Filiipʋkɔmʋ 2:3 - Nyaboa (Nyabwa)

³ ꞌLe aꞌba nʋnʋkpli ꞌmʋ, aꞌba zi aꞌba ꞌꞌbhiꞌa ꞌꞌsɛꞌɛ dɩ -le, aꞌba ꞌbhɛɛ aꞌba ꞌꞌbhi ꞌꞌyi -le! Lɛ a ꞌka nʋ a, ꞌɩnnɛ ꞌmo-o, a -ya aꞌba ꞌꞌbhi ꞌzɔ, ꞌle a ꞌke a -bonyunyu ꞌꞌyiꞌbhɛɛ, ɛ ꞌke aꞌba ꞌꞌbhi -zi.

Filiipʋkɔmʋ 2:3 Cross References

Luukɩ 18:14

ꞌLe Zezii ꞌye -kaa ꞌlɛ -lrɛɛ: ꞌƖn-ɩ ꞌtmʋʋꞌo amʋ-ɛ, ɔ-bɔ lapoozayi ꞌka ꞌɔ ꞌꞌbhli mu a, -Lagɔ ꞌbhɔ-ɔ ꞌɔ ꞌꞌnyinynidɩꞌa dɩ. ꞌBho Faliziɛɛnꞌɛ damʋ, ɔ -see ꞌɔ nɩꞌa dɩ ꞌbhɔ, -ɛkedɩmaa, nyɔ-ɔ ꞌbhɛɛꞌɛ ꞌɔ ꞌꞌbhuo ꞌꞌyi, -Lagɔ-ɔ ꞌyɔ -ɔ ꞌzɔ, ꞌle nyɔ -yɔ yɔꞌɔ ꞌɔ ꞌꞌbhuo ya, ꞌle -Lagɔ-ɔ ꞌbhɛɛ ꞌnɔ ꞌꞌyi.

ꞌWlɔmʋkɔmʋ 12:10

A kɩkma -kɩkma dɩ ꞌle aꞌba -pɔlʋꞌa klɛ ti! A ꞌꞌdudu ꞌbho, aꞌba ꞌnyɩnyɛ ꞌmʋ -le!

ꞌWlɔmʋkɔmʋ 13:13

Zɔ Zezii -yaꞌa ꞌle -aꞌba -pɔlʋ ꞌzɔ -lue -lue, ꞌle -a ꞌke ꞌꞌyrilinmɔdɩ nʋ, -a -de ꞌle ɛ ꞌmʋ ti -ka -zɛgɛka! -Aꞌba -de ꞌtɔ ꞌꞌnyinynidɩꞌa nʋnʋkpli ꞌli ti -le! Liliaꞌa zi -amʋ -le, nmɔnɛɛɛꞌɛ zi -amʋ -le! -Aꞌba ꞌꞌwɩlɩ -le! -Aꞌba ꞌꞌtayi jɛjɛɛ -ke ꞌꞌmʋnynɩ ꞌꞌyiti, ꞌya jri ꞌle -amʋ -le!

ꞌWlɔmʋkɔmʋ 2:8

ꞌLe nyʋ-ʋ ꞌbɔꞌɔ ꞌwa ꞌꞌbhiꞌa -zɛgɛꞌɛ ꞌꞌsɛ ti, ꞌwa ꞌwɔn ʋn ꞌke -ziadɩ ꞌbɩ -na a, ꞌle ʋn-ʋ pleꞌa ꞌꞌnyinynidɩ kli, -Lagɔ -see ꞌwa ngaze ꞌye yi. ꞌƆ ꞌcɛkʋta -nɩ ꞌnʋ-ʋ ꞌꞌkpi.

1 Kɔlɛɛtɩkɔmʋ 15:9

A -gblee, ꞌle ꞌɔ -dalbhomʋ ꞌweeꞌa ꞌꞌklumʋ, ꞌɔ -dalbhoyiꞌa ꞌnynɩꞌa ꞌꞌcokonu -gbɛ ꞌɩn ꞌbhleꞌe ꞌꞌkpi. ꞌƖn se ꞌꞌyiti-nmɔ ʋn ꞌke ꞌɩnmʋ ɛ-bɛ ꞌnynɩ ꞌmnɛꞌɛ ꞌꞌbhuo ꞌmʋ ꞌla -nɩ, -ɛkedɩmaa, nyʋ -Lagɔ -kɔꞌɔ -ʋ ꞌma-a Zeziiꞌa -glɩgbawɔnyiꞌa nyʋ, ꞌɩnnʋ ꞌɩn klaꞌa nyanɩ ꞌmʋ.

1 Kɔlɛɛtɩkɔmʋ 3:3

-Ɛkedɩmaa, aꞌba ꞌꞌbhiꞌa nyunyɔnaagɩ-ɩ ꞌpɩple-e amʋ ꞌꞌkpi. ꞌƖnnɛ -yaꞌa ꞌꞌmʋnynɩ ꞌbho aꞌba ꞌꞌklumʋ, ꞌle a-a jɛꞌo. Nyunyɔnaagɩ ꞌꞌyi-e amʋ ꞌmʋ -ziaka. Kpli a -nɩꞌa ti, ɩ -ke nyʋ-ʋ seꞌa *-Lagɔꞌɔ Lisaazuzu ꞌmʋꞌbhleꞌa nɩ gʋgɔꞌo.

2 Kɔlɛɛtɩkɔmʋ 12:20

Aꞌba nymɔ-ɔ -nɩꞌe ꞌɩnmʋ ꞌgwlʋ ꞌꞌsinamʋ. -Bho ꞌɩn -ka ꞌle amʋ gbo le-e yi, ꞌɩn -see ꞌybha, kpli-i ꞌka ꞌɩnmʋ li-nya, a ꞌke ɩ ꞌmʋ-nɩ. -Bho ɩ -nɩ -kaa ꞌmʋ a, ꞌɩn-ɩ ꞌye-e amʋ dɩ ꞌꞌyi-kpa -mʋ ꞌle ꞌan kpli -see amʋ ꞌtʋ -nʋ yi -lrɛɛ. A ꞌye li-ɔ, ꞌꞌnyinynidɩ ꞌꞌyiꞌa ꞌle nyunyɔꞌɔ -pɔlʋ gbo: jɛjɛɛ o, ꞌꞌmʋnynɩ o, ꞌcɛmnayibhleɛɛ o, limumuɛ o, -bonyunyuꞌa ꞌꞌnyinyniwluꞌa -bodɩ ꞌmʋzɛɛ o, -bonyunyɔꞌɔ cɛcɛɛ o, ꞌꞌjɛꞌɛ ꞌꞌyibhɛɛɛ o, -bho ꞌɩn -ka ꞌle-e yi, ɩ-bɩ ꞌꞌnyinynikpli ꞌmnɩ, a -kɩɩ ɩ ꞌli -nɩꞌa dɩ nymɔ-ɔ ꞌꞌsiꞌe ꞌɩnmʋ ꞌgwlʋ.

Galasiikɔmʋ 5:15

A ꞌꞌdu aꞌba ꞌꞌbhi ꞌꞌyrili! Nmi-i vɔꞌɔ ꞌle ɩ-ɩ ninmuꞌa a, -bho aꞌba kpli -ke ꞌya kpli gʋgɔ ɔ, ꞌꞌlemnɩɩ a-a ꞌye-e ꞌkpɩ ꞌꞌyitiwʋwa -mʋ.

Galasiikɔmʋ 5:26

-Aꞌba ꞌbhɛɛ -aꞌba ꞌꞌbhi ꞌꞌyi -le, -aꞌba tɩtbha -tɩtbha ꞌcɛ -le, -aꞌba nʋnʋ ꞌꞌmʋnynɩ -bodɩ -le!

Efɛɛzɩkɔmʋ 4:2

ꞌKa-a ɛ -nɩꞌe ꞌmʋꞌa dɩ a, a -ya aꞌba ꞌꞌbhi ꞌzɔ ꞌle lɛꞌꞌo lɛ ꞌmʋ ꞌle a ꞌke kpli ꞌmʋ -nmɔ, a ꞌke ꞌꞌgwli-ku ꞌle a ꞌke dɩ kɩkma ꞌle a ꞌke wɔnyiꞌbhɩbhɛ.

Efɛɛzɩkɔmʋ 5:21

A -gblee, a-bʋ -yʋ ꞌꞌduꞌa ꞌbho *Zezii *Kliisɩ, a ꞌyʋyɔɔ -nɩ kwa ꞌle a ꞌke ꞌbho ꞌꞌdudu!

Filiipʋkɔmʋ 2:14

ꞌƖn-ɩ ꞌtmʋʋꞌo amʋ-ɛ, a ꞌꞌdu aꞌba ꞌꞌbhi ꞌꞌyrili, ɩ-bɩ ꞌɔ lbhʋ ꞌwee a-a nʋꞌa a, ꞌle a -kaa ꞌɛ dɩ ꞌzɔtiwluwlu. A nʋ ɩ! Aꞌba -pɔlʋꞌa ꞌgble-ɛ ꞌmʋ -le ꞌle a ꞌke ɩ nʋ -susueyi!

Kolɔsʋkɔmʋ 3:12

A -gblee, ꞌan ꞌlotʋꞌa ꞌꞌnynuu-a, a popo ꞌgwlʋti na -Lagɔ -zaꞌa ꞌbho amʋ-ɛ a ꞌke ꞌɔ nyʋ ꞌꞌdu! Ɔ -kmaꞌa-a aꞌba dɩ -lrɛɛ. ꞌKa-a ɛ -nɩꞌe ꞌmʋꞌa dɩ, a ꞌye nyʋꞌa ngaze, aꞌba ꞌlimʋ -nmɔ wɔn, a -ya aꞌba ꞌꞌbhi ꞌzɔ, a -nmɔ kpli ꞌmʋ ꞌle a ꞌke ꞌꞌgwli-ku!

Kolɔsʋkɔmʋ 3:8

ꞌTraamʋ ꞌtɔ ɔ, ꞌcɛ-e, nyanɩ -ke a -bonyunyuꞌa ꞌnynɩsiɛɛ ꞌꞌnyinynika, a ꞌbhɔ ꞌya dɩ! Wlu-u seꞌa ꞌmʋzaka -nɩ, ꞌɛ ꞌwlʋ ꞌle aꞌba wɔn ꞌmʋ -le!

1 Timotee 6:4

ꞌꞌlemnɩɩ, ꞌɔ nyɔtu-u ꞌbhɛɛ-ɛ ꞌɔ ꞌꞌbhuo ꞌꞌyi ꞌle ɔ se lɛ -lue ꞌtɩn yibo. Lɛ ɔ-ɔ ꞌpɛɛꞌɛ ꞌmʋ, ꞌɩnnɛ ꞌmo-o depowlu. Ɛ kɔɔꞌɔ-ɔ ꞌwɛ ꞌle ɔ ꞌmʋ ꞌle ɔ-ɔ jɛꞌo. ꞌYa lɩtu -dieꞌe-e ꞌꞌyi, ꞌle, ꞌya dɩ, nyʋ-ʋ po ꞌɔ wlu -lokui, ɔ-ɔ zaꞌa ꞌꞌmʋnynɩ ꞌꞌyiglu ꞌle ꞌwa -pɔlʋ ꞌzɔ, ʋn-ʋ vɔꞌɔ, ʋn-ʋ ꞌꞌjreeꞌe nyʋ, ʋn-ʋ popoꞌo ꞌwa -bonyunyu ꞌꞌkpi ꞌꞌnyinynika ꞌgwlʋti,

1 ꞌPiɛlɩ 3:8

A -gblee, ꞌan ꞌlotʋꞌa ꞌꞌnynuu-a, a -plɛ -pɔlʋ ꞌmʋ ꞌwee! A *-Bozeziiꞌa nyɔ ꞌcnaa amʋ ku ꞌꞌyi! A -kma ꞌɔ dɩ! Aꞌba ꞌlimʋ -nmɔ wɔn ꞌbho ɔ ꞌꞌkpi! A -ya aꞌba ꞌꞌbhi ꞌzɔ!

1 ꞌPiɛlɩ 5:5

-Ka -lue ꞌmnɔ ɔ, ꞌbhʋabhʋayreetɩ-a, a ꞌꞌdu -kaa ꞌbho aꞌba -klɩgbɩ! A -ke ʋn bhete gbo, a ꞌke aꞌba ꞌꞌbhi ꞌzɔ -ya ꞌle a ꞌke kpʋkpa! A -gblee, ɩ ꞌcnɩ-ɛꞌɛ-ɛ ꞌle -Lagɔꞌɔ ꞌꞌbɔgʋ ꞌli, na: Nyʋ-ʋ ꞌbhɛɛꞌɛ ꞌwa ꞌꞌbhi ꞌꞌyi, -Lagɔꞌɔ -gbʋ nʋ ya. Ɛ -nɩꞌa -kaa ꞌmʋ a, nyʋ-ʋ yaꞌa ꞌwa ꞌꞌbhi ꞌzɔ ꞌbho ꞌɔ ꞌꞌyigbeyi, ɔ-ɔ kpa nʋ-oꞌo.