Filiipʋkɔmʋ 3:1 - Nyaboa (Nyabwa)

¹ A -gblee, ꞌlotʋꞌa ꞌꞌnynuu-a, wlu ꞌɩn ꞌka ꞌle aꞌba -loku ꞌmʋ sie a, ꞌɩnnɛ ꞌmo-o, -ka a -ke -aꞌba -Kɔyi *Zezii ꞌꞌsisriꞌa ꞌꞌyi, a li ꞌna ꞌɛ ꞌbʋbʋa. ꞌBho ꞌɛ ꞌꞌkpi a, wlu ꞌɩn -za ꞌka ꞌmʋ, -bho ꞌɩn -ka ꞌbho ꞌɛ ꞌꞌkpi le-e mu a, ꞌbho ꞌmna-aꞌa damʋ, ɛ -se lɛ-ɛ -sɩa -nɩ ꞌɩnmʋ -ko, ꞌle, ꞌbho aꞌba damʋ, -mnɛɛꞌɛ ꞌꞌbhuo-o -nmɔꞌɔ ꞌꞌyrili, ꞌle ɛ ꞌke amʋ ꞌkpa ꞌꞌyi po a ꞌke ꞌɛ ꞌꞌkpi ꞌgwlʋtipopo ꞌle a ꞌke aꞌba ꞌꞌbhiꞌa dɩ gba ꞌmʋ ꞌꞌdu.

Filiipʋkɔmʋ 3:1 Cross References

Matiee 5:12

-Lagɔꞌɔ wluꞌa ꞌmʋtizamʋ -kɔꞌɔ aꞌba nya, -ka -lue ꞌmnɔ, ꞌka-a ʋn klʋ ꞌʋ nyanɩ ꞌmʋ. A li ꞌbʋbʋa tenyɩ, -ɛkedɩmaa, -Lagɔ-ɔ ꞌye-e amʋ ꞌnynɩbhlelɛ ꞌꞌlruli-nʋ -mʋ ꞌle yaku ꞌli.

ꞌWlɔmʋkɔmʋ 5:11

-A ꞌli-e ꞌbʋbʋa. -Yɛɛ -mnɛɛ -se -bhla lɛ -ko. Lɛ-ɛ -ke dɩ -a ꞌka ꞌbʋbʋa ꞌꞌyidebhle cɛ ɛ, ꞌɩnnɛ ꞌmo-o, -Lagɔ -zi -nɩꞌe-e -aꞌba -Kɔyi Zezii Kliisɩ ꞌmʋ ꞌle -a -ke ɔ ꞌye -ybhɛ. ꞌTraamʋ ꞌtɔ -a -se ꞌɔ jɛkamʋ -ko.

2 Kɔlɛɛtɩkɔmʋ 13:11

ꞌTraamʋ ꞌtɔ ɔ, ꞌlotʋꞌa ꞌꞌnynuu-a, -a ꞌke ꞌgbʋʋ! A ku ꞌꞌyriti ꞌbho -Lagɔꞌɔ -jeyi! A popo ꞌkpɩ ꞌꞌyi! A -plɛ -naagɩ -lue ꞌmʋ! A kpʋkpʋn ti! -Bho a nʋ kpli ꞌmnɩ, -Lagɔ -kmaꞌa -aꞌba dɩ ꞌle -ɔ ꞌꞌnyɩꞌa -amʋ -pɔlʋꞌa bhlubhlua, ꞌꞌlemnɩɩ ɔ-ɔ ꞌsie-e amʋ gbo.

Efɛɛzɩkɔmʋ 6:10

-Yɛ -sieꞌa ꞌbho ꞌɩn ꞌka amʋ ꞌtmʋʋ a, ꞌɩnnɛ ꞌmo-o, a-bʋ -ke -aꞌba -Kɔyi ꞌꞌsisriꞌa ꞌꞌyi, a ꞌꞌtayi ꞌɔ wɔnkuɛklagba ꞌꞌyiti ɛ ꞌke amʋ ꞌkpɩ ꞌꞌnyɩ ꞌle a ꞌke ꞌmʋtikuku!

Filiipʋkɔmʋ 3:3

A -gblee, -a-bʋ ꞌꞌduꞌo -Lagɔꞌɔ nyʋzɩgɩ, -ɛkedɩmaa, *ꞌɔ Lisaazuzu -a ꞌbhleꞌe ꞌmʋ ꞌle -a bʋbɔ ꞌnɔ -ka -zɛgɛka. Ɩ-bɩ bhebhelɩ ʋ-bʋ nyʋ ꞌmnʋ-ʋ ꞌpɛɛꞌɛ ꞌmʋ, ꞌle ʋn-ʋ muꞌa ꞌnynɩ, ɩbɩ ꞌmnɩ -abʋ se ꞌbhɛɛ -a ꞌke ɩ ꞌmʋꞌpɛɛ. Zezii *Kliisɩ -Lagɔ -zi -nɩꞌa ꞌmʋ ꞌle ɔ ꞌyeꞌa -amʋ ꞌꞌyisrɛɛmʋ po ꞌbho ꞌɔ ꞌꞌyigbeyi, Zezii ꞌmnɔꞌɔ ꞌnynɩ -a ꞌbhɛɛꞌɛ ꞌꞌyi tenyɩ. ꞌƐ dɩ, -a-bʋ ꞌꞌduꞌo -Lagɔꞌɔ nyʋzɩgɩ.

Filiipʋkɔmʋ 4:4

-Ka a -ke -aꞌba -Kɔyi Zezii ꞌꞌsisriꞌa ꞌꞌyi, a li ꞌna ꞌɛ ꞌbʋbʋa ꞌꞌkɔmʋ! ꞌƖn-ɩ ꞌmu-o ꞌbho le, ꞌɩn na: A li ꞌbʋbʋa ꞌꞌkɔmʋ!

Filiipʋkɔmʋ 4:8

ꞌLotʋꞌa ꞌꞌnynuu-a, lɛ ꞌɩn ꞌka amʋ ꞌtmʋʋ a, ꞌɩn na, lɩ -ke dɩ a ꞌka zi, ꞌɩnnɩ ꞌka-a: Lɩ-ɩ ꞌma-a -ziadɩ, -ɩ -ke dɩlɩkpʋɛn-ɛ naꞌa a, -ɩ ꞌsrɛɛꞌɛ ꞌꞌyi, -ɩ -nmɔꞌɔ ꞌꞌyrili, -yɩ, -bho a nʋ a, ꞌle nyʋ -seeꞌa ꞌbho aꞌba da ꞌꞌdu yi, ꞌle -ɩ -seeꞌa aꞌba ꞌnynɩ wɔn-nyni yi, ꞌɩnnɩ ꞌmo-o, lɛꞌꞌo lɛ-ɛ ꞌma-a -zɛgɛ, -ɩ -nmɔꞌɔ ꞌꞌyrili tenyɩ. ꞌYa dɩ a ꞌke zi ꞌle a ꞌke ɩ nʋ.

1 Tesalonikɩkɔmʋ 4:1

ꞌBho ꞌɛ lemʋ a, ꞌlotʋꞌa ꞌꞌnynuu-a, kpli a ꞌka ꞌmʋ-na -nɩ ꞌle ɩ ꞌka -Lagɔ ꞌtʋ nʋ, -a -tɔ ꞌnɩ amʋ-ɛ -zɔtɩzɔ. -Aꞌba -tɔtɔlɩ ꞌmnɩ, -a ꞌde-e ꞌꞌgwli a -de ꞌnɩ-ɩ ꞌmʋ ti -ziaka. ꞌTraamʋ ꞌtɔ ɔ, -aꞌba -Kɔyi *Zeziiꞌa ꞌnynɩ ꞌmʋ -a cɛꞌɛ amʋ ꞌgbɛ kwa ꞌmʋ, ɩ-bɩ kplizɩgɩ a-a nʋꞌa, a ꞌke ɩ ꞌꞌlru-mu ꞌle ɩ ꞌke ꞌꞌkpiꞌkpa.

1 Tesalonikɩkɔmʋ 5:16

A ꞌbhle ꞌbʋbʋa ꞌli ꞌꞌkɔmʋ,

Zaakɩ 1:2

ꞌAn ꞌlotʋꞌa ꞌꞌnynuu-a, lɛꞌꞌo lɛ-ɛ yaꞌa nyɔ ꞌkleyeɛɛ -bodɩ, -bho ɛ bhla amʋ ꞌꞌkpi a, a li ꞌbʋbʋa!

1 ꞌPiɛlɩ 3:8

A -gblee, ꞌan ꞌlotʋꞌa ꞌꞌnynuu-a, a -plɛ -pɔlʋ ꞌmʋ ꞌwee! A *-Bozeziiꞌa nyɔ ꞌcnaa amʋ ku ꞌꞌyi! A -kma ꞌɔ dɩ! Aꞌba ꞌlimʋ -nmɔ wɔn ꞌbho ɔ ꞌꞌkpi! A -ya aꞌba ꞌꞌbhi ꞌzɔ!

1 ꞌPiɛlɩ 4:13

-Bho a -ka ꞌkle-e ꞌye a, a ꞌwa-a ti, -ɛkedɩmaa, *Zezii *Kliisɩꞌa sɩasɩaa-a -nɩ ꞌka, ꞌɩnnɛ a -ke ɔ-ɔ ꞌgbleꞌe ꞌmʋ. -Bho a nʋ -kaa a, ꞌꞌlemnɩɩ, -nɔɔ -ke ti nyʋ-ʋ ꞌyeꞌa ꞌɔ ꞌnynɩꞌa ꞌꞌyibhɛɛɛ liꞌye mʋ, a-a ꞌli-e ꞌbʋbʋaklagba.

2 ꞌPiɛlɩ 3:1

ꞌAn dɩkmalotʋꞌa ꞌꞌnynuu-a, ꞌꞌbɔgʋ ꞌɩn poꞌa amʋ -jeyi, ꞌɛ ꞌsɔnnɛ ꞌka-a! ꞌLe ꞌya ꞌlimʋ, lɩ a yiboꞌa see, ꞌbho ꞌya ꞌꞌkpi ꞌɩn-ɩ zaꞌa amʋ -pɔlʋ ꞌꞌyiglu ꞌle a ꞌke ꞌya dɩ ꞌgwlʋtipopo -pɔlʋzɛgɛ ti.