Filiipʋkɔmʋ 2:27 - Nyaboa (Nyabwa)

²⁷ Kɩn! ꞌWɛ ꞌkpʋn -ɔꞌo -ziaka. Ɔ ꞌꞌtaflɛꞌɛ-ɛ ꞌmɛmɛɛ ꞌle -Lagɔ ꞌye ɔ ngaze ꞌye ꞌle ɔ ꞌye ꞌpʋn. Ɛ -se ꞌɔ ꞌꞌsɛꞌɛ dɩ -ko. -Bho ɔ -see ꞌmɛ, ꞌmna-aꞌa ngaze -Lagɔ ꞌyeꞌo -lrɛɛ, ꞌle ꞌɔ ꞌmɛmɛɛ -kaa ꞌan ꞌkleyeɛɛ ꞌꞌkpi po.

Filiipʋkɔmʋ 2:27 Cross References

Nʋnʋkpli 9:37

Ɛ-bɛ -nɔɔ ꞌmnɛ ti a, ꞌwɛ kpʋn -ʋꞌo ꞌle ʋn ꞌye ꞌmɛ, ꞌle ʋn ꞌye ꞌwa ꞌꞌku -lre. Ʋn gwɛꞌɛ ꞌwa ꞌꞌkuꞌa -lrelrea ꞌꞌyi a, ꞌle ʋn ꞌye ʋ ꞌle yayibuduꞌa ꞌꞌyu -lue ꞌli ꞌꞌdu.

1 Kɔlɛɛtɩkɔmʋ 10:13

A -gblee, tidɩnlɩ ꞌwee yiꞌa amʋ -bodɩ ꞌle ɩ ꞌyeꞌa -zɩan ꞌꞌkpi bhla, ꞌya lɩtu-u ꞌyi-e nyunyu ꞌwee -bodɩ ꞌle ʋn ꞌbhɛɛꞌo ʋn ꞌke ɩ wɔnyiꞌbhɛɛ, -ɛkedɩmaa, -Lagɔꞌɔ ꞌꞌbhuo ꞌnʋ-o na ɔ -ke -a ꞌke -na ꞌꞌkɔmʋ. ꞌKa-a ɔ ꞌke nʋ ꞌle tidɩnlɩ -ke ꞌmʋ ɔ ꞌka -amʋ kwa gbo -za -nɩ, ɩ se -nɩ. ꞌƐ dɩ tidɩnlɩ ꞌyeꞌa amʋ ꞌꞌkpi -bhla mʋ -bhla a, -yɩ a seꞌa wɔnyiꞌbhɛɛ yi a, ꞌya -kaabolɩ -see -nʋ-ɛ yi, ꞌle ꞌya ꞌmʋ ꞌɔ ꞌꞌbhuo-o ꞌye amʋ ꞌkpɩ ꞌmʋ -po mʋ ꞌle a ꞌke ɩ wɔnyiꞌbhɛɛ. ꞌKa-a ɛ -nɩꞌe ꞌmʋꞌa dɩ, -da ꞌya lɩtu-u ꞌyeꞌa amʋ ꞌꞌkpi -bhla -nɩ mʋ, -ka a ꞌka -nyna ꞌle a ꞌke ɩ wɔn ꞌmʋ cɛ ɛ, ꞌle a ꞌke ꞌna yibo.

2 Kɔlɛɛtɩkɔmʋ 2:7

ꞌTraamʋ ꞌtɔ ɔ, ɔ yiboꞌo-o ꞌɔ ꞌꞌnyinynidɩ ꞌꞌyi ꞌle ɔ ꞌye -Lagɔ gbo ꞌꞌbhitiꞌa dɩ, a ꞌbhɔ ꞌɔ ꞌꞌnyinynidɩꞌa dɩ ꞌle a ꞌke ɔ ꞌkpa ꞌꞌyi po! -Bho ɛ -se -mnɛɛ ɛ, ꞌkpɩ-ɩ wa ꞌnɔ-ɔ ꞌꞌyiti tenyɩ.

Filiipʋkɔmʋ 2:26

A -gblee, -nɔɔ -lrɛɛ gbɛ ꞌli a ꞌwɔn-ɔ ꞌbɔ na ꞌɔ ꞌꞌlru ꞌbhatiꞌo tenyɩ. -Ka ꞌɔ ꞌꞌlrubhatiwlu nyniꞌa ꞌle amʋ gbo, ɔbɔ-ɔꞌɔ ꞌꞌbhuo yiboꞌo-o ꞌnaꞌa dɩ, ɔ -kaaa ꞌtraamʋ ꞌꞌlrubhatibhlʋkpa ꞌꞌyi-i ꞌwlʋ a, ꞌɔ -pɔlʋ -see bhlu ke. Ɔ-ɔ ꞌbɔ-ɔ ti ɔ ꞌke ꞌle a gbo le yi ɔ ꞌke amʋ -pɔlʋ ꞌꞌkpi zɩza.

Filiipʋkɔmʋ 2:28

ꞌƐ kamʋ ꞌɩn-ɩ ꞌꞌtɩtraꞌa li ꞌɩn ꞌke ɔ -jolʋ ꞌꞌnyɩ, ꞌle, -bho ɔ nyni ꞌle a gbo ꞌle a ꞌke ɔ ꞌye a, ꞌbʋbʋa ꞌke amʋ ꞌlbha ꞌle aꞌba -pɔlʋ ꞌke bhlu. -Bho ɛ -nɩ -kaa a, ꞌmna-aꞌa ꞌgwlʋtipopoɛ ꞌbho aꞌba ꞌꞌkpi, ɛ ꞌke ꞌꞌkpi-cɛ -lrɛɛ.

Filiipʋkɔmʋ 2:30

A ꞌye li-ɔ, Zezii Kliisɩꞌa lbhʋ ꞌbhle-e ꞌnynɩꞌa dɩ ɔ ꞌꞌtaflɛꞌɛ ꞌmɛmɛɛ. Aꞌba ꞌꞌbhi se ꞌbhɛɛ a ꞌke ꞌbho ꞌɩn gbo yi a ꞌke ꞌɩnmʋ -kpaꞌa dɩ, ɔbɔ ꞌmnɔ, ɔ -see ꞌɔ ꞌꞌbhuoꞌa tinɩɛꞌɛ dɩ zi ꞌle ɔ ꞌye ꞌbho ꞌɩn gbo yi, ɔ ꞌye ꞌɩnmʋ -kpa ꞌbho aꞌba ꞌbɩ ꞌmʋ.