞌdu.
Aꞌba ꞌyee -kaabodɩꞌa -lue ꞌtɩn -ziadɩ ꞌmʋ -le! A -gblee, dɩ-ɩ ꞌka zi ꞌle ꞌɔ leyinɔɔ ꞌka nyni, ꞌɩnnɩ ꞌka-a: Nyʋꞌa -dadudu-u ꞌye-e ꞌꞌkpleku -mʋ -lokumʋkudɩ ꞌle ʋn -see -Lagɔ lɛ ꞌla yi, ꞌle nyɔ ʋn-ʋ ꞌlaꞌa *-lokumʋkuyiklagba -Lagɔꞌɔ -zigle ꞌka kpʋn, ɔ ꞌke ꞌɔ ꞌꞌbhuo nyʋ ꞌꞌyi-tɔ. -Bho ɩ-bɩ dɩ ꞌmnɩ zi a, ꞌle ꞌɔ leyinɔɔ ꞌke nyni.
ꞌTraamʋ ꞌtɔ ɔ, ꞌnynɩwlʋɛɛ ꞌbho -aꞌba -Kɔyi Zeziiꞌa ꞌꞌtroli, ɔ-ɔ ꞌyeꞌa ꞌɩnmʋ ꞌꞌnyɩ mʋ, ꞌɩnnɛ ɔ-ɔ fuo nɩꞌe ꞌɩnmʋ wɔn. Ɛ-bɛ ꞌnynɩwlʋɛɛ ꞌmnɛ, nyʋ-ʋ ꞌsrɛɛꞌɛ ꞌꞌyi ꞌbho -Lagɔꞌɔ ꞌꞌyigbeyi, ꞌɩnnʋ ɔ ꞌke ɛ ꞌꞌnyɩ. Ɔ-bɔ -aꞌba -Kɔyi ꞌmnɔ ɔ, -nɔɔ -ke ti ɔ-ɔ ꞌyeꞌa le -yi mʋ, ꞌbho-o ɔ-ɔ ꞌye ɛ ꞌɩnmʋ ꞌꞌnyɩ -nɩ mʋ, -ɛkedɩmaa, ꞌꞌyisrɛɛka ɔ ꞌke nyʋ -zigle -tu. Ɛ -se ꞌan ꞌꞌsɛ ɔ ꞌke ɛ ꞌꞌnyɩ -ko. Nyʋ ꞌwee -nɩꞌa ꞌɔ leyiɛ ꞌmnɛ wɔnfuonamʋ ꞌle ꞌbʋbʋa ꞌmʋ, ꞌɩnnʋ ɔ-ɔ ꞌye ɛ ꞌꞌnyɩ mʋ -lrɛɛ.
ꞌNynʋkpakpɩtɔlʋ -mnʋʋ, ʋn ꞌde-e -Lagɔ ꞌꞌgwliꞌa dɩ, ꞌwa ꞌꞌbhlegbo ꞌꞌweꞌa nyʋ-ʋ ꞌmɛꞌɛ ɛ, ɔ -zʋ ꞌʋ glu ꞌle ꞌmɛmʋꞌa ꞌꞌklumʋ ꞌle ʋn ꞌye ti-nɩ -lrɛɛ. Ɛ -nɩꞌa -kaa ꞌmʋ a, ꞌkleyeɛɛ ꞌyi-e nyʋꞌa -dadudu ꞌꞌkpi ꞌgagwloka ꞌle ʋn ꞌye ꞌmɛ. -Bho ʋn nʋ ꞌkɩ na, ʋn -se ꞌkɩ-ɩ -Lagɔꞌɔ nyʋ -ko a, ʋn-ʋ ꞌꞌtayi nʋ ꞌko-o ꞌꞌyiti. ꞌLe ʋ-bee -mnʋʋ -see ɩ ꞌwɔɔn. Ʋn ꞌde-e ꞌꞌgwli na, -bho ʋn ꞌmɛ, ɔ-ɔ ꞌye -ʋ glu -za -mʋ ꞌle ʋn ꞌke tinɩɛlre ꞌye.
Advertisements