Filiipʋkɔmʋ 2:6 - Nyaboa (Nyabwa)

⁶ A -gblee, -ka -Lagɔ ꞌbhɛꞌɛ ꞌꞌyi ꞌle ɔ -kɔꞌɔ lɩ ꞌwee, -ka -lue ꞌmnɔ ꞌka-a ɔ -nɩꞌo -lrɛɛ. Ɛ -nɩꞌa -kaa ꞌmʋ a, ɔ -see tiꞌbɔ ɔ ꞌke ꞌbɩklagba ꞌmnɛ ꞌꞌsrii klapaa,

Filiipʋkɔmʋ 2:6 Cross References

Matiee 1:23

ꞌNynaakpʋdraa-a seꞌa nyukpasu yibo tukutuku, ʋn-ʋ ꞌye-e -nɩgblaa ꞌbhle -mʋ, ꞌle, ꞌꞌyu ʋn-ʋ ꞌyeꞌa ꞌwlʋ mʋ a, ʋn ꞌke ɔ Emanuɛlɩ ꞌla. ꞌƐ ꞌzɔ-ɔ ꞌmo-o: -A -ke -Lagɔ -naꞌo.

ꞌZaan 1:18

-Bho ɛ -se -mnɛɛ ɛ, nyɔ -see -bhla -Lagɔ liꞌye ke. Ɛ -nɩꞌa -kaa ꞌmʋ a, ꞌɔ ꞌꞌyuꞌa ꞌdɛ -lue-e ꞌma-a ꞌɔ ꞌꞌbhuo -lrɛɛ ɛ, -ɔ -ke ɔ ꞌꞌsisriꞌa ꞌꞌyi ꞌꞌkɔmʋkɔmʋ a, ꞌɩnnɔ -tɔ ꞌnɩ -amʋ.

ꞌZaan 10:30

A -gblee, ꞌɩn -ke -Lagɔ-ɔ ꞌꞌsisriꞌe-e ꞌꞌyi, ꞌɩn -ke ɔ-ɔ naꞌo, ꞌle, -ka ɔ -nɩꞌa ꞌtɩn, ꞌɩn -nɩꞌe -kaa.

ꞌZaan 10:33

ꞌLe ʋn na ɔ -bodɩ: -A ꞌnaa-a -Lagɔꞌɔ ꞌnynɩ ꞌꞌyiꞌa kamʋ -a ꞌbɔꞌɔ ti -a ꞌke -ɩnmʋ ꞌlbha. Ɛ -se -aꞌa wɔnkulɩꞌa dɩ -ko. -Ɩn ꞌmo-o nyunyɔkpɩan ꞌle -a ꞌlaꞌa -aꞌa ꞌꞌbhuo -Lagɔ. ꞌKla se ꞌꞌyrili-nmɔ!

ꞌZaan 10:38

Ɛ -nɩꞌa -kaa ꞌmʋ a, ꞌɩn-ɩ nʋ -ɩꞌo ꞌle aꞌba deꞌe ꞌtɔ ꞌɩnmʋ ꞌꞌgwliꞌa dɩ, ɩ-bɩ wɔnkulɩ ꞌmnɩ, a de ɩ ꞌꞌgwli, ꞌle, -ka ꞌɩn -ke -Lagɔ ꞌꞌsisriꞌa ꞌꞌyi, a ꞌke ɩ yibo ꞌle a ꞌke ɩ ꞌmʋtiꞌwɔn -ka -zɛgɛka.

ꞌZaan 14:28

Wlu ꞌɩn -zaꞌa amʋ -bodɩ ꞌmʋ ꞌtraamʋ, a ꞌwɔnꞌɔ ꞌbɔ, ꞌɩnnɛ ꞌka-a: ꞌƖn na, ꞌɩn-ɩ ꞌmu-o ꞌan -tɩta -Lagɔ gbo le, ꞌle ꞌɩn ꞌke amʋ -bodɩ le yi. A -gblee, ɔ ꞌbhɛ-ɛ ꞌꞌyi tenyɩ, ɔ ꞌye ꞌɩnmʋ -zi. ꞌƐ dɩ, -bho a ꞌwɔn ꞌbɔ na ꞌɩn-ɩ ꞌmu -ɔ gbo a, -bho a -kma ꞌkɩ ꞌan dɩ -ziaka, a-a li ꞌko-o ꞌbʋbʋa.

ꞌZaan 14:9

ꞌLe ɔ na: Filiipʋ, ꞌɩn -ke a -gwleꞌe-e -nanamʋ, leedɩ -ɩn se ꞌɩnmʋ yiboꞌa? Leedɩ -a nʋꞌo ꞌɩn -tɔ nɔ amʋ ꞌꞌyiꞌa? Nyɔ -yɔ ꞌyeꞌa ꞌɩnmʋ a, ɔ ꞌye -ɔꞌo -lrɛɛ.

ꞌZaan 17:5

ꞌTraamʋ ꞌtɔ ɔ, ꞌan -tɩta, ꞌɩn-ɩ ꞌyi-e -ɩnmʋ gbo le. -Da -ɩn ꞌka lɩ ꞌwee ti-ya a, -ka ꞌan ꞌnynɩ ꞌbhɛꞌɛ ꞌꞌyi ꞌbho -aꞌa ꞌꞌtroli, ꞌbhɛɛ nɛ -kaa ꞌꞌyi -lrɛɛ!

ꞌZaan 20:28

ꞌLe ɔ na: ꞌAn -Kɔyi -Lagɔ!

ꞌZaan 5:18

A -gblee, ꞌɔ wlu ꞌmnɛꞌɛ dɩ, ꞌZuifʋꞌa -klɩgbɩ-ɩ ꞌbɔꞌɔ ti tenyɩ, ʋn ꞌke ɔ ꞌlbha, ɔ ꞌke ꞌmɛ. -Ɛkedɩmaa, ɛ -se ꞌwa lifɔzɔ ꞌꞌkpiꞌa gbaꞌa ꞌꞌsɛ, ɔ cɛ ꞌmʋ ꞌnɩ -ko. Ɔ na -Lagɔ ꞌmo-o ꞌɔ ꞌꞌyiglɛtɩta; ꞌɛ lɛtu -tɔꞌo -ka ɔ -ke -Lagɔ ꞌbhɛɛꞌɛ ꞌmʋ.

ꞌZaan 5:23

ꞌle, -ka nyʋ ꞌwee-e ꞌꞌduꞌa ꞌbho ꞌan -tɩta -Lagɔ, ʋn ꞌke -kaa ꞌbho ꞌɩnmʋ ꞌꞌdu. Nyɔ -yɔ -seeꞌa tiꞌbɔ, ɔ ꞌke ꞌbho ꞌɩnmʋ ꞌꞌdu a, ꞌan -tɩta -Lagɔ lbhoꞌa ꞌɩnmʋ, ꞌɩnnɔ ɔ -see tiꞌbɔ ɔ ꞌke ꞌbho ꞌꞌdu -lrɛɛ.

ꞌWlɔmʋkɔmʋ 9:5

A -gblee, -tanyɩnyʋ -ke -Lagɔ bhlaꞌa -ybhɛybhɛtite, ꞌwa ꞌꞌnynuuꞌa ꞌꞌnynuu ʋn ꞌꞌduꞌo, ꞌle ꞌwa ꞌꞌklumʋ Kliisɩ ꞌwlʋ -nɩꞌo, ꞌle ɔ ꞌꞌsiꞌe ꞌbho, ɔ ꞌꞌduꞌo -Lagɔ, ꞌɩnnɔ -nɩꞌe lɩ ꞌwee ꞌꞌkpi, ꞌɔ ꞌnynɩ -nɩꞌe-e ꞌꞌyibhɛɛka ꞌꞌkɔmʋ. ꞌKa-a ɛ -nɩꞌe ꞌmʋ!

2 Kɔlɛɛtɩkɔmʋ 4:4

ꞌWa ꞌwɩn ɩ ꞌmʋti, -ɛkedɩmaa, nyʋ-ʋ seꞌa Zezii ꞌꞌgwlide, ꞌꞌnyinynidɩꞌa tiyayi *Sataan ꞌma-a ꞌwa -kɔyi, ꞌɩnnɛ ꞌꞌkplekuꞌo ꞌwa -pɔlʋ ꞌle ʋn -kɩɩ ɩ -ziadɩ ꞌla ꞌle ʋn -kɩɩ ɩ ꞌwɔɔn. -Ka Zezii *Kliisɩ ꞌmnɔꞌɔ ꞌnynɩ ꞌbhɛꞌɛ ꞌꞌyi, ɩ-bɩ ꞌɛ ꞌꞌdɩzɩgɩ ꞌmnɩ-ɩ ꞌka ꞌle ꞌwa -pɔlʋ ꞌzɔ zɔ -ya, ɛ -see tiꞌbɔ ʋn ꞌke ɩ ꞌmʋtiꞌwɔn. Ɔ-bɔ Zezii Kliisɩ ꞌmnɔ ɔ, ɔ -ke -Lagɔ -plɛꞌɛ-ɛ -dedekpli ꞌmʋ.

2 Kɔlɛɛtɩkɔmʋ 8:9

A -gblee, -ka -aꞌba -Kɔyi Zezii *Kliisɩ -kmaꞌa aꞌba dɩ, aꞌba ꞌꞌbhi yiboꞌo-o -kaa: -Lagɔ -ke ꞌnynɩ-ɩ ꞌbhɛꞌɛ ꞌꞌyi, ꞌbho ꞌɔ ꞌꞌtroli ɔ ꞌwlʋꞌo ꞌle yaku ꞌli, ꞌle ɔ ꞌye nyunyɔku ꞌmʋꞌꞌluo, ɔ ꞌye ꞌnɔɔ ꞌkmʋ ꞌmʋ yi ꞌle nyʋ ꞌye ɔ ꞌlbha, ɔ ꞌye ꞌmɛ aꞌba dɩ. Ɔ ꞌwɔɔnꞌo ʋn ꞌye ɔ kpli ꞌmnɩ ꞌꞌlrulinʋ, ꞌle a -ke ɔ ꞌke ꞌnynɩꞌa ꞌꞌyibhɛɛɛ ꞌmʋ-plɛ.

1 Timotee 1:17

Ooo! ꞌꞌKɔgwlɛyi, -ɩnmɔ -kɔꞌɔ lɩ ꞌwee a, -ɩnmɔ ꞌꞌyriꞌa ꞌyeꞌa li, -ɩn -nɩ -lue ꞌtɩn, -ɩnmɔ ꞌmo-o -Lagɔ, -aꞌa ꞌnynɩ ꞌbhɛ ꞌꞌyi ꞌꞌkɔmʋ! *Ɩ -nɩ -kaa ꞌmʋ!

1 Timotee 3:16

Ɩ-bɩ -ziadɩ ꞌmnɩ, -Lagɔꞌɔ ꞌꞌbhuo ꞌpo -ɩ ꞌꞌpiemʋ ti, ꞌle, -ka nyɔ ꞌka ꞌbho -Lagɔjeyi -na, ɩ-ɩ tɔꞌɔ -amʋ -kaa. -Ɩn ꞌye li-ɔ, ꞌɛ wlutu -tɛꞌɛ ꞌmʋ-ɛ ꞌle nyɔ se ꞌbhɛɛ ɔ ꞌke ɛ ꞌꞌyidepo -nɩ. Ɛ-bɛ wlu ꞌmnɛ, Kliisɩꞌa ꞌꞌkpidɩ ɛ-ɛ zaꞌa ꞌmʋ, ꞌle ɛ na: Ɔ -yiꞌe-e nyunyɔ ꞌmʋ; -ka ɔ ꞌsrɛɛꞌɛ ꞌꞌyi, *-Lagɔꞌɔ Lisaazuzu -tɔ nɛꞌo. -Lagɔ gboꞌa -dalbhomʋ ꞌye -ɔꞌo ꞌle -Lagɔ ꞌye ɔ ꞌle yaku ꞌli ꞌla ꞌbho ꞌɔ ꞌꞌtroli ꞌle ꞌɔ ꞌnynɩꞌa ꞌꞌyibhɛɛɛ ꞌmʋ. ꞌBho ꞌɛ lemʋ, ꞌbhlɩkpɩ ꞌwee ꞌwɔn-ɔ ꞌɔ ꞌꞌdɩzɩgɩ ꞌbɔ ꞌle ꞌnɔɔ ꞌkmʋ ꞌmʋꞌa nyʋtɔlʋ ꞌye ɔ ꞌꞌgwlide.

Tiitɩ 2:13

-Nɔɔ -ke ti -a -nɩꞌa -bhla ꞌbʋbʋaꞌa zɔ wɔnfuonamʋ, -a nʋ -kaa, -ɛkedɩmaa, -a yiboꞌo-o -aꞌba *ꞌPʋʋnyi *Zezii *Kliisɩ ꞌmo-o -aꞌba -Lagɔklagba. ꞌƖnnɔ ꞌye le -yi mʋ ꞌle ꞌɔ ꞌnynɩꞌa ꞌꞌyibhɛɛɛ ꞌmʋ.

Eblee 1:3

-Ka -Lagɔꞌɔ ꞌnynɩ ꞌbhɛꞌɛ ꞌꞌyi, ꞌle ɔ ꞌmʋ nyɔ-ɔ ꞌye -nɩ ꞌnɛ li, ꞌle ʋn -nɩ ꞌsɔn -plɛꞌɛ -dedekpli ꞌmʋ. ꞌƆ wlu ꞌku-o wɔn. Lɩ -Lagɔ -yaꞌa ti, ɛ-bɛ ꞌɔ wɔnkuwlu ꞌmnɛ, ꞌɩnnɛ ɔ -kpʋn -nɩ ꞌnɩ ti. ꞌꞌNyinynidɩ nyʋ nʋꞌa ꞌbho -Lagɔꞌɔ ꞌꞌyigbeyi, ꞌɩnnɔ zetieꞌe ꞌwa -dadudu ꞌle ɩ ꞌmʋ ꞌle ʋn ꞌke *liꞌsaa. Ɔ nʋꞌa -kaa a, ꞌle, -Lagɔ kuꞌa wɔn, -ɔ ziꞌa lɩ ꞌwee, ɔ ꞌye ꞌbho ꞌɔ ꞌꞌtroli mu ꞌle yaku ꞌli, ꞌle ɔ -ke ɔ -kɔꞌɔ lɩ.

Eblee 1:6

ꞌBho ꞌɛ lemʋ, ɔ-bɔ ꞌɔ ꞌꞌyu-u ꞌma-a lɩ ꞌweeꞌa ꞌbhleyi, -da ɔ -nɩ ꞌɔ ꞌnɔɔ ꞌkmʋ ꞌmʋ -yanamʋ, ꞌle ɔ ꞌye dɩ -lrɩɩ ꞌmʋ-za ꞌbho ꞌɔ ꞌꞌkpi ꞌle ɔ na: A-bʋ ꞌma-a ꞌan gboꞌa -dalbhomʋ, aꞌba klɛ, a bʋbɔ nɔ!

Eblee 1:8

A -gblee, -yɛ ꞌma-a ꞌɔ ꞌꞌyuꞌa damʋ, ɩ ꞌcnɩ-ɛꞌo na: -Ɩnmɔ ꞌmo-o -Lagɔ. -Aꞌa lɩꞌa -kɔkɔɔ -see ꞌꞌtiinamʋ ꞌbhle yi. -Aꞌa nyʋꞌa -kɔkɔɔ ꞌsrɛɛꞌɛ-ɛ ꞌꞌyi.

Eblee 13:8

A -gblee, -ka -aꞌba -Kɔyi *Zezii *Kliisɩ ꞌꞌduꞌa *nyʋꞌa ꞌpʋʋnyi -bɛnyɩ, ꞌka-a ɔ -nɩꞌe ꞌtraamʋ -bhla ꞌle ɔ-ɔ ꞌye -kaa -nɩ mʋ ꞌꞌkɔgwlɛka. Ɔ -see ꞌꞌyizizia yi.

ꞌꞌDukuyrilizadɩ 21:6

Ɔ -zɩ ꞌɩ -kaa ꞌmʋ a, ꞌle ɔ ꞌye ꞌbho wlu -lrɛɛ ꞌꞌdu ꞌle ɔ na: Ɛ -gwɛ ꞌꞌyi-ɔ! ꞌƖnmɔ ꞌmo-o ꞌꞌKɔgwlɛlagɔ. ꞌƖnmɔ -yaꞌa lɛꞌꞌo lɛ ti, ꞌɩnmɔ ꞌbhleꞌe ꞌɛ tisɔɛꞌɛ ꞌkpʋ kwa. Nyɔ-ɔ ꞌbɔꞌɔ ꞌɩnmʋ ti ꞌɔ -pɔlʋꞌa klɛ ti, tinɩɛzɛgɛ-ɛ seꞌa ꞌꞌtiinamʋ ꞌbhle, ꞌɩnnɛ ꞌɩn-ɩ ꞌye ɔ ꞌꞌnyɩ mʋ -gblokoo, ꞌle ꞌɔ ꞌgwlʋ ꞌke ꞌwɔn.